Hechos 10:1 - TÄ̧DO Ä̧CUÄ̧ I̧HUȨNȨ

¹ Cesarea ötahuiyänä ki̧nö̧do ya̧tȩ Cornelio pä'ö mi̧cua̧. Ja̧u̧mä̧ cien jo̧mȩnä̧ su̧ro̧da̧u̧ ttu̧ru̧hua̧ pi̧nö̧do. Jahuätö Italiattö guardia pi̧nä̧tö̧do.

Nuevo Testamento Uwotjüja

¹ Ya̧tȩ kki̧nü̧, Cornelio pä'ü mi̧kua̧ Cesarea ütawiyänä̧, su̧ro̧do̧u̧ ttu̧ru̧wa̧ ciȩnü̧ wotü su̧ro̧do̧u̧ ttu̧ru̧wa̧ «Itariana» pä̧ttä̧u̧.

Hechos 10:1 ပူးပေါင်းရင်းမြစ်များ

San Mateo 27:27

Ru̧hua̧ Pilato ja̧'hua̧nö̧ hueomenä, su̧ro̧da̧u̧ ko̧ro̧ca̧ra̧'a̧cu̧ do'ädächinätödo Jesúsru. Su̧ro̧da̧u̧ recuätö ca̧ca̧cui̧pi̧nä̧tö̧do Jesús ö̧jo̧mȩ.

San Mateo 27:54

Juhuorö'inä Jesús 'corupäi'omenä, su̧ro̧da̧u̧ ttu̧ru̧hua̧cu̧, Jesúsru tta̧'ä̧rä̧tö̧cu̧ ja̧u̧ juäi o'ca juiyönä rȩjȩ ttö̧ȩpa̧'a̧'i̧nä̧, koro juäi 'cuäopa'a'inä tottomenä, juiyo rö̧ȩnä̧ ye'ecuinätödo. Jahuätö pä'inätödo: —Iso päi'önä ja̧u̧ Dios I̧tti̧ päji ja̧'a̧.

San Marcos 15:16

Ru̧hua̧ Pilato ja̧'hua̧nö̧ hueomenä, su̧ro̧da̧u̧ u̧mi̧ i̧so̧ca̧ra̧'a̧cu̧ do'ädächinätödo Jesúsru. Su̧ro̧da̧u̧ recuätö ca̧ca̧cui̧pi̧nä̧tö̧do Jesús ö̧jo̧mȩ.

San Lucas 7:2

Ju̧huȩnȩtä̧ ki̧nö̧do ya̧tȩ romanos ttö̧ja̧ su̧ro̧da̧u̧ ttu̧ru̧hua̧. U̧mö̧huä̧ya̧rö̧ ku̧nä̧ri̧nö̧do juiyo öjö'cäcuru. Ja̧u̧ u̧mö̧huä̧ya̧ na̧'ä̧chi̧nö̧do juiyo, 'corupäi'ometä päi'önä.

San Juan 18:12

Su̧ro̧da̧u̧cu̧, ttu̧ru̧hua̧cu̧'i̧nä̧, judíos ttö̧ja̧ hueähuä ruhuä'inä Jesúsru 'chu'ädö, ttönö'quinäcudo.

San Juan 18:3

Ja̧'hua̧nö̧ ja̧'a̧ttö̧ Judas recuätö su̧ro̧da̧u̧cu̧, Diosrö ucuocuäcuähuode tta̧'ä̧rä̧tö̧cu̧, sacerdotes ruhuotö'inä, fariseos huotö'inä hue'ähuotöcu ichi'inätödo. Jahuätömä dauhuiyä'inä, curodiyä'inä, lámpara'inä ȩpi̧nä̧tö̧do.

Hechos 10:24

Ttichäji koro mo̧ro̧ päi'omenä, Cesarea ötahuiyära̧'a̧ 'chä̧hui̧'i̧nä̧tö̧do. Cornelio, ahuaruhuäcu ji̧nä̧ yo̧mȩtȩ ca̧ca̧cui̧pö̧, tta̧'ä̧ri̧nö̧do jahuätörö.

Hechos 21:31

Pablorö cuä'ö tticua pä'inätödo. Ja̧'hua̧nö̧ ja̧'a̧ su̧ro̧da̧u̧ ttu̧ru̧hua̧mä̧ o'ca toi'önä Jerusalén ttö̧ja̧ huopö ca̧ca̧cui̧pä̧jä̧tö̧ jittähua'a ä̧ju̧cui̧nö̧do.

Hechos 21:8

Ti̧'chi̧'ä̧ji̧ ya'ute mo̧ro̧ o'ca'a ujutu Pablocu rä'opö 'chi̧nä̧tö̧jä̧ Cesarea ötahuiyära̧'a̧. Juhuorö Felipe ojusodenä do'ächinätöjä. Felipe adihuä huȩnȩ ji'ähuinö. Chutä Jerusalénra̧'a̧ttö̧ ko̧ro̧mö̧ttö̧nö̧ ta̧ju̧nu̧ diácono hua̧ pi̧nö̧. Ja̧u̧cu̧ ka̧cui̧nä̧tö̧jä̧.

Hechos 22:25

Pablorö cuäcuätta pä'ö ttönö'cäji o'ca'a, Pablo ippeyä ru̧hua̧rö̧, ju̧huȩnȩtä̧ kö̧rö̧, jä'epö ä̧ju̧cui̧nö̧do: —Ttörö romanos ttö̧ja̧ i̧sa̧rö̧, ttö̧ja̧rö̧ tä̧bo̧cuä̧ ru̧hua̧ jä'epö ä̧ju̧cuo̧ca̧'a̧nä̧, ¿cuäcuäcu'ätucu'a̧nö̧ ja̧'a̧ tä̧ji̧?

Hechos 23:23

Su̧ro̧da̧u̧ ttu̧ru̧hua̧ ippeyä ruhuä ta̧ju̧ru̧ huopö, jahuätörö pä'inödo: —Su̧ro̧da̧u̧ru̧ ji'ähuätucui, jo̧mȩ päi'önä cättäda mä̧cuä̧ yodo las nueve päi'omenä Cesarea ötahuiyära̧'a̧ tti̧'cha̧ pä'ö. Doscientos jo̧mȩnä̧ su̧ro̧da̧u̧'i̧nä̧ rȩjȩnä̧ tti̧'cha̧ pä'ö, korotö setenta jo̧mȩnä̧ su̧ro̧da̧u̧'i̧nä̧ ca̧ba̧llo̧stö̧nä̧ huä̧mä̧dö̧ tti̧'cha̧ pä'ö, korotö doscientos jo̧mȩnä̧ su̧ro̧da̧u̧'i̧nä̧ dacuodä ȩpö̧ tti̧'cha̧ pä'ö hue'ätucui.

Hechos 23:33

Cesarea ötahuiyära̧'a̧ 'chä̧hui̧'ö̧, cuyäru isojä'inä, Pablorö'inä iyinätödo ru̧hua̧rö̧.

Hechos 25:1

Ja̧'hua̧nö̧ ja̧'a̧ Festo ru̧hua̧ päi'äji o'ca'a huäbodäcuä mo̧ro̧ o'come, Cesarea ötahuiyättö Jerusalén ötahuiyära̧'a̧ 'chi̧nö̧do.

Hechos 25:13

Koronö mo̧ro̧ päi'omenä, ru̧hua̧ Agripa, Berenicecu Cesarea ötahuiyära̧'a̧ Festorö do'ächö te'äu 'chi̧nö̧do.

Hechos 27:1

Italia rȩjȩra̧'a̧ ujuturu huetta pä'ö ttamöcuädomenä, Pablorö'inä, korotö cärenä pȩjä̧tö̧rö̧'i̧nä̧ ya̧tȩ Julio pä'ö mi̧cua̧rö̧ hue'ipinätödo. Ja̧u̧ Julio su̧ro̧da̧u̧ ttu̧ru̧hua̧ pi̧nö̧do. Jahuätö recuätö su̧ro̧da̧u̧mä̧ Augusto umöhuäyotö pi̧nä̧tö̧do.

Hechos 27:31

Ja̧'hua̧nö̧ ja̧'a̧nä̧ Pablo ji'ähuinö su̧ro̧da̧u̧ ttu̧ru̧hua̧rö̧, su̧ro̧da̧u̧ru̧'i̧nä̧. Pä'inö: —Jahuätö huoi'ca jacuä ttö̧'ö̧ juiyöttömä, ucutu o'ca toi'önä 'corujuocuhuächäcuotöjä, —pä'inödo Pablomä.

Hechos 27:43

Su̧ro̧da̧u̧ ttu̧ru̧hua̧ Pablorö cuä'ö tticu juiya pä'inö. Ja̧'hua̧nö̧ ja̧'a̧ttö̧ cuä'ö tticu juiya hue'inö cärenä pȩjä̧tö̧rö̧. Ja̧u̧ hue'inö: —O'ca toi'önä cuoähuänä huo̧juä̧tö̧mä̧ ä'coji tö'ächätucui, rȩba̧ra̧'a̧ cu̧huä̧mi̧'ä̧tu̧cua̧.

Hechos 8:40

Ja̧'hua̧nö̧ ja̧'a̧ Felipe Azoto ötahuiyänä 'chä̧hui̧'i̧nö̧do. Juhua'a yabo 'chä̧nö̧, koro ötahuiyänä o'ca juiyönä ji'ähuinödo Jesucristo i̧huȩnȩ Cesarea ötahuiyära̧'a̧ i̧rȩbȩhua̧'a̧ päi'önä.