Hechos 1:16 - TÄ̧DO Ä̧CUÄ̧ I̧HUȨNȨ

¹⁶ —Chahuaruhuä, Espíritu Santo ä'canä David änä ucuocuinödo Judas jȩä̧cuȩ huȩnȩ. Judas o'ipinö Jesúsru 'chuttädäcuotörö. Cu̧huo̧juä̧tu̧cua̧ pä'ö Huȩyu̧cuä̧ Huȩnȩ iso päi'önä ja̧'a̧, ja̧u̧ huȩnȩ Espíritu Santo ucuocuinö'a̧nö̧ 'cuäopäja'a.

Nuevo Testamento Uwotjüja

¹⁶ Chawaruwä chi̧jä̧wa̧tü̧, wȩyu̧kuä̧ wȩnȩ päüta'anü̧, Dawi-nä̧ Epíritu Sa̧tu̧ ukuokuinü̧ta'anü̧ 'kuäopina̧'a̧, Jesú-ru kuä'ü ttikua pä'ü 'chuttädünä̧ iyü ikuinü̧, Juda ütü'kümä̧.

Hechos 1:16 ပူးပေါင်းရင်းမြစ်များ

San Mateo 26:14

Ja̧u̧nu̧ pä̧nä̧ Jesús ttö̧jä̧pö̧ttö̧nö̧ ta̧ju̧nu̧ u̧huo̧juȩtä̧u̧ttu̧ ya̧tȩ, Judas Iscariote pä'ö mi̧cua̧mä̧, sacerdotes ruhuotörö ucuocu 'chi̧nö̧do.

San Mateo 26:47

Jesús ji̧nä̧ ucuocuomenä, Judas, ttö̧jä̧pö̧ttö̧nö̧ ta̧ju̧nu̧ u̧huo̧juȩtä̧u̧ttu̧ i̧sa̧ pi̧nö̧ ichinödo. Ja̧u̧cu̧ recuätö ttö̧ja̧ curodiyä'inä, dauhuiyä'inä 'chu̧huä̧rä̧nö̧ ichinätödo. Sacerdotes ruhuotö'inä, judíos ttö̧ja̧ ancianos huotö'inä huettäjä̧u̧mä̧ ichinätödo.

San Mateo 26:54

Ja̧'hua̧nö̧ ja̧'a̧nä̧ ja̧'hua̧nö̧ jädepöttömä, ¿tta̧'a̧nö̧ 'cuäopäcua'ajä̧ttö̧ Huȩyu̧cuä̧ Huȩnȩ päö'a̧nö̧mä̧?

San Mateo 26:56

Ucutu ja̧u̧nu̧mä̧ 'chu'ädocotö pi̧nä̧tö̧jä̧, Dios i̧huȩnȩ jiäcuähuä isotö tti̧huȩyu̧ti̧nö̧mä̧ 'cuäopa'a pä'ö. Ja̧'hua̧nö̧ päomenä, u̧huo̧juȩtä̧u̧mä̧ Jesúsru jaropi'ö tö'ipächinätödo.

San Marcos 12:36

Chutä Davidmä Espíritu Santo huo̧juȩcuä̧nä̧ pä'inödo: Dios pä'inö ttö Chu̧ru̧hua̧rö̧, “Chu̧huo̧jua̧'a̧nä̧ pä̧mä̧di̧, cuaboiyotörö cu̧jä̧pö̧ dȩa̧'a̧ chötome jubö päi'önä” pä'inödo.

San Marcos 14:43

Jesús ji̧nä̧ ucuocua'anä, Judas, ttö̧jä̧pö̧ttö̧nö̧ ta̧ju̧nu̧ u̧huo̧juȩtä̧u̧ttu̧ i̧sa̧ pi̧nö̧mä̧, ichinödo. Ja̧u̧cu̧ recuätö ttö̧ja̧ curodiyä'inä, dauhuiyä'inä 'chu̧huä̧rä̧nö̧ ichinätödo. Sacerdotes ruhuotö'inä, hueähuä huȩnȩ huo̧juȩtä̧tö̧'i̧nä̧, judíos ttö̧ja̧ ancianos huotö'inä huettäjä̧u̧mä̧ ichinätödo.

San Lucas 22:47

Jesús ji̧nä̧ ucuocua'anä, recuätö ttö̧ja̧ ichinätödo. Chutä Judas pä'ö mi̧cua̧, ttö̧jä̧pö̧ttö̧nö̧ ta̧ju̧nu̧ u̧huo̧juȩtä̧u̧ttu̧ i̧sa̧ pi̧nö̧mä̧, ttä'canä ichinödo. Jesúsru hua'adi'a pä'ö tö'cönänö 'chä̧hui̧'i̧nö̧do.

San Juan 10:35

Iso päi'önä Huȩyu̧cuä̧ Huȩnȩ päömä yoröiso ä̧ppö̧tä̧rä̧cuä̧huo̧cö̧ huo̧juä̧tö̧jä̧. Dios, pi̧jä̧ ttö̧ja̧rö̧, chutä i̧huȩnȩ jiähuinä̧u̧ru̧ dioses huotöjä pä'inödo.

San Juan 13:18

“Ucutu o'ca toi'önärö ji'ähuocösä. Odipinä̧u̧ru̧ huo̧jua̧sä̧ ttömä. Ja̧'hua̧nö̧ ja̧'a̧nä̧ Huȩyu̧cuä̧ Huȩnȩ päö'a̧nö̧ 'cuäopäcua'a pä'ösä. Ja̧u̧ huȩnȩ päa'a: “Ya̧tȩ ttöcu cumä, cha̧bo̧i̧ya̧ pä'i'äji.”

San Juan 17:12

Ttömä jahuätöcu pi̧jä̧nä̧ chö̧jomȩnä̧, cujurunä tta̧'ä̧ri̧nö̧sä̧, suronä 'cuäopö juiya pä'ö ttörö cuiyinä̧u̧ru̧. Jahuätöttö Huȩyu̧cuä̧ Huȩnȩ päö'a̧nö̧ 'cuäopa pä'ö, ya̧tȩtä̧ ihueye suropinötä to'ei'inö, korotöttö ya̧tȩ'i̧nä̧ toei'oca'a tta̧'ä̧ri̧nö̧sä̧.

San Juan 19:36

Pi̧yȩ juäi o'ca juiyönä 'cuäopina'ado, Huȩyu̧cuä̧ Huȩnȩ päö ta'anö 'cuäopa pä'ö. Ja̧u̧ Huȩnȩ päa'a: “Yoröiso ihue'ca ji'cate'inä 'te'ädö icuocotö ttäcuotö.”

Hechos 1:20

Salmos cuyäru'tä Huȩyu̧cuä̧ Huȩnȩ päa'a: Ja̧u̧ ö̧ji̧no̧mȩmä̧ yoröiso tometä kä̧cua̧'a̧, ya̧tȩ'i̧nä̧ ö̧jö̧ juiyönä. Ja̧'hua̧ta̧nö̧ päa'a: Ja̧u̧ aditinömä ka̧ra̧tä̧ a̧di̧tä̧cua̧.

Hechos 13:15

Ya̧tȩ Dios i̧huȩnȩttö̧ hueähuä huȩnȩ'i̧nä̧, Dios i̧huȩnȩ jiäcuähuä isotö tti̧huȩyu̧ti̧nö̧'i̧nä̧ ucuocuinödo. Ucuocuäji o'ca'a judíos ttö̧ja̧ ttu̧huo̧jui̧'i̧node ruhuotö pättinä̧u̧do: —Chö̧jä̧hua̧tö̧, ttö̧ja̧rö̧ adiu ppädäcuähuä huȩnȩ cu̧ju̧nä̧rä̧tu̧cu̧ttu̧mä̧, ji'ähuätucui.

Hechos 13:38

O'ca toi'önä ucuturu, chahuaruhuä, Jesucristo jȩi̧nö̧mä̧ ji'äusä cu̧huo̧juä̧tu̧cua̧ pä'ö, Dios suronä jȩcu̧'ä̧tu̧cu̧ jȩpö̧ icu pä'ö.

Hechos 15:13

Pablocu, Bernabécu ucuocu cättädomenä, Jacobo pä'inödo: —Chö̧jä̧hua̧tö̧, ä̧ju̧cuä̧tu̧cui̧.

Hechos 15:7

Rö̧ȩnä̧ ucuocu pättä'chäcuähuäji o'ca'a, Pedro ä̧rä̧mi̧'ö̧ päinä̧u̧do: —Chahuaruhuä chö̧jä̧hua̧tö̧, ucutu huo̧juä̧tö̧jä̧ Dios motä ttörö ucututtu ȩmi̧nö̧, judíos huocotörö adihuä huȩnȩ jidähua'a ttä̧ju̧cuo̧mȩnä̧, Jesucristorö tteseta pä'ö.

Hechos 2:23

Dios täcö amöcuädinö, Jesúsru iya pä'ö ucuturu. Ä'canä u̧huo̧jui̧na̧'a̧ttö̧ ucuturu iyinö. Ja̧'hua̧ ja̧'a̧ ucutu iyinätöjä Jesúsru suronä jȩpä̧tö̧rö̧, daunä pȩ'o̧pö̧ ku̧nu̧ cuä'ö tticuarö pä'ö.

Hechos 2:37

Ja̧'hua̧nö̧ ja̧'a̧ Pedro jiähua'a ttä̧ju̧cuo̧mȩnä̧, tta̧'cua̧ tta̧ päi'önä ä̧ju̧cu̧ jä'epinätödo Pedrorö'inä, korotö Jesús hue'ähuotörö'inä: —Chahuaruhuä, ¿tta̧'a̧nö̧ jȩtä̧cua̧'a̧jä̧ttö̧?

Hechos 22:1

Pablo pä'inödo: —Chahuaruhuä, ucutu päcuhuätucu ädätö jidäumä ä̧ju̧cuä̧tu̧cui̧.

Hechos 23:1

Pablomä judíos ttö̧ja̧ ji̧nä̧ iso ruhuotörö topö pä'inödo: —Chahuaruhuä, Dios ä'ca jo̧mȩttö̧ adiu chö̧jä̧'i̧jö̧mä̧ jitä pi̧yȩ mo̧ro̧ päi'önä adiu kö̧sä̧.

Hechos 23:6

Ja̧'hua̧nö̧ ja̧'a̧ Pablomä u̧huo̧jua̧'a̧ttö̧ judíos ttö̧ja̧ ji̧nä̧ iso ruhuotöttö korotö saduceos huotö pi̧nä̧tö̧, korotö fariseos huotö pi̧nä̧tö̧, jahuätö ttä'ca jo̧mȩ huopinö: —Chahuaruhuä, ttömä fariseo ttö̧jä̧ i̧sa̧sä̧. Chä'o'inä, cha̧ju̧'i̧nä̧ fariseos ttö̧ja̧ pi̧nä̧tö̧. 'Corupä'i'ätö ttoächäcuähuä huȩnȩ esetö tta̧dä̧ra̧'a̧ttö̧, ttörö jä'epö ä̧ju̧cuä̧tö̧jä̧.

Hechos 28:17

Tti̧rȩbȩhuä̧ja̧'a̧ttö̧ huäbodäcuä mo̧ro̧ päi'omenä, Pablo judíos ttö̧ja̧ tturuhuotörö Roma ötahuiyänä ka̧cuä̧tö̧rö̧ huopinödo tticha pä'ö. Pablo ö̧jo̧mȩ ji̧nä̧ yo̧mȩtȩ ttö̧'ca̧ca̧cui̧'o̧mȩnä̧, Pablo pä'inödo jahuätörö: —Chahuaruhuä, judíos ttö̧ja̧rö̧ suronä jȩpo̧cö̧ pi̧nö̧sä̧. “Ujutu tä̧do̧tö̧ mi̧nä̧ ttesetinömä suroja'a” pä'ocö pi̧nö̧sä̧. Ja̧'hua̧nö̧ ja̧'a̧nä̧ Jerusalén ötahuiyättö judíos ttö̧ja̧ iyö tticuinäcusä, romanos ttö̧ja̧ cärenä ttötattö pä'ö.

Hechos 28:25

Ja̧'hua̧ ja̧'a̧ ji̧nä̧ yo̧mȩtȩ ttamöcuädoca'attö, rättopächa pä'inätödo. Rättopächäcua'a ä'canä Pablo jahuätörö pä'inödo: —Espíritu Santo ujutu tä̧do̧tö̧ mi̧nä̧rö̧ adiu ucuocuinödo Dios i̧huȩnȩ jiäcuähuä i̧sa̧ Isaías änä.

Hechos 7:2

Ja̧'hua̧nö̧ ja̧'a̧ Esteban pä'inödo: —Chahuaruhuä, adiu ä̧ju̧cuä̧tu̧cui̧. Dios, tȩa̧u̧nä̧ kö̧mä̧, tä̧do̧ mi̧nä̧ Abrahamrö i̧jȩcui̧nö̧do Mesopotamia rȩjȩnä̧ ö̧jo̧mȩnä̧, Harán ötahuiyänä ö̧ji̧nö̧ ä'canä.

1 Pedro 1:11

Espíritu Santo ä'canä u̧huo̧juȩti̧nä̧u̧do jahuätörö Cristo ubara ttuhuä̧cuȩ huȩnȩ. Ja̧'hua̧ta̧nö̧ ubara ttuhuäji o'ca'a, eseäcuähuä huȩnȩ'i̧nä̧ u̧huo̧juȩti̧nä̧u̧do. Jahuätö jä'epinätödo: “¿Dirö ucuocua'attö pi̧yȩmä̧?” Ja̧'hua̧ta̧nö̧: “Ja̧u̧mä̧, ¿ti̧yȩnö̧ jä̧cuȩttö̧?” pä'ö jä'epinätödo.

2 Pedro 1:21

Dios i̧huȩnȩ ji'ähuinätömä, jitötä ttamönä ttamöcuädömä, ji'ähuocotö pinätödo. Pärocua'acu Diosrö rö̧ȩnä̧ esetinätödo. Diosrö adiu ttamöcuädomenä, Espíritu Santo huo̧juȩcuä̧nä̧ ji'ähuinätödo.

2 Pedro 2:21

Adihuä huȩnȩ eseti'cotö, jaroi'äcuähuänämä suroja'ado. Ja̧'hua̧nö̧ ja̧'a̧ttö̧ adihuä huȩnȩ ttieruhuomenä, ja̧u̧ huȩnȩ jaroi'äcuähuättö'inä abonänö adihua'ado.