Hechos 1:14 - TÄ̧DO Ä̧CUÄ̧ I̧HUȨNȨ

¹⁴ Jahuätö Jesús hue'ähuotö o'ca toi'önä ca̧ca̧cuä̧rö̧ Diosrö ucuocuinätödo nä̧tö̧cu̧, Jesús ja̧ju̧ Maríacu, Jesús ö̧jä̧hua̧tö̧cu̧.

Nuevo Testamento Uwotjüja

¹⁴ Ja̧'wa̧nü̧ ja̧'a̧, juätü o'katoi'ünä̧ ka̧ka̧ku̧ Dio-rü ji̧nä̧ yo̧mȩtȩttü̧ ukuokuinä̧tü̧, juätükumä̧ nätü̧'i̧nä̧ ji̧na̧'a̧, Jesú ja̧ju̧ María'i̧nä̧, ü̧jä̧wa̧tü̧'i̧nä̧, jü̧nä̧.

Hechos 1:14 ပူးပေါင်းရင်းမြစ်များ

San Mateo 12:46

Jesús ji̧nä̧ ttö̧ja̧rö̧ ucuocuomenä, ja̧ju̧'i̧nä̧, ö̧jä̧hua̧tö̧'i̧nä̧ ichi'inätödo. Jahuätömä u̧mi̧nä̧ kä̧nö̧, Jesúsru ttucuocua pä'inätödo.

San Mateo 21:22

Ja̧'hua̧ta̧nö̧ o'ca juiyönä Diosrö jäcuhue'ätucumä, adiunä cuesetätucuttumä, cuȩmä̧cuo̧tö̧jä̧, —pä'inödo Jesús.

San Mateo 27:55

Ja̧'hua̧nö̧ 'cuäopomenä, recuätö nä̧tö̧ otonänö to̧pä̧rö̧ ka̧cui̧nä̧tö̧do. Jahuätömä Galilea rȩjȩnä̧ kä̧nö̧, Jesúsru ppä'ädö cue'ächinätödo.

San Marcos 15:40

Ja̧'hua̧ta̧nö̧ korotö nä̧tö̧'i̧nä̧ otonänö to̧pä̧rö̧ ka̧cui̧nä̧tö̧do. Jahuätö ttö̧'quȩtȩnä̧ ka̧cui̧nä̧tö̧do María Magdalena'inä, María, mö̧ä̧ya̧ Jacobonö, Josénö tta̧ju̧'i̧nä̧, Salomé'inä.

San Marcos 16:1

Ttö̧ja̧ 'cuättächi'ö mo̧ro̧ o'come mo̧ro̧, María Magdalena'inä, María, Jacobo ja̧ju̧'i̧nä̧, Salomé'inä amehuoya ȩmi̧nä̧tö̧do, Jesús o'co jähuä ttuttepäcuoya.

San Lucas 11:13

Ucutu suronä jȩä̧cuä̧huä̧ ttö̧ja̧'i̧nä̧ cui̧tti̧mö̧tu̧cu̧ru̧mä̧ adiutä iyähuänä huo̧juä̧tö̧jä̧. Ju̧huȩnȩ abonänö Cuä'o Dios mo̧ro̧jä̧ra̧'a̧ kö̧mä̧, Espíritu Santorö i̧yä̧cua̧ churutä jä'epätörömä, —pä'inödo Jesús.

San Lucas 18:1

Jesús koro juäi jä̧'i̧nö̧'a̧nö̧ jö̧ huȩnȩ ji'äu huo̧juȩti̧nö̧do, 'cuäopönä Diosrö ucuocuäcuähuä 'cuächi'äcuähuä juiyönä pä'ö.

San Lucas 23:49

Ja̧'hua̧nö̧ ja̧'a̧nä̧ o'ca toi'önä Jesúsru huo̧jui̧nä̧tö̧'i̧nä̧, nä̧tö̧ Galilea rȩjȩttö̧ o'ca'anä cue'ächinätö'inä, otonänö kä̧nö̧, ja̧'hua̧nö̧ 'cuäopa'a to̧pä̧ri̧nä̧tö̧do.

San Lucas 23:55

Jahuätö nä̧tö̧, Galilea rȩjȩra̧'a̧ttö̧ Jesúscu ichinätömä, idorä topö 'chi̧nä̧tö̧do, Jesúsru ötäjome topö.

San Lucas 24:10

U̧huo̧juȩtä̧u̧ru̧ ja̧u̧ ji'ähuinätömä tti̧mi̧mä̧ María Magdalena'inä, Juana'inä, Jacobo ja̧ju̧ María'inä pi̧nä̧tö̧do. Korotö nä̧tö̧'i̧nä̧ jahuätöcu ji'ähuinätödo.

San Lucas 24:33

Ja̧'hua̧nö̧ ja̧'a̧ttö̧, juhua'a yabocu tta̧ttä̧ro̧ca̧'a̧ rä'opächö ppa̧'ä̧chä̧chi̧nä̧tö̧do Jerusalén ötahuiyära̧'a̧. Juhua'attö ttö̧jä̧pö̧ttö̧nö̧ ya̧tȩ u̧huo̧juȩtä̧u̧cu̧, ttahuaruhuäcu ji̧nä̧ yo̧mȩtȩ ttö̧ca̧ca̧cui̧'a̧'a̧ 'chä̧hui̧'ö̧ topinätödo.

San Lucas 24:53

Jahuätö 'cuäopönä Diosrö eseunu ucuocuinätödo Diosrö ucuocuäcuähuodettö. Amén.

San Lucas 8:20

Ka̧ra̧mä̧ Jesúsru pä'inödo: —Cua̧ju̧'i̧nä̧, cu̧jä̧hua̧tö̧'i̧nä̧ u̧mi̧nä̧ kä̧nö̧ ucuru totta pä'ätö.

Hechos 2:1

Pentecostés mo̧ro̧ päi'omenä, o'ca toi'önä Jesucristorö esetätömä ji̧nä̧ yo̧mȩtȩ ca̧ca̧cui̧pi̧nä̧tö̧do.

Hechos 2:42

Jesús hue'ähuotö ttu̧huo̧juȩti̧nö̧mä̧ ttä̧ju̧cua̧ pä'ö, korotö Jesucristorö esetätöcu ji̧nä̧ yo̧mȩtȩ ca̧ca̧cui̧pä̧'i̧jä̧tö̧. Ji̧nä̧ yo̧mȩtȩ ca̧ca̧cu̧, ttu̧cuȩ cuä'ijätö. Ji̧nä̧ yo̧mȩtȩ Diosrö ucuocuä'ijätö.

Hechos 2:46

Mo̧ro̧ji̧nö̧ a̧'u̧cuä̧ Diosrö ucuocuäcuähuodenä ca̧ca̧cui̧pi̧nä̧tö̧do. Ja̧'hua̧ta̧nö̧ ttahuaruhuärö'inä ji̧nä̧ yo̧mȩtȩ Diosrö'inä eseunu amöcuädö ttu̧cuȩ cuinätödo ttojusode pö̧nä̧.

Hechos 6:4

Ujutu 'cuäopönä Diosrö tucuocuäcuotöjä. I̧huȩnȩ'i̧nä̧ huo̧juȩtö̧ jitähuäcuotöjä, —pä'inätödo Jesús hue'ähuotö.

Romanos 12:12

Eseunu ka̧cuä̧tu̧cui̧, esetönö tta̧cu̧huä̧rä̧tu̧cua̧. Ubara ttucuhuätucuomenä, cuami 'qui'ächi'ö ka̧cuä̧tu̧cui̧. Diosrö ucuocu ka̧cuä̧tu̧cui̧ 'cuäopönä.

1 Corintios 14:13

Ja̧'hua̧nö̧ ja̧'a̧ttö̧ ya̧tȩ korotö ttieru huȩnȩ ucuocuttumä, o'ca'a jiäcuähuä'inä jäepäcua'a̧nö̧ Diosrö, korotörö jiähua pä'ö ucuocuäjimä.

Efesios 6:18

Espíritu Santo u̧huo̧juȩta̧'a̧nä̧, 'cuäopönä Diosrö jä'epö ucuocuätucui, o'ca juiyönä iyätucuacu pä'ö jäcuhue'ätucumä. Cuamöcuädätucu jaroi'äcuähuä juiyönä, adiu a̧mö̧cuä̧rö̧nö̧ ka̧cuä̧tu̧cui̧. Ja̧'hua̧ta̧nö̧ o'ca toi'önä Diosrö esetätörö amöcuädö, ucuocuätucui Diosrö.

Colosenses 4:2

'Cuäopönä mo̧ro̧ji̧nö̧ a̧'u̧cuä̧ ucuocuätucui Diosrö. Ja̧'hua̧ta̧nö̧ eseunu ucuocu tta̧'ä̧rä̧tu̧cui̧ ja̧u̧ru̧tä̧.