Hebreos 8:5 - TÄ̧DO Ä̧CUÄ̧ I̧HUȨNȨ

⁵ Ja̧'hua̧nö̧ ja̧'a̧nä̧ jahuätö sacerdotes huotö jȩttö̧mä̧, mo̧ro̧jä̧nä̧ ka̧cu̧ a̧'cua̧rö̧nä̧tä̧ jȩpä̧tö̧do. Ja̧'hua̧ta̧nö̧ Moisés Diosrö ucuocuäcuähuode adita päomenä, chutä Dios pä'inödo: “Möä'canä cu̧ja̧'a̧ ucuru chi̧jȩpä̧ji̧ ta'anö, o'ca juiyönä topö aditi.”

Nuevo Testamento Uwotjüja

⁵ Juätü sacerdote-tü̧ ttaditäwämä̧ mo̧ro̧jä̧nä̧ kkü̧ a̧'kua̧juä̧tä̧ aditätü, jua'amä̧ Moisé-rü Tabenákuro pättomȩ aditäkua'a jiäwino̧mȩttü̧ topü pä'ätüjä̧: «Ttu̧'ȩpä̧rü̧nü̧ topü aditijó, mü̧ä̧'kattü tabenákuro a̧'kua̧juä̧ to'kunä̧ chi̧jȩpi̧nä̧'a̧ku̧tä̧,» päinä̧ku̧.

Hebreos 8:5 ပူးပေါင်းရင်းမြစ်များ

San Mateo 2:12

Ja̧'hua̧nö̧ jȩttä̧ji̧ o'ca'a, Dios 'cuo̧ti̧nä̧ jiähuinä̧u̧do ru̧hua̧ Herodesrö ppa̧'ä̧chö̧ jittäu juiya pä'ö. Ja̧'hua̧nö̧ ja̧'a̧ttö̧ ko̧ro̧mä̧nä̧ ppa̧'ä̧chö̧ i̧hui̧nä̧tö̧do tti̧rȩjä̧ra̧'a̧.

Hechos 7:44

“Tä̧do̧tö̧ mi̧nä̧ ttö̧ja̧ tome cuettächomenä, Diosrö ucuocuäcuähuode ku̧nä̧ri̧nä̧tö̧do. Juhuode jacuä i̧nä̧bi̧, hueähuä huȩnȩ huȩyu̧cuä̧bi̧, hua'adö ku̧ni̧nä̧tö̧do. Juhuode Dios Moisésrö hueinö ta'anö aditinätödo: “Ucuru chi̧jȩpo̧mȩnä̧, tocu'äji o'ca juiyönä aditi”, pä'inödo Diosmä Moisésrö.

Colosenses 2:17

Ja̧u̧ juäi yodoji 'cuäöpä̧cuȩ a̧'cua̧rö̧nä̧. Ja̧'hua̧nö̧ ja̧'a̧nä̧ Cristotä iso päi'önä mi̧cuä̧hua̧.

Hebreos 10:1

Moisés hueähuä huȩnȩmä̧ koro adihuä juäi ichäcua'a a̧'u̧cuä̧ ji̧na̧'a̧do, iso päi'önä adihuä juäimäcö̧. Ja̧'hua̧ ja̧'a̧ttö̧ ja̧u̧ hueähuä huȩnȩ, koro a̧'ȩ'i̧nä̧, koro a̧'ȩ'i̧nä̧ sacrificios jȩtta̧'a̧ Diosrö ttötö'cöhuächa pä'ö jȩpä̧tö̧rö̧, yoröiso aditö icuocödo.

Hebreos 11:7

Diosrö esetö, Dios, koro juäi ji̧nä̧ tottocö 'cuäopäcua'a jiähuomenä, Dios päinö ta'anö jȩpi̧nö̧do Noémä. Huoi'ca rö̧ä'ca aditinödo ahuaruhuäcu ö̧ji̧pa̧ pä'ö. Noé Diosrö eseta'attö, pi̧jä̧ ttö̧ja̧rö̧ ro̧ȩcuä̧ 'cuäopina'ado. Ja̧'hua̧ta̧nö̧ Diosrö esetomenä, Dios esehuinäcudo o'ca toi'önä Diosrö esetätörö eseu'a̧nö̧.

Hebreos 12:25

Ja̧'hua̧nö̧ ja̧'a̧ttö̧ ucuturu ucuocuru cujö'cätucu juiyönä jȩcu̧'ä̧tu̧cuo̧ca̧'a̧, ttu̧ȩcuä̧nä̧ ka̧cuä̧tu̧cui̧. Pi̧jä̧nä̧ ka̧cui̧nä̧tö̧ Diosrö jarodinätörö jittähuomenä, tö'ipächö ka̧cui̧po̧co̧tö̧ pi̧nä̧tö̧do. Ujutu'inä kärächi'ö jarodö tötipächöttömä, ka̧cui̧po̧co̧tö̧jä̧ mo̧ro̧jä̧ra̧'a̧ttö̧ jiähuomenä.

Hebreos 13:10

Ujutumä koro sacrificio i̧mi̧cu̧nä̧ juäi ku̧nä̧rä̧tö̧jä̧. Ja̧u̧ sacrificiottö sacerdotes huotö, Diosrö ucuocuäcuähuode tta̧'ä̧rä̧tö̧, cuocotödo.

Hebreos 9:9

Ja̧u̧ juäi o'ca juiyönä jitä mo̧ro̧ päi'önä Diosrö ucuocuäcuähuode huo̧juȩcuä̧ huȩnȩdo. Juhua'attö ofrendascu, sacrificioscu Diosrö amöcuädö jȩtto̧mȩnä̧, jȩpä̧tö̧ ttamöcuädömä yoröiso adiunä aditö icuocödo.

Apocalipsis 15:5

Pi̧yȩ 'cuäopäji o'ca'a tochomenä, mo̧ro̧jä̧ttö̧ Diosrö ucuocuäcuähuodettö, ji̧nä̧ isocu Dios ö̧jo̧mȩ, hueähuä huȩnȩ huȩyu̧cuodiyä hua'adö ku̧nä̧huo̧mȩ bahuecuächa'a topinösä.