Hebreos 7:14 - TÄ̧DO Ä̧CUÄ̧ I̧HUȨNȨ

¹⁴ Iso päi'önä o'ca toi'önä huo̧juä̧tö̧do, ujutu Tu̧ru̧hua̧, Judá ahuaruhuättö i̧sa̧ pi̧nö̧. Ja̧'hua̧nö̧ ja̧'a̧nä̧ Moisés sacerdotes huotö ttö̧jä̧cuȩ jiähuomenä, Judá ahuaruhuärö pä'ö ji'ähuocö pi̧nö̧.

Nuevo Testamento Uwotjüja

¹⁴ Ja̧'wa̧nü̧ ja̧'a̧, jo̧mȩnü̧ wo̧juä̧tü̧jä̧, Tu̧ru̧wa̧ Jesucrito-mä̧ Judá isotü i̧sa̧ pinü̧ pä'ümä̧ ja̧'wa̧nü̧ ja̧'a̧nä̧ Moisé-mä̧, sacerdote-tü̧ tütü'kü ukuokuomȩnä̧mä̧, pi̧yȩ jäwä jiäwinü̧mä̧ yoriso juiya'a.

Hebreos 7:14 ပူးပေါင်းရင်းမြစ်များ

San Mateo 2:6

Ja̧u̧ huȩyu̧ti̧nö̧do: Belén ötahuiyä, Judá ttö̧ja̧ tti̧rȩjä̧ttö̧, pi̧jä̧ hueähuomettö kara'attö'inä abonänö ttucuotome. Belén ötahuiyättö u̧huä̧pä̧chä̧cua̧ ya̧tȩ ru̧hua̧mä̧, o'ca toi'önärö chidepiyu Israel tta̧huä̧rä̧cua̧mä̧, pä'ö huȩyu̧ti̧nö̧do.

San Lucas 1:43

¿Di chättö ttömä, Chu̧ru̧hua̧ ja̧ju̧ do'ächö cuicha'attömä?

San Lucas 3:33

Naasónmä Aminadab i̧tti̧ pi̧nö̧do. Aminadabmä Aram i̧tti̧ pi̧nö̧do. Arammä Esrom i̧tti̧ pi̧nö̧do. Esrommä Fares i̧tti̧ pi̧nö̧do. Faresmä Judá i̧tti̧ pi̧nö̧do.

San Juan 20:13

Angeles jahuäjuru jä'epinätödo: —Isaju, ¿dä̧bö̧ cuajuähuättö? Jahuäju ädätinäjudo: —Chu̧ru̧hua̧rö̧ ȩmi̧pä̧jä̧tö̧do. Ttötäjome jerupajusä.

San Juan 20:28

Ja̧'hua̧ ja̧'a̧ttö̧ Tomás ädätinödo: —¡Chu̧ru̧hua̧jä̧! ¡Chä̧do̧ ä̧cua̧ Diosjä!

Romanos 1:3

Ja̧u̧ huȩnȩ jiähua'a Dios I̧tti̧rö̧, Tu̧ru̧hua̧ Jesucristorö. Ja̧u̧ ttö̧ja̧ i̧sa̧ uhuäpächinö ö̧tä̧mö̧ mi̧nä̧ttö̧ David isotö i̧sa̧ jö̧nä̧.

Romanos 2:3

Ucu “Korotö suronä jȩpä̧tö̧” päcuttumä, ucu'inä ja̧'hua̧ta̧nö̧ jȩcu̧'a̧'a̧nä̧, “Diosmä ro̧ȩpo̧co̧cu̧sä̧” ¿pä'öjä tä̧ji̧?

Efesios 1:3

Diosrö, Tu̧ru̧hua̧ Jesucristo Jä'orö, teseäcuähuätucuaja. Ja̧u̧ ujuturu iyinä̧u̧jä̧ Cristorö tesetomenä, o'ca juiyönä adihuä juäi mo̧ro̧jä̧ra̧'a̧ ka̧cu̧.

Filipenses 3:8

Ja̧'hua̧ta̧nö̧ koro'inä ttörö ppädö chesetinömä, yoröiso micuähuocö jä̧'i̧nö̧'a̧nö̧ jä̧cu̧sä̧. Koro, Chu̧ru̧hua̧ Jesucristorö huo̧jui̧cuä̧, iso päi'önä ttörö ppädötä amöcuädösä. Ja̧u̧ru̧ repe'ö, o'ca juiyönä pä'äji chesetinö, koro juäi icuicuä tticuipö'a̧nö̧ icuipinösä, Cristorö rö̧ȩnä̧ cheseta pä'ö.

Hebreos 7:13

Ujutu Tu̧ru̧hua̧mä̧, Huȩyu̧cuä̧ Huȩnȩ päcuru, Israel ttö̧ja̧ i̧sa̧ ja̧'a̧nä̧, korotöttö i̧sa̧ pi̧nö̧. Jahuätöttömä sacerdote hua̧mä̧ yoröiso toina'a.

Hebreos 7:15

Ja̧'hua̧ta̧nö̧ ka̧ra̧ sacerdote hua̧ ja̧rȩpa̧, Melquisedec ta'anö hua̧mä̧ ichomenä, iso päi'önä ja̧u̧ huȩnȩ adiu huo̧juä̧tö̧jä̧.

Apocalipsis 22:16

—Ttö, Jesús, pi̧yȩ huȩnȩ o'ca juiyönä, iglesias ruhuärö jiähua pä'ö hue'inösä ya̧tȩ chu̧mö̧huä̧ya̧ ángelrö. Ttö David ahuaruhuättö ä'canä ki̧nö̧sä̧. Ja̧'hua̧ta̧nö̧ David o̧'ca̧ a̧hua̧ru̧hua̧sä̧. Yo̧ȩi̧nä̧ siri'co adiu tȩa̧pa̧mä̧, ttötäsä.

Apocalipsis 5:5

Ja̧'hua̧ ja̧'a̧ ya̧tȩ anciano hua̧ ttörö pä'inö: —Juhua'a yabonö cuajuähuä'. Judá ttö̧ja̧ttö̧, León i̧sa̧mä̧, ru̧hua̧ David o'ca'a a̧hua̧ru̧hua̧ ujuruhuinö o'ca'a, sellos'inä jȩpö̧ icu, cuyäru'tä ba'epö i̧cuä̧cua̧.