Hebreos 7:11 - TÄ̧DO Ä̧CUÄ̧ I̧HUȨNȨ

¹¹ Israel ttö̧ja̧, Aarón ahuaruhuä o'cotö, Leví isotö sacerdotes huotöttö hueähuä huȩnȩ ȩmi̧nä̧tö̧do. Iso päi'önä, jahuätömä ja̧u̧ hueähuä huȩnȩ päö'a̧nö̧ jȩpö̧, pi̧jä̧ ttö̧ja̧ adiunä jȩtta̧ pä'ö huettinöttömä, ka̧ra̧ sacerdote hua̧, Melquisedec ta'anö hua̧mä̧, ichocö paji. Chutä Melquisedec Aarónttö'inä i̧mi̧cu̧nä̧ hua̧ pi̧nö̧do.

Nuevo Testamento Uwotjüja

¹¹ Irae ttü̧ja̧mä̧ weäwä wȩnȩ iyäwi'inä̧u̧ Rewí jäwä sacerdote-tü̧ jäwänä̧ adiu juettekuächa pä'ü. Ja̧'wa̧nü̧ ja̧'a̧nä̧ jua̧u̧nä̧mä̧ juettekuächü juiyünä̧ jo̧mȩttü̧ kka̧ra̧ sacerdote i̧mi̧ku̧nä̧ wa̧ räopa pä'ü rekuä rü̧ji̧na̧'a̧: Aaro̧ isotü i̧sa̧ pokü, Mequisede ji̧nü̧'a̧nü̧ wa̧.

Hebreos 7:11 ပူးပေါင်းရင်းမြစ်များ

Gálatas 2:21

Ja̧'hua̧nö̧ ja̧'a̧ttö̧ ttömä chä̧ppö̧tä̧ra̧ pä'ocösä Dios adihuä juäi iyömä. Ya̧tȩ Moisés hueähuä huȩnȩ jȩo̧mȩnä̧, Dios ȩma̧rö̧ pä'ö jö̧ttö̧mä̧, Cristo 'corujuoächinömä yoröiso micuähuocö ja̧ji̧.

Gálatas 4:3

Ja̧'hua̧nö̧ jä̧'i̧nö̧'a̧nö̧ 'cuäopa'a ujuturu. Ujutu Diosrö tieruhuei o'ca juiyönä pi̧jä̧ ttö̧ja̧ ttamöcuädönä jȩpö̧ ka̧cui̧nä̧tö̧jä̧.

Gálatas 4:9

Ja̧'hua̧nö̧ ja̧'a̧nä̧ ucutu Diosrö cu̧huo̧juä̧tu̧cua̧'a̧nä̧, ja̧'hua̧ta̧nö̧ chutä'inä ucuturu u̧huo̧jua̧'a̧nä̧ ¿tta̧'a̧nö̧ pä'ö pä'äji ta'anö cuamöcuädätucuättö ja̧u̧ juruhuocö huȩnȩ, usurä huȩnȩ, pä'äji ta'anö ja̧u̧ huȩnȩ päö ta'anö jȩcu̧'ä̧tu̧cua̧ pä'ö?

Hebreos 5:10

Ja̧'hua̧ta̧nö̧ Dios hueinäcudo sacerdote hua̧ päi'önä ö̧ja̧ pä'ö, Melquisedec ö̧ji̧nö̧ ta'anö.

Hebreos 5:6

Korome'inä Huȩyu̧cuä̧ Huȩnȩ ja̧u̧ru̧ päa'a: Ucutä ihueye 'cuäopönätä sacerdote hua̧ päi'önä cu̧jä̧cua̧jä̧, Melquisedec ö̧ji̧nö̧ ta'anö.

Hebreos 6:20

Jesús juhua'a do'ächinödo, tu̧mä̧nä̧ ötodeta pä'ö. Ja̧'hua̧nö̧ ja̧'a̧ttö̧ Jesús Melquisedec ö̧ji̧nö̧ ta'anö, sacerdote hua̧ päi'önä kö̧do 'cuäopönä.

Hebreos 7:10

Melquisedec Abrahamrö topö ichomenä, Abraham ahuaruhuä o'cotö ji̧nä̧ ttuhuäpächoca'anä, chutä Abraham jä̧ttä̧pä̧ya̧nä̧ ȩpi̧na̧'a̧ jä̧'i̧nö̧'a̧nö̧ ji̧na̧'a̧do.

Hebreos 7:12

Chutä sacerdote hua̧rö̧, pä̧ro̧cua̧rö̧ ö̧ja̧ pä'ö huettomenä, hueähuä huȩnȩ'i̧nä̧ pärocuänä hue'ätö.

Hebreos 7:13

Ujutu Tu̧ru̧hua̧mä̧, Huȩyu̧cuä̧ Huȩnȩ päcuru, Israel ttö̧ja̧ i̧sa̧ ja̧'a̧nä̧, korotöttö i̧sa̧ pi̧nö̧. Jahuätöttömä sacerdote hua̧mä̧ yoröiso toina'a.

Hebreos 7:15

Ja̧'hua̧ta̧nö̧ ka̧ra̧ sacerdote hua̧ ja̧rȩpa̧, Melquisedec ta'anö hua̧mä̧ ichomenä, iso päi'önä ja̧u̧ huȩnȩ adiu huo̧juä̧tö̧jä̧.

Hebreos 7:21

Korotö sacerdotes huotö koro päö huȩnȩ juiyönä hue'ähuotö pi̧nä̧tö̧do. Ja̧'hua̧nö̧ ja̧'a̧nä̧ pide sacerdote hua̧mä̧, koro päö huȩnȩnä̧ huȩ'ä̧hua̧ pi̧nö̧do. Huȩyu̧cuä̧ Huȩnȩ päa'ado ja̧u̧ru̧: Tu̧ru̧hua̧ iso päi'önä pä'inö. Koromä amöcuädocö. “Ucutä ihueye 'cuäopönätä sacerdote hua̧ päi'önä cu̧jä̧cua̧jä̧, Melquisedec ö̧ji̧nö̧ ta'anö.”

Hebreos 8:7

Iso päi'önä äcuomenä hueähuä huȩnȩ adihuinöttömä, koro jareö huȩnȩ Dios hueoca'a ji̧na̧'a̧.

Hebreos 9:6

Ja̧'hua̧nö̧ o'ca juiyönä jo̧mȩ päi'omenä, sacerdotes huotö 'cuäopönä do'ächätödo äcuomenä i̧so̧ca̧nä̧ culto jȩtta̧ pä'ö.