Hebreos 7:1 - TÄ̧DO Ä̧CUÄ̧ I̧HUȨNȨ

¹ Ja̧u̧ Melquisedec Salem ötahuiyä ru̧hua̧ pi̧nö̧do. Ja̧'hua̧ta̧nö̧ chutä Dios, Ju'toju Ru̧hua̧, hueinäcudo sacerdote i̧sa̧ ö̧ja̧ pä'ö. Abraham korotö ruhuotörö rohuäu ujuruhuäji o'ca'a, ojusodecu ppa̧huä̧cho̧mȩnä̧, Melquisedec ja̧u̧ru̧ toa pä'ö rä'opinödo. Ja̧'hua̧ta̧nö̧ Abrahamrö adiu ppä'ädinödo.

Nuevo Testamento Uwotjüja

¹ Jua̧u̧ Mequisede-mä̧ Salem ütawiyä ru̧wa̧ pinü̧; mo̧ro̧jä̧ Dio rü̧tä̧wa̧ sacerdote pinü̧. Abraha̧-mä̧, ruwotürü kurä rowäu iso juo'epä̧ji̧'ka̧ ppa̧wä̧chi̧'a̧'a̧, Mequisede-mä̧ rä'o'ü te'äu kkä̧nü̧, adiutä ja̧rü̧ pä'ü ukuokuinä̧ku̧;

Hebreos 7:1 ပူးပေါင်းရင်းမြစ်များ

San Marcos 5:7

Jesúsru huopönö pä'inödo: —¿Tta̧'a̧nö̧ jȩcu̧'ä̧cua̧'a̧jä̧ttö̧ ttörö, Jesús, Dios Ju'toju Ru̧hua̧ I̧tti̧? Dios i̧mi̧nä̧ pä'ösä ucuru. Suronämä ubara ttucuhue'ättö.

Hechos 16:17

Pablocu, ujutucu to'ca'anä ichö huo̧pä̧ri̧nä̧ju̧: —Pitö u̧mä̧tö̧mä̧, Dios Ju'toju Ru̧hua̧ jähuä adicuä ttö̧ja̧mä̧, ucuturu ji'ähuätö surojöttö ki̧'ä̧cuä̧huä̧ mä̧nä̧.

Hebreos 6:20

Jesús juhua'a do'ächinödo, tu̧mä̧nä̧ ötodeta pä'ö. Ja̧'hua̧nö̧ ja̧'a̧ttö̧ Jesús Melquisedec ö̧ji̧nö̧ ta'anö, sacerdote hua̧ päi'önä kö̧do 'cuäopönä.

Hebreos 7:2

Abraham örohuähuomenä ȩmi̧nö̧ttö̧, to̧mö̧rȩ jähuättömä, ji̧yȩtȩ 'quȩ'ȩpö̧ iyinödo Melquisedecrö. Chutä Melquisedec i̧mi̧mä̧ ujutu ti̧huȩnȩnä̧ “adihuä ru̧hua̧” pä'ätöjä. Ja̧'hua̧ta̧nö̧ Salem ötahuiyä ru̧hua̧ ö̧ji̧no̧mȩ i̧mi̧mä̧ pä'ätöjä “eseäcuähuä” pä'ö. Ja̧'hua̧ta̧nö̧ koro'inä i̧mi̧mä̧ “eseäcuähuä ru̧hua̧” pä'ätöjä.

Hebreos 7:3

Jä'o'inä, ja̧ju̧'i̧nä̧, jä̧do̧tö̧ mi̧nä̧'i̧nä̧ toina'ado. Uhuäpächinö huȩnȩ'i̧nä̧, 'corupäi'inö huȩnȩ'i̧nä̧ yoröiso juiya'a. Ja̧'hua̧nö̧ ja̧'a̧ttö̧ Dios I̧tti̧ jä̧'i̧nö̧'a̧nö̧ hua̧. Ja̧'hua̧ta̧nö̧ sacerdote i̧sa̧ päi'önä 'cuäopönä ö̧jä̧cua̧.

Hebreos 7:6

Ja̧'hua̧nö̧ ja̧'a̧nä̧ Melquisedec Leví a̧hua̧ru̧hua̧ o̧'ca̧ pocö pi̧nö̧do. Ja̧'hua̧nö̧ joca'anä, Abraham u̧ju̧nä̧rö̧ttö̧ to̧mö̧rȩ jähuättö, ji̧yȩtȩ 'quȩ'ȩpö̧ ȩmi̧nö̧do. Ja̧'hua̧nö̧ ȩmö̧ Melquisedec Abrahamrö, Dios adihuä juäi iya pä'inörö, adiu ppä'ädinödo.