Hebreos 4:2 - TÄ̧DO Ä̧CUÄ̧ I̧HUȨNȨ

² Jahuätö ttä̧ju̧cui̧nö̧ ta'anö, ja̧u̧tä̧ ttö̧ja̧ suronä jȩttö̧ jȩpö̧ icu huȩnȩ ä̧ju̧cui̧nä̧tö̧jä̧ ujutu'inä. Jahuätörö micuähuoca'a ji̧na̧'a̧do, ja̧u̧ huȩnȩ ä̧ju̧cu̧ ttesetoca'a ji̧na̧'a̧ttö̧.

Nuevo Testamento Uwotjüja

² Isopäi'ünä̧ ujutu'i̧nä̧ juätü Irae ttü̧ja̧ Egito-ttü rä'opinä̧tü̧ ji̧nü̧ta'anü̧ jareü adiwä wȩnȩ jittäwi̧nä̧u̧jä̧; ja̧'wa̧nü̧ ja̧'a̧nä̧ juätürümä̧ ppädoka'a ji̧na̧'a̧ ä̧ju̧ku̧tä̧ ttä̧ju̧kuo̧mȩnä̧mä̧, esetü tta̧'kua̧ ttu̧wȩnä̧ro̧ko̧mȩnä̧mä̧.

Hebreos 4:2 ပူးပေါင်းရင်းမြစ်များ

Hechos 13:46

Ja̧'hua̧nö̧ ja̧'a̧ Pablocu, Bernabécu yettecuoca'a pä'inätödo: —Ucutu judíos ttö̧ja̧ ä'canä Dios i̧huȩnȩ cuä̧ju̧cuä̧tu̧cu̧'a̧nö̧ ja̧'a̧. Ja̧'hua̧nö̧ ja̧'a̧nä̧ ucutu esetocotö pä̧jä̧tö̧jä̧. “Ujutumä kä̧cuä̧huä̧ i'co tema pä'ö adihuä isotöcö̧jä̧”, pä'ätöjä. Jitämä judíos huocotörö ji'äu 'chä̧tö̧jä̧.

Hechos 3:26

Dios I̧tti̧rö̧ ttoädäji o'ca'a, I̧tti̧rö̧ äcuomenä ucuturu hue'inö, ucuturu ppäda pä'ö, o'ca toi'önä suronä jȩcu̧'ä̧tu̧cu̧ jarocu'ipätucua pä'ö, —pä'inödo Pedro.

Romanos 2:25

Iso päi'önä Moisés hueähuä huȩnȩ hueö ta'anö jȩcu̧'u̧ttu̧mä̧, circuncisión cuaditomenä ppädäcujä. Ja̧'hua̧nö̧ ja̧'a̧nä̧ Moisés hueähuä huȩnȩ hueö ta'anö jȩcu̧'u̧ juiyöttömä, circuncisión ttaditoca'a jä̧'i̧nö̧'a̧nö̧ kö̧jä̧.

Romanos 3:3

Yotöcunä eseti'ipö'cotö jarotti'öttömä, ¿Dios jaroi'ä̧cua̧ tä̧ji?

1 Corintios 13:3

Ja̧'hua̧ta̧nö̧ o'ca juiyönä chu̧ju̧nä̧rö̧ chiyöttömä, o'ca toi'önärö repedoca'anä, yoröiso micuähuocö ttörö. Juhuorö'inä ttötä jä̧ttä̧pä̧ya̧'i̧nä̧ chiyöttömä ku tticua pä'ö ocuränä, o'ca toi'önärö repedoca'anä, yoröiso micuähuocö ttörö.

Gálatas 3:2

Chu̧huo̧jua̧ ji'ähuätucuittö: ¿Ucutumä Espíritu Santorö ku̧nä̧rä̧tö̧jä̧ tä̧ji̧, Moisés hueähuä huȩnȩ jȩcu̧'i̧nä̧tu̧cua̧'a̧ttö̧mä̧? Isocö̧. Ucutumä Espíritu Santorö ku̧nä̧rä̧tö̧jä̧, ujutu jitähuinö esetö cuä̧ju̧cui̧nä̧tu̧cua̧'a̧ttö̧.

Gálatas 3:8

Judíos huocotöttö Diosrö esetätömä ttesetäcua'a ä'canä amöcuädö Dios jahuätörö ȩma̧ päinö huȩnȩ päina'a Huȩyu̧cuä̧ Huȩnȩ Abrahamrö. Ja̧u̧ adihuä huȩnȩ päina'a: “Ucu adiu cueseta'attö, o'ca toi'önä ttö̧ja̧mä̧ ppädädäcuotö.”

Gálatas 4:13

Ucutu täcö huo̧juä̧tö̧jä̧, äcuomenä ttö̧ja̧ suronä jȩttö̧ jȩpö̧ icu huȩnȩ jidähuinömä, na̧'ä̧chö̧ kä̧nö̧ ji'ähuinösä.

1 Tesalonicenses 1:5

Ujutumä pi̧yȩ adihuä huȩnȩ, ttö̧ja̧ suronä jȩttö̧ jȩpö̧ icu huȩnȩ, ucuturu jitähuomenä, ujututä ti̧huȩnȩnä̧mä̧ ji'ähuocotö pi̧nä̧tö̧jä̧. Pi̧yȩ huȩnȩ, iso päi'önä huȩnȩ, tu̧huo̧jua̧'a̧ttö̧, Espíritu Santo ujurunä ji'ähuinätöjä. Ucuturu ppä'ädö tö̧ja̧cui̧nö̧mä̧ topinätöjä.

1 Tesalonicenses 2:13

Ja̧'hua̧nö̧ ja̧'a̧ttö̧ ujutumä 'cuäopönä eseunu ucuocuätöjä Diosrö. Dios i̧huȩnȩ jitähuomenä, ucutu adiu ä̧ju̧cu̧ esetinätöjä. Pi̧yȩ huȩnȩ iso päi'önä Dios i̧huȩnȩ, pi̧jä̧ ttö̧ja̧ tti̧huȩnȩmä̧cö̧. Ja̧u̧ huȩnȩ cuesetätucuomenä, cuamöcuädätucumä pärohua'attö, iso päi'önä huȩnȩ ja̧'a̧.

1 Timoteo 4:8

Jättäpäyotö jähuä jȩto̧mȩnä̧, ji̧'qui̧cha̧nö̧tä̧ micuähua'a. Ja̧'hua̧nö̧ ja̧'a̧nä̧ Dios i̧huȩnȩtä̧ amöcuädö kä̧cuä̧huä̧nä̧, o'ca juiyönä adiu micuähua'a, jitä tö̧jö̧'i̧nä̧, yodoji tö̧jä̧cuȩ'i̧nä̧ ppäda'attö.

Hebreos 11:6

Ja̧'hua̧nö̧ ja̧'a̧nä̧ ya̧tȩ Diosrö esetoca'anä, Dios esehuarö pä'ö yoröiso jȩpo̧cö̧do. Ya̧tȩ Diosrö ötö'cöhuächa pä'ömä, Diosmä kö̧ pä'ö ȩsȩtä̧cua̧. Ja̧'hua̧ta̧nö̧ Diosrö usätörö, Diosmä adihuä juäi iyö pä'ö ȩsȩtä̧cua̧.

Hebreos 3:12

Chö̧jä̧hua̧tö̧, tta̧'ä̧rä̧cuä̧u̧ ka̧cuä̧tu̧cui̧, ucututä cuami iso'quitucu surojo'quitucunä kä̧nö̧, Dios kö̧rö̧ jarocuhui'ätucu juiya pä'ö, ja̧u̧ru̧ cuesetätucuoca'attö.

Hebreos 4:6

Ja̧'hua̧nö̧ ja̧'a̧nä̧ korotö'inä dottächäcuotödo 'cuä'ächi'ö ttö̧ja̧cuo̧mȩ. Äcuomenä ttö̧ja̧ suronä jȩttö̧ jȩpö̧ icu huȩnȩ ä̧ju̧cui̧nä̧tö̧mä̧, dodepocotö pi̧nä̧tö̧do, ttesetoca'a ji̧na̧'a̧ttö̧.

Santiago 1:21

Ja̧'hua̧nö̧ ja̧'a̧ttö̧ o'ca juiyönä cuamönätucu cuiditäcuähuätucu juäi'inä suronä jȩä̧cuä̧huä̧mä̧ jaropi'ätucui. Adiu ä̧ju̧cuä̧tu̧cui̧ Dios i̧huȩnȩ, cuami iso'quinä ku̧nä̧huä̧ huȩnȩ, suronä jȩttö̧ jȩpö̧ icu huȩnȩ.

1 Pedro 1:12

Ja̧'hua̧nö̧ ja̧'a̧nä̧ jahuätö ttȩmö̧ juiya pä'ö huo̧juȩti̧nö̧do Dios. Ujututä tȩmä̧cuȩ pä'ö huo̧juȩti̧nö̧do. Täbocö Dios i̧huȩnȩ jiäcuähuä isotörö Espíritu Santo u̧huo̧juȩti̧nö̧ ta'anö, ä̧ju̧cui̧nä̧tö̧jä̧ ucutu. Iso päi'önä Espíritu Santo, mo̧ro̧jä̧ra̧'a̧ttö̧ huȩ'ä̧hua̧ ujurunä, adihuä juäi huȩnȩ, suronä jȩttö̧ jȩpö̧ icu huȩnȩ, jittähua'a ä̧ju̧cui̧nä̧tö̧jä̧ ucutu. Angeles'inä ttä̧ju̧cua̧ pä'ätö pi̧yȩ huȩnȩmä̧.