Hebreos 4:14 - TÄ̧DO Ä̧CUÄ̧ I̧HUȨNȨ

¹⁴ Jesús, Dios I̧tti̧, do'ächinödo Dios ö̧jo̧mȩ. Ja̧u̧ ji̧nä̧ isocu sacerdote ru̧hua̧ päi'önä kö̧do ujuturu. Ja̧'hua̧nö̧ ja̧'a̧ttö̧ adiunätä esetö tö̧jö̧'a̧nö̧ huotöjä.

Nuevo Testamento Uwotjüja

¹⁴ Ja̧'wa̧nü̧ ja̧'a̧ttü̧ Jesú-mä̧, ukuo i̧sa̧ sacerdote-tü̧ ttu̧ru̧wa̧ ja̧'a̧, mo̧ro̧jä̧ra̧'a̧ do'ächinü̧. Ja̧'wa̧ta̧nü̧ yabokutä tesetinü̧mä̧ tta̧'kua̧ tu̧wȩnä̧ra̧rü̧ pä'ü ja̧'a̧.

Hebreos 4:14 ပူးပေါင်းရင်းမြစ်များ

San Mateo 4:3

Ja̧'hua̧nö̧ päi'omenä, ähuettä ichinödo Jesúsru suronä jȩa̧ pä'ö. Pä'inödo: —Iso päi'önä, Dios I̧tti̧ cu'uttumä, pidu inäduttu ire päi'önä jȩpi̧.

San Marcos 1:1

Pa̧'a̧nö̧ ji̧na̧'a̧do äcuomenä Jesucristo, Dios I̧tti̧ i̧huȩnȩ.

San Marcos 16:19

Jahuätörö ucuocuäji'ca̧, Tu̧ru̧hua̧ Jesús mo̧ro̧jä̧ra̧'a̧ cä'ecuächinödo. Dios u̧huo̧jua̧'a̧nä̧ pä̧mä̧di̧nö̧do.

San Lucas 24:51

Jahuätörö ucuocuäji'ca̧, jahuätöttö otonänö pä'i'inödo. Ja̧u̧nu̧ mo̧ro̧jä̧ra̧'a̧cu̧ cä'ecuächinödo.

Hechos 1:11

Jahuätö pä'inätödo: —Galilea ttö̧ja̧, ¿dä̧bö̧ mo̧ro̧jä̧ra̧'a̧ to̧pä̧rö̧ cu̧ja̧cuä̧tu̧cuä̧ttö̧? Ja̧u̧tä̧ Jesús, ucutu cu̧'quȩtȩtu̧cu̧ttu̧ mo̧ro̧jä̧ra̧'a̧ cäecuächa'a tocu'äjätucu ta'anö, pä'äji ta'anö i̧chä̧cua̧.

Hechos 3:21

Ja̧u̧ Jesucristo mo̧ro̧jä̧ra̧'a̧ ö̧jä̧cua̧, o'ca juiyönä Dios äcuomenä aditinö ta'anö aditö u̧ju̧na̧'a̧ jubö päi'önä. Ja̧'hua̧nö̧mä̧ Diostä ji'ähuinö mo täbocö i̧huȩnȩ jiäcuähuä isotörö, adihuä ttö̧ja̧rö̧.

Romanos 8:34

¿Dijä̧ttö̧ jahuätörö tä̧bo̧tö̧mä̧? Cristo 'corupäi'äji o'ca'a, Dios ttoädinäcu. Ja̧'hua̧ta̧nö̧ Cristo Dios u̧huo̧jua̧'a̧nä̧ pö̧, Diosrö ucuocu ujuturu.

2 Corintios 12:2

Ttö ya̧tȩ uborö, Cristorö esetörö, huo̧jua̧sä̧. Ja̧u̧mä̧ ttö̧jä̧pö̧ttö̧nö̧ pa̧ja̧cuä̧nö̧ a̧'ȩ ji̧nö̧ o'ca'a, mo̧ro̧jä̧ra̧'a̧, Dios ö̧jo̧mȩ ttȩpi̧nä̧cu̧do. Juhuorö'inä iso päi'önä ttȩpi̧nö̧mä̧ jȩru̧pa̧sä̧. 'Cuo̧ti̧cu̧tä̧ 'cuo̧ti̧cui̧nö̧cö̧. Diostä ja̧'hua̧nö̧ huo̧jua̧.

2 Corintios 9:13

Jahuätö ttesehuäcuähuäcuotö Diosrö. Ja̧u̧ ppä'ädö huecuhuätucuomenä, topö ttu̧huo̧juä̧cuo̧tö̧ iso päi'önä ucutumä Cristo i̧huȩnȩ päö ta'anö jȩpä̧tö̧jä̧. Ja̧'hua̧ta̧nö̧ jahuätörö'inä, o'ca toi'önärö'inä eseunu ppä'ädö cuiyätucuomenä topö, Diosrö adiu ttucuotäcuotö.

Efesios 4:10

Äcuomenä pi̧jä̧nä̧ mȩyȩhui̧nö̧mä̧, ja̧u̧tä̧ mo̧ro̧jä̧ttö̧'i̧nä̧ yabo cä'ecuächinödo, chutä ö̧ja̧'a̧ttö̧ o'ca juiyönä adihua pä'ö.

Hebreos 1:8

Ja̧'hua̧nö̧ ja̧'a̧nä̧'i̧nä̧ I̧tti̧rö̧ päa'a: Ucu cu̧'o̧mȩ, Dios, yoröiso beipächoca'a jä̧cua̧'a̧. Ucu huecumä, o'ca juiyönä adiunä hue'öjä.

Hebreos 10:12

Ja̧'hua̧nö̧ ja̧'a̧nä̧ Jesucristo ya'utenätä iyähuinödo, suronä jȩttö̧ 'cuäopönä jȩpö̧ icua pä'ö. Ja̧u̧nu̧ o'ca'a Dios u̧huo̧jua̧'a̧nä̧ pä̧mä̧di̧nö̧do.

Hebreos 10:23

Ja̧'hua̧nö̧ tesetomenä, koro tamöcuädoca'a, adiunätä tta̧tä̧rö̧'a̧nö̧ ja̧'a̧. Dios ujuturu iya päinö, o'ca juiyönä i̧yä̧cua̧ päinö ta'anö.

Hebreos 10:29

Ya̧tȩ, Dios I̧tti̧rö̧ suronä amöcuädö jȩpö̧'i̧nä̧, chutä ucuoja kö'cocö'inä, Espíritu Santo ja̧u̧ru̧ repe'örö, suronä ucuocu'inä, ¿tta̧'a̧nö̧ rö̧ȩnä̧ ro̧ȩcuä̧ ȩmä̧cua̧'a̧jä̧ttö̧? Ja̧u̧tä̧ ucuoja, jareö huȩnȩ iso päi'önä huȩnȩ ja̧'a̧. Ja̧'hua̧ta̧nö̧ ja̧u̧tä̧ ucuoja ja̧u̧ru̧ aditö icuoya.

Hebreos 12:2

Jesús, ujutu tesetäcuru, ujuturu aditö icuru, adiunätä to̧tä̧rä̧tu̧cua̧ja̧. Jesús dau isodänä kä̧nö̧ 'corupäi'omenä, ja̧'hua̧nö̧ 'corupä'i'ö ödäpecua pä'ö amöcuädoca'a ubara ttu'inödo. Chutä huo̧jui̧nö̧do ja̧'hua̧nö̧ ubara ttudu o'ca'a chȩsȩhuä̧cua̧sä̧ pä'ö. Ja̧'hua̧ta̧nö̧ Dios ö̧'o̧mȩ u̧huo̧jua̧'a̧nä̧ pä̧mä̧di̧nö̧do.

Hebreos 2:1

Ja̧'hua̧nö̧ ja̧'a̧ttö̧ tä̧ju̧cui̧nö̧mä̧ yabonö tesetö'a̧nö̧ ja̧'a̧, adihuä juäi mä̧nä̧ jaroti'ö juiya pä'ö.

Hebreos 2:17

Ja̧'hua̧nö̧ ja̧'a̧ttö̧ ö̧jä̧hua̧tö̧ ta'anö hua̧, adiunä ji'äu re rö̧jö̧nä̧ topö, Dios ä'ca jo̧mȩttö̧ adihuä sacerdote ru̧hua̧ päi'önä ö̧ja̧ pä'ö ichinödo. Ja̧'hua̧ta̧nö̧ ja̧u̧, ttö̧ja̧ suronä jȩtti̧nö̧ jȩpö̧ icua pä'ö jȩpö̧ sacrificio hui̧nö̧do.

Hebreos 3:1

Ja̧'hua̧nö̧ ja̧'a̧ttö̧ chö̧jä̧hua̧tö̧, adihuä juäi jȩpä̧tö̧mä̧, Dios huoinä̧u̧jä̧ i̧tti̧mö̧ cu'ätucua pä'ö. Adiu amöcuädätucui Cristo Jesúsru, adihuä huȩ'ä̧hua̧rö̧. Ja̧u̧ru̧ teseta'attö, ja̧u̧tä̧ adihuä sacerdote ru̧hua̧ päi'önä kö̧do.

Hebreos 3:14

Iso päi'önä äcuomenä tesetinö röji mo̧ro̧ päi'omenä jubö päi'önä tami 'quitächi'öttömä, Cristocu ji̧nä̧ yo̧mȩtȩ tö̧ja̧cuä̧cuo̧tö̧jä̧.

Hebreos 6:20

Jesús juhua'a do'ächinödo, tu̧mä̧nä̧ ötodeta pä'ö. Ja̧'hua̧nö̧ ja̧'a̧ttö̧ Jesús Melquisedec ö̧ji̧nö̧ ta'anö, sacerdote hua̧ päi'önä kö̧do 'cuäopönä.

Hebreos 7:3

Jä'o'inä, ja̧ju̧'i̧nä̧, jä̧do̧tö̧ mi̧nä̧'i̧nä̧ toina'ado. Uhuäpächinö huȩnȩ'i̧nä̧, 'corupäi'inö huȩnȩ'i̧nä̧ yoröiso juiya'a. Ja̧'hua̧nö̧ ja̧'a̧ttö̧ Dios I̧tti̧ jä̧'i̧nö̧'a̧nö̧ hua̧. Ja̧'hua̧ta̧nö̧ sacerdote i̧sa̧ päi'önä 'cuäopönä ö̧jä̧cua̧.

Hebreos 8:1

Jitä pätäjimä pi̧yȩjä̧: ujutu adihuä ji̧nä̧ isocu sacerdote ru̧hua̧ ku̧nä̧rä̧tö̧jä̧ mo̧ro̧jä̧ra̧'a̧ttö̧, Dios i̧dȩä̧cä̧ u̧huo̧jua̧'a̧nä̧ pö̧rö̧.

Hebreos 9:12

Chutä Cristo Ji̧nä̧ Isocu Adihuo̧ca̧cu̧ täcö do'ächinödo. Juhua'attö oveja i̧tti̧'i̧nä̧, päcäyä i̧tti̧'i̧nä̧ ttucuoja iyocödo. Ja̧'hua̧ta̧nö̧ chutä amönä ucuojatä iya pä'ö do'ächinödo. Chutä ya'utenätä do'ächinödo, o'ca toi'önä suronä jȩttö̧ jȩpö̧ icu. Ja̧'hua̧nö̧ jȩpö̧, kä̧cuä̧huä̧ i'co ȩmö̧ iyinä̧u̧jä̧.

Hebreos 9:24

Cristomä, ja̧u̧ juäi Diosrö ucuocuäcuähuode, ttö̧ja̧ ttaditode, mo̧ro̧jä̧nä̧ kode a̧'cua̧rodenä do'ächocö pi̧nö̧do. Mo̧ro̧jä̧nä̧tä̧ do'ächinödo. Jitä'inä Dios ä'ca jo̧mȩttö̧ ujuturu ucuocu kö̧do.

1 Pedro 3:22

Chutä Jesucristo mo̧ro̧jä̧ra̧'a̧ cä'ecuächinö. Jitämä Dios u̧huo̧jua̧'a̧nä̧ kö̧do. Ja̧'hua̧ta̧nö̧ o'ca toi'önä ángeles'inä, hue'ähuotö'inä Ttu̧ru̧hua̧ päi'önä kö̧do Jesucristomä.