Hebreos 4:12 - TÄ̧DO Ä̧CUÄ̧ I̧HUȨNȨ

¹² Dios i̧huȩnȩmä̧ 'cuäopönä kö̧do. Ja̧'hua̧ta̧nö̧ 'cuäopönä juruhua'ado. Curodä pätecu sa̧huȩcuodättö'inä abonänö so̧a̧'a̧do Dios i̧huȩnȩ. Dios i̧huȩnȩmä̧ curodä so̧odänä idepä ttihue'cattö quichö tticua'a jä̧'i̧nö̧'a̧nö̧ jö̧. Dios i̧huȩnȩ ja̧'hua̧nö̧ jä̧'i̧nö̧'a̧nö̧ ja̧'a̧nä̧, jiähua'a ujutu ta̧'cua̧nä̧ tamöcuädömä.

Nuevo Testamento Uwotjüja

¹² Isopäi'ünä̧ Dio i̧wȩnȩmä̧, a̧'kua̧rä̧kuä̧wä̧'i̧nä̧, ujuru'i̧nä̧ kkü̧ ja̧'a̧. Kurodä pätekunä̧ so̧ȩkuodättü'i̧nä̧ abonä̧nü̧ 'kuiokuächa'a ja̧'wa̧ta̧nü̧ ttü̧ja̧sa̧ a̧'kua̧rü̧nä̧'i̧nä̧, a̧'kua̧rü̧ i̧sa̧nä̧'i̧nä̧ jakuära̧'a̧ doächi'ünä̧; ja̧'wa̧ta̧nü̧ tta̧mü̧kuädünä̧'i̧nä̧, tta̧mi̧'iso'kinä̧'i̧nä̧ adiu'i̧nä̧, surojü'i̧nä̧ ttu̧wo̧jui̧pü̧nä̧ ja̧'a̧.

Hebreos 4:12 ပူးပေါင်းရင်းမြစ်များ

San Lucas 8:11

“Pi̧yȩ jä̧ koro juäi jä̧'i̧nö̧'a̧nö̧ jö̧ huȩnȩ pädäjimä. Jacuä jähuä jä̧ji̧mä̧ Dios i̧huȩnȩ.

San Juan 12:48

Ya̧tȩ ttörö'inä ucuotocömä, chi̧huȩnȩ'i̧nä̧ ä̧ju̧cuo̧cö̧mä̧, ja̧u̧ru̧ pä̧cuȩ ku̧nä̧rö̧. Ttötä chi̧huȩnȩ chucuocuinömä ja̧u̧ru̧ päcua'a röji mo̧ro̧ päi'omenä.

San Juan 6:51

Ttötäsä ja̧u̧ kä̧cuä̧huä̧ i'co i̧ri̧si̧ mo̧ro̧jä̧ra̧'a̧ttö̧ mȩyȩhui̧nö̧mä̧. Pi̧yȩ i̧ri̧si̧ttö̧ cumä, 'cuäopönä ö̧jä̧cua̧. Ja̧u̧ i̧ri̧si̧ chiyömä, ttötä chidepä chi̧yä̧huä̧cua̧sä̧. Pi̧jä̧ ttö̧ja̧ ttö̧ja̧cua̧ pä'ö chi̧yä̧huä̧cua̧sä̧, —pä'inödo Jesús.

Hechos 2:37

Ja̧'hua̧nö̧ ja̧'a̧ Pedro jiähua'a ttä̧ju̧cuo̧mȩnä̧, tta̧'cua̧ tta̧ päi'önä ä̧ju̧cu̧ jä'epinätödo Pedrorö'inä, korotö Jesús hue'ähuotörö'inä: —Chahuaruhuä, ¿tta̧'a̧nö̧ jȩtä̧cua̧'a̧jä̧ttö̧?

Hechos 4:31

Diosrö ucuocu cättädomenä, ttö̧'ö̧jo̧mȩ ttö̧ȩpi̧na̧'a̧do. O'ca toi'önä Espíritu Santo ujuru rö̧ȩnä̧ ttu̧ju̧nä̧ra̧'a̧ttö̧, yettoca'a ji'ähuinätödo Dios i̧huȩnȩ.

Hechos 5:33

Ja̧'hua̧nö̧ jiähua'a ä̧ju̧cu̧, ji̧nä̧ iso ruhuotö juiyo ttami surächi'inä̧u̧do. Cuä'ö tticua pä'inätödo Jesús hue'ähuotörö.

Hechos 7:38

Ja̧u̧tä̧ Moisés ttö̧ja̧ tome ki̧nö̧do Israel ttö̧ja̧cu̧. Ja̧u̧ru̧ Sinaí inähuättö ángelcu ucuocuinömä tä̧do̧tö̧ mi̧nä̧cu̧ ki̧nö̧do. Ja̧u̧tä̧ Moisés ȩmi̧nö̧ kä̧cuä̧huä̧ huȩnȩ ujuturu iya pä'ö.

Romanos 1:16

Ttömä dä'äcuocösä adihuä huȩnȩmä̧. Ja̧u̧ huȩnȩ esetätörö suronä jȩttö̧ jȩpö̧ icu Dios, äcuomenä judíos ttö̧ja̧rö̧'i̧nä̧, ja̧'hua̧ta̧nö̧ judíos huocotörö'inä.

1 Corintios 1:24

Ja̧'hua̧nö̧ ja̧'a̧nä̧ Dios huoinä̧u̧mä̧, judíos ttö̧ja̧'i̧nä̧, griegos ttö̧ja̧'i̧nä̧ pä'ätö: “Cristomä Dios ujuru päi'önä kö̧.” Ja̧'hua̧ta̧nö̧ pä'ätö: “Cristomä Diosttö huo̧juä̧huä̧ päi'önä kö̧.”

2 Corintios 2:17

Ujutumä Dios i̧huȩnȩ ji'äu kä̧nö̧, koro pä'ö ȩmo̧co̧tö̧jä̧ korotö recuätö jȩttö̧'a̧nö̧. Ujutu jueönä ta̧'cua̧ pö̧nö̧ ji'ähuätöjä Dios hue'ähuotö jittäu ta'anö. Ja̧'hua̧ta̧nö̧ Dios ä'ca jo̧mȩttö̧ ji'ähuätöjä Cristo umöhuäyotö jittäu ta'anö.

2 Corintios 4:2

Ujutumä jaropi'inätöjä o'ca juiyönä dajahuächö jȩä̧cuä̧huä̧'i̧nä̧, dä'äcu jȩä̧cuä̧huä̧'i̧nä̧. Ujutumä yapareu jȩpo̧co̧tö̧jä̧. Ja̧'hua̧ta̧nö̧ Dios i̧huȩnȩ'i̧nä̧ i̧mi̧cu̧nä̧ ji'ähuocotöjä. Ji̧yȩä̧cuȩtä̧, iso päi'önä huȩnȩtä̧ ucuocuätöjä pi̧jä̧ ttö̧ja̧rö̧, Dios ä'ca jo̧mȩttö̧ ttamöcuädäcua'a̧nö̧ jitötä.

Efesios 5:13

Ja̧'hua̧nö̧ ja̧'a̧nä̧ o'ca juiyönä tȩa̧huo̧mȩ ku̧nä̧huä̧mä̧, adiu tȩa̧u̧nä̧ tottäcua'a̧nö̧. Iso päi'önä tȩa̧u̧nä̧ tottomenä, o'ca juiyönä tȩa̧u̧nä̧ topätö.

Efesios 5:26

Ja̧'hua̧nö̧ iyähuinödo, Diosrö esetätörö töcö icu aditö icua pä'ö ajiyanä'inä, chutä i̧huȩnȩnä̧'i̧nä̧.

Efesios 6:17

Ttunä cuähuächa'acu ttunä 'quiyö juäi ttu̧huä̧nähua'a jä̧'i̧nö̧'a̧nö̧, tta̧'ä̧rä̧cuä̧huä̧tu̧cui̧ ucutu'inä, suronä jȩttö̧ jȩpö̧ icu huȩnȩ esetö. Ja̧'hua̧ta̧nö̧ curodä ttȩpa̧'a̧ jä̧'i̧nö̧'a̧nö̧, ȩpä̧tu̧cui̧ ucutu'inä adihuä Dios i̧huȩnȩ Espíritu Santo iyä̧u̧.

1 Tesalonicenses 2:13

Ja̧'hua̧nö̧ ja̧'a̧ttö̧ ujutumä 'cuäopönä eseunu ucuocuätöjä Diosrö. Dios i̧huȩnȩ jitähuomenä, ucutu adiu ä̧ju̧cu̧ esetinätöjä. Pi̧yȩ huȩnȩ iso päi'önä Dios i̧huȩnȩ, pi̧jä̧ ttö̧ja̧ tti̧huȩnȩmä̧cö̧. Ja̧u̧ huȩnȩ cuesetätucuomenä, cuamöcuädätucumä pärohua'attö, iso päi'önä huȩnȩ ja̧'a̧.

1 Tesalonicenses 5:23

Dios, tami iso'quinä eseunu kä̧cuä̧huä̧ iyömä, adiunätä jȩcu̧'ä̧tu̧cua̧ pä'ö ppädäcua'a̧nö̧ ucuturu. Ja̧'hua̧ta̧nö̧ Tu̧ru̧hua̧ Jesucristo ichome jubö päi'önä, surojö juiyönä tta̧huä̧rä̧cua̧'a̧nö̧ cua̧'cua̧rö̧'i̧nä̧, cua̧'cua̧ru̧hua̧rö̧'i̧nä̧, jättäpäyotörö'inä.

Hebreos 13:7

Ucuturu huo̧juȩtö̧ ppä'ädinätörö'inä, Dios i̧huȩnȩ ucuturu ji'ähuinätörö'inä cunichi'ätucuä'. Jahuätö ttö̧ji̧nö̧'a̧nö̧ amöcuädätucui. Ja̧'hua̧ta̧nö̧ jahuätö ttesetinö'a̧nö̧ esetö ka̧cuä̧tu̧cui̧.

Santiago 1:18

Chutä iso päi'önä huȩnȩttö̧, ujuturu iyinö kä̧cuä̧huä̧ i'co, ä'canä ttö̧ja̧, ucuo ttö̧ja̧ päti'a pä'ö Dios aditinä̧u̧ttu̧. Churutä pä̧huä̧ rö̧jo̧mȩnä̧ pä'inödo.

1 Pedro 1:23

Ucutu jareönä uhuäpächinätöjä. Ja̧'hua̧nö̧ jareönä cuhuäpächätucuomenä, pi̧jä̧ ttö̧ja̧, 'corupä'i'ätöttömä uhuäpächocotö pi̧nä̧tö̧jä̧. Dios i̧huȩnȩttö̧, yoröiso beipocöttö, uhuäpächinätöjä.

Apocalipsis 1:16

U̧mö̧ uhuo̧jua̧'a̧nä̧ ko̧ro̧mö̧ttö̧nö̧ ta̧ju̧ si̧ri̧'cö̧rö̧ 'chu̧'ä̧ri̧nö̧. Ättö curodä, pätecu sa̧huȩcuodä, räopina'a. Ö'ämä, mo̧ro̧ kä̧hua̧ o'ca juiyönä ujurunä tȩa̧u̧'a̧nö̧ tȩa̧hui̧na̧'a̧.

Apocalipsis 19:15

Chutä ättömä curodä so̧odä räopina'a, o'ca toi'önä pa̧ja̧cu̧nä̧ ttö̧ja̧rö̧ 'cui'opö icua pä'ö. Ja̧'hua̧ta̧nö̧ cuo̧rä̧u̧jä̧ 'chu̧'ä̧rö̧ huetta'a jä̧'i̧nö̧'a̧nö̧, huȩä̧cua̧ jahuätörö. Ya̧tȩ ö̧jä̧pö̧nä̧ kä̧dö̧, uva isoya 'chitta'a jä̧'i̧nö̧'a̧nö̧, ro̧ȩpä̧cua̧ jahuätörö. Ja̧'hua̧ta̧nö̧ Dios o'ca juiyönä ju̧ru̧hua̧ttö̧ rä'opö, rö̧ȩnä̧ ro̧ȩcuä̧ vino ttahua'a jä̧'i̧nö̧'a̧nö̧ huȩä̧cua̧.

Apocalipsis 19:21

Korotörö o'ca toi'önärö, chutä caballo tȩ'a̧rö̧ huä̧mä̧di̧nö̧ ättö curodä räopinodänä cuä'ö icuinä̧u̧. Ja̧'hua̧ ja̧'a̧nä̧ o'ca toi'önä ppi̧yu̧ suttädi'önä cuinätö jahuätö tto'co jähuä ttidepä.

Apocalipsis 2:16

Ja̧'hua̧nö̧ ja̧'a̧ttö̧ pärocuäcutä amöcuädi. Ja̧'hua̧nö̧ pärocuäcutä cuamöcuädö juiyöttömä, yodojinänö ucu cu̧jo̧mȩ chi̧chä̧cua̧sä̧ curodänä, chättö räopodänä, jahuätörö chörohuähua pä'ö.

Apocalipsis 2:23

Ki̧tti̧mö̧rö̧'i̧nä̧ cuä'ö chi̧cuä̧cua̧sä̧. Ja̧'hua̧nö̧ jȩcho̧mȩnä̧, o'ca toi'önä iglesias ruhuämä, iso päi'önä o'ca juiyönä ttamöcuädönä'inä, ttami iso'quinä'inä topö huo̧jua̧sä̧ pä'ö ttu̧huo̧juä̧cuo̧tö̧. Ucutu'inä jȩcu̧'ä̧tu̧cu̧ topö chi̧yä̧cua̧sä̧ ka̧ra̧rö̧'i̧nä̧, ka̧ra̧rö̧'i̧nä̧.

Apocalipsis 20:4

Ja̧u̧nu̧ o'ca'a, tti̧dȩä̧qui̧yä̧ topinösä. Ja̧u̧ juäi tti̧dȩä̧qui̧yä̧nä̧ pȩji̧nä̧tö̧, ttö̧ja̧rö̧ ro̧ttȩpa̧ pä'ö huettinä̧u̧. Ja̧'hua̧ta̧nö̧ korotö Jesús i̧huȩnȩ jittähua'attö, ttu 'cui'opö tticuinä̧u̧, Dios hueö'inä esetinätörö topinösä. Jahuätömä ja̧u̧ pä̧i̧cua̧ i̧sa̧rö̧'i̧nä̧, chutä a̧'u̧cuä̧'i̧nä̧ esehuocotö, ja̧u̧ pä̧i̧cua̧ i̧sa̧ öäre sello ttö'änä'inä, ttu̧mö̧nä̧'i̧nä̧ ta'ähuocotö tta̧'cua̧ru̧hua̧rö̧ topinösä. Jahuätö pä'äji ta'anö ttö̧ja̧cua̧'a̧. Cristocu ya'ute mil a̧'ȩ jo̧mȩnä̧ huetta'a topinösä.