Hebreos 3:1 - TÄ̧DO Ä̧CUÄ̧ I̧HUȨNȨ

¹ Ja̧'hua̧nö̧ ja̧'a̧ttö̧ chö̧jä̧hua̧tö̧, adihuä juäi jȩpä̧tö̧mä̧, Dios huoinä̧u̧jä̧ i̧tti̧mö̧ cu'ätucua pä'ö. Adiu amöcuädätucui Cristo Jesúsru, adihuä huȩ'ä̧hua̧rö̧. Ja̧u̧ru̧ teseta'attö, ja̧u̧tä̧ adihuä sacerdote ru̧hua̧ päi'önä kö̧do.

Nuevo Testamento Uwotjüja

¹ Ja̧'wa̧nü̧ ji̧na̧'a̧ttü̧ chü̧jä̧wa̧tü̧, ukutu surojüttü 'kȩ'ȩpü̧ ȩmü̧ iku kkä̧nü̧, Dio i̧tti̧mü̧ päi'ünä̧ woinä̧u̧mä̧, ttu̧'ȩpä̧rü̧ adiu amükuädätukui, apóto jü̧nä̧'i̧nä̧, sacerdote-tü̧ ttu̧ru̧wa̧ jü̧nä̧'i̧nä̧ wa̧mä̧, Crito Jesú-tä ja̧'a̧ tta̧'kua̧ tu̧wȩnä̧rä̧ku̧mä̧.

Hebreos 3:1 ပူးပေါင်းရင်းမြစ်များ

San Juan 17:3

Ja̧u̧ kä̧cuä̧huä̧ i'co ttu̧ju̧nä̧ro̧mȩnä̧, ucurutä, ya̧tȩrö̧tä̧, iso päi'önä Ttä̧do̧ ä̧cua̧ Diosrötä, huo̧juä̧tö̧. Ja̧'hua̧ta̧nö̧ Jesucristorö, ucutä huecuhuinäcuru'inä huo̧juä̧tö̧.

San Juan 20:21

Ja̧u̧nu̧ o'ca'a Jesús pä'äji ta'anö pä'inödo jahuätörö: —Eseäcuähuä ku̧nä̧rä̧tu̧cui̧. Chä'o ttörö hueinö ta'anö, ucuturu'inä hue'ösä.

San Juan 20:27

Ja̧u̧nu̧ o'ca'a Tomásrö pä'inödo: —Cudo'che pȩnȩ rä'ädi. Chu̧mö̧ topi. Ucutä cu̧mö̧ cä'epö chi'esubänä rä'ädi. Juhua'a yabonö cu'arodä'. Adiunätä eseti.

Hechos 1:15

Ja̧u̧nu̧ mo̧ro̧ Pedro, ö̧jä̧hua̧tö̧ ttö̧'quȩtȩttö̧ ä̧rä̧mi̧'ö̧ ucuocuinödo. Jahuätö ciento veinte ttö̧ja̧ ji̧na̧'a̧do. Jahuätörö pä'inödo:

Romanos 11:17

Judíos ttö̧ja̧ adihuä juäi isei olivo dau ä̧na̧jui̧yä̧ jä̧'i̧nö̧'a̧nö̧ huotö. Jahuätöttö yotöcunä adihuä juäi dauttu 'cui'opö do'opö tticua'a jä̧'i̧nö̧'a̧nö̧ huotö. Ja̧'hua̧ta̧nö̧ de'a jähuä olivo dau jä̧'i̧nö̧'a̧nö̧ huotöjä ucutumä. Ja̧'hua̧nö̧ ja̧'a̧ttö̧ olivo de'a jähuättö ȩmö̧, adihuä ku̧nä̧huäinä be'epö ttu̧ju̧na̧'a̧ jä̧'i̧nö̧'a̧nö̧ huotöjä. Ja̧'hua̧ ja̧'a̧ttö̧ de'a jähuä olivocu, ku̧nä̧huä̧ olivocu ji̧nä̧ ji̧yȩtȩ idepä juoächa'a jä̧'i̧nö̧'a̧nö̧ huotöjä.

Romanos 15:27

Ja̧'hua̧nö̧ jitötä amöcuädinätö adiu'a̧nö̧ ji̧na̧'a̧do ttamöcuädomenä. Ja̧'hua̧nö̧ ja̧'a̧ttö̧ iso päi'önä ppättädö'a̧nö̧ ja̧'a̧. Ja̧'hua̧ta̧nö̧ jitörö judíos ttö̧ja̧rö̧ ppättädö'a̧nö̧ ja̧'a̧ pi̧jä̧ jähuänä, koro juäi ttu̧ju̧nä̧rö̧mä̧, judíos ttö̧ja̧ judíos huocotörö ppättädinö ta'anö Dios jähuänä.

Romanos 15:8

Ttö pa̧'a̧nö̧ pä'ösä, Cristo ichinö judíos ttö̧ja̧rö̧ ppäda pä'ö. Ja̧'hua̧nö̧ ichinö Dios ujutu tä̧do̧tö̧ mi̧nä̧rö̧ päinömä 'cuäopa pä'ö. Ja̧'hua̧ta̧nö̧ Dios iso päi'önätä ucuocu i̧jȩpi̧nö̧.

Romanos 9:24

Dios ujuturu huopinö, korotö judíos ttö̧ja̧rö̧'i̧nä̧, korotö judíos huocotörö'inä.

1 Corintios 10:17

Ujutumä tirecua'anä, o'ca toi'önä ji̧nä̧ ji̧si̧tȩttö̧ cuätöjä. Ja̧'hua̧nö̧ ja̧'a̧ttö̧ ujutumä o'ca toi'önä ji̧nä̧ ji̧yȩtȩ huotö pä'i'ätöjä.

1 Corintios 9:23

Ttömä ja̧'hua̧nö̧ jȩpö̧sä̧ Dios i̧huȩnȩ, ttö̧ja̧ suronä jȩttö̧ jȩpö̧ icu huȩnȩ esetö, ttö'inä chȩmä̧cua̧'a̧nö̧ adihuä juäi, ja̧u̧ huȩnȩ päö'a̧nö̧.

2 Corintios 1:7

Iso päi'önä adiu esehuätöjä ucuturu. Ujutu huo̧juä̧tö̧jä̧ ja̧'hua̧nö̧ ubara ttucuhuätucuomenä, ja̧'hua̧ta̧nö̧ Dios ucuturu ppä'ädö pä'ö.

2 Corintios 9:13

Jahuätö ttesehuäcuähuäcuotö Diosrö. Ja̧u̧ ppä'ädö huecuhuätucuomenä, topö ttu̧huo̧juä̧cuo̧tö̧ iso päi'önä ucutumä Cristo i̧huȩnȩ päö ta'anö jȩpä̧tö̧jä̧. Ja̧'hua̧ta̧nö̧ jahuätörö'inä, o'ca toi'önärö'inä eseunu ppä'ädö cuiyätucuomenä topö, Diosrö adiu ttucuotäcuotö.

Efesios 3:6

Ja̧u̧ ttieru huȩnȩ pi̧yȩtä̧. Suronä jȩttö̧ jȩpö̧ icu huȩnȩ esetätötä yoräteunä ttȩmä̧cuo̧tö̧ Dios iyä̧cuȩ, judíos huotö'inä, judíos huocotö'inä. Jahuätömä ji̧nä̧ yotöte huotö ja̧'a̧ttö̧, Dios Cristo Jesúsnä iya päinö yoräteunä ttȩmä̧cuo̧tö̧.

Efesios 4:1

Ja̧'hua̧nö̧ ja̧'a̧ttö̧ Tu̧ru̧hua̧rö̧ esetö cärenä pä̧nö̧, Dios huoinä̧u̧ ttö̧jö̧'a̧nö̧ adiu ka̧cuä̧tu̧cui̧, pä'ösä ttömä ucuturu. Dios huo̧i̧nä̧u̧jä̧ ucutumä.

Efesios 4:4

Ya̧tȩtä̧ ja̧'a̧do. Ja̧'hua̧ta̧nö̧ ya̧tȩtä̧ Espíritu Santo ja̧'a̧do. Ja̧'hua̧ta̧nö̧ ji̧yȩtȩtä̧ ka̧'a̧do Diosrö eseunu tta̧huä̧rä̧cuä̧huä̧. Ja̧u̧ tta̧cu̧huä̧rä̧tu̧cua̧ pä'ö, Dios huoinä̧u̧jä̧.

Filipenses 3:14

Ttömä röji beipome amöcuädö kö̧sä̧, adihuä juäi chȩma̧ pä'ö. Ja̧u̧ adihuä juäinä ttörö ȩmö̧, Dios mo̧ro̧jä̧ra̧'a̧ ȩpä̧cua̧ ttörö.

Colosenses 1:12

Ja̧'hua̧ta̧nö̧ esehuätucui Tä'o Diosrö. Chutä ujuturu aditinö, ujutu'inä tȩa̧u̧nä̧ tȩma̧ pä'ö chutä i̧tti̧mö̧rö̧ iya päinömä.

Colosenses 3:12

Dios ucuturu repe'ö huoinä̧u̧jä̧ i̧tti̧mö̧ cu'ätucua pä'ö. Ja̧'hua̧nö̧ ja̧'a̧ttö̧ korotörö re rö̧jö̧nä̧ topätucui. Adiu ucuotätucui o'ca toi'önärö. “Ka̧ra̧ttö̧'i̧nä̧ abonänö adihuä i̧sa̧sä̧” cuamöcuädätucuä'. Repe'önö jȩpö̧ ka̧cuä̧tu̧cui̧. Cuami 'qui'ächi'ö ka̧cuä̧tu̧cui̧.

1 Tesalonicenses 2:12

Dios ucuturu ȩmi̧nö̧ chutäcu eseunu cu̧ja̧cuä̧tu̧cua̧ pä'ö. Ja̧'hua̧nö̧ ja̧'a̧ttö̧ Dios i̧tti̧mö̧ ttö̧ja̧cu̧'a̧nö̧, cu̧ja̧cuä̧tu̧cua̧ pä'ö huo̧juȩtö̧ hue'inätöjä ucuturu.

1 Tesalonicenses 5:27

Ttö pä'ösä ucuturu Tu̧ru̧hua̧ u̧ju̧ru̧nä̧. Pi̧yȩ cuyäru ucuocuätucui o'ca toi'önä tö̧jä̧hua̧tö̧rö̧.

2 Tesalonicenses 1:11

Ja̧u̧ 'cuäopä̧cuȩ amöcuädö, 'cuäopönä Diosrö ucuocu jä'epätöjä ucuturu, churutä pä̧huä̧ rö̧jo̧mȩnä̧ ȩmi̧na̧'a̧ttö̧, adiu jȩpö̧ cu̧ja̧cuä̧tu̧cua̧ pä'ö. Ja̧'hua̧ta̧nö̧ Diosrö ucuocu jä'epätöjä o'ca juiyönä adiu cuamöcuädätucu'inä, churutä esetö cuaditätucu'inä chutä ujurunä ppäda pä'ö ucuturu.

2 Tesalonicenses 2:14

Tu̧ru̧hua̧ Jesucristocu cu̧ja̧cuä̧tu̧cua̧ pä'ö ttö̧ja̧ suronä jȩttö̧ jȩpö̧ icu huȩnȩ, ujutu jitähuinö huȩnȩ, cuesetätucuomenä huoinä̧u̧jä̧.

1 Timoteo 6:12

Adihuä juäi huȩnȩ ji'äu, surojöcu rohuäu kä̧hui̧. Kä̧cuä̧huä̧ i'co cu̧ju̧nä̧ra̧ pä'ö adiu amöcuädi. Dios ja̧'hua̧nö̧ cu̧ja̧ pä'ö ȩmi̧nä̧cu̧jä̧ recuätö ttä'ca jo̧mȩttö̧ esetö jicuhuähuomenä.

1 Timoteo 6:2

Ja̧'hua̧ta̧nö̧ korotö ttu̧ru̧hua̧mä̧ Diosrö esetöcu ttaditomenä, ja̧u̧mä̧ tö̧jä̧hua̧ ja̧'a̧ttö̧, adiu tucuotococu pättö juiyö'a̧nö̧ ja̧'a̧. Pärocua'acu, ji̧nä̧ isocu adiu ttaditö'a̧nö̧ ja̧'a̧ ja̧u̧cu̧. Ja̧'hua̧nö̧ adiu ttaditomenä, adiu ppä'ädätö ttu̧ru̧hua̧ Diosrö esetörö, Dios repeäcuru. Ja̧'hua̧nö̧ hue'ö huo̧juȩti̧.

2 Timoteo 1:9

Dios ujutu suronä jȩtö̧ jȩpö̧ icuinö. Ja̧'hua̧ta̧nö̧ adiu tö̧ja̧cui̧ya̧rö̧ pä'ö huoinä̧u̧jä̧. Ujutu yoröiso adiu jȩpo̧co̧tö̧ pi̧nä̧tö̧jä̧. Diostä ujuturu pä̧huä̧ rö̧ji̧nä̧cu̧. Pi̧jä̧ juiyäi Dios ujuturu repe'inö, Cristo Jesúsru teseta'attö.

2 Timoteo 2:7

Ttö jidäumä, adiu amöcuädi. Ja̧'hua̧nö̧ cuamöcuädomenä, Tu̧ru̧hua̧ cu̧huo̧jui̧pö̧nä̧ ppä̧dä̧cua̧jä̧.

Hebreos 10:19

Ja̧'hua̧nö̧ ja̧'a̧ttö̧ chö̧jä̧hua̧tö̧, jitämä Jesucristo ucuojanä esetö, eseunu dotächö'a̧nö̧ ja̧'a̧ Ji̧nä̧ Isocu Adihuo̧ca̧cu̧, chutä jä̧ttä̧pä̧ya̧nä̧ jareö kä̧cuä̧huä̧ mä̧nä̧, chutä iyinä̧mä̧nä̧ i̧sä̧ta̧ abonä 'chä̧nö̧.

Hebreos 10:21

Dios ö̧jo̧mȩttö̧ Jesús ji̧nä̧ isocu sacerdote ru̧hua̧ päi'önä kö̧ ujuturu.

Hebreos 10:23

Ja̧'hua̧nö̧ tesetomenä, koro tamöcuädoca'a, adiunätä tta̧tä̧rö̧'a̧nö̧ ja̧'a̧. Dios ujuturu iya päinö, o'ca juiyönä i̧yä̧cua̧ päinö ta'anö.

Hebreos 13:22

Chö̧jä̧hua̧tö̧, pi̧yȩ ppädäcuähuä huȩnȩ topö, cuami 'quicuhuächi'ätucua pä'ösä. Pi̧yȩ ji̧'qui̧cha̧nö̧tä̧ huȩyu̧tä̧ji̧sä̧.

Hebreos 2:11

O'ca toi'önä aditö icuinä̧u̧'i̧nä̧, chutä, jahuätörö aditö icuinö'inä, ya̧tȩtä̧ ja̧'a̧do Tä'omä. Ja̧'hua̧nö̧ ja̧'a̧ttö̧: “Jahuätö ttö chö̧jä̧hua̧tö̧ ja̧'a̧”, päa pä'ö dä'äcuocödo Dios I̧tti̧mä̧.

Hebreos 2:17

Ja̧'hua̧nö̧ ja̧'a̧ttö̧ ö̧jä̧hua̧tö̧ ta'anö hua̧, adiunä ji'äu re rö̧jö̧nä̧ topö, Dios ä'ca jo̧mȩttö̧ adihuä sacerdote ru̧hua̧ päi'önä ö̧ja̧ pä'ö ichinödo. Ja̧'hua̧ta̧nö̧ ja̧u̧, ttö̧ja̧ suronä jȩtti̧nö̧ jȩpö̧ icua pä'ö jȩpö̧ sacrificio hui̧nö̧do.

Hebreos 3:12

Chö̧jä̧hua̧tö̧, tta̧'ä̧rä̧cuä̧u̧ ka̧cuä̧tu̧cui̧, ucututä cuami iso'quitucu surojo'quitucunä kä̧nö̧, Dios kö̧rö̧ jarocuhui'ätucu juiya pä'ö, ja̧u̧ru̧ cuesetätucuoca'attö.

Hebreos 3:14

Iso päi'önä äcuomenä tesetinö röji mo̧ro̧ päi'omenä jubö päi'önä tami 'quitächi'öttömä, Cristocu ji̧nä̧ yo̧mȩtȩ tö̧ja̧cuä̧cuo̧tö̧jä̧.

Hebreos 6:20

Jesús juhua'a do'ächinödo, tu̧mä̧nä̧ ötodeta pä'ö. Ja̧'hua̧nö̧ ja̧'a̧ttö̧ Jesús Melquisedec ö̧ji̧nö̧ ta'anö, sacerdote hua̧ päi'önä kö̧do 'cuäopönä.

Hebreos 7:26

Ja̧'hua̧ ja̧'a̧ttö̧ chutä Jesús ujuturu adihua'ado ji̧nä̧ isocu sacerdote ru̧hua̧ päi'önä ö̧ja̧ pä'ö. Ja̧u̧mä̧ adihuä i̧sa̧do. Ja̧u̧ suronämä yoröiso jȩpo̧cö̧. Suronä jȩpä̧tö̧ttö̧'i̧nä̧ i̧mi̧cu̧nä̧ kö̧. Ja̧'hua̧ta̧nö̧ mo̧ro̧jä̧ttö̧'i̧nä̧ juhua'a yabo ru̧hua̧do.

Hebreos 7:28

Moisés hueähuä huȩnȩ ttö̧ja̧ juiyupätörö huea'ado sacerdotes ruhuotö päi'önä ttö̧ja̧ pä'ö. Ja̧'hua̧nö̧ ja̧'a̧nä̧ Moisés hueähuä huȩnȩ o'ca'a, Dios päinö huȩnȩ, chutä I̧tti̧rö̧, 'cuäopönä adiunätä jȩpö̧rö̧ huea'ado sacerdotes ru̧hua̧ päi'önä ö̧ja̧ pä'ö.

Hebreos 9:11

Ja̧'hua̧nö̧ ja̧'a̧nä̧ Cristo täcö ichinödo. Jitämä ja̧u̧mä̧ ji̧nä̧ isocu sacerdote ru̧hua̧ päi'önä kö̧. Ja̧u̧tä̧ o'ca juiyönä adihuä juäi tu̧ju̧nä̧rö̧mä̧ ru̧hua̧do. Chutä sacerdote ru̧hua̧ päi'önä aditomenä, koromettö'inä abonänö adihuomedo. Pi̧jä̧ ttö̧ja̧ttö̧ adicuocomedo. Ja̧'hua̧nö̧ pä'ö pi̧jä̧ jähuättömäcö̧ pä'ätöjä.

Hebreos 9:15

Ja̧'hua̧nö̧ ja̧'a̧ttö̧ chutä Jesucristo ja̧u̧ jareö huȩnȩ tta̧huä̧rä̧cuä̧huä̧ i̧sa̧do. Cristo 'corupä'i'inödo, pä'äji huȩnȩ jȩtti̧nö̧ ka̧cui̧nä̧tö̧'i̧nä̧ suronä jȩtti̧nö̧ jȩpö̧ icua pä'ö. Ja̧'hua̧ta̧nö̧ Dios huoinä̧u̧'i̧nä̧ adihuä juäi kä̧cuä̧huä̧ iya päinö ttȩmä̧ pä'ö, 'corupä'i'inödo.

1 Pedro 2:9

Ucutu Dios ȩmi̧nä̧u̧jä̧. Tu̧ru̧hua̧ hue'ähuotöjä, churutä pä̧huä̧ rö̧jo̧mȩnä̧ jȩcu̧'ä̧tu̧cua̧ pä'ö. Ja̧'hua̧ta̧nö̧ ucutumä Dios umöhuäyotöjä, chutä ä'ca jo̧mȩttö̧ adiunätä cu̧ja̧cuä̧tu̧cua̧ pä'ö. Ucutumä ja̧'hua̧nö̧ ka̧cuä̧tö̧jä̧, Dios adihuä juäi jȩö̧ huȩnȩ jicuhuähuätucua pä'ö. Ja̧u̧ yo̧ö̧ttö̧ rä'opö, adihuä juäi tȩa̧u̧nä̧ cuecuhuächätucua pä'ö huoinä̧u̧jä̧.

1 Pedro 3:5

Pä'äji'inä adihuä juäi jȩpö̧ ka̧cui̧nä̧tö̧do nä̧tö̧, Diosrö adiunä esetinätömä. Jahuätömä Diosrö amöcuädinätödo. Ttirecuo hueö'inä jȩpi̧nä̧tö̧do.

1 Pedro 5:1

Ttö chi̧huȩnȩ hue'ösä jitämä ancianos huotörö, iglesia ruhuärö tta̧'ä̧rä̧tö̧rö̧. Ttö'inä anciano hua̧sä̧, jahuätö ta'anö. Cristo ubara ttuhua'a topinösä. Ttö'inä jahuätö ta'anö, eseunu chö̧jä̧cua̧sä̧ Cristo ichä̧cuȩ mo̧ro̧ päi'omenä.

1 Pedro 5:10

Ucutu a̧'u̧cu̧nä̧tä̧ ubara ttucuhuätucu o'ca'a, Dios cujuru'inä iyäcuotöjä. Ja̧'hua̧ta̧nö̧ cuami 'qui'ächi'ö cu̧ja̧cuä̧tu̧cua̧ pä'ö ȩmä̧cuo̧tö̧jä̧. Ja̧u̧tä̧ Dios o'ca juiyönä ppä'ädö ujuturu. Ujuturu ȩmi̧nö̧, Jesucristocu eseunu tö̧ja̧cua̧ pä'ö 'cuäopönä.

1 Juan 1:3

Ja̧'hua̧nö̧ ja̧'a̧ttö̧ totinö'inä, tä̧ju̧cui̧nö̧'i̧nä̧ ucuturu ji'ähuätöjä, ujutu Tä'o Dioscu, I̧tti̧ Jesucristocu ji̧nä̧ ji̧yȩtȩ huotö tö'a̧nö̧, ucutu'inä ujutucu ji̧nä̧ ji̧yȩtȩ huotö cu'ätucua pä'ö.

Judas 1:1

Ttömä Judassä. Jesucristo hueö jȩpö̧sä̧, Jacobo ö̧jä̧hua̧sä̧. Chi̧huȩnȩ hue'ösä ucuturu, Dios huoinä̧u̧ru̧, Tä'o Dios repeä̧u̧ru̧, Jesucristo tta̧huä̧rä̧u̧ru̧.

Apocalipsis 17:14

Chutä Corderorö ttörohuähuäcuotö. Ja̧'hua̧nö̧ ttörohuähuomenä, chutä Corderotä u̧ju̧ru̧huä̧cua̧, o'ca toi'önä Ttu̧ru̧hua̧ päi'önä ö̧ja̧'a̧ttö̧. Ja̧'hua̧ta̧nö̧ chutäcu cue'ächätömä, Diostä huopö ȩmi̧nä̧u̧. Adiunätä cue'ächätö.

Apocalipsis 18:20

Ja̧'hua̧nö̧ ja̧'a̧nä̧ mo̧ro̧jä̧'i̧nä̧, Jesús hue'ähuotö'inä, Dios i̧huȩnȩ ucuocuinätö'inä, o'ca toi'önä Dios i̧tti̧mö̧'i̧nä̧ ja̧u̧ ötahuiyä amöcuädö, esehuätucui. Chutä ja̧u̧ ötahuiyä ro̧ȩpo̧mȩnä̧, Dios ucuturu adiu ppä'ädinö.