Hebreos 2:10 - TÄ̧DO Ä̧CUÄ̧ I̧HUȨNȨ

¹⁰ O'ca juiyönä ka̧cu̧mä̧, Diosrö pä̧huä̧ rö̧jo̧mȩnä̧tä̧ ka̧cu̧do. Ja̧'hua̧ta̧nö̧ Dios i̧tti̧mö̧'i̧nä̧ eseunu ttö̧ja̧cua̧ chutäcu pä'ödo Dios. Ja̧'hua̧nö̧ ja̧'a̧ttö̧ Jesucristo, Dios i̧tti̧mö̧ suronä jȩttö̧ jȩpö̧ icumä, adiunätä ö̧ja̧ pä'ö ubara ttuhua'attö, jȩpi̧nö̧do Dios.

Nuevo Testamento Uwotjüja

¹⁰ Isopäi'ünä̧ rekuä rü̧ji̧na̧'a̧ o'kajuiyünä̧ aditinü̧tä̧ ja̧'wa̧ta̧nü̧ o'kajuiyünä̧ a̧'kua̧rü̧nä̧ wa̧tä̧ i̧tti̧mü̧ rekuätürü Dio ä'ka jo̧mȩku̧ ȩpa̧ pä'ümä̧; surojüttü ttü̧ji̧pü̧nä̧ rä'epü ikuäwä u̧ru̧wa̧tä̧, usurä ȩmä̧wi̧nü̧nä̧tä̧ jo̧mȩnü̧ päi'ünä̧, surojüttü ttü̧ji̧pü̧nä̧ ppädina̧'a̧ttü̧.

Hebreos 2:10 ပူးပေါင်းရင်းမြစ်များ

San Lucas 13:32

Ja̧'hua̧nö̧ ja̧'a̧ ja̧u̧ ädätinä̧u̧do: —Ja̧u̧ ahuari jä̧'i̧nö̧'a̧nö̧ hua̧rö̧ 'chä̧nö̧ ji'ähuätucuirö: “Jitä mo̧ro̧'i̧nä̧, yo̧ȩi̧ mo̧ro̧'i̧nä̧ rä'epö icusä espíritus suropätörö. Ja̧'hua̧ta̧nö̧ na̧nȩpä̧tö̧rö̧ aditö icusä. Täcö a̧'u̧cua̧'a̧tä̧ jö̧ o'ca'a cä̧dä̧dä̧cua̧sä̧ chaditähuä.”

San Lucas 2:14

Tucuotätucua Dios Ju'toju Ru̧hua̧rö̧. Tta̧'cua̧ adiunä ttö̧ja̧cua̧ pätä̧u̧ pi̧jä̧nä̧ ka̧cuä̧tö̧mä̧, Dios öjö'cä̧u̧mä̧.

San Lucas 24:26

Chutä Cristo adihuä öadihuänä ö̧jä̧cua̧'a̧ ä'canä, ¿ja̧u̧ juäi ubara ttu'u juiyö'a̧nö̧ ja̧'a̧ tä̧ji̧?

San Lucas 24:46

Juhua'a yabonänö ji'ähuinödo: —Pa̧'a̧nö̧ huȩyu̧cua̧'a̧do, Cristo 'co̧ru̧pä̧i̧'ä̧cua̧. Ja̧'hua̧ta̧nö̧ huäbodäcuä mo̧ro̧ päi'omenä, hua'arettö tto̧ä̧chä̧cua̧.

San Juan 11:52

Ja̧'hua̧ta̧nö̧ jahuätötämäcö̧. O'ca toi'önä Dios i̧tti̧mö̧ kara'a ka̧cuä̧tö̧rö̧'i̧nä̧ u̧ca̧ca̧ta̧ pä'ö 'co̧ru̧pä̧i̧'ä̧cua̧, —pä'inödo.

San Juan 19:30

Jesús ja̧u̧ vino a̧'toya ahuäji'ca̧, pä'inödo: —Täcö o'ca juiyönä 'cuäopäja'a. Ja̧'hua̧nö̧ pä'ö, 'corupäi'omenä, rȩjȩcu̧ päi'önä topö 'corupä'i'inödo.

Hechos 3:15

Ja̧'hua̧ ja̧'a̧ ucutu kä̧cuä̧huä̧ iyörö cuä'ö cuicuinätucua'anä, Dios ja̧u̧ru̧ tto'ädinö. Ujutu tto'ächinörö topinätöjä.

Hechos 5:31

Ja̧u̧ru̧ tto'ädö, Dios u̧huo̧jua̧'a̧nä̧ hueinäcu ru̧hua̧ ö̧ja̧ pä'ö, suronä jȩttö̧ jȩpö̧ icu ö̧ja̧ pä'ö, Israel ttö̧ja̧ pärocuäcutä ttamöcuädomenä, suronä jȩtti̧nö̧ jȩpö̧ icua pä'ö.

Romanos 11:36

O'ca juiyönä jähuä Diosttö icha'a. Chutä o'ca juiyönä aditinö. Ja̧'hua̧ta̧nö̧ o'ca juiyönä chutä öäre ja̧'a̧. Ja̧'hua̧nö̧ ja̧'a̧ttö̧ eseunu tucuocuaja Diosrö 'cuäopönä. Amén.

Romanos 9:23

Ja̧'hua̧ta̧nö̧ ja̧u̧ adihuä i̧sa̧ pä'ö tu̧huo̧jua̧rö̧ pä'inö. Ja̧'hua̧nö̧ ja̧'a̧ttö̧ re rö̧jö̧nä̧ topinö ujuturu. Ä'canätä jȩpi̧nö̧ ujuturu, chutäcu tö̧ja̧cua̧ pä'ö.

1 Corintios 2:7

Ujutumä ji'ähuätöjä Dios u̧huo̧ju̧nä̧ pi̧jä̧ ttö̧ja̧ ttierunä. Ja̧'hua̧ta̧nö̧ pi̧jä̧ aditäcua'a ä'canä, Dios ja̧u̧ u̧huo̧ju̧mä̧ ku̧nä̧ri̧nö̧do ujuturu iya pä'ö, suronä jȩtö̧ jȩpö̧ icua pä'ö.

1 Corintios 8:6

Ja̧'hua̧nö̧ pätta'anä, ujutumä huo̧juä̧tö̧jä̧ ya̧tȩä̧tä̧ Tä'o Diostä kö̧. Ja̧u̧ Tä'o o'ca juiyönä aditinödo. Ujutu'inä ja̧u̧ru̧ pä̧huä̧ rö̧jo̧mȩnä̧ ka̧cuä̧tö̧jä̧. Ja̧'hua̧ta̧nö̧ Tu̧ru̧hua̧mä̧ ya̧tȩä̧tä̧ kö̧. Ja̧u̧mä̧ Tu̧ru̧hua̧ Jesucristo. Ja̧u̧ru̧ pä̧huä̧ rö̧jo̧mȩnä̧, ujutu'inä ka̧cuä̧tö̧jä̧, pi̧jä̧nä̧ ka̧cu̧'i̧nä̧ o'ca juiyönä ka̧cua̧'a̧.

2 Corintios 3:18

Ja̧'hua̧nö̧ ja̧'a̧ttö̧ jitämä ujutu jui'ätöjä ja̧u̧ i̧sä̧ta̧mä̧, tö'ä mö̧ȩcuä̧ri̧nä̧ta̧mä̧. Ujutu ttö'ä toäcuähuodä jä̧'i̧nö̧'a̧nö̧ huotöjä. Korotö ujuturu tottomenä, Tu̧ru̧hua̧ öadihuä topätö. Ja̧'hua̧ta̧nö̧ eseäcuähuä rö̧ȩnä̧ tu̧ju̧nä̧ra̧'a̧ttö̧, chutä jö̧ ta'anö pä'i'ätöjä. Ja̧'hua̧nö̧ jȩpö̧ Tu̧ru̧hua̧mä̧, Espíritu Santo ja̧'a̧nä̧.

2 Corintios 4:17

Pi̧jä̧nä̧ kä̧nö̧ ubara ttutomenä, recuomä barahuocö. O'ca päi'önätä 'cuäopa'ado. Ja̧'hua̧nö̧ ja̧'a̧nä̧ jitä ja̧'hua̧nö̧ ubara ttu'u, ji̧nä̧ isocu rö̧ä̧chö̧nä̧ 'cuäopönä tesehuäcuotöjä.

2 Corintios 5:18

Pi̧yȩ o'ca juiyönä jȩpö̧ Dios. Ja̧u̧mä̧ Cristorö tesetomenä, churutä tesehua pä'ö, eseäcuähuä iyinödo ujuturu. Ja̧'hua̧ta̧nö̧ hue'inödo ujuturu o'ca toi'önä ttesehuarö pä'ö jitähua pä'ö.

2 Corintios 6:18

Ja̧'hua̧ta̧nö̧ ucutu Cuä'otucu pä̧di̧'ä̧cua̧sä̧. Ucutu'inä ttö chi̧tti̧mö̧ päcuhui'äcuotöjä, pä'ö Tu̧ru̧hua̧, o'ca juiyönä ju̧ru̧hua̧mä̧.

Gálatas 3:26

Ja̧'hua̧nö̧ ja̧u̧ru̧ cuesetätucuomenä, ucutumä o'ca toi'önä Dios i̧tti̧mö̧jä̧ Cristo Jesúscu ji̧nä̧ ji̧yȩtȩ huotö cu'ätucua'attö.

Efesios 2:7

Chutä ja̧'hua̧nö̧ jȩpi̧nö̧do, iso päi'önä yodoji'inä ujuturu, rö̧ȩnä̧ rȩpȩä̧cua̧ tu̧huo̧jua̧ pä'ö. Ja̧'hua̧ta̧nö̧ o'ca juiyönä adihuä juäi i̧yä̧cua̧ ujuturu Cristo Jesúsru teseta'attö tu̧huo̧jua̧ pä'ö.

Efesios 3:10

Ja̧'hua̧nö̧ 'cuäopina'ado jitä o'ca toi'önä pi̧jä̧ isoppanä ka̧cuä̧tö̧ hue'ähuotömä Diosrö esetätörö topö, ttu̧huo̧jua̧ pä'ö o'ca juiyönä Dios u̧huo̧ju̧mä̧.

Colosenses 3:4

Iso päi'önä Cristotä ta̧'cua̧rö̧mä̧. Ja̧'hua̧nö̧ ja̧'a̧ttö̧ ja̧u̧ ichö uhuäpomenä, ucutu'inä ja̧u̧tä̧cu̧ cuhuäpäcuotöjä. Ja̧'hua̧ta̧nö̧ ja̧u̧cu̧ eseunu cu̧ja̧cuä̧cuo̧tö̧jä̧.

2 Timoteo 2:10

Ja̧'hua̧nö̧ ja̧'a̧ttö̧ Dios ȩmi̧nä̧u̧ru̧ amöcuädö, o'ca juiyönä ubara ttu'usä. Ja̧'hua̧nö̧ ubara ttu'usä jahuätö'inä Cristo Jesúsru esetö adihuä kä̧cuä̧huä̧ huȩnȩ ttö̧ja̧ suronä jȩttö̧ jȩpö̧ icu huȩnȩ, ttu̧ju̧nä̧ra̧ pä'ö.

Hebreos 12:2

Jesús, ujutu tesetäcuru, ujuturu aditö icuru, adiunätä to̧tä̧rä̧tu̧cua̧ja̧. Jesús dau isodänä kä̧nö̧ 'corupäi'omenä, ja̧'hua̧nö̧ 'corupä'i'ö ödäpecua pä'ö amöcuädoca'a ubara ttu'inödo. Chutä huo̧jui̧nö̧do ja̧'hua̧nö̧ ubara ttudu o'ca'a chȩsȩhuä̧cua̧sä̧ pä'ö. Ja̧'hua̧ta̧nö̧ Dios ö̧'o̧mȩ u̧huo̧jua̧'a̧nä̧ pä̧mä̧di̧nö̧do.

Hebreos 6:20

Jesús juhua'a do'ächinödo, tu̧mä̧nä̧ ötodeta pä'ö. Ja̧'hua̧nö̧ ja̧'a̧ttö̧ Jesús Melquisedec ö̧ji̧nö̧ ta'anö, sacerdote hua̧ päi'önä kö̧do 'cuäopönä.

Hebreos 7:26

Ja̧'hua̧ ja̧'a̧ttö̧ chutä Jesús ujuturu adihua'ado ji̧nä̧ isocu sacerdote ru̧hua̧ päi'önä ö̧ja̧ pä'ö. Ja̧u̧mä̧ adihuä i̧sa̧do. Ja̧u̧ suronämä yoröiso jȩpo̧cö̧. Suronä jȩpä̧tö̧ttö̧'i̧nä̧ i̧mi̧cu̧nä̧ kö̧. Ja̧'hua̧ta̧nö̧ mo̧ro̧jä̧ttö̧'i̧nä̧ juhua'a yabo ru̧hua̧do.

Hebreos 7:28

Moisés hueähuä huȩnȩ ttö̧ja̧ juiyupätörö huea'ado sacerdotes ruhuotö päi'önä ttö̧ja̧ pä'ö. Ja̧'hua̧nö̧ ja̧'a̧nä̧ Moisés hueähuä huȩnȩ o'ca'a, Dios päinö huȩnȩ, chutä I̧tti̧rö̧, 'cuäopönä adiunätä jȩpö̧rö̧ huea'ado sacerdotes ru̧hua̧ päi'önä ö̧ja̧ pä'ö.

1 Pedro 1:12

Ja̧'hua̧nö̧ ja̧'a̧nä̧ jahuätö ttȩmö̧ juiya pä'ö huo̧juȩti̧nö̧do Dios. Ujututä tȩmä̧cuȩ pä'ö huo̧juȩti̧nö̧do. Täbocö Dios i̧huȩnȩ jiäcuähuä isotörö Espíritu Santo u̧huo̧juȩti̧nö̧ ta'anö, ä̧ju̧cui̧nä̧tö̧jä̧ ucutu. Iso päi'önä Espíritu Santo, mo̧ro̧jä̧ra̧'a̧ttö̧ huȩ'ä̧hua̧ ujurunä, adihuä juäi huȩnȩ, suronä jȩttö̧ jȩpö̧ icu huȩnȩ, jittähua'a ä̧ju̧cui̧nä̧tö̧jä̧ ucutu. Angeles'inä ttä̧ju̧cua̧ pä'ätö pi̧yȩ huȩnȩmä̧.

1 Pedro 5:1

Ttö chi̧huȩnȩ hue'ösä jitämä ancianos huotörö, iglesia ruhuärö tta̧'ä̧rä̧tö̧rö̧. Ttö'inä anciano hua̧sä̧, jahuätö ta'anö. Cristo ubara ttuhua'a topinösä. Ttö'inä jahuätö ta'anö, eseunu chö̧jä̧cua̧sä̧ Cristo ichä̧cuȩ mo̧ro̧ päi'omenä.

1 Pedro 5:10

Ucutu a̧'u̧cu̧nä̧tä̧ ubara ttucuhuätucu o'ca'a, Dios cujuru'inä iyäcuotöjä. Ja̧'hua̧ta̧nö̧ cuami 'qui'ächi'ö cu̧ja̧cuä̧tu̧cua̧ pä'ö ȩmä̧cuo̧tö̧jä̧. Ja̧u̧tä̧ Dios o'ca juiyönä ppä'ädö ujuturu. Ujuturu ȩmi̧nö̧, Jesucristocu eseunu tö̧ja̧cua̧ pä'ö 'cuäopönä.

Apocalipsis 4:11

Tu̧ru̧hua̧, Tä̧do̧ ä̧cua̧ Dios, ucumä adihuä i̧sa̧jä̧. Ucuru ttesehuäcua'a̧nö̧. Ucuru ttucuotäcua'a̧nö̧. Ucuru ttujuru ttiyäcua'a̧nö̧. Ucumä o'ca juiyönä aditinöjä. Ucurutä pä̧huä̧ rö̧jo̧mȩnä̧, o'ca juiyönä ka̧cua̧'a̧. Ja̧'hua̧ta̧nö̧ ucurutä pä̧huä̧ rö̧jo̧mȩnä̧, o'ca juiyönä aditinöjä.

Apocalipsis 7:9

Ja̧u̧ juäi tochinö o'ca'a, pä'äji ta'anö tochomenä, recuätö ttö̧ja̧ pi̧jä̧ pa̧ja̧cu̧nä̧ ttö̧ja̧ttö̧, o'ca toi'önä tti̧huȩnȩ pö̧nä̧ ucuocuätöttö, o'ca juiyönä ötahuiyä ttö̧ja̧ttö̧, ko̧ro̧jä̧ tti̧rȩjä̧ra̧'a̧ttö̧ ichähuotö chutä i̧dȩä̧cä̧'i̧nä̧, Cordero'inä ttä'ca jo̧mȩttö̧ ttö̧ja̧cua̧'a̧ topinösä. Juiyo recuinätö. Yoröiso ppa̧ja̧cuo̧mȩ juiyönä recuinätö. Ttö̧'ca̧tä̧huä̧ti̧yu̧ teönä 'ca̧tä̧hui̧nä̧tö̧. Ttu̧mö̧nä̧ koro juäi isojä, nȩnȩä̧ isojä jä̧'i̧nö̧'a̧nö̧, 'chu̧'ä̧ri̧nä̧tö̧.