Hebreos 13:17 - TÄ̧DO Ä̧CUÄ̧ I̧HUȨNȨ

¹⁷ Ucuturu huo̧juȩtä̧tö̧ pättö ta'anö, adiu jȩpä̧tu̧cui̧. Jahuätörö ucuotätucui. Jahuätö ucutu cua̧'cua̧ru̧hua̧tu̧cu̧ tta̧'ä̧rä̧tö̧do. Jahuätömä ucuturu tta̧ttä̧ro̧mȩnä̧, Dios to̧pä̧rö̧ jahuätörö. Jahuätö ttaditähuä, tta̧'cua̧ tta̧'ȩcu̧ juiyönä, adiunätä räopa pä'ö ppä'ädätucui. Tta̧'cua̧ tta̧'ȩcu̧nu̧ jȩttö̧ttö̧mä̧, ucuturu'inä adihuoca'ado.

Nuevo Testamento Uwotjüja

¹⁷ Ukuturu tta̧'a̧rä̧tü̧ pató-tü̧rü̧ ukuotü esetätukui, jua'amä̧ Dio-rü tti̧jȩpä̧kua̧'a̧ ukuturu 'kuäopünä̧ tta̧ttä̧ra̧'a̧ttü̧ kuesewätukuäkua'anü̧; surojü juiyünä̧, adiunä̧ jü̧tä̧ jȩpä̧tu̧kui̧, surojümä̧ ppädokü ja̧'a̧ttü̧.

Hebreos 13:17 ပူးပေါင်းရင်းမြစ်များ

San Lucas 16:2

Ja̧'hua̧nö̧ ja̧'a̧ ru̧hua̧ ja̧u̧ru̧ huopö päinäcudo: “¿Däjehuä jä̧ ja̧u̧mä̧ ucu jȩcu̧'u̧ ttörö jittäumä? Cuaditähuä huȩyu̧tu̧ iyittö. Täcö chippeyä ru̧hua̧ huocö cuä̧cua̧jä̧.”

Hechos 20:28

Cuamönätucutä tta̧'ä̧rä̧cuä̧huä̧tu̧cui̧. O'ca toi'önä Tu̧ru̧hua̧rö̧ esetätörö'inä tta̧'ä̧rä̧tu̧cui̧. Espíritu Santo ucuturu hue'inö jahuätörö tta̧huä̧rä̧cuä̧huä̧ isotö päi'önä cu̧ja̧cuä̧tu̧cua̧ pä'ö. Tu̧ru̧hua̧mä̧ churutä esetätörö ȩmi̧nö̧ ucuojanä 'corupäi'omenä.

Romanos 14:12

Ja̧'hua̧nö̧ ja̧'a̧ttö̧ o'ca toi'önä ujutu jȩti̧nö̧mä̧ jitähuäcuotöjä Diosrö.

1 Corintios 16:16

Ucuturu ji'äusä iso päi'önä jahuätö'inä, korotö jahuätöcu aditätö'inä ttu̧huo̧juȩtö̧mä̧ adiu jȩcu̧'ä̧tu̧cua̧ pä'ö.

Efesios 5:21

Diosrö cucuotätucuomenä, adiunä kä̧nö̧ korotö korotönö ppä'ädätucui.

Filipenses 1:4

Diosrö chucuocuomenä, 'cuäopönä eseunu jä'epösä ucuturu.

Filipenses 2:12

Chö̧jä̧hua̧tö̧, ttömä ucutucu chö̧jo̧mȩnä̧, o'ca juiyönä huedinömä jȩpi̧nä̧tö̧jä̧. Ja̧'hua̧nö̧ ja̧'a̧ttö̧ jitä'inä ucututtu kara'a chö̧jo̧mȩnä̧, adiu jȩpä̧tu̧cui̧ huedinömä. Diosrö cuesetinätucuäcuru ye'ecu ttö̧'ä̧u̧nu̧ jȩpä̧tu̧cui̧.

Filipenses 2:29

Iso päi'önä Tu̧ru̧hua̧nä̧ tö̧jä̧hua̧rö̧ esehuätucui i̧rȩbȩhuo̧mȩnä̧. Chutä ö̧jö̧ ta'anö ka̧cuä̧tö̧rö̧ 'cuäopönä eseunu amöcuädätucui.

Filipenses 3:18

Pä'äji recuo jidähuinö, pä'äji ta'anö ajuäu ji'äusä ucuturu. Korotömä recuätö Cristo dau isodänä 'corupäi'inö huȩnȩ aboiyotö ja̧'a̧nä̧, ka̧cuä̧tö̧ Diosrö esetätö ttö̧'quȩtȩnä̧.

Filipenses 4:1

Ja̧'hua̧nö̧ ja̧'a̧ttö̧ adihuä chö̧jä̧hua̧tö̧, iso päi'önä ucuturu repe'ö tocha pä'ösä. Ucuturu topö eseusä. Ja̧'hua̧ta̧nö̧ ucutumä chaditinö micuä huotöjä. 'Cuäopönä Tu̧ru̧hua̧rö̧ esetö, cuami 'qui'ächi'ö ka̧cuä̧tu̧cui̧, chahuaruhuä chö̧jä̧hua̧tö̧.

2 Tesalonicenses 3:14

Pi̧yȩ cuyärunä ti̧huȩyu̧tä̧ji̧ ta'anö jȩpo̧cö̧mä̧ ¿Di ja̧ pä'ö? cu̧huo̧juä̧tu̧cua̧ja̧. Ja̧u̧ ödäpecua pä'ö ja̧u̧cu̧ cuecuhuächätucuä'.

1 Timoteo 5:17

Ancianos huotö adiu ji'äu huo̧juȩtä̧tö̧rö̧'i̧nä̧, iglesia ruhuärö adiu hue'ätörö'inä, ji̧nä̧ isocu adiu tucuotäcua'a̧nö̧.

Hebreos 13:24

Ucuturu huo̧juȩtä̧tö̧rö̧ o'ca toi'önärö'inä, o'ca toi'önä esetätörö'inä te'ähuätucui. Italia rȩjȩnä̧ ka̧cuä̧tö̧ ucuturu te'ähuätödo.

Hebreos 13:7

Ucuturu huo̧juȩtö̧ ppä'ädinätörö'inä, Dios i̧huȩnȩ ucuturu ji'ähuinätörö'inä cunichi'ätucuä'. Jahuätö ttö̧ji̧nö̧'a̧nö̧ amöcuädätucui. Ja̧'hua̧ta̧nö̧ jahuätö ttesetinö'a̧nö̧ esetö ka̧cuä̧tu̧cui̧.

Santiago 4:7

Ja̧'hua̧ ja̧'a̧ttö̧ Diosrötä pä̧huä̧ rö̧jö̧mä̧ jȩpä̧tu̧cui̧. Ähuettärö pä̧huä̧ rö̧jö̧mä̧ jȩcu̧'ä̧tu̧cuä̧'. Ja̧'hua̧nö̧ jȩcu̧'ä̧tu̧cuo̧mȩnä̧, ucututtu tö'ipächö ähuettämä.

1 Pedro 5:5

Ucutu'inä u̧mä̧tö̧ möäyotö, o'ca juiyönä ancianos huotö huettömä ä̧ju̧cu̧ jȩpä̧tu̧cui̧. Ja̧'hua̧ta̧nö̧ o'ca toi'önä korotörö ppä'ädö eseunu ka̧cuä̧tu̧cui̧. Huȩyu̧cuä̧ Huȩnȩ päa'a: Diosmä a'cuoyäunu jȩpä̧tö̧rö̧ kö'cocö. Usurä isotörötä eseunu ppä'ädö.