Hebreos 12:24 - TÄ̧DO Ä̧CUÄ̧ I̧HUȨNȨ

²⁴ Jesús, jareö huȩnȩ tta̧huä̧rä̧cuä̧huä̧ i̧sa̧rö̧'i̧nä̧, ucuoja dattepinoya, Abel ucuojattö'inä abonänö adiu ucuocuoya'inä tö'cöpächätöjä.

Nuevo Testamento Uwotjüja

²⁴ Ja̧'wa̧ta̧nü̧ ichinä̧tü̧jä̧ Jesú-ku jareünä̧ esekuäkuäwänä̧ todetü iyinü̧ku̧. Ja̧'wa̧ta̧nü̧ ukuojanä̧ ujuturu toinoyanä̧, Abel ukuojattü'i̧nä̧ abonä̧nü̧ ppädinoyanä̧.

Hebreos 12:24 ပူးပေါင်းရင်းမြစ်များ

San Mateo 23:35

Ja̧'hua̧nö̧ ja̧'a̧ttö̧ adihuä i̧sa̧ Abelrö cuä'ö cuicuinätucu o'ca'a, Zacaríasmä, Beroquías i̧tti̧rö̧ Diosrö ucuocuäcuähuodenä cuä'ö cuicuinätucuome jubö, o'ca toi'önä adihuä isotörö cuä'ö cuicuinätucuä̧u̧ ttucuoja erönä, ucuturu ö̧tä̧bo̧tä̧cua̧ Dios, jahuätörö jarode'ö cuä'ö cuicuinätucua'attö.

San Mateo 26:28

Pi̧yȩmä̧ ttö chucuoja ja̧'a̧, jareö huȩnȩ chiya pä'ö ucuturu. Pi̧yȩ chucuojamä eräcua'a recuätö ttö̧jä̧ suronä jȩttö̧ jȩpö̧ icua pä'ö.

San Marcos 14:24

Jahuätörö pä'inödo: —Pi̧yȩmä̧ ttö chucuoja ja̧'a̧, jareö huȩnȩ chiya pä'ö ucuturu. Pi̧yȩ chucuojamä eräcua'a recuätörö ppäda pä'ö.

San Lucas 11:51

Abelrö cuä'ö cuicuinätucu o'ca'a Zacaríasmä Diosrö ucuocuäcuähuodenä cuä'ö cuicuinätucuome jubö, 'corujuottächinö micuä päi'önä ö̧tä̧bo̧tä̧cua̧ Dios pi̧yȩ pä̧nä̧ ttö̧ja̧rö̧mä̧.

San Lucas 22:20

Ttu̧cuȩ ttucuäji o'ca'a, ja̧'hua̧ta̧nö̧ jȩpi̧nö̧do i̧so̧'ta̧'i̧nä̧ 'chu̧'ä̧rö̧. Pä'inödo: —Pi̧yȩmä̧ ttö chucuoja ja̧'a̧, jareö huȩnȩ chiya pä'ö ucuturu. Pi̧yȩ chucuojamä eräcua'a ucuturu ppäda pä'ö.

Gálatas 3:20

Ja̧'hua̧nö̧ ja̧'a̧nä̧ yoröiso recuä rö̧jo̧co̧u̧jä̧ ya̧tȩrö̧tä̧ tucuocuomenä. Iso päi'önä Diosmä ya̧tȩtä̧do.

1 Timoteo 2:5

Ya̧tȩtä̧ kö̧ Dios. Ja̧'hua̧ta̧nö̧ ya̧tȩtä̧ Dios ä'ca jo̧mȩttö̧ pi̧jä̧ ttö̧ja̧ ttucuocuomenä ji'äu. Ja̧u̧ ubomä Jesucristo.

Hebreos 10:22

Ja̧'hua̧nö̧ ja̧'a̧ttö̧ tami iso'quinä adiu amöcuädö, iso päi'önä esetö kä̧nö̧, Diosrö tötö'cöhuächö'a̧nö̧ ja̧'a̧. Ujutu suronä jȩti̧nö̧ tamöcuädö juiya pä'ö, chutä aditö icuinö tami iso'qui. Ujutu jättäpäyotörö'inä adihuoya, päcuäoyanä töcö icuinä̧u̧jä̧.

Hebreos 11:28

Diosrö esetö, Moisés pascua fiesta jȩpi̧nö̧do. Ttojusode äpate ä'ca, isotö ttucuoja tuttepa pä'ö hue'inödo, chutä ángel 'corupäi'äcuähuä ru̧hua̧, Israel ttö̧ja̧ttö̧ tti̧tti̧, ä'canä uhuäpächinörö, cuä'ö icu juiya pä'ö.

Hebreos 11:4

Diosrö esetö, Abelmä, Caínttö'inä abonänö adihuä juäi sacrificio iyinödo Diosrö. Ja̧'hua̧nö̧ ja̧'a̧ttö̧ Dios esehuinäcudo. Iyinömä ȩmi̧nö̧do. Ja̧'hua̧ ja̧'a̧ttö̧ Abel 'corupäi'inö o'ca'a, Diosrö esetina'attö ji̧nä̧ ucuocua'ado.

Hebreos 13:20

Dios, eseäcuähuä Ru̧hua̧, Tu̧ru̧hua̧ Jesucristorö, o̧vȩja̧stö̧ adiu Tta̧huä̧rä̧cuä̧huä̧ I̧sa̧rö̧, ucuojanä jareö huȩnȩ, beipocö huȩnȩ Tta̧huä̧rä̧cuä̧huä̧ I̧sa̧rö̧, 'corupätti'inomettö tto'ädinömä, o'ca juiyönä adihuä isotö päi'önä ucuturu aditö icuäcua'a̧nö̧, churutä pä̧huä̧ rö̧jo̧mȩnä̧ jȩcu̧'ä̧tu̧cua̧ pä'ö. Ja̧'hua̧ta̧nö̧ Jesucristorö teseta'attö, ujuturu o'ca toi'önärö churutä pä̧huä̧ rö̧jo̧mȩnä̧ jȩä̧cua̧'a̧nö̧. ¡'Cuäopönä Cristorö tesehuäcua'a̧nö̧! Amén.

Hebreos 7:22

Ja̧'hua̧nö̧ ja̧'a̧ttö̧ Jesúsru esetäcuähuänä pä'äji huȩnȩttö̧'i̧nä̧ abonänö adihua'ado.

Hebreos 8:13

Dios jareö huȩnȩ ucuocuomenä: “Pä'äji huȩnȩ täcö täbo jähuä ja̧'a̧” pä'ödo. Ja̧'hua̧ta̧nö̧ ja̧u̧mä̧ pä'äji jähuämä, täbo jähuä päi'omenä, yodojinänö yoröiso juiyönä beipächäcua'a.

Hebreos 8:6

Jesús ujutu ji̧nä̧ isocu sacerdote ru̧hua̧mä̧, ja̧u̧ juäittö'inä abonänö adiu jȩpö̧. Ja̧u̧ jareö huȩnȩ, korottö'inä abonänö adihuä juäi iyähuä huȩnȩ tta̧huä̧rä̧cuä̧huä̧ ru̧hua̧ päi'önä kö̧.

Hebreos 8:8

Ja̧'hua̧nö̧ ja̧'a̧nä̧ jahuätö ttö̧ja̧ suronä jȩtta̧'a̧ topinödo Dios. Dios Huȩyu̧cuä̧ Huȩnȩnä̧ päa'a jahuätörö: Tu̧ru̧hua̧ pä'ödo: koronö mo̧ro̧ päi'äcua'a Israel ttö̧ja̧rö̧'i̧nä̧, Judá ttö̧ja̧rö̧'i̧nä̧ jareö huȩnȩ chiyäcuotö.

Hebreos 9:15

Ja̧'hua̧nö̧ ja̧'a̧ttö̧ chutä Jesucristo ja̧u̧ jareö huȩnȩ tta̧huä̧rä̧cuä̧huä̧ i̧sa̧do. Cristo 'corupä'i'inödo, pä'äji huȩnȩ jȩtti̧nö̧ ka̧cui̧nä̧tö̧'i̧nä̧ suronä jȩtti̧nö̧ jȩpö̧ icua pä'ö. Ja̧'hua̧ta̧nö̧ Dios huoinä̧u̧'i̧nä̧ adihuä juäi kä̧cuä̧huä̧ iya päinö ttȩmä̧ pä'ö, 'corupä'i'inödo.

Hebreos 9:19

Moisés o'ca juiyönä hueähuä huȩnȩ ji'ähuinödo ttö̧ja̧rö̧. Ja̧u̧nu̧ o'ca'a pö̧jä̧ta̧, o̧vȩja̧stö̧ ttuhuo'chettö adicuä̧ta̧ tu̧huä̧ta̧cu̧, hisopo dau ä̧na̧juä̧cu̧ 'chu̧'ä̧rö̧, pä̧cä̧yö̧ tti̧tti̧mö̧'i̧nä̧, o̧vȩja̧stö̧ tti̧tti̧mö̧'i̧nä̧ ttucuojacu, ajiyacu huihuacua'a da'epäji'ca̧, hueähuä huȩnȩ cuyäru'tänä'inä, ttö̧ja̧rö̧'i̧nä̧ icuähuinödo.

Hebreos 9:21

Ja̧'hua̧ta̧nö̧ Diosrö ucuocuäcuähuodenä'inä, o'ca juiyönä culto jȩä̧cuä̧huä̧ juäinä'inä ucuoja icuähuinödo Moisés.

1 Pedro 1:2

Dios täbocö jȩa̧ pä'ö amöcuädinö ta'anö, ucutu ȩmi̧nä̧u̧jä̧. Espíritu Santonä aditö icuinä̧u̧jä̧ ucuturu, hueö ta'anö jȩcu̧'ä̧tu̧cua̧ pä'ö. Ja̧'hua̧ta̧nö̧ Jesucristo ucuojanä töcö icuinä̧u̧jä̧. Dios rö̧ȩnä̧ ppädäcua'a̧nö̧ ucuturu. Ja̧'hua̧ta̧nö̧ rö̧ȩnä̧ eseunu kä̧cuä̧huä̧ iyäcua'a̧nö̧ ucuturu.