Hebreos 12:1 - TÄ̧DO Ä̧CUÄ̧ I̧HUȨNȨ

¹ Ja̧'hua̧nö̧ ja̧'a̧ttö̧ ujutu tä̧do̧tö̧ mi̧nä̧, recuätö ja̧'hua̧nö̧ rö̧ȩnä̧ ttesetina'a amöcuädö, o'ca juiyönä ta̧mö̧cuä̧rö̧'i̧nä̧, suronä jȩtö̧ ujuturu 'chu̧huä̧rö̧'i̧nä̧, pporädö icu, tami 'qui'ächi'ö kä̧nö̧, juhua'a yabonö adiu jotätucuaja.

Nuevo Testamento Uwotjüja

¹ Ja̧'wa̧nü̧ ji̧nü̧ta'anü̧, ujutu'i̧nä̧, tta̧'kua̧ wȩnä̧ri̧nä̧tü̧rü̧ rekuätürü tippeyänä tu̧ju̧nä̧ra̧'a̧ttü̧, o'kajuiyünä̧ tto̧ȩpä̧rü̧mä̧, suronä̧ jȩä̧kuä̧wä̧'i̧nä̧ kä'ädi'ü, joäkuäwämä̧, tujuruku ta̧mi̧ 'ki'ächi'ü jotätukua.

Hebreos 12:1 ပူးပေါင်းရင်းမြစ်များ

San Mateo 10:22

Ttörö cuesetätucua'attö, o'ca toi'önä ttö̧ja̧ kö'cocotö ttäcuotö ucuturu. Ja̧'hua̧nö̧ ja̧'a̧nä̧ röji mo̧ro̧ päi'önä adiu esetömä, kä̧cuä̧huä̧ i'co u̧ju̧nä̧rä̧cua̧.

San Mateo 24:13

Ja̧'hua̧nö̧ ja̧'a̧nä̧ röji mo̧ro̧ päi'önä adiu esetömä, kä̧cuä̧huä̧ i'co u̧ju̧nä̧rä̧cua̧.

San Marcos 10:50

Ja̧'hua̧ ja̧'a̧ttö̧ ö̧'ca̧tä̧huä̧ta̧ huäme i̧sä̧ta̧ ko̧'ä̧dä̧cuä̧u̧ tö'ö kä̧mä̧dö̧, Jesús ö̧jo̧mȩ 'chä̧hui̧'i̧nö̧do.

San Lucas 12:15

Ja̧'hua̧ta̧nö̧ pä'inödo: —Adiu tta̧'ä̧rä̧cuä̧huä̧tu̧cui̧. Pi̧jä̧ jähuä rö̧ȩnä̧ pä̧huä̧ rö̧jö̧nä̧ cuamöcuädätucuä'. Rö̧ȩnä̧ cu̧ju̧nä̧ro̧mȩnä̧mä̧, tta̧'cua̧ adiunä kä̧cuä̧huä̧mä̧ i'cächocö.

San Lucas 21:34

“Ttu̧ȩcuä̧nä̧tä̧ ka̧cuä̧tu̧cui̧. Pi̧jä̧ jähuä jȩpö̧, tä̧'ä̧mä̧'chö̧ jȩpö̧, cuami iso'quitucu 'quiyönä juoächa'acu jȩcu̧'ä̧tu̧cuä̧'. Ja̧'hua̧ta̧nö̧ pi̧jä̧ jähuä amöcuädö kä̧nö̧, koro hua̧rö̧ 'chuttäda'a jä̧'i̧nö̧'a̧nö̧ ja̧u̧ juäi 'cuäopä̧cuȩ mo̧ro̧ tta̧cu̧huä̧rä̧tu̧cuo̧ca̧'a̧ adiu ka̧cuä̧tu̧cui̧. O'ca toi'önä ttö̧ja̧ pi̧jä̧ pa̧ja̧cu̧nä̧ ka̧cuä̧tö̧rö̧ ja̧'hua̧nö̧ ichäcua'a ja̧u̧nu̧ mo̧ro̧.

San Juan 3:32

Ja̧u̧ toinö'inä, ä̧ju̧cui̧nö̧'i̧nä̧ ucuocu. Ja̧'hua̧nö̧ ucuocuomenä, yoröiso ttesetococudo.

San Juan 4:39

Jahuäju isaju: “O'ca juiyönä jȩchi̧nö̧mä̧ ji'ähuäji ttörö” jijähua'a ä̧ju̧cu̧, recuätö ttö̧ja̧ Samaria rȩjȩttö̧ esetinätödo Jesúsru.

San Juan 4:44

Chutä Jesús pä'inödo: —Ya̧tȩ Dios i̧huȩnȩ jiäcuähuä i̧sa̧rö̧ chutä adihuä idepiyu ttö̧ja̧ ttucuotococu.

Romanos 12:12

Eseunu ka̧cuä̧tu̧cui̧, esetönö tta̧cu̧huä̧rä̧tu̧cua̧. Ubara ttucuhuätucuomenä, cuami 'qui'ächi'ö ka̧cuä̧tu̧cui̧. Diosrö ucuocu ka̧cuä̧tu̧cui̧ 'cuäopönä.

Romanos 2:7

Korotö, adihuä juäi jȩpä̧tö̧rö̧, eseäcuähuä usätörö, ucuotäcuähuä usätörö, tta̧'cua̧rö̧ yoröiso beipächocö usätörö, jahuätörö Dios i̧yä̧cua̧ kä̧cuä̧huä̧ i'co.

2 Corintios 7:1

Ja̧'hua̧nö̧ ja̧'a̧ttö̧ adihuä chö̧jä̧hua̧tö̧, ja̧'hua̧nö̧ iya pä'inö Dios ujuturu. Jitämä ujutu jättäpäyotönä'inä, ta̧'cua̧ru̧hua̧nä̧'i̧nä̧ idicuächö juäittö'inä i̧mi̧cu̧nä̧ cuetächäcua'a̧nö̧. Ja̧'hua̧ta̧nö̧ Diosrö ye'ecu kä̧nö̧, tami iso'quinä o'ca juiyönä esetö tiyäcuähuätucuaja Diosrö.

Gálatas 2:2

Dios cha̧'cua̧nä̧ hueinäcusä juhua'a chi̧'cha̧ pä'ö. Ju̧huȩnȩ Jerusalén ötahuiyänä Dios i̧huȩnȩttö̧ ruhuotö pättä̧u̧tä̧ ttuppäsähuäjomettö ji'ähuinösä suronä jȩttö̧ jȩpö̧ icu huȩnȩ, judíos huocotörö jidäu huȩnȩmä̧. Ja̧u̧ ji'ähuinösä ttö jȩchi̧nö̧'i̧nä̧, jȩchö̧'i̧nä̧ micuähuocö jö̧ a̧'cua̧ri̧yä̧cu̧.

Gálatas 5:7

Ucutumä adiunä jȩpö̧ ka̧cui̧nä̧tö̧jä̧. ¿Dihuä adihuä juäi jarocuhui'ätucunä jȩi̧nä̧tu̧cuä̧cu̧?

Efesios 4:25

Ja̧'hua̧nö̧ ja̧'a̧ttö̧ yapareu huȩnȩmä̧ jicuhuähuätucuä'. O'ca toi'önärö ucuocuätucui iso päi'önä huȩnȩ. Ujutu o'ca toi'önä ji̧nä̧ yotöte huotöjä.

Filipenses 1:30

Ucutucu, ttöcu ji̧nä̧ yo̧mȩtȩ surojöcu rohuähuätöjä. Pä'äjimä topinätöjä ttö chörohuähuinö. Jitä'inä ä̧ju̧cuä̧tö̧jä̧ ttö chörohuähua'a.

2 Timoteo 2:4

Ya̧tȩ su̧ro̧da̧u̧ i̧sa̧ u̧ru̧hua̧ esehuarö pä'ömä, pi̧jä̧ jähuä amöcuädocö.

2 Timoteo 4:7

Ttö adiu rohuähuinösä surojöcu. Ttö adiu jȩpi̧nö̧sä̧ o'ca juiyönä Dios hueinö. Ttö adiu esetinösä.

Hebreos 6:15

Abraham ami 'qui'ächi'ö tta̧'ä̧ri̧nö̧do. Ja̧'hua̧nö̧ tta̧huä̧ro̧mȩnä̧, Dios iya päinömä ȩmi̧nö̧do.

Santiago 1:3

Ucutu huo̧juä̧tö̧jä̧, surojö 'cuäopomenä adiu cuesetätucuomenä, cuami 'qui'ächi'ö cu̧ja̧cuä̧cuo̧tö̧jä̧.

1 Pedro 2:1

Ja̧'hua̧nö̧ ja̧'a̧ttö̧ o'ca juiyönä suronä jȩä̧cuä̧huä̧'i̧nä̧, yapareu jiäcuähuä'inä, korotörö suronä ucuocuäcuähuä'inä, korotö ttu̧ju̧nä̧rö̧ pä̧huä̧ rö̧jö̧ toäcuähuä'inä jaropi'ätucui.

1 Pedro 5:1

Ttö chi̧huȩnȩ hue'ösä jitämä ancianos huotörö, iglesia ruhuärö tta̧'ä̧rä̧tö̧rö̧. Ttö'inä anciano hua̧sä̧, jahuätö ta'anö. Cristo ubara ttuhua'a topinösä. Ttö'inä jahuätö ta'anö, eseunu chö̧jä̧cua̧sä̧ Cristo ichä̧cuȩ mo̧ro̧ päi'omenä.

1 Pedro 5:12

Silvano, Cristonä chö̧jä̧hua̧ ppädomenä, pi̧yȩ cuyäru ji̧'qui̧cha̧nö̧tä̧ huȩyu̧tu̧ hue'ösä ucuturu, ji'äu ppädädätucuacu pä'ö. Ja̧'hua̧ta̧nö̧ ucuturu repea'attö, o'ca juiyönä adihuä juäi iyinödo Dios ucuturu cu̧huo̧juä̧tu̧cua̧ pä'ö huȩyu̧tu̧sä̧. Pi̧yȩ esetönö ka̧cuä̧tu̧cui̧.

2 Pedro 1:6

Ja̧'hua̧ta̧nö̧ ä̧ju̧cu̧ kä̧nö̧, cuamönätucu cuamöcuädätucutä jȩcu̧'ä̧tu̧cuo̧ca̧'a̧, cuami 'quicuhuächi'ätucuaja. Ja̧'hua̧ta̧nö̧ cuami 'qui'ächi'ö kä̧nö̧, Diosrö eseunu cucuocuätucuaja.

Apocalipsis 1:9

Ttö Juan, ucutu cu̧jä̧hua̧sä̧. Ucutucu ubara ttu'usä. Ucutucu pä̧di̧'ä̧cua̧sä̧ Dios hueomettö'inä. Ja̧'hua̧ta̧nö̧ tami 'qui'ächi'ö Jesucristo iyomenä, ucutucu iyäcusä. Dios i̧huȩnȩ, Jesucristo päinö huȩnȩ jidähuomenä, cärenä pi̧nö̧sä̧ Patmos kä'co i̧sä̧sa̧ttö̧.

Apocalipsis 13:10

Korotömä korotörö cärenä ttö̧'a̧ pä'ö ȩpä̧tö̧mä̧, jitötä'inä cärenä ttö̧'ä̧cuo̧tö̧. Korotömä korotörö curodänä cuä'ö icuätömä, ja̧'hua̧ta̧nö̧ curodänä cuä'ö tticuäcuotö jahuätörö. Ja̧'hua̧nö̧ ja̧'a̧ttö̧ Dios i̧tti̧mö̧mä̧ ttami 'quittächi'ö'a̧nö̧ ja̧'a̧. Ja̧'hua̧ta̧nö̧ adiunä ttesetö'a̧nö̧ ja̧'a̧.

Apocalipsis 22:16

—Ttö, Jesús, pi̧yȩ huȩnȩ o'ca juiyönä, iglesias ruhuärö jiähua pä'ö hue'inösä ya̧tȩ chu̧mö̧huä̧ya̧ ángelrö. Ttö David ahuaruhuättö ä'canä ki̧nö̧sä̧. Ja̧'hua̧ta̧nö̧ David o̧'ca̧ a̧hua̧ru̧hua̧sä̧. Yo̧ȩi̧nä̧ siri'co adiu tȩa̧pa̧mä̧, ttötäsä.

Apocalipsis 3:10

Ttö huedinö ta'anö cuami 'qui'ächi'inöjä. Ja̧'hua̧nö̧ ja̧'a̧ttö̧ ucuru'inä, pi̧jä̧nä̧ pa̧ja̧cu̧nä̧ surojö 'cuäopomenä, ucuru ppä'ädö tta̧dä̧rä̧cua̧sä̧. Ja̧u̧ surojömä ichäcua'a pi̧jä̧nä̧ ka̧cuä̧tö̧rö̧ ka̧cuä̧mö̧.