Hebreos 11:37 - TÄ̧DO Ä̧CUÄ̧ I̧HUȨNȨ

³⁷ Ja̧'hua̧ta̧nö̧ korotörö ido'qui icuäu cuä'ö icuinätödo. Korotörö kä'cotönä nä'epö tticuinä̧u̧do. Korotörö ka̧cuä̧mö̧ suronä jȩtti̧nä̧u̧do. Korotörö curodänä cuä'ö icuinätödo. Korotömä ttö̧'ca̧tä̧huä̧ta̧ o̧vȩja̧stö̧'i̧nä̧, ca̧bra̧stö̧'i̧nä̧ tti̧jȩti̧yu̧ttu̧ adicua'a 'ca̧tä̧u̧, kara'acu cue'ächinätödo. Jahuätö usurä isotö ttö̧ja̧'a̧nä̧, suronä jȩttä̧u̧ barahuä̧u̧ cue'ächinätödo.

Nuevo Testamento Uwotjüja

³⁷ Kkorotümä̧ inä̧dunä̧ ikuäu kuä'ü ttikuä̧u̧'i̧nä̧, kkä'kotünä ro'ü ttikuä̧u̧'i̧nä̧, kurodänä̧ kuä'ü ttikuä̧u̧'i̧nä̧ 'korujuo'ächinä̧tü̧; oweja-tü'i̧nä̧, cabra-tü̧'i̧nä̧ tti̧jȩti̧yu̧ttü̧ adikuä 'ka̧tä̧u̧ kue'ächinä̧tü̧; usurä ȩmä̧u̧, ajuäkuäu, kuäkuäpü jȩttä̧u̧.

Hebreos 11:37 ပူးပေါင်းရင်းမြစ်များ

San Mateo 21:35

Ja̧'hua̧ ja̧'a̧ttö̧ yotä tti̧'chi̧'o̧mȩnä̧, adicuä ttö̧ja̧ 'chuttädinä̧u̧do. Ya̧tȩrö̧ cuäcuäpinätödo. Ka̧ra̧rö̧ cuä'ö icuinätödo. Ka̧ra̧rö̧ ido'quinä icuähuinätödo.

San Mateo 3:4

Ja̧u̧tä̧ Juan ö̧'ca̧tä̧huä̧ti̧yu̧ camello uhuo'chettö adicua'a 'ca̧tä̧hui̧nö̧do. Ja̧'hua̧ta̧nö̧ äcä isäya ja̧u̧tä̧ juäi i̧jȩta̧ttö̧ adicua'a ru̧nä̧ri̧nö̧do. U̧cuȩmä̧ cä̧'ö̧rö̧tä̧ cuinödo. Mayatä ahuinödo.

San Mateo 8:20

Jesús ädätinödo: —A̧hua̧ri̧tö̧mä̧ ttäjuhuiyä ku̧nä̧rä̧tö̧. Ja̧'hua̧ta̧nö̧ ppi̧yu̧ ttä̧'ti̧yu̧ ku̧nä̧rä̧tö̧. Ja̧'hua̧nö̧ ja̧'a̧nä̧ Ubo I̧tti̧mä̧ yoröiso huȩnȩcuo̧mȩ'i̧nä̧ jui̧'a̧.

San Lucas 13:34

“Jerusalén ttö̧ja̧, Jerusalén ttö̧ja̧, ucutu cuä'ö icuinätöjä Dios i̧huȩnȩ jiäcuähuä isotörö, Dios ucuturu hueinä̧u̧ru̧. Ja̧'hua̧ta̧nö̧ ido'qui icu cuä'ö icuinätöjä chi̧huȩnȩ ji'ähuätörö, Dios ucuturu hueinä̧u̧ru̧. Äcärä isaju ki̧tti̧mö̧ kujuabä dȩa̧'a̧ tta̧jä̧rö̧'a̧nö̧, ucutu cui̧tti̧mö̧rö̧ ji̧nä̧ yo̧mȩtȩnä̧ ca̧ca̧tö̧ tta̧dä̧ra̧ pä'inösä recuo. Ja̧'hua̧nö̧ ja̧'a̧nä̧ yoröiso kö'cocotö pi̧nä̧tö̧jä̧.

Hechos 14:19

Ja̧'hua̧ ja̧'a̧ korotö judíos ttö̧ja̧ Antioquía ötahuiyättö, Iconio ötahuiyättö'inä ichö rö̧ȩnä̧ ucuocuinätödo ttö̧ja̧rö̧. Jahuätö jittäu huȩnȩ amöcuädö esetinätödo Listra ötahuiyä ttö̧ja̧mä̧. Ja̧'hua̧nö̧ ja̧'a̧ inädu icuähuinätödo Pablorö. Täcö 'corupä'i'äji amöcuädö, ötahuiyä jäyäcu dottinäcudo.

Hechos 7:52

Dios i̧huȩnȩ jiäcuähuä isotörö o'ca toi'önä ucutu cuä̧do̧tö̧ mi̧nä̧ suronä jȩpi̧nä̧tö̧. Dios hueinö ta'anö jȩpi̧nö̧mä̧ Jesús ichäcua'a ä'canä ji'ähuinätörö cuä'ö icuinätö ucutu cuä̧do̧tö̧ mi̧nä̧. Jitä Jesús ichäji o'ca'a ucutu churutä iyö icuinätöjä. Ja̧u̧ru̧'i̧nä̧ cuä'ö icuinätöjä.

2 Corintios 12:10

Ja̧'hua̧nö̧ ja̧'a̧ttö̧ Cristorö esetö kä̧nö̧, o'ca juiyönä ubara ttudinömä eseusä. Ja̧'hua̧ta̧nö̧ chijuiyuhua'anä'inä, ttörö suronä ttucuocuinö'inä, koro juiyönä chö̧ji̧nö̧'i̧nä̧, ttörö suronä jȩtti̧nö̧'i̧nä̧, ttörö suronä 'cuäopinö'inä amöcuädö eseusä. Iso päi'önä rö̧ȩnä̧ chijuiyuhuomenä, ji̧nä̧ isocu ju̧ru̧hua̧sä̧ cha̧'cua̧ru̧hua̧nä̧.

Hebreos 11:25

Chutä, korotö eseunu jitörötä pä̧huä̧ rö̧jä̧u̧ suronä jȩtta̧'a̧ öjö'coca'attö, Dios umöhuäyotöcu ubara ttuhua pä'inödo.

Hebreos 13:3

Ja̧'hua̧ta̧nö̧ cärenä pȩjä̧tö̧rö̧ cunichi'ätucuä'. Jahuätöcu cärenä cu̧'ä̧tu̧cua̧'a̧ jä̧'i̧nö̧'a̧nö̧ amöcuädätucui. Korotö suronä jȩttä̧u̧ru̧ amöcuädö, ucutu'inä jahuätöcu ubara ttucuhuätucua'a jä̧'i̧nö̧'a̧nö̧ ppä'ädätucui.

Apocalipsis 11:3

Ttö chumöhuäyotöttö ta̧ju̧ru̧ huȩdä̧cua̧sä̧ ya'ute mil doscientos sesenta mo̧ro̧ jo̧mȩnä̧, ttö huedömä ttucuocua pä'ö. Jahuätömä ya̧tȩ 'corupäi'omenä, ajuäu ttö̧'ca̧tä̧hua̧'a̧ jä̧'i̧nö̧'a̧nö̧ ttö̧'ca̧tä̧huä̧cuo̧tö̧.