Hebreos 11:27 - TÄ̧DO Ä̧CUÄ̧ I̧HUȨNȨ

²⁷ Diosrö esetö, Egipto ru̧hua̧rö̧ ö̧ra̧huä̧ra̧'a̧ yecuoca'a, Moisés Egipto rȩjȩttö̧ rä'opinödo. Chutä, Diosrö uhuäpocörö, topö cuettächö jä̧'i̧nö̧'a̧nö̧, adiunätä jȩpö̧ 'chi̧nö̧do.

Nuevo Testamento Uwotjüja

²⁷ A̧'kua̧ u̧wȩnä̧ra̧'a̧ttü̧, Moisé-mä̧ Egito-ttümä̧ rä'opächinü̧, ru̧wa̧ ü̧ra̧wä̧rü̧'i̧nä̧ yekuoka'a; jua'amä̧ Uwäpokürü totta'a 'kua̧rü̧nä̧ to̧pä̧rü̧ ü̧ji̧na̧'a̧ttü̧.

Hebreos 11:27 ပူးပေါင်းရင်းမြစ်များ

San Mateo 10:22

Ttörö cuesetätucua'attö, o'ca toi'önä ttö̧ja̧ kö'cocotö ttäcuotö ucuturu. Ja̧'hua̧nö̧ ja̧'a̧nä̧ röji mo̧ro̧ päi'önä adiu esetömä, kä̧cuä̧huä̧ i'co u̧ju̧nä̧rä̧cua̧.

San Mateo 24:13

Ja̧'hua̧nö̧ ja̧'a̧nä̧ röji mo̧ro̧ päi'önä adiu esetömä, kä̧cuä̧huä̧ i'co u̧ju̧nä̧rä̧cua̧.

San Marcos 13:13

Ttörö cuesetätucua'attö, o'ca toi'önä ttö̧ja̧ kö'cocotö ttäcuotö ucuturu. Ja̧'hua̧nö̧ ja̧'a̧nä̧ röji mo̧ro̧ päi'önä adiu esetömä, kä̧cuä̧huä̧ i'co u̧ju̧nä̧rä̧cua̧.

San Marcos 4:17

Ja̧'hua̧nö̧ ja̧'a̧nä̧ ujupo'tiyä juiya'attö, recuo 'quiyönä esetocotö. Ja̧'hua̧ ja̧'a̧ttö̧ Dios i̧huȩnȩ tteseta'attö, jahuätörö suronä 'cuäopomenä, jaropi'ätö.

Hechos 2:25

Ru̧hua̧ David Jesúsru pä'ö huȩyu̧ti̧nö̧do: Chä'ca jo̧mȩttö̧ 'cuäopönä Chu̧ru̧hua̧rö̧ topinösä. Ja̧u̧ chu̧huo̧jua̧'a̧nä̧ kö̧, suronä 'cuäopomenä ye'ecu ttö̧dä̧u̧ juiya pä'ö.

1 Corintios 13:7

Ja̧'hua̧ta̧nö̧ o'ca juiyönä adiu a̧'cua̧ pö̧nö̧ kö̧. Diosrötä tta̧'ä̧rö̧ amöcuädö. Ami 'qui'ächi'ö'inä kö̧.

2 Corintios 4:18

Ja̧'hua̧ta̧nö̧ ujutumä totomenätä esetocotöjä. Ujutumä totoca'anä'inä esetätöjä. Iso päi'önä tö'ärenä totä'ijö recuomä ko̧cö̧. Juhuorö'inä koromä tö'ärenä totocö jä̧'i̧jö̧mä̧, iso päi'önä 'cuäopönä kä̧cua̧'a̧.

Colosenses 1:15

Dios yoröiso uhuäpocömä, I̧tti̧ pi̧jä̧ra̧'a̧ ichomenä, Dios a̧'cua̧rö̧nä̧ uhuäpinödo. Ja̧u̧mä̧ yoröiso o'ca juiyönä äcuomenä ki̧nö̧do.

1 Timoteo 1:17

Ja̧'hua̧nö̧ ja̧'a̧ttö̧ ya̧tȩä̧tä̧ Diosrö, o'ca juiyönä huo̧jua̧rö̧, yoröiso hua'ö icuocörö, uhuäpocörö, 'cuäopönä Tu̧ru̧hua̧ päi'önä kö̧rö̧ eseunu tucuotäcua'a̧nö̧. Amén.

1 Timoteo 6:16

Chutämä yoröiso hua'ocödo. Adiu tȩa̧u̧nä̧ kö̧ pi̧jä̧ ttö̧ja̧ tti̧rȩbȩhuo̧co̧mȩ. Pi̧jä̧ ttö̧ja̧ yoröiso topäcuähuocö pä'äji'inä, jitä'inä ja̧u̧ru̧. 'Cuäopönä ttucuotäcua'a̧nö̧. Ja̧'hua̧ta̧nö̧ 'cuäopönä ujuruhuäcua'a̧nö̧. Amén.

Hebreos 10:32

Ja̧'hua̧nö̧ ja̧'a̧nä̧ pä'äji tȩa̧u̧ jareönä cuesetätucuomenä, rö̧ȩnä̧ rohuäu kä̧nö̧, cuami 'qui'ächö ubara ttucuhuinätucumä amöcuädätucui.

Hebreos 11:1

Diosrö esetäcuähuänä, o'ca juiyönä tta̧tä̧rö̧mä̧ tȩmä̧cuo̧tö̧jä̧ pä'ö huo̧juä̧tö̧jä̧. Ja̧'hua̧ta̧nö̧ Diosrö esetäcuähuänä, koro juäi totocö juäi'inä iso päi'önä ja̧'a̧ huo̧juä̧tö̧jä̧.

Hebreos 11:13

Jahuätö, Abraham ahuaruhuä o'cotö, o'ca toi'önä hua'ö icuinätödo, Dios iya päinö ttȩmo̧ca̧'a̧nä̧. Ja̧'hua̧nö̧ ja̧'a̧nä̧ Diosrö tteseta'attö, oto kä̧nö̧ Dios iya päinö topö esehuinätödo. Ja̧'hua̧nö̧ ttesehua'anä: “Pi̧jä̧nä̧, korotö tti̧rȩjä̧nä̧ cuettächö'a̧nö̧ cue'ächätöjä”, pä'inätödo.

Hebreos 6:15

Abraham ami 'qui'ächi'ö tta̧'ä̧ri̧nö̧do. Ja̧'hua̧nö̧ tta̧huä̧ro̧mȩnä̧, Dios iya päinömä ȩmi̧nö̧do.

Santiago 5:11

Ttami 'qui'ächi'ö ka̧cuä̧tö̧rö̧, “Eseunu ka̧cuä̧tö̧” pä'ätöjä ujutu. Ucutu ä̧ju̧cui̧nä̧tö̧jä̧ Jobrö, ami 'qui'ächi'ö ki̧nö̧rö̧. Huo̧juä̧tö̧jä̧, Dios ja̧u̧ru̧ jȩi̧nö̧mä̧ surojö 'cuäopinö o'ca'a. Dios a̧'cua̧ tta̧nö̧ re rö̧jö̧nä̧ topö tta̧'ä̧rö̧.

1 Pedro 1:8

Jesucristorö tocu'ätucuoca'anä'inä, ja̧u̧ru̧ eseunu ka̧cuä̧tö̧jä̧. Ja̧'hua̧ta̧nö̧ ja̧u̧ru̧ tocu'ätucuoca'anä'inä cuesetätucuomenä, ttänämä jittäu juiyö'a̧nö̧ jö̧ rö̧ȩnä̧ cuesehuäcuotöjä, ucutu suronä jȩcu̧'ä̧tu̧cu̧ jȩpö̧ icu mo̧ro̧ päi'önä. Pi̧yȩ cuesetinätucu huȩnȩmä̧.