Hebreos 11:25 - TÄ̧DO Ä̧CUÄ̧ I̧HUȨNȨ

²⁵ Chutä, korotö eseunu jitörötä pä̧huä̧ rö̧jä̧u̧ suronä jȩtta̧'a̧ öjö'coca'attö, Dios umöhuäyotöcu ubara ttuhua pä'inödo.

Nuevo Testamento Uwotjüja

²⁵ Dio i̧tti̧mü̧ku̧tä̧, juätürü jü̧ta̧'a̧nü̧ suronä̧ jȩtta̧'a̧ usurä ȩmä̧wa̧ pä'inü̧, pi̧jä̧ üadiwänä̧ suronä̧ jȩpü̧ ü̧ja̧ pä'ü jui'ü.

Hebreos 11:25 ပူးပေါင်းရင်းမြစ်များ

San Mateo 13:21

Jahuätö ujupo'tiyä juiya'attö, recuo 'quiyönä esetocotö. Dios i̧huȩnȩ tteseta'attö, jahuätörö suronä 'cuäopomenä, jaropi'ätö.

San Lucas 16:25

Ja̧'hua̧nö̧ ja̧'a̧ Abraham ädätinödo: “Chi̧tti̧, amöcuädäcuähui. Ucu adiu 'cuäopinäcujä äcuomenä cu̧ji̧nä̧jä̧ra̧'a̧ttö̧mä̧. Lázaromä surojinäcu ja̧huä̧jä̧ttö̧mä̧. Jitä ja̧u̧ a̧'cua̧ ȩmö̧ pottö, ucu jitä ubara ttucuhua'anä.

Hechos 7:34

Chumöhuäyotö Egipto rȩjȩnä̧ ka̧cuä̧tö̧mä̧ ubara ttutta'a topinösä. Huotta'a ä̧ju̧cui̧nö̧sä̧. Jitämä täcö rädepatö pä'ö mȩyȩhuä̧ji̧sä̧. Ichi. Egipto rȩjȩra̧'a̧ ucuru huȩdä̧cua̧sä̧.”

Romanos 5:3

Ja̧'hua̧ta̧nö̧ ubara ttutomenä'inä, esehuätöjä. Huo̧juä̧tö̧jä̧ ubara ttutomenä, tami 'quitächi'a pä'ö ppä'ädö.

2 Corintios 5:17

Ja̧'hua̧nö̧ ja̧'a̧ttö̧ ya̧tȩ Cristorö esetomenä, ja̧u̧ ja̧rȩpa̧ ttö̧ja̧ i̧sa̧ pä'i'ö. Pä'äji jȩi̧nö̧ jaropi'ö, o'ca juiyönä jareönätä amöcuädö jȩpö̧.

Colosenses 1:24

Jitä ucuturu ppä'ädö, eseunu ubara ttu'usä. Ttömä ja̧'hua̧nö̧ ubara ttudomenä, Cristo jä̧ttä̧pä̧ya̧ huotörö, churutä esetätörö, ppä'ädö ubara ttuhuinö ta'anö, ttö'inä ppä'ädö ubara ttu'usä.

2 Timoteo 1:8

Tu̧ru̧hua̧ i̧huȩnȩ korotörö ucuocu cudäpecuä'. Ttö Chu̧ru̧hua̧rö̧ cheseta'attö, cärenä pö̧rö̧'i̧nä̧ cudäpecuä'. Dios ujurunä, ttö̧ja̧ suronä jȩttö̧ jȩpö̧ icu huȩnȩ esetö, ucu'inä ubara ttu'i.

Hebreos 10:32

Ja̧'hua̧nö̧ ja̧'a̧nä̧ pä'äji tȩa̧u̧ jareönä cuesetätucuomenä, rö̧ȩnä̧ rohuäu kä̧nö̧, cuami 'qui'ächö ubara ttucuhuinätucumä amöcuädätucui.

Hebreos 11:37

Ja̧'hua̧ta̧nö̧ korotörö ido'qui icuäu cuä'ö icuinätödo. Korotörö kä'cotönä nä'epö tticuinä̧u̧do. Korotörö ka̧cuä̧mö̧ suronä jȩtti̧nä̧u̧do. Korotörö curodänä cuä'ö icuinätödo. Korotömä ttö̧'ca̧tä̧huä̧ta̧ o̧vȩja̧stö̧'i̧nä̧, ca̧bra̧stö̧'i̧nä̧ tti̧jȩti̧yu̧ttu̧ adicua'a 'ca̧tä̧u̧, kara'acu cue'ächinätödo. Jahuätö usurä isotö ttö̧ja̧'a̧nä̧, suronä jȩttä̧u̧ barahuä̧u̧ cue'ächinätödo.

Hebreos 4:9

Ja̧'hua̧ ja̧'a̧ttö̧ ji̧nä̧ ka̧cua̧'a̧do adihuä juäi 'cuä'ächi'ö kä̧cuä̧huo̧mȩ, Dios i̧tti̧mö̧ ttö̧ja̧cuo̧mȩ.

Santiago 1:20

Ra̧huä̧rö̧mä̧ Diosrö pä̧huä̧ rö̧jö̧ jȩpo̧cö̧.

Santiago 5:5

Pi̧jä̧nä̧ ka̧cuä̧tö̧jä̧ a̧'cua̧ cui̧'ö̧, amöcuädäcuähuä juiyönä. Ucutumä bärepächätöjä pä̧cä̧yö̧ jä̧'i̧nö̧'a̧nö̧. Täcö pä̧cä̧yö̧ bärepätö cuä'ö tticu mo̧ro̧ päi'a'a jä̧'i̧nö̧'a̧nö̧ ja̧'a̧ ucuturu.

1 Pedro 2:10

Pä'äjimä ttumöhuäyotö pocotö pi̧nä̧tö̧jä̧. Jitämä Dios umöhuäyotöjä. Pä'äjimä ihueye tta̧'cua̧ tta̧nö̧ tottoco̧u̧ pi̧nä̧tö̧ja̧. Jitämä Dios re rö̧jö̧nä̧ toä̧u̧jä̧.

Apocalipsis 18:7

Jahuäju eseunu, ka̧'cua̧ ko̧mȩnä̧ kö̧ji̧na̧'a̧ttö̧, ka̧'cua̧ tta̧'ȩcu̧, ubara ttuja pä'ö iyätucuiju. Yajutä kami iso'quinä pä'ä'chäju: “Ruhuaju isaju ta'anö pä̧ju̧sä̧. Recua ta'anö ko̧co̧ju̧sä̧. Ubara'inä ttu'ocojusä.”