Hebreos 10:36 - TÄ̧DO Ä̧CUÄ̧ I̧HUȨNȨ

³⁶ Ucutumä Diosrö pä̧huä̧ rö̧jo̧mȩnä̧ jȩcu̧'ä̧tu̧cua̧ pä'ö, cuami 'quicuhuächi'ätucu'a̧nö̧ ja̧'a̧. Ja̧'hua̧nö̧ jȩpö̧, Dios iya päinömä cuȩmä̧cuo̧tö̧jä̧.

Nuevo Testamento Uwotjüja

³⁶ Isopäi'ünä̧ rekuo ja̧'a̧nä̧ kua̧mi̧ 'ki'ächi'ü tta̧'a̧rä̧tu̧kui̧, Dio-rü pä̧wä̧rü̧jü̧ jȩpü̧ kä'ädi'ü'kotü, iya päinü̧ kuȩmä̧tu̧kuä̧kua̧'a̧nü̧.

Hebreos 10:36 ပူးပေါင်းရင်းမြစ်များ

San Mateo 10:22

Ttörö cuesetätucua'attö, o'ca toi'önä ttö̧ja̧ kö'cocotö ttäcuotö ucuturu. Ja̧'hua̧nö̧ ja̧'a̧nä̧ röji mo̧ro̧ päi'önä adiu esetömä, kä̧cuä̧huä̧ i'co u̧ju̧nä̧rä̧cua̧.

San Mateo 12:50

O'ca toi'önä Chä'o mo̧ro̧jä̧ra̧'a̧ kö̧rö̧ pä̧huä̧ rö̧jo̧mȩnä̧ jȩpä̧tö̧tä̧, jahuätötä ttö cha̧ju̧'i̧nä̧, chö̧jä̧hua̧tö̧'i̧nä̧ pä'i'ätö, —pä'inödo Jesús.

San Mateo 21:31

Ja̧'hua̧nö̧ ja̧'a̧ttö̧ ¿tide jȩi̧nä̧ttö̧ jä'o päömä? Jahuätö pä'inätödo: —Äcuomenä hueäcutä adiu jȩpi̧nö̧. Ja̧'hua̧ ja̧'a̧ Jesús päinä̧u̧do: —Iso päi'önä pä'ösä ucuturu, korotömä ru̧hua̧ öäre pärätä ȩmä̧'i̧jä̧tö̧'i̧nä̧, nä̧tö̧ ja̧'a̧tä̧ra̧'a̧ huotö'inä ucututtu'inä ä'canä Dios i̧tti̧mö̧ pätti'äcuotö.

San Mateo 24:13

Ja̧'hua̧nö̧ ja̧'a̧nä̧ röji mo̧ro̧ päi'önä adiu esetömä, kä̧cuä̧huä̧ i'co u̧ju̧nä̧rä̧cua̧.

San Mateo 7:21

Ja̧'hua̧ta̧nö̧ Jesús pä'inödo: —Yotöcunä ttörö pä'ätömä “Chu̧ru̧hua̧, Chu̧ru̧hua̧” do'ächocotö mo̧ro̧jä̧ra̧'a̧. Chä'o mo̧ro̧jä̧ra̧'a̧ kö̧rö̧ pä̧huä̧ rö̧jo̧mȩnä̧ jȩpä̧tö̧tä̧ dottächäcuotö.

San Marcos 3:35

O'ca toi'önä Diosrö pä̧huä̧ rö̧jo̧mȩnä̧ jȩpä̧tö̧tä̧, jahuätötä ttö cha̧ju̧'i̧nä̧, chö̧jä̧hua̧tö̧'i̧nä̧ pä'i'ätö, —pä'inödo Jesús.

San Lucas 21:19

Cuami 'qui'ächi'ö cu̧ja̧cuä̧tu̧cu̧ttu̧mä̧, kä̧cuä̧huä̧ i'co cu̧ju̧nä̧rä̧cuo̧tö̧jä̧.

San Lucas 8:15

Ja̧'hua̧nö̧ ja̧'a̧nä̧ jacuä jähuä rȩjȩ adihuome ma̧ä̧chi̧nö̧mä̧, korotö Dios i̧huȩnȩ ttami iso'quinä adiu ä̧ju̧cu̧, Dios i̧huȩnȩ päö ta'anö jȩpä̧tö̧ jä̧'i̧nö̧'a̧nö̧ huotö. Ja̧'hua̧ta̧nö̧ adihuä juäinätä cue'ächö, u̧huä̧ju̧ adiu huȩjä̧u̧.

San Juan 7:17

¿Ttötä chamönä huȩnȩ huo̧juȩtö̧sä̧ tä̧ji̧? ¿Dios i̧huȩnȩ huo̧juȩtö̧sä̧ tä̧ji̧? Ya̧tȩ Diosrö pä̧huä̧ rö̧jö̧ jȩa̧ pä'ö amöcuädöttömä, ttö chu̧huo̧juȩtö̧mä̧ u̧huo̧juä̧cua̧.

Hechos 13:22

Diosmä Saúl hueäji 'cho'ipö, Davidrö hue'inö ttu̧ru̧hua̧ päi'önä ö̧ja̧ pä'ö. Dios pä'inödo: “Isaí i̧tti̧ Davidrö pä̧huä̧ rö̧jä̧cu̧sä̧. O'ca juiyönä ttörö pä̧huä̧ rö̧jö̧mä̧ jȩä̧cua̧ David.”

Hechos 13:36

David pi̧jä̧nä̧ ö̧jo̧mȩnä̧, Diosrö pä̧huä̧ rö̧jö̧mä̧ jȩpi̧nö̧do. Ja̧u̧nu̧ o'ca'a 'corupä'i'inö. Ja̧'hua̧nö̧ ja̧'a̧ ahuaruhuä 'turu tticuinäcudo jä̧do̧tö̧ mi̧nä̧ ttippeyä. Idepä'inä 'cuäipächina'ado.

Romanos 12:12

Eseunu ka̧cuä̧tu̧cui̧, esetönö tta̧cu̧huä̧rä̧tu̧cua̧. Ubara ttucuhuätucuomenä, cuami 'qui'ächi'ö ka̧cuä̧tu̧cui̧. Diosrö ucuocu ka̧cuä̧tu̧cui̧ 'cuäopönä.

Romanos 12:2

Pi̧jä̧ jähuä hueönämä cu̧ja̧cuä̧tu̧cuä̧'. Cuamöcuädätucu pärou icuätucui, Dios jareö cuamöcuädätucu iyätucuacu. Ja̧'hua̧nö̧ jȩcu̧'ä̧tu̧cuo̧mȩnä̧, cu̧huo̧juä̧chi̧'ä̧cuo̧tö̧jä̧ Diosrö pä̧huä̧ rö̧jö̧ adiunä jö̧'i̧nä̧, öjö'cönä jö̧'i̧nä̧, yoräteunä jö̧'i̧nä̧.

Romanos 2:7

Korotö, adihuä juäi jȩpä̧tö̧rö̧, eseäcuähuä usätörö, ucuotäcuähuä usätörö, tta̧'cua̧rö̧ yoröiso beipächocö usätörö, jahuätörö Dios i̧yä̧cua̧ kä̧cuä̧huä̧ i'co.

Romanos 8:25

Ji̧nä̧ totoca'anä tta̧tä̧rö̧mä̧ tami 'qui'ächi'ö tta̧tä̧rö̧'a̧nö̧ ja̧'a̧.

1 Corintios 13:7

Ja̧'hua̧ta̧nö̧ o'ca juiyönä adiu a̧'cua̧ pö̧nö̧ kö̧. Diosrötä tta̧'ä̧rö̧ amöcuädö. Ami 'qui'ächi'ö'inä kö̧.

Gálatas 6:9

Ja̧'hua̧nö̧ ja̧'a̧ttö̧ adiu jȩpö̧mä̧ 'cuätächi'ö juiyö'a̧nö̧ ja̧'a̧. Ja̧'hua̧nö̧ 'cuätächi'ö juiyöttömä, churutä pä̧huä̧ rö̧jo̧mȩnä̧ tȩmä̧cuo̧tö̧jä̧.

Efesios 6:6

Cristo i̧huȩnȩ aditätö, Diosrö pä̧huä̧ rö̧jö̧ ttaditö'a̧nö̧, cuami iso'quitucunä adiu aditätucui. Cu̧ru̧hua̧tu̧cu̧ ucuturu topö esehua pä'ö tomenätämä cuaditätucuä'.

Colosenses 1:11

Ucutu cujuruhuätucua pä'ätöjä chutä adihuä ujurunä, o'ca juiyönä eseunu tta̧'ä̧rö̧ cuami 'qui'ächi'ö cu̧ja̧cuä̧tu̧cuä̧cua̧'a̧nö̧.

Colosenses 3:24

Iso päi'önä ucutu huo̧juä̧tö̧jä̧, Tu̧ru̧hua̧ i̧yä̧cua̧ ucuturu adihuä juäi u̧ju̧nä̧rö̧mä̧. Ucutumä Tu̧ru̧hua̧ Cristorö amöcuädö aditätöjä. Ja̧u̧mä̧ iso päi'önä Tu̧ru̧hua̧ päi'önä kö̧.

Colosenses 4:12

Epafras'inä, ucutu i̧sa̧, te'äu ucuturu. Ja̧u̧'i̧nä̧ Cristocu aditö. Ja̧u̧mä̧ 'cuäopönä ucuocu Diosrö ucuturu, cuami 'qui'ächi'ö kä̧nö̧, o'ca juiyönä Diosrö pä̧huä̧ rö̧jö̧ jȩpö̧ cu̧ja̧cuä̧tu̧cua̧ pä'ö.

1 Tesalonicenses 1:3

Tä'o Dios ä'ca jo̧mȩttö̧ amöcuädätöjä ucutu Diosrö adiu esetö cuaditätucua'a. Ja̧'hua̧ta̧nö̧ ucutu cuahuaruhuärö adiu repe'ö cuaditätucua'a amöcuädätöjä. Ja̧'hua̧ta̧nö̧ cuami 'qui'ächi'ö kä̧nö̧, Tu̧ru̧hua̧ Jesucristorö adiu tta̧cu̧huä̧rä̧tu̧cua̧'a̧ amöcuädätöjä.

Hebreos 11:39

Jahuätö o'ca toi'önä Diosrö tteseta'a ttu̧huo̧jui̧nä̧u̧, Dios iya päinömä yoröiso ȩmo̧co̧tö̧ pi̧nä̧tö̧do.

Hebreos 12:1

Ja̧'hua̧nö̧ ja̧'a̧ttö̧ ujutu tä̧do̧tö̧ mi̧nä̧, recuätö ja̧'hua̧nö̧ rö̧ȩnä̧ ttesetina'a amöcuädö, o'ca juiyönä ta̧mö̧cuä̧rö̧'i̧nä̧, suronä jȩtö̧ ujuturu 'chu̧huä̧rö̧'i̧nä̧, pporädö icu, tami 'qui'ächi'ö kä̧nö̧, juhua'a yabonö adiu jotätucuaja.

Hebreos 6:12

Kö'cocotöjä cutähuätucuttumä. Dios adihuä juäi iya päinö Diosrö esetö ttami 'qui'ächi'önö ȩmö̧ jȩttö̧'a̧nö̧, ucutu'inä jȩcu̧'ä̧tu̧cua̧ pä'ätöjä.

Hebreos 6:15

Abraham ami 'qui'ächi'ö tta̧'ä̧ri̧nö̧do. Ja̧'hua̧nö̧ tta̧huä̧ro̧mȩnä̧, Dios iya päinömä ȩmi̧nö̧do.

Hebreos 6:17

Ja̧'hua̧nö̧ ja̧'a̧ttö̧ Dios, chutä i̧mi̧nä̧ ucuocu iya pä'inödo. Ja̧u̧ adihuä juäi iya päinö ttȩmä̧cuo̧tö̧mä̧, o'ca juiyönä päinö ta'anö i̧yä̧cua̧, adiunä ttu̧huo̧jua̧ pä'ö pä'inödo.

Hebreos 9:15

Ja̧'hua̧nö̧ ja̧'a̧ttö̧ chutä Jesucristo ja̧u̧ jareö huȩnȩ tta̧huä̧rä̧cuä̧huä̧ i̧sa̧do. Cristo 'corupä'i'inödo, pä'äji huȩnȩ jȩtti̧nö̧ ka̧cui̧nä̧tö̧'i̧nä̧ suronä jȩtti̧nö̧ jȩpö̧ icua pä'ö. Ja̧'hua̧ta̧nö̧ Dios huoinä̧u̧'i̧nä̧ adihuä juäi kä̧cuä̧huä̧ iya päinö ttȩmä̧ pä'ö, 'corupä'i'inödo.

1 Juan 2:17

Pi̧jä̧ beipächa'a. Pi̧jä̧ jähuä pä̧huä̧ rö̧jö̧ toäcuähuä'inä beipächa'a. Ja̧'hua̧nö̧ ja̧'a̧nä̧ Diosrö pä̧huä̧ rö̧jö̧ jȩpä̧tö̧mä̧ 'cuäopönä ttö̧ja̧cuä̧cuo̧tö̧.

Apocalipsis 13:10

Korotömä korotörö cärenä ttö̧'a̧ pä'ö ȩpä̧tö̧mä̧, jitötä'inä cärenä ttö̧'ä̧cuo̧tö̧. Korotömä korotörö curodänä cuä'ö icuätömä, ja̧'hua̧ta̧nö̧ curodänä cuä'ö tticuäcuotö jahuätörö. Ja̧'hua̧nö̧ ja̧'a̧ttö̧ Dios i̧tti̧mö̧mä̧ ttami 'quittächi'ö'a̧nö̧ ja̧'a̧. Ja̧'hua̧ta̧nö̧ adiunä ttesetö'a̧nö̧ ja̧'a̧.

Apocalipsis 14:12

Ja̧'hua̧nö̧ ja̧'a̧ttö̧ Dios i̧tti̧mö̧, chutä Dios hueö jȩpä̧tö̧'i̧nä̧, Jesúscu adiu cue'ächätö'inä ttami 'quittächi'ö'a̧nö̧ ja̧'a̧.