Gálatas 6:9 - TÄ̧DO Ä̧CUÄ̧ I̧HUȨNȨ

⁹ Ja̧'hua̧nö̧ ja̧'a̧ttö̧ adiu jȩpö̧mä̧ 'cuätächi'ö juiyö'a̧nö̧ ja̧'a̧. Ja̧'hua̧nö̧ 'cuätächi'ö juiyöttömä, churutä pä̧huä̧ rö̧jo̧mȩnä̧ tȩmä̧cuo̧tö̧jä̧.

Nuevo Testamento Uwotjüja

⁹ Ja̧'wa̧nü̧ ja̧'a̧ttü̧ adiwä juei jȩpü̧mä̧ 'kuäkuächi'ätukuä; isopäi'ünä̧ tijuiyuwächi'oka'a jü̧ttü̧mä̧, ji̧yȩtä̧ mo̧ro̧ päi'omȩnä̧ u̧wä̧ju̧ tȩmä̧kuo̧tü̧jä̧.

Gálatas 6:9 ပူးပေါင်းရင်းမြစ်များ

San Mateo 10:22

Ttörö cuesetätucua'attö, o'ca toi'önä ttö̧ja̧ kö'cocotö ttäcuotö ucuturu. Ja̧'hua̧nö̧ ja̧'a̧nä̧ röji mo̧ro̧ päi'önä adiu esetömä, kä̧cuä̧huä̧ i'co u̧ju̧nä̧rä̧cua̧.

San Mateo 24:13

Ja̧'hua̧nö̧ ja̧'a̧nä̧ röji mo̧ro̧ päi'önä adiu esetömä, kä̧cuä̧huä̧ i'co u̧ju̧nä̧rä̧cua̧.

San Mateo 25:17

Ja̧'hua̧ta̧nö̧ dos mil bolívares jo̧mȩnä̧ ȩmi̧nö̧mä̧, koro juäi aditö jitä ya'ute dos mil bolívares jo̧mȩnä̧ ȩmi̧nö̧do.

San Mateo 9:19

Jesús ä̧rä̧mi̧'ö̧ u̧huo̧juȩtä̧u̧cu̧ 'chi̧nö̧do ja̧u̧ ru̧hua̧cu̧.

San Marcos 3:3

Ja̧'hua̧ ja̧'a̧ttö̧ Jesús pä'inödo u̧mö̧ joi'inäcuru: —Ä̧rä̧mi̧'i̧. Pȩnȩ tö̧'quȩtȩnä̧ kä̧hui̧.

San Lucas 18:1

Jesús koro juäi jä̧'i̧nö̧'a̧nö̧ jö̧ huȩnȩ ji'äu huo̧juȩti̧nö̧do, 'cuäopönä Diosrö ucuocuäcuähuä 'cuächi'äcuähuä juiyönä pä'ö.

Romanos 2:7

Korotö, adihuä juäi jȩpä̧tö̧rö̧, eseäcuähuä usätörö, ucuotäcuähuä usätörö, tta̧'cua̧rö̧ yoröiso beipächocö usätörö, jahuätörö Dios i̧yä̧cua̧ kä̧cuä̧huä̧ i'co.

1 Corintios 15:58

Ja̧'hua̧nö̧ ja̧'a̧ttö̧ adihuä chö̧jä̧hua̧tö̧, cuami 'qui'ächi'ö ka̧cuä̧tu̧cui̧ 'cuäopönä. Juhua'a yabonötä aditätucui Tu̧ru̧hua̧ aditähuä. Ucutu täcö huo̧juä̧tö̧jä̧, Tu̧ru̧hua̧cu̧ ji̧nä̧ yo̧mȩtȩ adicuämä adiunätä micuähua'a pä'ö.

2 Corintios 4:1

Ja̧'hua̧nö̧ ja̧'a̧ttö̧ jaroti'a pä'ö amöcuädocotöjä. Dios ujuturu re rö̧jö̧nä̧ toa'attö hue'inö ujuturu pi̧yȩ taditähuä päi'önä.

2 Corintios 4:16

Ja̧'hua̧nö̧ ja̧'a̧ttö̧ ujutumä jaroti'a pä'ö yoröiso amöcuädocotöjä. Ujutu jättäpäyotö yoyonö beipächära̧'a̧nä̧, ta̧'cua̧ru̧hua̧nä̧ ji̧nä̧ isocu rö̧ä̧cha̧'a̧.

2 Corintios 9:6

Pi̧yȩ'i̧nä̧ cunichi'ätucuä': Ya̧tȩ ji̧'qui̧cha̧nö̧tä̧ ku̧nu̧mä̧, ji̧'qui̧cha̧nö̧tä̧ ȩmä̧cua̧. Ja̧'hua̧ta̧nö̧ ya̧tȩ rö̧ȩnä̧ ku̧nu̧mä̧, rö̧ȩnä̧ ȩmä̧cua̧.

Efesios 3:13

Ja̧'hua̧nö̧ ja̧'a̧ttö̧ ucuturu ppä'ädö ji'äu ubara ttudomenä, cua̧'cua̧ tta̧cu̧huȩcuä̧tu̧cuä̧ttö̧. Pärocua'acu cuami iso'quitucunä eseunu cu̧ja̧cuä̧tu̧cu̧'a̧nö̧ ja̧'a̧.

2 Tesalonicenses 3:13

Tö̧jä̧hua̧tö̧, adihuä juäi jȩä̧cuä̧huä̧nä̧ 'cuäcuhuächi'ätucuä'.

Hebreos 12:3

Ja̧'hua̧ ja̧'a̧ttö̧ Jesús ö̧ji̧nö̧'a̧nö̧ amöcuädätucui. Chutä suronä jȩpä̧tö̧ ttu̧mö̧nä̧ ubara ttu'inödo. Ja̧'hua̧nö̧ ja̧'a̧ttö̧ cuijuiyuhuätucuä'. Ja̧'hua̧ta̧nö̧ 'cuäcuhuächi'ätucuä'.

Hebreos 12:5

Dios ucuturu, i̧tti̧mö̧rö̧, päinömä ¿unichi'inätöjä tä̧ji̧? Huȩyu̧cuä̧ Huȩnȩ pa̧'a̧nö̧ päa'a: Ttö chi̧tti̧, Tu̧ru̧hua̧ ucuru ro̧ȩpo̧mȩnä̧, korotä cuamöcuädä'chä'. Ja̧'hua̧ta̧nö̧ ucuru ro̧ȩpo̧mȩnä̧, cuijuiyuhuä'.

Hebreos 3:14

Iso päi'önä äcuomenä tesetinö röji mo̧ro̧ päi'omenä jubö päi'önä tami 'quitächi'öttömä, Cristocu ji̧nä̧ yo̧mȩtȩ tö̧ja̧cuä̧cuo̧tö̧jä̧.

Hebreos 3:6

Ja̧'hua̧nö̧ ja̧'a̧nä̧ ya̧tȩ i̧tti̧ ahuaruhuärö adiu jȩö̧'a̧nö̧, adiu jȩpö̧ Cristomä Dios i̧tti̧mö̧rö̧. Adiunä röji mo̧ro̧ päi'ome jubö cä'ädö, eseunu tami 'qui'ächi'önö churutä tta̧tä̧rö̧ttö̧mä̧, Dios i̧tti̧mö̧ päti'äcuotöjä.

Santiago 5:7

Ja̧'hua̧nö̧ ja̧'a̧ttö̧ cuami 'qui'ächi'ö ka̧cuä̧tu̧cui̧, chö̧jä̧hua̧tö̧, Tu̧ru̧hua̧ ichome jubö päi'önä. Ku̧nä̧huä̧ ru̧hua̧mä̧, cuähuä u̧ju̧na̧ pä'ömä, ami 'qui'ächi'ö tta̧'ä̧rö̧ ajiya ichome jubö päi'önä.

1 Pedro 2:15

Adiunä cu̧ja̧cuä̧tu̧cua̧ pä'ödo Diosmä, jerupö ucuocuätö juhua'a yabonö ttucuocu juiya pä'ö.

1 Pedro 3:17

Diosrö pä̧huä̧ rö̧jo̧mȩnä̧, adiunä jȩpö̧ kä̧nö̧ ubara ttuta'anä, suronä jȩpö̧ kä̧nö̧, ubara ttututtu'inä abonänö adihua'ado.

1 Pedro 4:19

Iso päi'önä Diosrö pä̧huä̧ rö̧jo̧mȩnä̧ ubara ttu'ätömä, juhua'a yabonö adihuä juäi jȩpö̧ ttö̧ja̧cuä̧cua̧'a̧nö̧. Ja̧'hua̧ta̧nö̧ tta̧'cua̧ru̧hua̧rö̧ Diosrö, jitörötä aditinörö, ttiyäcua'a̧nö̧. Chutä o'ca juiyönä päömä, jȩpö̧do.

Apocalipsis 2:17

A̧ja̧ ku̧nä̧rö̧mä̧, iglesias ruhuärö Espíritu Santo päömä ä̧ju̧cui̧. Ya̧tȩ pi̧jä̧ttö̧'i̧nä̧ abonänö ju̧ru̧hua̧rö̧, maná dajö chicuinöttö chi̧yä̧cua̧ ucua pä'ö. Ja̧'hua̧ta̧nö̧ ido'qui teo'qui chi̧yä̧cua̧. Juhuo'quinä ka̧ra̧ i̧mi̧, korotömä ttierunä huȩyu̧cuä̧cua̧'a̧. Chutä juhuo'qui ido'qui ȩmö̧tä̧, ja̧u̧ i̧mi̧ huȩyu̧cua̧'a̧ u̧huo̧juä̧cua̧.”

Apocalipsis 2:3

Ttörö esetö cuami 'qui'ächi'ö ubara ttu'inöjä. Ja̧'hua̧ta̧nö̧ yoröiso 'cuäcuhuächi'oca'a, rö̧ȩnä̧ aditinöjä ttörö pä̧huä̧ rö̧jö̧ jȩpö̧.

Apocalipsis 2:7

A̧ja̧ ku̧nä̧rö̧mä̧, iglesias ruhuärö Espíritu Santo päömä ä̧ju̧cui̧. O'ca toi'önä pi̧jä̧ttö̧'i̧nä̧ abonänö juruhuätörö chiyäcuä̧u̧ kä̧cuä̧huä̧ i'co dau, Dios ö̧jo̧mȩ käi u̧huä̧ju̧ttu̧, ttucua pä'ö.”