Gálatas 6:13 - TÄ̧DO Ä̧CUÄ̧ I̧HUȨNȨ

¹³ Iso päi'önä circuncisión jȩpä̧tö̧'i̧nä̧ hueähuä huȩnȩ o'ca juiyönä hueömä jȩpo̧co̧tö̧. Ja̧'hua̧nö̧ ja̧'a̧nä̧ ucutu circuncisión jȩcu̧'ä̧tu̧cua̧ pä'ätö, jitötä ttu̧huo̧juȩti̧nö̧ jȩtti̧yä̧u̧ adiu ttucuocuäcua'a̧nö̧ jahuätörö.

Nuevo Testamento Uwotjüja

¹³ Juätü circuncisión pättü jȩpä̧kuä̧wo̧tü̧'i̧nä̧ o'kajuiyünä̧ weäwä wȩnȩ päü'a̧nü̧mä̧ jȩpo̧ko̧tü̧. Ja̧'wa̧nü̧ ja̧'a̧nä̧ ukuturutä circuncisión jȩ'kui̧yä̧tu̧kua̧tü̧ pä'ätü, wȩti̧nä̧u̧ pä'ü topü tteseäkuäwa pä'ü.

Gálatas 6:13 ပူးပေါင်းရင်းမြစ်များ

San Mateo 23:15

“Fariseos huotö'inä, hueähuä huȩnȩ huo̧juȩtä̧tö̧'i̧nä̧, suronä 'cuäopäcua'a ucuturu. ¡Yapareu ttö̧ja̧jä̧! Kara'a oto, ajehuiyä'inä abo cue'ächätöjä, ya̧tȩ ucutu cu̧huo̧juȩtä̧tu̧cu̧ eseta pä'ö. Ja̧u̧ esetomenä, ucututtu'inä abonänö suronä jȩpö̧. Ocurära̧'a̧ i̧'chä̧cua̧.

San Mateo 23:23

“Fariseos huotö'inä, hueähuä huȩnȩ huo̧juȩtä̧tö̧'i̧nä̧, suronä 'cuäopäcua'a ucuturu. ¡Yapareu ttö̧ja̧jä̧! Ucutumä Moisés hueinö ta'anö ye'ecunänö iyätöjä ofrenda päi'önä cuäcuähuä'inä. Ja̧'hua̧nö̧ ja̧'a̧nä̧ adihuä juäi huo̧juȩcuä̧ huȩnȩmä̧ päö ta'anö yoröiso jȩpo̧co̧tö̧jä̧. Adiunämä amöcuädocotöjä. Korotörö re rö̧jö̧nä̧ topocotöjä. Adiunämä esetocotöjä. Koro jȩcu̧'ä̧tu̧cuo̧mȩnä̧, pi̧yȩtä̧ ji̧nä̧ isocu jȩcu̧'ä̧tu̧cu̧'a̧nö̧ ja̧'a̧, Diosrö iyähuä'inä cunichi'ätucuoca'a.

San Mateo 23:3

Ja̧'hua̧ ja̧'a̧nä̧ jahuätö pättömä o'ca juiyönä jȩpä̧tu̧cui̧. Ja̧'hua̧nö̧ jȩcu̧'ä̧tu̧cuo̧mȩnä̧, jitötä jȩttö̧'a̧nö̧ jȩcu̧'ä̧tu̧cuä̧'. Jahuätömä adiu ttucuocua'anä, i̧mi̧cu̧nä̧ jȩpä̧tö̧do.

San Lucas 5:38

Ja̧'hua̧nö̧ ja̧'a̧ttö̧ vino isoya jareoyamä muri'quiba jareäbanätä 'carähuädo. Ja̧'hua̧nö̧ jȩtto̧mȩnä̧, yoröiso toei'ocö vino isoya'inä, muri'quiba'inä.

1 Corintios 3:21

Ja̧'hua̧nö̧ ja̧'a̧ttö̧ pi̧jä̧ ttö̧ja̧rö̧ esetö, yoröiso a'cuoyäunu cuamöcuädätucuä'. Iso päi'önä o'ca juiyönä pi̧jä̧nä̧ ka̧cu̧ ucutu cuhuäretucu päi'önä ku̧nä̧rä̧tö̧jä̧.

1 Corintios 5:6

Ja̧'hua̧ta̧nö̧ ucutumä a'cuoyäunu cuamöcuädätucu juiyäcua'a̧nö̧ jȩcu̧'ä̧tu̧cu̧ amöcuädö. Ucutumä pättö huȩnȩmä̧ ¿jerupätöjä tä̧ji̧? “Ji̧'qui̧cha̧nö̧tä̧ pan ppö̧ä̧mö̧ juäi ȩnö̧, o'ca juiyönä pan ppö̧ä̧ma̧'a̧.”

2 Corintios 11:18

Iso päi'önä pi̧jä̧ jähuä jȩä̧cuä̧huä̧nä̧, recuätö ttö̧ja̧ eseunu ucuocuätö. Ttö'inä jahuätö ttucuocu'a̧nö̧ chu̧cuo̧cuä̧cua̧sä̧.

Filipenses 3:3

Iso päi'önä ujutumä adiunä circuncidados huotöjä. Ujutumä Cristo Jesúsru esetö Espíritu Santonä eseunu amöcuädö ucuocuätöjä Diosrö. Ujutumä tidepä jähuämä ta̧'cua̧ huȩnä̧ro̧co̧tö̧jä̧.

2 Pedro 2:19

Korotörö surojö juiyönä kä̧cuä̧huä̧mä̧ huo̧juȩtä̧tö̧. Ja̧'hua̧nö̧ ja̧'a̧nä̧ jahuätörö ttu̧huo̧juȩtö̧'a̧nö̧mä̧ jȩtto̧ca̧'a̧, suronätä jȩpö̧ ka̧cuä̧tö̧. O'ca toi'önä tamöcuädötä jȩpä̧tö̧jä̧.