Gálatas 6:10 - TÄ̧DO Ä̧CUÄ̧ I̧HUȨNȨ

¹⁰ Ja̧'hua̧nö̧ ja̧'a̧ttö̧ koronö'inä o'ca toi'önärö adiu jȩtö̧'a̧nö̧ ja̧'a̧. Iso päi'önä tö̧jä̧hua̧tö̧rö̧ Diosrö esetätörö adiu jȩtö̧'a̧nö̧ ja̧'a̧.

Nuevo Testamento Uwotjüja

¹⁰ Ja̧'wa̧nü̧ ja̧'a̧ttü̧, o'katoi'ünä̧rü̧ adiu jȩtü̧'a̧nü̧ jü̧ttü̧mä̧, adiu jȩta̧ pä'ü ja̧'a̧, ja̧'wa̧nü̧ ja̧'a̧nä̧ ji̧nä̧somä̧ tawaruwä ti̧jä̧wa̧tü̧ Crito esetärütä.

Gálatas 6:10 ပူးပေါင်းရင်းမြစ်များ

San Mateo 10:25

Ya̧tȩ u̧huo̧juȩtä̧u̧ i̧sa̧mä̧ huo̧juȩcuä̧ i̧sa̧ ö̧jö̧'a̧nö̧ ö̧jö̧ttö̧mä̧ adihua'a. Ja̧'hua̧ta̧nö̧ ya̧tȩ adicuä i̧sa̧mä̧, u̧ru̧hua̧ ö̧jö̧'a̧nö̧ ö̧jö̧ttö̧mä̧ adihua'a. Iso päi'önä ya̧tȩ ojusode ru̧hua̧rö̧ espíritus suropätö ttu̧ru̧hua̧ i̧mi̧ Beelzebú ottöttömä, ¿tta̧'a̧nö̧ pättäcua'ajä̧ttö̧ ahuaruhuärö? —pä'ö huo̧juȩti̧nö̧do Jesús.

San Mateo 12:50

O'ca toi'önä Chä'o mo̧ro̧jä̧ra̧'a̧ kö̧rö̧ pä̧huä̧ rö̧jo̧mȩnä̧ jȩpä̧tö̧tä̧, jahuätötä ttö cha̧ju̧'i̧nä̧, chö̧jä̧hua̧tö̧'i̧nä̧ pä'i'ätö, —pä'inödo Jesús.

San Mateo 25:40

Ja̧'hua̧nö̧ pättomenä, Ru̧hua̧mä̧ ä̧dä̧tä̧cua̧: “Iso päi'önä pä'ösä ucuturu, ya̧tȩ ttörö esetörö, usurä i̧sa̧rö̧'i̧nä̧, ttörö esetörö ppäcuhuädätucuomenä, ttörötä ppä'ädö jȩpi̧nä̧tö̧jä̧.”

San Mateo 5:43

Juhua'a yabonö huo̧juȩti̧nö̧do Jesús: —Ja̧'hua̧ta̧nö̧ pä'äji pättinömä ä̧ju̧cui̧nä̧tö̧jä̧: “Cua̧hua̧ru̧hua̧rö̧ repe'i. Cua̧bo̧i̧ya̧rö̧ repecuhuä'.”

San Marcos 3:4

Ja̧u̧nu̧ o'ca'a korotörö jä'epinödo: —Ttö̧ja̧ 'cuättächi'ö mo̧ro̧, ¿ya̧tȩrö̧ adiu jȩttö̧'a̧nö̧ tä̧ji̧? ¿Suronä jȩttö̧'a̧nö̧ tä̧ji̧? ¿Ya̧tȩrö̧ aditö tticu'a̧nö̧ tä̧ji̧? ¿Ya̧tȩrö̧ cuä'ö tticu'a̧nö̧ tä̧ji̧? Ja̧'hua̧nö̧ ja̧'a̧nä̧ jahuätömä 'corunätä ka̧cui̧nä̧tö̧do.

San Lucas 6:35

Ja̧'hua̧nö̧ ja̧'a̧nä̧ ucutu cuaboiyotörö repecuhuätucu'a̧nö̧ ja̧'a̧. Jahuätörö adiu jȩpä̧tu̧cui̧. Pärou iyätucui ucuturu pärocua'acu ttö'ärohua pä'ö tta̧cu̧huä̧rä̧tu̧cuo̧ca̧'a̧. Ja̧'hua̧nö̧ micuä rö̧ȩnä̧ cu̧ju̧nä̧rä̧cuo̧tö̧jä̧. Ja̧'hua̧ta̧nö̧ ucutu Dios Ju'toju Ru̧hua̧ i̧tti̧mö̧ cu'äcuotöjä. Ja̧u̧ churutä esehuocotörö'inä, suronä jȩpä̧tö̧rö̧'i̧nä̧ adihuä i̧sa̧ ja̧'a̧.

San Juan 12:35

Ja̧'hua̧ ja̧'a̧ Jesús pä'inödo jahuätörö: —Ucutu cu̧'quȩtȩtu̧cu̧nä̧ adihuä tȩa̧u̧ ö̧jä̧cua̧ ji̧nä̧ a̧'u̧cua̧'a̧tä̧. Ji̧nä̧ tȩa̧huä̧i̧tä̧ cue'ächätucui, yo̧ö̧nä̧ päi'omenä yecuhuecuätucu juiya pä'ö. Ya̧tȩ yo̧ö̧nä̧ cue'ächömä, i̧'cho̧mȩ jȩru̧pa̧.

San Juan 9:4

Jitämä, mo̧ro̧ ja̧'a̧ttö̧ ttö̧rö̧ hueinäcu aditähuä chaditö'a̧nö̧ ja̧'a̧. Mä̧cuä̧, yodo ichomenä, yoröiso adicuoca'a.

Hechos 6:7

Dios i̧huȩnȩ yabocutä rö̧ä̧chö̧nä̧ ji'ähuinätödo. Jesucristorö esetätömä juiyo recuächinätödo Jerusalén ötahuiyättö. Recuätö sacerdotes'inä Jesucristo i̧huȩnȩ adiu esetinätödo.

2 Corintios 2:8

Ja̧'hua̧nö̧ ja̧'a̧nä̧ pä'ösä ucuturu, ja̧u̧ru̧ ppä'ädätucui pä'äji ta'anö, u̧huo̧juä̧cua̧'a̧nö̧ ja̧u̧ru̧ repecuhuätucua'a.

Gálatas 1:23

Korotö pättö huȩnȩtä̧ ä̧ju̧cui̧nä̧tö̧mä̧ pä'inätö: “Ä'coji ujuturu, Cristorö esetätörö, suronä jȩpi̧nö̧mä̧ suronä jȩttö̧ jȩpö̧ icu huȩnȩ be'epö icua pä'inömä, jitämä ja̧u̧ huȩnȩtä̧ ji'äu cue'ächö,” pätta'a ä̧ju̧cui̧nä̧tö̧.

Efesios 2:19

Ja̧'hua̧nö̧ ja̧'a̧ttö̧ jitämä ucutu kara'attö ichätö jä̧'i̧nö̧'a̧nö̧ huocotöjä. Jitämä o'ca toi'önä Dios i̧tti̧mö̧ cu'ätucua'attö, yorätehuätöjä. Ucutu Dios ahuaruhuä päi'önä ka̧cuä̧tö̧jä̧ jitä.

Efesios 3:15

Chutä tti̧mi̧ hueinä̧u̧do o'ca toi'önärö, mo̧ro̧jä̧ra̧'a̧ ka̧cuä̧tö̧rö̧'i̧nä̧, pi̧jä̧ra̧'a̧ ka̧cuä̧tö̧rö̧'i̧nä̧.

Efesios 4:28

Nä̧u̧cuä̧ri̧nö̧mä̧, jitämä cu̧nä̧u̧cuä̧rä̧'. Ucutä cu̧mö̧nä̧tä̧ adiu aditi, korotö jui'ätörö cuiyäcua'a̧nö̧.

Efesios 5:16

Jitä mo̧ro̧ päi'önä rö̧ȩnä̧ suronä 'cuäopa'attö, adiunä jȩpä̧tu̧cui̧.

Filipenses 4:10

Jitä'inä Chu̧ru̧hua̧rö̧ rö̧ȩnä̧ eseusä ucuturu, pä'äji ta'anö cuamöcuädätucuomenä ttörö. Juhuorö'inä ttörö unichi'inätöjä pä'ömä, pä'ocösä. Ja̧'hua̧nö̧ ja̧'a̧nä̧ ttö huo̧jua̧sä̧, hueyecuina'a huecuhuätucua pä'ö.

Colosenses 4:5

Jueönä ka̧cuä̧tu̧cui̧ Diosrö esetocotö ttä'ca jo̧mȩttö̧, 'cuäopönä ucuocu jahuätörö ttesetäcua'a̧nö̧.

1 Tesalonicenses 5:15

Ya̧tȩ ka̧ra̧rö̧ suronä jȩo̧mȩnä̧, pärocua'attö suronä jȩö̧ juiyarö pä'ö ji'ähuätucui. Ucutumä 'cuäopönä ka̧ra̧ ka̧ra̧rö̧'i̧nä̧ o'ca toi'önärö adiu jȩpö̧ ka̧cuä̧tu̧cui̧.

1 Tesalonicenses 5:21

O'ca juiyönä ka̧cuä̧mö̧ topätucui. Adihuä huȩnȩtä̧ esetätucui.

Tito 2:14

Ja̧u̧mä̧ 'corupä'i'inö ujutu suronä jȩtö̧ jȩpö̧ icua pä'ö. Ja̧'hua̧ta̧nö̧ chutä i̧tti̧mö̧ päti'a pä'ö töcö icuinä̧u̧jä̧ churutä pä̧huä̧ rö̧jo̧mȩnä̧, adiu jȩti̧ya̧rö̧ pä'ö.

Tito 3:8

Pi̧yȩ huȩnȩ iso päi'önä adihuä huȩnȩ. Pi̧yȩ huȩnȩ cu̧huo̧juȩta̧ pä'ösä, Diosrö esetätö adiu jȩtta̧ pä'ö. Pi̧yȩ huȩnȩ o'ca toi'önärö adiu päa'a.

Hebreos 13:16

Adiu jȩä̧cuä̧huä̧nä̧ cunichi'ätucuä'. Ja̧'hua̧ta̧nö̧ cu̧ju̧nä̧rä̧tu̧cu̧ttu̧'i̧nä̧ iyö, korotörö ppäcuhuädätucua pä'ö cunichi'ätucuä'. Ja̧'hua̧nö̧ jȩpö̧, sacrificio päi'önä jȩpä̧tö̧jä̧ Dios esehua'anä.

Hebreos 3:6

Ja̧'hua̧nö̧ ja̧'a̧nä̧ ya̧tȩ i̧tti̧ ahuaruhuärö adiu jȩö̧'a̧nö̧, adiu jȩpö̧ Cristomä Dios i̧tti̧mö̧rö̧. Adiunä röji mo̧ro̧ päi'ome jubö cä'ädö, eseunu tami 'qui'ächi'önö churutä tta̧tä̧rö̧ttö̧mä̧, Dios i̧tti̧mö̧ päti'äcuotöjä.

Hebreos 6:10

Diosmä amönä pä'ocö. Yoröiso unichi'ocö ucutu cuaditinätucu. Cuahuaruhuärö, Diosrö esetätörö, repe'ö ppäcuhuädinätucu'inä unichi'ocö. Jitä'inä ja̧u̧tä̧ juäi jȩpä̧tö̧jä̧.

1 Pedro 2:5

Koro juäi isode ttaditö'a̧nö̧, Dios adihuode adita'anä, ucutu'inä ido'qui isode adicuo'qui jä̧'i̧nö̧'a̧nö̧ jö̧nä̧ ka̧cuä̧tu̧cui̧. Ja̧'hua̧ta̧nö̧ juhuode tta̧'ä̧rä̧tö̧mä̧, Dios aditö icuinä̧u̧mä̧, Jesucristorö esetö Dios öjö'cö juäi iyö ttö̧jö̧'a̧nö̧ ka̧cuä̧tu̧cui̧ ucutu'inä.

1 Pedro 4:17

Dios ttö̧ja̧rö̧ pojocuä mo̧ro̧ täcö ichäja'a. Dios i̧tti̧mö̧rö̧ ä'canä pä̧cua̧. Ja̧'hua̧nö̧ ja̧'a̧nä̧ ujuturu ja̧'hua̧nö̧ ä'canä päa'attö, ¿tta̧'a̧nö̧ päcua'ajä̧ttö̧ Dios i̧huȩnȩ esetocotörömä?

1 Juan 5:1

O'ca toi'önä Jesúsmä Cristo ja̧'a̧ pä'ö esetätömä, Dios i̧tti̧mö̧. Ya̧tȩ ta̧hua̧ru̧hua̧ i̧tti̧mö̧ ku̧nä̧rö̧rö̧ repetöttömä, ja̧u̧tä̧ i̧tti̧mö̧rö̧'i̧nä̧ repe'ätöjä.

3 Juan 1:10

Ucuturu ttö do'ächö chichöttömä, o'ca juiyönä jȩö̧'i̧nä̧, ujuturu amönä yapareu jiäu'inä ji̧dä̧huä̧cua̧sä̧. Ja̧'hua̧ta̧nö̧ Tu̧ru̧hua̧ Jesucristo i̧huȩnȩ ji'ähuätörö ppä'ädocö. Ja̧'hua̧ta̧nö̧ ppättäda pä'ätörö ppäcuhuädätucuä' pä'ö ro̧'ȩpo̧'ä̧rö̧. Ju̧hȩnȩ yabonä'inä 'quȩ'ȩpö̧ icuatö pä'inö.

3 Juan 1:11

Suronä jȩpä̧tö̧ jȩttö̧'a̧nö̧ jȩcu̧'ä̧' chö̧jä̧hua̧. Adiu jȩpä̧tö̧ jȩttö̧'a̧nö̧ jȩpi̧. Adiu jȩpö̧mä̧, Dios i̧tti̧ päi'önä kö̧. Suronä jȩpö̧mä̧, Diosrö topocö pi̧nö̧.

3 Juan 1:3

Ja̧'hua̧ ja̧'a̧ korotö tö̧jä̧hua̧tö̧ ichö jittähuomenä, ucu esetö'inä cueseta'anä, iso päi'önä huȩnȩ päö'inä adiu jȩcu̧'a̧'a̧mä̧ ä̧ju̧cu̧, esehuinösä ttömä.