Gálatas 6:1 - TÄ̧DO Ä̧CUÄ̧ I̧HUȨNȨ

¹ Chö̧jä̧hua̧tö̧, ya̧tȩ surojönä ma̧'ä̧chi̧nö̧rö̧ tocu'ätucuttumä, ucutu adiu rö̧ȩnä̧ esetätömä pä'äji ta'anö Dioscu ppa̧huä̧cha̧ ppä'ädätucuirö. Ja̧'hua̧nö̧ ja̧'a̧nä̧ ucutu cuami iso'quitucunä adiu amöcuädö ppä'ädätucuirö. Ja̧'hua̧ta̧nö̧ ucutu o'ca toi'önä ttu̧ȩcuä̧nä̧ tta̧'ä̧rä̧cuä̧huä̧tu̧cui̧, ucuturu'inä surojö 'cuäopö juiyäcua'a̧nö̧.

Nuevo Testamento Uwotjüja

¹ Chawaruwä chi̧jä̧wa̧tü̧, ya̧tȩ surojü jȩä̧ja̧'a̧ ttü̧'o̧kui̧'ü̧ttü̧mä̧, ukutu Epíritu jäwänä̧ kka̧kuä̧tü̧tä̧ ro̧'ȩpä̧tu̧kui̧ diyawäyänä̧. Ukututä'i̧nä̧ tta̧'ä̧rä̧kuä̧u̧ kka̧kuä̧tu̧kui̧, kua̧mi̧ 'kuä'ü ma̧kuä̧chä̧tu̧ku̧ a̧'kua̧ra̧'a̧.

Gálatas 6:1 ပူးပေါင်းရင်းမြစ်များ

San Mateo 11:29

Ttö huedömä jȩpä̧tu̧cui̧. Ttörö topö huo̧jui̧pä̧tu̧cui̧. Ttömä korotörö eseunu amöcuädösä chami iso'quinä. Ttö adiunä kö̧sä̧ korotöcu. Ucutu cua̧'cua̧ru̧hua̧nä̧ eseäcuähuä cu̧'o̧cui̧'ä̧cuo̧tö̧jä̧ ttörö esetö.

San Mateo 26:69

Jesúsru ja̧'hua̧nö̧ ttucuocuomenä, Pedro u̧mi̧ pä̧nö̧ tta̧'ä̧ri̧nö̧do. Yajute ru̧hua̧ umöhuäyaju ja̧u̧ru̧ tö'cönänö ichi'ö pä'inäjudo: —Ucu'inä Jesús Galilea i̧sa̧cu̧ cue'ächinöjä.

San Mateo 26:75

Ja̧'hua̧nö̧ päi'omenä, Pedro amöcuädinödo Jesús ucuocuäjimä: “Äcärä huoäcua'a ä'canä, huäbodäcuä jo̧mȩnä̧ ttörö cuä̧ppö̧tä̧rä̧cua̧jä̧.” Jesús päji ta'anö ä̧ppö̧tä̧ri̧nö̧do. Ja̧'hua̧ ja̧'a̧ Pedro juhua'attö rä'opächö, pä̧i̧cu̧nä̧ ajuähuinödo.

San Mateo 9:13

Huȩyu̧cuä̧ Huȩnȩ päö ta'anö huo̧jui̧pö̧ tätucui. Ja̧u̧ huȩnȩ päa'a: “Koro juäi isotö ttucuoja sacrificios jȩcu̧'ä̧tu̧cua̧ pä'ocösä. Korotörötä re rö̧jö̧nä̧ tocu'ätucua pä'ösä.” Ttömä adiu jȩpä̧tö̧rö̧ huopö ichocö pi̧nö̧sä̧. Suronä jȩpä̧tö̧rö̧tä̧ huopö ichinösä, pärocuäcutä ttamöcuäda pä'ö, —pä'inödo Jesús.

Romanos 14:1

Adiu esehuätucui Ttu̧ru̧hua̧rö̧ esetö kä̧nö̧ ttamöcuädö juiyupätörö'inä, cuamönä cuamöcuädätucu cucuocuätucuoca'a.

Romanos 15:1

Ujutu tesetöttö juruhuätömä, ppätädö'a̧nö̧ ja̧'a̧ tö̧jä̧hua̧tö̧ juiyupätörö, ujutu tamönätä töjö'cönätämäcö̧.

Romanos 8:6

Ttidepä jähuä ttamöcuädömä, hua'arecu ȩpa̧'a̧. Ja̧'hua̧nö̧ ja̧'a̧nä̧ Espíritu Santo jähuä ttamöcuädömä, tta̧'cua̧ adiucu ȩpa̧'a̧. Ja̧'hua̧ta̧nö̧ adiu kä̧cuä̧huä̧cu̧ ȩpa̧'a̧.

1 Corintios 10:12

Ja̧'hua̧nö̧ ja̧'a̧ttö̧ ya̧tȩ “Ttömä adiunä 'quiyönä kä̧nö̧ esetösä” pä'ömä, ttu̧ȩcuä̧nä̧tä̧ amöcuädäcua'a̧nö̧, suronä jȩö̧ juiya pä'ö.

1 Corintios 14:37

Ucututtu ya̧tȩ: “Ttömä Dios iyähuä huȩnȩ'i̧nä̧, Espíritu Santo ttörö huo̧juȩcuä̧'i̧nä̧ jidäu'a̧nö̧ ja̧'a̧” pä'ö amöcuädöttömä, ja̧u̧mä̧ iso päi'önä pi̧yȩ ucuturu chi̧huȩyu̧tä̧ji̧mä̧ huo̧jua̧do, Tu̧ru̧hua̧ hueähuä ja̧'a̧ pä'ö.

1 Corintios 2:15

Juhuorö'inä ka̧ra̧mä̧ Espíritu Santorö ku̧nä̧rö̧mä̧, ja̧u̧mä̧ o'ca juiyönä ka̧cuä̧mö̧ huo̧jua̧. Ja̧'hua̧ta̧nö̧ korotömä ja̧u̧ru̧ pä'ö suronä ucuocuocotö.

1 Corintios 3:1

Chö̧jä̧hua̧tö̧, ttö̧ja̧ Espíritu Santocu cuettächö'a̧nö̧ huotörö ttucuocu'a̧nö̧, ucuocuocö pi̧nö̧sä̧ ucuturu. Pärocua'acu ttö̧ja̧ jitötä ttamönä jȩttö̧'a̧nö̧ huotörö ucuocuinösä, ppo̧'ä̧tö̧rö̧ ttucuocua'a jä̧'i̧nö̧'a̧nö̧ adiu cuä̧ju̧cuä̧tu̧cuä̧cua̧'a̧nö̧ Cristo i̧huȩnȩ.

1 Corintios 4:21

Jitä, ¿tta̧'a̧nö̧ cuamöcuädätucuättö ucutumä? Ucuturu topö chi̧'cho̧mȩnä̧, ¿chö̧tä̧bo̧ta̧ pä'ätöjä tä̧ji̧? Juhuorö'inä ¿adiu repe'önö eseunu chucuocua pä'ätöjä tä̧ji̧? ¿Tta̧'a̧nö̧ cuamöcuädätucuättö ucutumä?

1 Corintios 7:5

Ja̧'hua̧nö̧ ja̧'a̧ttö̧ cuirecuorö pä̧huä̧ rö̧jo̧mȩnä̧, cuhuarodätucuä'. Ja̧'hua̧ta̧nö̧ cuirecuarö pä̧huä̧ rö̧jo̧mȩnä̧, cuhuarodätucuä'. Ja̧'hua̧ta̧nö̧ recuonänö Diosrö cucuocuätucua pä'ö cuhuarodätucuttumä, ä'canä cuirecuorö ucuocu ji̧nä̧ yo̧mȩtȩnä̧ amöcuädö jȩpä̧tu̧cui̧. Ja̧u̧nu̧ o'ca'a cuirecuorö jȩpä̧tu̧cui̧, korotöcu suronä jȩcu̧'ä̧tu̧cu̧ juiyäcua'a̧nö̧ ähuettä hueomenä.

2 Corintios 10:1

Ttö Pablo, ucuturu repe'önö Cristo adihuä juäi iyö amöcuädö pä'ösä. Korotö pä'ätö ttörö ucutucu chö̧jo̧mȩnä̧, jä̧rö̧nä̧tä̧ usurä i̧sa̧ ta'anö kö̧sä̧. Ja̧'hua̧ta̧nö̧ ucututtu oto kara'a chö̧jo̧mȩnä̧, pä̧i̧cu̧nä̧ ucuocu jȩpö̧sä̧ pä'ätö korotömä.

2 Corintios 2:7

Jitämä ro̧cu̧huȩpi̧nä̧tu̧cu̧ o'ca'a, jȩi̧nö̧mä̧ unichi'ätucui. Ja̧u̧ru̧ ppä'ädätucui, rö̧ȩnä̧ a̧'cua̧ tta̧'ȩcu̧ kä̧nö̧, juhua'a yabonö a̧'cua̧ tta̧'ȩcu̧ juiyäcua'a̧nö̧.

2 Corintios 2:8

Ja̧'hua̧nö̧ ja̧'a̧nä̧ pä'ösä ucuturu, ja̧u̧ru̧ ppä'ädätucui pä'äji ta'anö, u̧huo̧juä̧cua̧'a̧nö̧ ja̧u̧ru̧ repecuhuätucua'a.

Gálatas 5:23

Ja̧'hua̧ta̧nö̧ Espíritu Santo iyömä korotörö ujututtu'inä abonänö adiu amöcuädäcuähuä'inä, tamönä tamöcuädötä jȩto̧ca̧'a̧ tami 'quiächi'äcuähuä'inä. Ja̧u̧ juäi surojö pä'ömä hueähuä huȩnȩ juiya'a.

Gálatas 6:18

Chö̧jä̧hua̧tö̧, ujutu Tu̧ru̧hua̧ Jesucristo ucutu o'ca toi'önärö ppädäcua'a̧nö̧. Amén.

1 Tesalonicenses 4:1

Tö̧jä̧hua̧tö̧, jitä Tu̧ru̧hua̧ Jesús i̧mi̧nä̧ pi̧yȩ huȩnȩ ji'äu hue'ätöjä ucuturu. Diosrö pä̧huä̧ rö̧jö̧ huȩnȩ, ucuturu tu̧huo̧juȩti̧nö̧mä̧, juhua'a yabonö esetö cu̧ja̧cuä̧tu̧cua̧ pä'ätöjä.

2 Tesalonicenses 3:15

Ja̧'hua̧nö̧ ja̧'a̧nä̧ cua̧bo̧i̧ya̧tu̧cu̧ päi'önä jȩcu̧'ä̧tu̧cuä̧rö̧. Cu̧jä̧hua̧tu̧cu̧ru̧ cucuocuätucu'a̧nö̧, ucuocu ppä'ädätucuirö.

2 Timoteo 2:25

Jarode'ätörö ami iso'quinä adiu amöcuädö ucuocu. Diosrö pä̧huä̧ rö̧jo̧mȩnä̧, pärocuäcutä amöcuädö, iso päi'önä huȩnȩ tteseta pä'ö tta̧'ä̧rö̧.

Hebreos 12:13

Adiu jueä̧mä̧ usätucui. Ja̧'hua̧ ja̧'a̧ttö̧ cu̧jä̧pö̧ surojä̧'u̧mä̧ re'tehuächocö jä̧cua̧'a̧. Adiutä päi'äcua'a.

Hebreos 13:3

Ja̧'hua̧ta̧nö̧ cärenä pȩjä̧tö̧rö̧ cunichi'ätucuä'. Jahuätöcu cärenä cu̧'ä̧tu̧cua̧'a̧ jä̧'i̧nö̧'a̧nö̧ amöcuädätucui. Korotö suronä jȩttä̧u̧ru̧ amöcuädö, ucutu'inä jahuätöcu ubara ttucuhuätucua'a jä̧'i̧nö̧'a̧nö̧ ppä'ädätucui.

Santiago 3:13

Ucututtu ya̧tȩ huo̧ju̧nä̧ hua̧ ö̧jö̧ttö̧mä̧, 'cucuächi'önä ä̧ju̧cui̧nö̧ ö̧jö̧ttö̧mä̧, adiu jueönä amöcuädö, huo̧ju̧nä̧ jȩpö̧, ö̧jö̧'a̧nö̧ ja̧'a̧.

Santiago 3:2

Ujutu o'ca toi'önä koronö pö̧nä̧tä̧ suronä jȩpä̧tö̧jä̧. Ya̧tȩ yoröiso suronä ucuocuocömä täcö yoräteunä kö̧, adiu 'quiyönä ami 'qui'ächi'ö kö̧.

1 Pedro 3:15

Cristorötä, cuami iso'quitucunä Cu̧ru̧hua̧tu̧cu̧ päi'önä kö̧rö̧tä̧, ucuotätucui. Korotö ucutu tta̧cu̧huä̧rä̧tu̧cu̧ jättepöttömä, cuädätätucuä̧cuȩ ku̧nä̧rä̧tu̧cui̧. Cuädätätucuomenä, adiunä ucuotönö ädätö ucuocuätucui.

1 Juan 5:16

Ya̧tȩ ö̧jä̧hua̧ suronä jȩa̧'a̧ toöttömä, 'corupäi'a pä'ö suronä jȩpo̧cö̧, Diosrö jä'epö ucuocu'a̧nö̧ ja̧'a̧ ö̧jä̧hua̧rö̧, kä̧cuä̧huä̧ iya pä'ö, suronä jȩpö̧ 'corupäi'a pä'ö jȩö̧ juiyöttömä. Ja̧'hua̧nö̧ ja̧'a̧ koro suronä jȩä̧cuä̧huä̧ ka̧'a̧, 'corupätti'a pä'ö jȩä̧cuä̧huä̧. Diosrö cucuocuätucu'a̧nö̧ ja̧'a̧ jö̧nä̧mä̧ pä'ocösä.