Gálatas 4:25 - TÄ̧DO Ä̧CUÄ̧ I̧HUȨNȨ

²⁵ Agarrö pä'ö päömä Arabia rȩjȩ kä'ca möä'ca Sinaí pä'ö micuä'ca pä'ö päa'a. Ja̧'hua̧ta̧nö̧ jitä tu̧huo̧juo̧mȩ Jerusalén ötahuiyä pä'ö päa'a. Ja̧u̧ ötahuiyä'inä ttö̧ja̧tä̧cu̧ korotö ttumöhuäyotö päi'önä ka̧cuä̧tö̧ jitä.

Nuevo Testamento Uwotjüja

²⁵ Aga-rümä̧ wȩnȩkuä̧cha̧'a̧ Sinaí mü̧ä̧'ka Arabia rȩjȩnä̧ kkä'kanä̧, jitämä̧ Jerusarȩ́ ütawiyänä̧, jua'amä̧ kki̧tti̧mü̧ku̧tä̧ ttu̧wo̧juȩtä̧u̧ esclavo jü̧nä̧ kkü̧ja̧'a̧ttü̧.

Gálatas 4:25 ပူးပေါင်းရင်းမြစ်များ

San Mateo 23:37

Juhua'a yabonö huo̧juȩti̧nö̧do Jesús: —Jerusalén ttö̧ja̧, Jerusalén ttö̧ja̧, ucutu cuä'ö icuinätöjä Dios i̧huȩnȩ jiäcuähuä isotörö, Dios ucuturu hueinä̧u̧ru̧. Ja̧'hua̧ta̧nö̧ ido'qui icu cuä'ö icuinätöjä chi̧huȩnȩ ji'ähuätörö, Dios ucuturu hueinä̧u̧ru̧. Äcärä isaju ki̧tti̧mö̧ kujuabä dȩa̧'a̧ tta̧jä̧rö̧'a̧nö̧, ucutu cui̧tti̧mö̧rö̧ ji̧nä̧ yo̧mȩtȩnä̧ ca̧ca̧tö̧ tta̧dä̧ra̧ pä'inösä recuo. Ja̧'hua̧nö̧ ja̧'a̧nä̧ yoröiso kö'cocotö pi̧nä̧tö̧jä̧.

San Lucas 13:34

“Jerusalén ttö̧ja̧, Jerusalén ttö̧ja̧, ucutu cuä'ö icuinätöjä Dios i̧huȩnȩ jiäcuähuä isotörö, Dios ucuturu hueinä̧u̧ru̧. Ja̧'hua̧ta̧nö̧ ido'qui icu cuä'ö icuinätöjä chi̧huȩnȩ ji'ähuätörö, Dios ucuturu hueinä̧u̧ru̧. Äcärä isaju ki̧tti̧mö̧ kujuabä dȩa̧'a̧ tta̧jä̧rö̧'a̧nö̧, ucutu cui̧tti̧mö̧rö̧ ji̧nä̧ yo̧mȩtȩnä̧ ca̧ca̧tö̧ tta̧dä̧ra̧ pä'inösä recuo. Ja̧'hua̧nö̧ ja̧'a̧nä̧ yoröiso kö'cocotö pi̧nä̧tö̧jä̧.

San Lucas 19:44

Rȩjȩ i̧sa̧ppȩnä̧tä̧ ttö'ärotipäcuotöjä. Ötahuiyä ruhuärö'inä yoröiso toönä cuä'ö tticuäcuotö. Ido'qui koro'qui huäme yoröiso ki̧'o̧ca̧'a̧ jä̧cua̧'a̧. Ja̧'hua̧nö̧ 'cuäopäcua'a ucuturu, Dios do'ächö ichomenä cuhuarodinätucua'attö, —pä'ö huo̧juȩti̧nö̧do Jesús.

Hechos 1:11

Jahuätö pä'inätödo: —Galilea ttö̧ja̧, ¿dä̧bö̧ mo̧ro̧jä̧ra̧'a̧ to̧pä̧rö̧ cu̧ja̧cuä̧tu̧cuä̧ttö̧? Ja̧u̧tä̧ Jesús, ucutu cu̧'quȩtȩtu̧cu̧ttu̧ mo̧ro̧jä̧ra̧'a̧ cäecuächa'a tocu'äjätucu ta'anö, pä'äji ta'anö i̧chä̧cua̧.

Gálatas 1:17

Ttö ä'canä Jesús hue'ähuotö pi̧nä̧tö̧rö̧'i̧nä̧ topö 'cho̧cö̧ pi̧nö̧sä̧ Jerusalén ötahuiyära̧'a̧. Ja̧'hua̧nö̧ ja̧'a̧nä̧ recuo tta̧huä̧rä̧cuä̧huä̧ juiyönä Arabia rȩjȩra̧'a̧tä̧ i̧huä̧ji̧nö̧sä̧. Ju̧huȩnȩ o'comenä, Damasco ötahuiyära̧'a̧ ppa̧'ä̧chi̧nö̧sä̧.

Gálatas 4:24

Pi̧yȩ huȩnȩtö̧ pättö'a̧nö̧ jö̧. Jahuätö nä̧tö̧ ta̧ju̧nä̧mä̧ Diosmä todärenä tti̧huȩyu̧ta̧ pä'ö hueina'a jä̧'i̧nö̧'a̧nö̧ ja̧'a̧. Koromä Agarrö pä'ö päömä Sinaí möä'cattö i̧huȩyu̧ti̧nö̧ pä'ö päa'a. Ja̧u̧ huȩyu̧cuä̧ esetö uhuäpächätömä ttumöhuäyotö tta pä'ö uhuäpächätö.

Gálatas 4:26

Ja̧'hua̧nö̧ ja̧'a̧nä̧ mo̧ro̧jä̧ra̧'a̧ttö̧ Jerusalén ötahuiyämä ttumöhuäyotö ttoca'a. Ujutumä ja̧u̧ ötahuiyä ttö̧ja̧jä̧.

Hebreos 12:18

Ucutumä, Israel ttö̧ja̧ ta'anö, tö'cöpächocotöjä juhuä'ca möä'ca, Sinaí pättä'ca, mȩcu̧huä̧tu̧cua̧ pä'ö. Ja̧'hua̧ta̧nö̧ ocurä'inä rö̧ȩnä̧ cuoä'ca, yo̧ö̧'i̧nä̧, rö̧ȩnä̧ yo̧ä'ca, cu'upä'inä rö̧ȩnä̧ ttörohuä'ca, tö'cöpächocotöjä.