Gálatas 3:29 - TÄ̧DO Ä̧CUÄ̧ I̧HUȨNȨ

²⁹ Iso päi'önä Cristorö cuesetätucuttumä, Abraham mi̧nä̧ isotö isotöjä. Ja̧'hua̧ta̧nö̧ o'ca juiyönä Dios iya päinömä cuȩmä̧cuo̧tö̧jä̧.

Nuevo Testamento Uwotjüja

²⁹ Ja̧'wa̧ta̧nü̧, Crito-rü kuesetätukuttümä̧, Abraha̧-mi̧nä̧ i̧tti̧mü̧ isotüjä̧ ja̧'wa̧nü̧ ja̧'a̧ttü̧ Dio i̧yä̧kuȩ päinü̧mä̧ kuȩmä̧tu̧kua̧ pä'ütä ja̧'a̧.

Gálatas 3:29 ပူးပေါင်းရင်းမြစ်များ

San Mateo 3:9

Cuamönätucunä cuamöcuädätucuä': “Ujutumä Abraham ahuaruhuä o'cotöjä.” Ttö pä'ösä ucuturu, pidu inäduttu Diosmä Abraham ahuaruhuä o'cotörö aditö'a̧nö̧ ja̧'a̧.

Romanos 8:17

Dios i̧tti̧mö̧ päti'a'attö, Dios iya päinömä tȩmä̧cuo̧tö̧jä̧. Ja̧'hua̧ta̧nö̧ Cristorö iyö'inä, yoräteunä tȩmä̧cuo̧tö̧jä̧. Cristo ubara ttuhuinö ta'anö, ubara ttututtumä, Cristocu eseäcuähuä tȩmä̧cuo̧tö̧jä̧.

1 Corintios 15:23

Churutä pä̧huä̧ rö̧jo̧mȩnä̧ ttotächäcuotöjä. Äcuomenä ä'canä Cristo tto'ächinödo. Ja̧u̧nu̧ o'ca'a Cristo ichomenä, ja̧u̧ru̧ esetätö ttottächäcuotödo.

2 Corintios 10:7

Ucutu huämenätä topätöjä. Iso päi'önä ya̧tȩ “Cristo a̧hua̧ru̧hua̧sä̧” päöttömä, ujutu'inä chutä ta'anö Cristo ahuaruhuäjä pä'ö u̧huo̧juä̧cua̧'a̧nö̧.

Gálatas 3:16

Iso päi'önä Dios Abraham mi̧nä̧rö̧'i̧nä̧, chutä ahuaruhuä isotö i̧sa̧rö̧'i̧nä̧ iya pä'ö ucuocuinö. Huȩyu̧cuä̧ Huȩnȩ päoca'a ja̧u̧ isotö jö̧nä̧mä̧. Recuätönä päoca'a. Huȩyu̧cuä̧ Huȩnȩ ji̧ta̧'a̧nö̧tä̧ päa'a: “Ucu i̧sa̧ttö̧.” Ya̧tȩrö̧tä̧ Cristorötä pä'ö päa'ajä ja̧u̧mä̧.

Gálatas 3:18

Moisés hueähuä huȩnȩ jȩä̧cuä̧huä̧nä̧ suronä jȩtö̧ jȩpö̧ icuttumä, ja̧u̧nu̧mä̧ Dios Abraham mi̧nä̧rö̧ iya päinömä yoröiso micuähuocö ja̧ji̧. Ja̧'hua̧nö̧ ja̧'a̧nä̧ Dios mippoönä iya pä'inö Abraham mi̧nä̧rö̧.

Gálatas 3:28

Yoröiso yorätehuätöjä Cristo Jesúsru cuesetätucuomenä, judíos ttö̧ja̧'i̧nä̧, griegos ttö̧ja̧'i̧nä̧, ttu̧mö̧huä̧ya̧'i̧nä̧, ttu̧mö̧huä̧ya̧cö̧'i̧nä̧, ubo'inä, isaju'inä.

Gálatas 3:7

Ja̧'hua̧nö̧ ja̧'a̧ttö̧ ucutu cu̧huo̧juä̧tu̧cu̧'a̧nö̧ ja̧'a̧ iso päi'önä Diosrö esetätötä Abraham mi̧nä̧ ahuaruhuä o'cotö pä'i'ätö.

Gálatas 4:1

Pi̧yȩjä̧ päda pädömä, ya̧tȩ jä'o retä chutä i̧tti̧ öäre päi'ö. Ji̧nä̧ a̧'u̧cuä̧i̧mä̧ chutä öäre ja̧'a̧nä̧, be'epö icuocö. Ja̧'hua̧nö̧ böo juoa'anä, korotö jä'o umöhuäyotö jö̧ ta'anö yo̧rä̧tȩhua̧.

Gálatas 4:7

Ja̧'hua̧nö̧ ja̧'a̧ttö̧ ucumä Dios i̧tti̧jä̧. Täcö ttu̧mö̧huä̧ya̧cö̧jä̧. Ja̧'hua̧nö̧ i̧tti̧ cu'omettö Cristorö cuesetätucua'attö, i̧yä̧cua̧jä̧ o'ca juiyönä iya päinömä.

Gálatas 5:24

Iso päi'önä Cristorö esetätömä Cristocu daunä pȩ'o̧pö̧ ku̧ni̧nä̧tö̧ pi̧jä̧ jähuä jȩä̧cuä̧huä̧'i̧nä̧, jitötä ttamönä ttamöcuädö'inä.

Gálatas 6:16

Ucutumä iso päi'önä Diosrö esetätömä, pi̧yȩ huȩnȩ jȩpö̧ ka̧cuä̧tö̧rö̧'i̧nä̧, o'ca toi'önä Dios i̧tti̧mö̧rö̧'i̧nä̧ eseäcuähuä iyäcua'a̧nö̧ Dios. Ja̧'hua̧ta̧nö̧ ucuturu'inä o'ca toi'önä Dios i̧tti̧mö̧rö̧'i̧nä̧ re rö̧jö̧nä̧ toäcua'a̧nö̧.

Efesios 3:6

Ja̧u̧ ttieru huȩnȩ pi̧yȩtä̧. Suronä jȩttö̧ jȩpö̧ icu huȩnȩ esetätötä yoräteunä ttȩmä̧cuo̧tö̧ Dios iyä̧cuȩ, judíos huotö'inä, judíos huocotö'inä. Jahuätömä ji̧nä̧ yotöte huotö ja̧'a̧ttö̧, Dios Cristo Jesúsnä iya päinö yoräteunä ttȩmä̧cuo̧tö̧.

Tito 3:7

Chutä ppäda'attö, i̧tti̧mö̧jä̧. Ja̧'hua̧nö̧ ja̧'a̧ kä̧cuä̧huä̧ i'co tta̧tä̧rö̧mä̧ i̧yä̧cua̧ ujuturu.

Hebreos 1:14

O'ca toi'önä ángelesmä, espíritus tta'attö, Dios hueötä jȩpä̧tö̧do. Dios ȩmi̧nä̧u̧ru̧ ttesetarö pä'ö ppättäda pä'ö hue'ähuotödo.

Hebreos 11:7

Diosrö esetö, Dios, koro juäi ji̧nä̧ tottocö 'cuäopäcua'a jiähuomenä, Dios päinö ta'anö jȩpi̧nö̧do Noémä. Huoi'ca rö̧ä'ca aditinödo ahuaruhuäcu ö̧ji̧pa̧ pä'ö. Noé Diosrö eseta'attö, pi̧jä̧ ttö̧ja̧rö̧ ro̧ȩcuä̧ 'cuäopina'ado. Ja̧'hua̧ta̧nö̧ Diosrö esetomenä, Dios esehuinäcudo o'ca toi'önä Diosrö esetätörö eseu'a̧nö̧.

Hebreos 6:17

Ja̧'hua̧nö̧ ja̧'a̧ttö̧ Dios, chutä i̧mi̧nä̧ ucuocu iya pä'inödo. Ja̧u̧ adihuä juäi iya päinö ttȩmä̧cuo̧tö̧mä̧, o'ca juiyönä päinö ta'anö i̧yä̧cua̧, adiunä ttu̧huo̧jua̧ pä'ö pä'inödo.

Santiago 2:5

Chö̧jä̧hua̧tö̧, ä̧ju̧cuä̧tu̧cui̧. Dios ȩmi̧nö̧ pi̧jä̧ttö̧ usurä isotörö'inä, adiu amöcuädö ttesetarö pä'ö, Dios ppädäcuähuä ttȩma̧ pä'ö. Ja̧u̧ ppädäcuähuä iya pä'inö churutä, Diosrötä repe'ätörö.

Apocalipsis 21:7

Pi̧jä̧ttö̧'i̧nä̧ abonänö ju̧ru̧hua̧mä̧, pi̧yȩ o'ca juiyönä ȩmä̧cua̧. Ttö Jä̧do̧ ä̧cua̧ Dios päi'önä chö̧jä̧cua̧sä̧. Ja̧'hua̧ta̧nö̧ ja̧u̧ ttö chi̧tti̧ päi'önä ö̧jä̧cua̧.