Gálatas 3:21 - TÄ̧DO Ä̧CUÄ̧ I̧HUȨNȨ

²¹ ¿Moisés hueähuä huȩnȩmä̧ Dios iya päinö huȩnȩttö̧'i̧nä̧ i̧mi̧cu̧nä̧ päa'a tä̧ji̧? Juhua'acumäcö̧. Ja̧u̧ hueähuä huȩnȩ kä̧cuä̧huä̧ i'co ttu̧ju̧nä̧ra̧ pä'ö iyinö jö̧ttö̧mä̧, ja̧u̧nu̧mä̧ Diosmä jȩpa̧ji̧ ja̧u̧cu̧ ji̧nä̧ ji̧yȩtȩ huotö tta pä'ö hueähuä huȩnȩ esetö jȩpä̧tö̧rö̧.

Nuevo Testamento Uwotjüja

²¹ ¿Ja̧'wa̧nü̧ jü̧ttü̧mä̧ weäwä wȩnȩmä̧, Dio iya päinü̧ku̧mä̧ to'i ja̧'a̧ku̧ jäwä ja̧'a̧ tä̧jí̧? ¡Ja̧'wa̧nü̧mä̧ jo̧ka̧'a̧! isopäi'ünä̧ weäwä wȩnȩtä̧ kkä̧kuä̧wä̧ i'ko iyü jü̧ttü̧mä̧, Dio-mä̧ ȩma̧ja̧u̧jä̧ weäwä wȩnȩ tukuota'anä̧tä̧'i̧nä̧.

Gálatas 3:21 ပူးပေါင်းရင်းမြစ်များ

San Lucas 20:16

Ichi'ö cuä'ö i̧cuä̧cua̧ jahuätö adicuä ttö̧ja̧rö̧. Pättamä korotörötä huȩä̧cua̧. Jesús ja̧'hua̧nö̧ jiähua'a ä̧ju̧cui̧nä̧tö̧mä̧ pä'inätödo: —Dios ja̧'hua̧nö̧ amöcuädö juiyöto pä'ätöjä, —pä'inätödo.

Romanos 3:31

Ja̧hua̧ ja̧'a̧ Dios jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö tesetomenä, ¿hueähuä huȩnȩ jȩpö̧ icuätöjä tä̧ji̧? Isocö̧. Ja̧'hua̧nö̧ esetö: “Hueähuä huȩnȩ adiu jȩä̧cuä̧huä̧” pä'atöjä.

Romanos 3:4

Isocö̧. Diosmä yoröiso jaropi'ocö. O'ca toi'önä ttö̧ja̧ yapareu huȩnȩ ttucuocua'anä, yapareu ucuocuocö Diosmä. Huȩyu̧cuä̧ Huȩnȩ päa'a: O'ca toi'önä ttö̧ja̧ topö pättäcuotö: “Ucu iso päi'önä päcumä pä'öjä.” O'ca toi'önä ttö̧ja̧ ttu̧huo̧juä̧cuo̧tö̧ ucu adiu jȩcu̧'u̧.

Romanos 3:6

Isocö̧. Surojöcö̧ Dios ro̧ȩpö̧mä̧. Dios suronä jȩö̧ttö̧mä̧, ¿tta̧'a̧nö̧ ro̧ȩpa̧ttö̧ o'ca toi'önä ttö̧ja̧rö̧mä̧?

Romanos 9:31

Ja̧'hua̧nö̧ ja̧'a̧nä̧ Israel ttö̧ja̧mä̧ hueähuä huȩnȩ jȩä̧cuä̧huä̧nä̧ usinätö Dios jȩa̧tö̧ pä'ö chutäcu ji̧nä̧ ji̧yȩtȩ huotö tta pä'ö. Ja̧'hua̧nö̧ ttusa'anä, yoröiso po̧cui̧po̧co̧tö̧ pi̧nä̧tö̧.

2 Corintios 3:7

Täbocö Moisés hueähuä huȩnȩ i̧nä̧bi̧nä̧ huȩyu̧tu̧ ku̧ni̧nö̧do. Ja̧'hua̧nö̧ i̧huȩyu̧to̧mȩnä̧, rö̧ȩnä̧ tȩa̧hui̧na̧'a̧do mo̧ro̧jä̧ra̧'a̧ttö̧. Jahuätö Israel ttö̧ja̧ Moisés ö'änä tottö juiyönä ji̧na̧'a̧do tȩa̧u̧ kä̧dȩpa̧'a̧ttö̧. Ja̧'hua̧nö̧ ja̧'a̧nä̧ ja̧u̧ tȩa̧u̧mä̧ yoyonötä juiyächipina'ado. Ja̧'hua̧nö̧ ja̧'a̧nä̧'i̧nä̧ ja̧'hua̧nö̧ rö̧ȩnä̧ tȩa̧u̧nä̧ ja̧u̧ huȩnȩ, ttö̧ja̧rö̧ cuä'ö icuähuä huȩnȩ, i̧huȩyu̧ti̧nö̧ttö̧mä̧, iso päi'önä Espíritu Santo i'cächäcuähuä huȩnȩ esetö juhua'a yabo rö̧ȩnä̧ tteseu'a̧nö̧ ja̧'a̧.

Gálatas 2:17

Ja̧'hua̧nö̧ ja̧'a̧ Diosmä Cristonä ȩma̧tö̧ pätöttömä, “Ujutu'inä suronä jȩpä̧tö̧jä̧” pätäu'a̧nö̧ ja̧'a̧. Ja̧'hua̧nö̧ jȩpö̧ ¿Cristorö esetömä suronä jȩta̧ pä̧u̧jä̧ tä̧ji̧? Yoröiso juhua'acumäcö̧.

Gálatas 2:19

Moisés hueähuä huȩnȩmä̧ jȩcho̧mȩnä̧, 'corujuo'ächätö jä̧'i̧nö̧'a̧nö̧ jä̧cu̧sä̧ ttömä. Ja̧u̧tä̧ Moisés hueähuä huȩnȩ 'corupädi'önä jȩä̧cu̧sä̧ Dioscu chö̧ja̧ pä'ömä.

Gálatas 2:21

Ja̧'hua̧nö̧ ja̧'a̧ttö̧ ttömä chä̧ppö̧tä̧ra̧ pä'ocösä Dios adihuä juäi iyömä. Ya̧tȩ Moisés hueähuä huȩnȩ jȩo̧mȩnä̧, Dios ȩma̧rö̧ pä'ö jö̧ttö̧mä̧, Cristo 'corujuoächinömä yoröiso micuähuocö ja̧ji̧.

Gálatas 6:14

Ttömä ucuturu chu̧huo̧juȩti̧nö̧mä̧ adiu huo̧juȩti̧nö̧sä̧ päda pä'ocösä. Ji̧yȩä̧cuȩtä̧ Chu̧ru̧hua̧ Jesucristo dau isodänä 'corupäi'inötä, ja̧u̧tä̧, adiu chucuocua pä'ösä. Ja̧u̧ Cristorö chesetomenä, pi̧jä̧ jähuä 'corupäi'ina'a jä̧cu̧sä̧ ttömä. Ja̧'hua̧ta̧nö̧ pi̧jä̧ jähuä pä̧huä̧ juida'anä 'corupädi'ina'a ja̧'a̧.

Hebreos 11:7

Diosrö esetö, Dios, koro juäi ji̧nä̧ tottocö 'cuäopäcua'a jiähuomenä, Dios päinö ta'anö jȩpi̧nö̧do Noémä. Huoi'ca rö̧ä'ca aditinödo ahuaruhuäcu ö̧ji̧pa̧ pä'ö. Noé Diosrö eseta'attö, pi̧jä̧ ttö̧ja̧rö̧ ro̧ȩcuä̧ 'cuäopina'ado. Ja̧'hua̧ta̧nö̧ Diosrö esetomenä, Dios esehuinäcudo o'ca toi'önä Diosrö esetätörö eseu'a̧nö̧.

Hebreos 7:18

Ja̧'hua̧nö̧ ja̧'a̧ttö̧ pä'äji hueähuä huȩnȩ si'epö tticuina'ado. Ja̧u̧ huȩnȩmä̧ yoröiso juiyuhua'attö ppädoca'a ji̧na̧'a̧do.

Hebreos 7:19

Moisés hueähuä huȩnȩ yoröiso aditö icuoca'a ji̧na̧'a̧do ttö̧ja̧rö̧. Jitämä ja̧u̧ huȩnȩ jaropi'ö, koro adihuä juäi tta̧'ä̧rä̧tö̧jä̧. Ja̧u̧ juäi jareönä tta̧tä̧ro̧mȩnä̧, Diosrö tö'cöpächätöjä.