Gálatas 3:19 - TÄ̧DO Ä̧CUÄ̧ I̧HUȨNȨ

¹⁹ Ja̧'hua̧nö̧ ja̧'a̧ttö̧ ¿Diosmä dä̧bö̧ iyina'ajä̧ttö̧ Moisés hueähuä huȩnȩ? Ja̧u̧ hueähuä huȩnȩmä̧ iyinö suronä jȩtto̧mȩnä̧ ttu̧huo̧jua̧ pä'ö. Ja̧u̧ Dios Abraham mi̧nä̧rö̧ iya päinäcu ichome jubö päi'önätä ttu̧ju̧nä̧ra̧ pä'ö iyinö ja̧u̧ hueähuä huȩnȩmä̧. Ja̧u̧ hueähuä huȩnȩ ángeles jittähuinö Moisés mi̧nä̧rö̧. Ja̧'hua̧ta̧nö̧ chutä Moisés mi̧nä̧ juhua'a yabo ji'ähuinö pi̧jä̧ ttö̧ja̧rö̧.

Nuevo Testamento Uwotjüja

¹⁹ Ja̧'wa̧nü̧ jü̧ttü̧mä̧, ¿Weäwä wȩnȩmä̧ däjetä ppäda'a jä̧ttü̧? Jua̧u̧ weäwä wȩnȩ iyinü ttü̧ja̧ ttukuotokomȩttü̧, Abraha̧-rü̧ kui̧tti̧rü̧ chi̧yä̧kua̧jä̧ Dio päinä̧ku̧ icha'anä̧. Á̧gȩrȩ-tä̧ ji'äwinä̧tü̧, Moisé-mä̧ jua'a yabo jiäkuäwä i̧sa̧ jü̧nä̧tä̧ winü̧.

Gálatas 3:19 ပူးပေါင်းရင်းမြစ်များ

San Lucas 16:31

Ja̧'hua̧nö̧ ja̧'a̧nä̧ Abraham pä'inödo: “Moisés'inä, Dios i̧huȩnȩ jiäcuähuä isotö jittähuinö ttesetö juiyöttömä, ya̧tȩ 'corupä'i'inö pä'äji ta'anö tto'ächö jiäuttu'inä, esetocotö ttäcuotö,” —pä'inödo Jesús.

San Juan 1:17

Moisésmä hueähuä huȩnȩ iyinödo ujuturu. Ja̧'hua̧nö̧ ja̧'a̧nä̧ Jesucristotä iso päi'önä huȩnȩ'i̧nä̧, tahuaruhuärö repeäcuähuä'inä iyinödo ujuturu.

San Juan 15:22

“Jahuätörö ucuocu chichinö juiyöttömä, yoröiso jerupö jȩttö̧'a̧nö̧ ja̧'a̧. Ja̧'hua̧nö̧ ja̧'a̧nä̧ jitämä suronä jȩttömä̧ huo̧juä̧tö̧.

Hechos 7:38

Ja̧u̧tä̧ Moisés ttö̧ja̧ tome ki̧nö̧do Israel ttö̧ja̧cu̧. Ja̧u̧ru̧ Sinaí inähuättö ángelcu ucuocuinömä tä̧do̧tö̧ mi̧nä̧cu̧ ki̧nö̧do. Ja̧u̧tä̧ Moisés ȩmi̧nö̧ kä̧cuä̧huä̧ huȩnȩ ujuturu iya pä'ö.

Hechos 7:53

Ucutumä, Dios hueähuä huȩnȩ ángeles ttucuocuomenä ȩmi̧nä̧tö̧mä̧, ja̧u̧ hueähuä huȩnȩ päö'a̧nö̧ jȩpo̧co̧tö̧jä̧, —pä'inödo Esteban.

Romanos 2:13

Moisés hueähuä huȩnȩ ä̧ju̧cu̧tä̧ ä̧ju̧cuä̧tö̧mä̧, Diosttömä adihuä isotöcö̧. Moisés hueähuä huȩnȩ jȩpä̧tö̧tä̧, Diosttömä adihuä isotö.

Romanos 4:15

Moisés hueähuä huȩnȩ ttu̧ju̧nä̧ro̧mȩnä̧, tä̧bo̧cuä̧ ka̧'a̧. Hueähuä huȩnȩ juiyomenä, tä̧bo̧cuä̧'i̧nä̧ juiya'a.

Gálatas 3:16

Iso päi'önä Dios Abraham mi̧nä̧rö̧'i̧nä̧, chutä ahuaruhuä isotö i̧sa̧rö̧'i̧nä̧ iya pä'ö ucuocuinö. Huȩyu̧cuä̧ Huȩnȩ päoca'a ja̧u̧ isotö jö̧nä̧mä̧. Recuätönä päoca'a. Huȩyu̧cuä̧ Huȩnȩ ji̧ta̧'a̧nö̧tä̧ päa'a: “Ucu i̧sa̧ttö̧.” Ya̧tȩrö̧tä̧ Cristorötä pä'ö päa'ajä ja̧u̧mä̧.

Hebreos 2:2

Täbocö ángeles jittähuinö huȩnȩ 'cuäopa'a topinätö. Ja̧u̧ huȩnȩ ttä̧ju̧cua̧'a̧nä̧, jarodinätörö'inä, suronä jȩpi̧nä̧tö̧rö̧'i̧nä̧ suronä jȩtti̧nö̧ micuä päi'önä adiunä ö̧tä̧bo̧ti̧nä̧u̧do.

Hebreos 2:5

Tucuocuä̧jä̧mä̧, yodoji 'cuäopä̧cuȩmä̧, ángeles huetta pä'ö hue'ocö pi̧nö̧do Dios.