Gálatas 3:18 - TÄ̧DO Ä̧CUÄ̧ I̧HUȨNȨ

¹⁸ Moisés hueähuä huȩnȩ jȩä̧cuä̧huä̧nä̧ suronä jȩtö̧ jȩpö̧ icuttumä, ja̧u̧nu̧mä̧ Dios Abraham mi̧nä̧rö̧ iya päinömä yoröiso micuähuocö ja̧ji̧. Ja̧'hua̧nö̧ ja̧'a̧nä̧ Dios mippoönä iya pä'inö Abraham mi̧nä̧rö̧.

Nuevo Testamento Uwotjüja

¹⁸ Isopäi'ünä̧ Dio ujuturu iya päinü̧mä̧, Moisé weäwä wȩnȩ ukuotätürütä iya päinü̧ttü̧mä̧, jua̧u̧nu̧mä̧, täkü mipponä̧mä̧ jo̧ka̧'a̧; ja̧'wa̧nü̧ ja̧'a̧nä̧ Abraha̧-rü̧mä̧ Dio-mä̧ chi̧yä̧kua̧jä̧ päinü̧mä̧, mikuämä̧ jäepoka'atä chi̧yä̧kua̧jä̧ päinä̧ku̧.

Gálatas 3:18 ပူးပေါင်းရင်းမြစ်များ

Romanos 8:17

Dios i̧tti̧mö̧ päti'a'attö, Dios iya päinömä tȩmä̧cuo̧tö̧jä̧. Ja̧'hua̧ta̧nö̧ Cristorö iyö'inä, yoräteunä tȩmä̧cuo̧tö̧jä̧. Cristo ubara ttuhuinö ta'anö, ubara ttututtumä, Cristocu eseäcuähuä tȩmä̧cuo̧tö̧jä̧.

Gálatas 2:21

Ja̧'hua̧nö̧ ja̧'a̧ttö̧ ttömä chä̧ppö̧tä̧ra̧ pä'ocösä Dios adihuä juäi iyömä. Ya̧tȩ Moisés hueähuä huȩnȩ jȩo̧mȩnä̧, Dios ȩma̧rö̧ pä'ö jö̧ttö̧mä̧, Cristo 'corujuoächinömä yoröiso micuähuocö ja̧ji̧.

Gálatas 3:10

Moisés hueähuä huȩnȩ tta̧'cua̧ huȩnä̧rä̧tö̧mä̧, Diostä ö̧tä̧bo̧tä̧cuo̧tö̧. Huȩyu̧cuä̧ päa'a: “O'ca toi'önä 'cuäopönä hueähuä huȩnȩ huȩyu̧cuä̧'tä̧nä̧ huȩyu̧cuä̧ päö ta'anö jȩpo̧co̧tö̧mä̧, Diostä ö̧tä̧bo̧tä̧cuo̧tö̧.”

Gálatas 3:12

Iso päi'önä Moisés hueähuä huȩnȩmä̧ Cristorö esetäcuähuämäcö̧. Hueähuä huȩnȩ päa'a: “Pi̧yȩ huȩnȩ päö ta'anö jȩpä̧tö̧mä̧ pi̧yȩnä̧tä̧ ttö̧ja̧cuä̧cuo̧tö̧.”

Gálatas 3:16

Iso päi'önä Dios Abraham mi̧nä̧rö̧'i̧nä̧, chutä ahuaruhuä isotö i̧sa̧rö̧'i̧nä̧ iya pä'ö ucuocuinö. Huȩyu̧cuä̧ Huȩnȩ päoca'a ja̧u̧ isotö jö̧nä̧mä̧. Recuätönä päoca'a. Huȩyu̧cuä̧ Huȩnȩ ji̧ta̧'a̧nö̧tä̧ päa'a: “Ucu i̧sa̧ttö̧.” Ya̧tȩrö̧tä̧ Cristorötä pä'ö päa'ajä ja̧u̧mä̧.

Gálatas 3:26

Ja̧'hua̧nö̧ ja̧u̧ru̧ cuesetätucuomenä, ucutumä o'ca toi'önä Dios i̧tti̧mö̧jä̧ Cristo Jesúscu ji̧nä̧ ji̧yȩtȩ huotö cu'ätucua'attö.

Gálatas 3:29

Iso päi'önä Cristorö cuesetätucuttumä, Abraham mi̧nä̧ isotö isotöjä. Ja̧'hua̧ta̧nö̧ o'ca juiyönä Dios iya päinömä cuȩmä̧cuo̧tö̧jä̧.