Gálatas 2:20 - TÄ̧DO Ä̧CUÄ̧ I̧HUȨNȨ

²⁰ Ttömä Cristocu 'corupä'i'inösä. Ja̧'hua̧nö̧ ja̧'a̧ttö̧ ttömäcö̧sä̧ jitä kö̧mä̧. Cristo ttörö kö̧mä̧. Jitä chö̧jö̧mä̧ Dios I̧tti̧rö̧ esetö kö̧sä̧. Ja̧u̧tä̧ hua'are iyähuinö ttörö rettö pä'ö.

Nuevo Testamento Uwotjüja

²⁰ Ja̧'wa̧nü̧ ja̧'a̧ttü̧ jitämä̧ a̧'kua̧ro̧kü̧sä̧, Crito-tä ja̧'a̧ ttünä̧ a̧'kua̧rü̧ kkü̧mä̧; jitä pi̧jä̧ttü̧ chidepänä̧ a̧'kua̧rü̧ chü̧jü̧mä̧, Dio i̧tti̧, ttürü re kkä̧nü̧ iyäkuäwinü̧nä̧ cha̧'kua̧ wȩnä̧rü̧ chü̧jü̧tä̧ ja̧'a̧.

Gálatas 2:20 ပူးပေါင်းရင်းမြစ်များ

San Mateo 20:28

Ubo I̧tti̧ ji̧nö̧'a̧nö̧ jä̧cua̧. Ubo I̧tti̧mä̧ ttö̧ja̧ ppättädarö pä'ö ichocö pi̧nö̧do. Ja̧u̧mä̧ ttö̧ja̧rö̧tä̧ ppäda pä'ö ichinödo. Ja̧u̧ 'corupäi'a pä'ö ichinödo recuätö suronä jȩttö̧ttö̧ ejädö icu ucuojanä mitäu, —pä'inödo Jesús.

San Mateo 4:3

Ja̧'hua̧nö̧ päi'omenä, ähuettä ichinödo Jesúsru suronä jȩa̧ pä'ö. Pä'inödo: —Iso päi'önä, Dios I̧tti̧ cu'uttumä, pidu inäduttu ire päi'önä jȩpi̧.

San Juan 1:49

Ja̧'hua̧ ja̧'a̧ Natanael pä'inödo: —Huo̧juȩcuä̧ I̧sa̧, ucumä Dios I̧tti̧jä̧. Ucumä Israel ttö̧ja̧ Ttu̧ru̧hua̧jä̧.

San Juan 10:11

Ttötäsä adihuä tta̧huä̧rä̧cuä̧huä̧ i̧sa̧mä̧. Chutä adihuä tta̧huä̧rä̧cuä̧huä̧ i̧sa̧, ä̧ji̧mö̧rö̧ tta̧'ä̧rö̧ 'corupäi'ö'a̧nö̧ hua̧.

San Juan 15:13

Ya̧tȩ a̧hua̧ru̧hua̧rö̧ repe'ö a̧hua̧ru̧hua̧ toei'ö juiya pä'ö 'corupäi'öttömä, korotö ttahuaruhuärö repettöttö'inä abonänö repe'ö a̧hua̧ru̧hua̧rö̧.

San Juan 17:21

Jahuätömä o'ca toi'önä ji̧nä̧ yo̧mȩtȩ amöcuädö ttö̧ja̧cua̧ pä'ö jä'epösä. Chä'o, ujutumä, ucucu, ttöcu ji̧nä̧ yo̧mȩtȩ tö̧ja̧cu̧'a̧nö̧, jahuätö'inä ujutucu ttö̧ja̧cua̧ pä'ösä. Ja̧'hua̧ta̧nö̧ pi̧jä̧ ttö̧ja̧ jahuätörö ja̧'hua̧nö̧ ttö̧ja̧cua̧'a̧ topö, ttörö huecuhuina'a ttu̧huo̧juä̧cua̧'a̧nö̧ pä'ösä.

San Juan 3:16

Juhua'a yabonö pä'inödo Jesús: —Dios juiyo pä̧huä̧ rö̧jä̧cu̧ ttö̧ja̧ pi̧jä̧ ruhuärö. Ja̧u̧ I̧tti̧ ya̧tȩrö̧ä̧tä̧, chu ä̧cua̧rö̧ä̧tä̧, hue'inödo pi̧jä̧ra̧'a̧, ja̧u̧ru̧ esetätö o'ca toi'önä ttire'tehuächö juiyönä kä̧cuä̧huä̧ i'co ttu̧ju̧nä̧ra̧ pä'ö.

San Juan 3:35

Chutä Jä'omä, I̧tti̧rö̧ repe'ödo. Ja̧'hua̧ta̧nö̧ o'ca juiyönä huea pä'ö hueinäcudo.

San Juan 6:57

Chä'o, ttörö hue'inömä, kä̧cuä̧huä̧ i'co iyö. Ja̧'hua̧ta̧nö̧ chutä ö̧ja̧'a̧ttö̧, ttö'inä kö̧sä̧. Ja̧'hua̧ta̧nö̧ ya̧tȩ ttö chidepättö cumä, ö̧jä̧cua̧ ttö chö̧ja̧'a̧ttö̧.

San Juan 6:69

Ujutu täcö esetinätöjä. Ucumä Dios kö̧ I̧tti̧ Cristojä, huo̧juä̧tö̧jä̧ ujutumä.

Hechos 8:36

Dubora iso'u 'cuättopomenä, ruhuaju kippeyä ru̧hua̧ pä'inödo: —Pȩnȩ iso'u ra̧'a̧. Ttö bautizado pädi'a pä̧huä̧ rö̧jä̧cu̧sä̧.

Hechos 9:20

Ja̧'hua̧nö̧ ja̧'a̧ Saulo judíos ttu̧huo̧jui̧'i̧nodehuiyänä Jesúsmä iso päi'önä Dios I̧tti̧ pä'ö ji'ähuinödo.

Romanos 1:17

Ja̧u̧ adihuä huȩnȩ jiähua'a, Diosrö esetätörötä jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö. Huȩyu̧cuä̧ Huȩnȩ päa'a: “Dios ja̧u̧cu̧ ji̧nä̧ ji̧yȩtȩ hua̧ ö̧ja̧ pä'ö jȩä̧cu̧mä̧, Diosrö esetö ö̧jä̧cua̧.”

Romanos 14:7

Ujuturutä pä̧huä̧ rö̧jo̧mȩnä̧tä̧ ka̧cuo̧co̧tö̧jä̧. Ja̧'hua̧ta̧nö̧ ujuturutä pä̧huä̧ rö̧jo̧mȩnä̧tä̧ hua'ö icuocotöjä.

Romanos 3:22

Dios ttö̧ja̧rö̧ jȩpö̧ ja̧u̧cu̧ ji̧nä̧ ji̧yȩtȩ huotö tta pä'ö Jesucristorö esetäcuähuänä. Ja̧'hua̧nö̧ yoräteunä jȩpö̧ o'ca toi'önärö Jesucristorö esetätörö.

Romanos 4:25

Dios hue'inö Jesúsru 'corupäi'a pä'ö, ujutu suronä jȩtö̧ imitähua pä'ö. Ja̧'hua̧ta̧nö̧ Dios Jesúsru tto'ädinö, ujuturu jȩa̧ pä'ö chutäcu ji̧nä̧ ji̧yȩtȩ huotö ta pä'ö.

Romanos 5:2

Cristorö tesetomenä, Diosttö ppädäcuähuä tȩma̧ pä'ö ppä'ädö. Ja̧u̧ ppädäcuähuänä ka̧cuä̧tö̧jä̧ jitämä. Ja̧'hua̧nö̧ ja̧'a̧ttö̧ eseunu tta̧'ä̧rö̧ ka̧cuä̧tö̧jä̧, adihuä Dioscu mo̧ro̧jä̧ra̧'a̧ tö̧ja̧cuä̧cuo̧tö̧jä̧ pä'ö.

Romanos 5:6

Ujututä tamönämä yoröiso ppä'ädäcuähuocotö pi̧nä̧tö̧jä̧. Päinome pätecuächomenä, Cristo 'corupä'i'inö ujutu suronä jȩtö̧ imitähua pä'ö.

Romanos 5:8

Ja̧'hua̧nö̧ ja̧'a̧nä̧ ujutu suronä jȩpö̧ tö̧ja̧cuo̧mȩnä̧, Cristo ujutu suronä jȩtö̧ mitäu 'corupäi'ina'attö, Dios ujuturu repeömä i̧jȩpö̧.

Romanos 6:13

Cuamönä cuiyäcuähuätucuä' suronä jȩcu̧'ä̧tu̧cua̧ pä'ö. 'Corupä'i'ö'cotö tto'ächätö jä̧'i̧nö̧'a̧nö̧ jö̧nä̧ Diosrö iyäcuähuätucui. Cuamönä cuidepä iyäcuähuätucui Diosrö, adiu jȩcu̧'ä̧tu̧cua̧ pä'ö.

Romanos 6:8

Cristocu 'corujuotächina'attö, ja̧u̧cu̧ tö̧ja̧cuä̧cuo̧tö̧jä̧ pä'o esetätöjä.

Romanos 8:10

Cristo ucutucu ö̧jö̧ttö̧mä̧, suronä jȩpö̧ cuidepä hua'ö icua'anä'inä, cua̧'cua̧ru̧hua̧ kö̧, Dios ucuturu jȩi̧na̧'a̧ttö̧ chutäcu ji̧nä̧ ji̧yȩtȩ huotö cu'ätucua pä'ö.

Romanos 8:37

Ja̧'hua̧nö̧ ja̧'a̧nä̧ ja̧u̧ juäittömä adiu tö̧ja̧cui̧'ä̧cuo̧tö̧jä̧ ujuturu repe'inö ujurunä.

1 Corintios 6:17

Ja̧'hua̧ ja̧'a̧ ya̧tȩ Tu̧ru̧hua̧rö̧ esetomenä, Espíritu Santonä ji̧nä̧ ji̧yȩtȩ pä'i'ö Tu̧ru̧hua̧cu̧.

2 Corintios 1:24

Üjutu ji'äu hue'ocotöjä ucutu cuesetätucumä. Täcö cuami 'qui'ächi'ö esetätöjä. Ja̧'hua̧nö̧ ja̧'a̧ttö̧ juhua'a yabonö cuesehuätucua pä'ö, ppätäda pä'ätöjä.

2 Corintios 10:3

Ujutumä pi̧jä̧ ttö̧ja̧ ta'anä, pi̧jä̧ ttö̧ja̧ ttörohuäu ta'anö, rohuähuocotöjä ujutumä.

2 Corintios 11:10

Iso päi'önä Cristorö adiu chesetomenä, Acaya rȩjȩttö̧ ucuturu eseunu chö̧jö̧mä̧ cädädi'oca'a chu̧cuo̧cuä̧cua̧sä̧.

2 Corintios 13:3

Ja̧'hua̧nö̧ jȩcho̧mȩnä̧, iso päi'önä ucutumä topö cu̧huo̧jui̧'ä̧cuo̧tö̧jä̧ Cristo ttörö ucuocu pä'ö. Ja̧'hua̧ta̧nö̧ Cristo ucuturu ro̧ȩpo̧mȩnä̧, juiyupocö. Ujurunä aditö ucuturu.

2 Corintios 13:5

Ucutu cuamönätucunä ka̧cuä̧mö̧ amöcuädäcuähuätucui, Diosrö esetö adiu cuami 'qui'ächi'önä cu̧ja̧cuä̧tu̧cua̧ pä'ö topö. Ja̧'hua̧nö̧ amöcuädö, ¿Jesucristo ucutucu ö̧ja̧'a̧ huo̧juo̧co̧tö̧jä̧ tä̧ji̧? Ja̧'hua̧nö̧ cu̧huo̧juä̧tu̧cu̧ juiyöttömä, ¿amönä yapareunätä esetinätöjä tä̧ji̧?

2 Corintios 5:14

Cristo pi̧jä̧ ttö̧ja̧rö̧ repeö huȩnȩ hue'ähuotöjä ujutumä. Ja̧'hua̧ta̧nö̧ pa̧'a̧nö̧ esetätöjä. Ya̧tȩtä̧ o'ca toi'önärö mitäu 'corupä'i'inödo. Ja̧'hua̧nö̧ ja̧'a̧ttö̧ o'ca toi'önä 'corupä'i'ätöjä.

2 Corintios 5:15

Chutä Cristo o'ca toi'önärö repe'ö, 'corupä'i'inödo, jitä ka̧cuä̧tö̧ jitötä ttamönä ttamöcuädönä ttö̧jö̧ juiya pä'ö. Churutä, 'corupä'i'äji'ca̧ tto'ächinörötä, ttamöcuäda pä'ö pä̧huä̧ rö̧jä̧cu̧.

2 Corintios 5:7

Ja̧'hua̧ta̧nö̧ ja̧u̧ru̧tä̧ esetö cue'ächätöjä. Tö'ärenä totönätä amöcuädötä cue'ächocotöjä.

Gálatas 1:4

Ja̧'hua̧ta̧nö̧ 'corujuoächa pä'ö iyähuinö ujutu suronä jȩtö̧ jȩpö̧ icua pä'ö, pi̧jä̧ surojä̧jä̧ttö̧ ȩma̧tö̧ pä'ö Tä'o Diosrö pä̧huä̧ rö̧jo̧mȩnä̧.

Gálatas 2:16

Iso päi'önä huo̧juä̧tö̧jä̧ päcuäitä Moisés hueähuä huȩnȩ hueinötä jȩtö̧ttö̧mä̧, Dios jȩpo̧cö̧ ja̧u̧cu̧ ji̧nä̧ ji̧yȩtȩ huotö ta pä'ö. Ya̧tȩrö̧tä̧ Jesucristorö esetötä Dios jȩpö̧ ja̧u̧cu̧ ji̧nä̧ ji̧yȩtȩ huotö ta pä'ö. Ja̧'hua̧ ji̧yä̧u̧ ujutumä esetinätöjä Jesucristorö, Dios jȩä̧cua̧'a̧nö̧ ja̧u̧cu̧ ji̧nä̧ ji̧yȩtȩ huotö ta pä'ö, Moisés hueähuänämäcö̧. Yoröiso ya̧tȩrö̧'i̧nä̧ Dios jȩpo̧cö̧ ja̧u̧cu̧ ji̧nä̧ ji̧yȩtȩ hua̧ ö̧ja̧ pä'ö päcuäi Moisés hueähuä huȩnȩtä̧ jȩo̧mȩnä̧mä̧.

Gálatas 3:11

Iso päi'önä Moisés hueähuä huȩnȩtä̧ jȩpä̧tö̧rö̧mä̧ Dios jȩpo̧cö̧ ja̧u̧cu̧ ji̧nä̧ ji̧yȩtȩ huotö tta pä'ö. Huȩyu̧cuä̧ Huȩnȩ päa'a: “Dios jȩä̧u̧ ja̧u̧cu̧ ji̧nä̧ ji̧yȩtȩ huotö tta pä'ö Cristorötä esetö ttö̧ja̧cuä̧cuo̧tö̧.”

Gálatas 5:24

Iso päi'önä Cristorö esetätömä Cristocu daunä pȩ'o̧pö̧ ku̧ni̧nä̧tö̧ pi̧jä̧ jähuä jȩä̧cuä̧huä̧'i̧nä̧, jitötä ttamönä ttamöcuädö'inä.

Gálatas 6:14

Ttömä ucuturu chu̧huo̧juȩti̧nö̧mä̧ adiu huo̧juȩti̧nö̧sä̧ päda pä'ocösä. Ji̧yȩä̧cuȩtä̧ Chu̧ru̧hua̧ Jesucristo dau isodänä 'corupäi'inötä, ja̧u̧tä̧, adiu chucuocua pä'ösä. Ja̧u̧ Cristorö chesetomenä, pi̧jä̧ jähuä 'corupäi'ina'a jä̧cu̧sä̧ ttömä. Ja̧'hua̧ta̧nö̧ pi̧jä̧ jähuä pä̧huä̧ juida'anä 'corupädi'ina'a ja̧'a̧.

Efesios 3:17

Ja̧'hua̧ta̧nö̧ jä'epösä Cristorö cuesetätucuomenä, cuami iso'quitucunä ö̧ja̧ pä'ö. Ja̧'hua̧ta̧nö̧ adiu amöcuädö kä̧nö̧ cuahuaruhuärö repe'önö dau ujupo'tä rȩjȩ jacuä ko'tä jä̧'i̧nö̧'a̧nö̧, 'quiyönä cu̧ja̧cuä̧tu̧cua̧ pä'ö jä'epösä.

Efesios 5:2

Cristo ujuturu repeinö ta'anö, repe'äu ka̧cuä̧tu̧cui̧. Ujuturu repe'ö chutä iyähuinö cuä'ö tticuarö pä'ö, adihuä juäi ameu ta'anö sacrificio päi'önä jȩtta̧rö̧ pä'ö Dios ä'ca jo̧mȩttö̧, Dios esehuarö pä'ö.

Efesios 5:25

Ja̧'hua̧ta̧nö̧ Cristo Diosrö esetätörö repe'ö 'corupäi'inö ta'anö, u̧mä̧tö̧'i̧nä̧ ttirecuarö repettäcua'a̧nö̧.

Filipenses 1:21

Ttömä ji̧nä̧ chö̧jö̧ttö̧mä̧, Cristorö rö̧ä̧chi̧'ö̧nä̧ chesetäcua'a̧nö̧. Juhuorö'inä 'corupädi'öttömä, ji̧nä̧ isocu adihuäcua'a.

Filipenses 4:13

Iso päi'önä Cristo ttörö ppäda'attö, o'ca juiyönä ttörö 'cuäopä̧cuȩ chu̧juru̧huä̧cua̧sä̧.

Colosenses 1:27

Dios judíos huocotörö ja̧u̧ ttieru huȩnȩ, adiu eseäcuähuä huȩnȩ, jiähua pä'inö. Pa̧'a̧nö̧ päa'a ja̧u̧ huȩnȩ: “Cristomä cuami iso'quinä kö̧. Ja̧u̧ru̧ tta̧'ä̧rö̧ ja̧u̧tä̧cu̧ cuesehuäcuähuäcuotöjä pä'ö.”

1 Tesalonicenses 1:10

Ja̧'hua̧ta̧nö̧ Dios I̧tti̧ Jesúsru, Dios ttoädinäcuru, mo̧ro̧jä̧ra̧'a̧ttö̧ icha pä'ö tta̧cu̧huä̧rä̧tu̧cua̧'a̧ ji'ähuätö. Chutä ujuturu ppä'ädö Dios ö̧tä̧bo̧tä̧cuȩttö̧ tö̧ji̧pa̧ pä'ö.

1 Tesalonicenses 5:10

Jesucristo 'corupä'i'inö chutäcu tö̧ja̧cua̧ pä'ö ta̧'cua̧ro̧mȩnä̧'i̧nä̧, 'corupäti'omenä'inä.

Tito 2:14

Ja̧u̧mä̧ 'corupä'i'inö ujutu suronä jȩtö̧ jȩpö̧ icua pä'ö. Ja̧'hua̧ta̧nö̧ chutä i̧tti̧mö̧ päti'a pä'ö töcö icuinä̧u̧jä̧ churutä pä̧huä̧ rö̧jo̧mȩnä̧, adiu jȩti̧ya̧rö̧ pä'ö.

Hebreos 8:3

O'ca toi'önä sacerdotes ruhuotö ofrendas'inä, sacrificios'inä jȩtta̧ pä'ö hue'ähuotödo. Ja̧'hua̧nö̧ ja̧'a̧ttö̧ Jesucristo'inä ofrenda jö̧'a̧nö̧ iyäcua'a̧nö̧.

1 Pedro 1:8

Jesucristorö tocu'ätucuoca'anä'inä, ja̧u̧ru̧ eseunu ka̧cuä̧tö̧jä̧. Ja̧'hua̧ta̧nö̧ ja̧u̧ru̧ tocu'ätucuoca'anä'inä cuesetätucuomenä, ttänämä jittäu juiyö'a̧nö̧ jö̧ rö̧ȩnä̧ cuesehuäcuotöjä, ucutu suronä jȩcu̧'ä̧tu̧cu̧ jȩpö̧ icu mo̧ro̧ päi'önä. Pi̧yȩ cuesetinätucu huȩnȩmä̧.

1 Juan 1:7

Dios tȩa̧u̧nä̧ ö̧jö̧'a̧nö̧ tȩa̧u̧nä̧ tö̧jö̧ttö̧mä̧, ji̧nä̧ ji̧yȩtȩ huotö ka̧cuä̧tö̧jä̧. Ja̧'hua̧nö̧ tö̧jo̧mȩnä̧, Dios I̧tti̧ Jesucristo ucuojanä o'ca juiyö suronä jȩtö̧ töcö icu.

1 Juan 4:14

Ujutu totinömä ji'ähuätöjä, Dios I̧tti̧rö̧ hue'inö pä'ö, pi̧jä̧nä̧ ka̧cuä̧tö̧ suronä jȩttö̧ jȩpö̧ icua pä'ö.

1 Juan 5:20

Ujutu huo̧juä̧tö̧jä̧ Dios I̧tti̧ ichinö. Huo̧juä̧tö̧jä̧ ujuturu huo̧juȩti̧nö̧ Dios iso päi'önä kö̧rö̧ tu̧huo̧juä̧chi̧'ö̧nä̧. Iso päi'önä kö̧cu̧ ka̧cuä̧tö̧jä̧ ujutumä, I̧tti̧ Jesucristocu tö̧ja̧'a̧ttö̧. Ja̧'hua̧nö̧ ja̧'a̧ iso päi'önä Dios ja̧u̧tä̧ ja̧'a̧do. Ja̧u̧tä̧ kä̧cuä̧huä̧ i'co ja̧'a̧do.

Apocalipsis 1:5

Ja̧'hua̧ta̧nö̧ Jesucristo'inä ucuturu ppädäcua'a̧nö̧. Chutä iso päi'önä huȩnȩ huo̧juȩtö̧ ujuturu. Ja̧'hua̧ta̧nö̧ chutä 'corupäi'äcuähuättö ä'canä tto'ächinödo. Chutä pi̧jä̧ ttö̧ja̧ tturuhuotöttö'inä abonänö ju̧ru̧hua̧ hueähuänä. Chutä Cristo, ujuturu repe'ö. Chutä ucuojanä suronä jȩti̧nö̧ töcö icuinä̧u̧jä̧.

Apocalipsis 3:20

Ä̧ju̧cui̧. Ttömä äpate ä'ca kä̧nö̧, huopö kö̧sä̧. Ya̧tȩ ttö chi̧huȩnȩ ä̧ju̧cu̧, äpate bahuepöttömä, do'ächö, chutäcu chu̧cuȩ chu̧cuä̧cua̧sä̧. Ja̧u̧'i̧nä̧ ttöcu u̧cuä̧cua̧.