Gálatas 1:9 - TÄ̧DO Ä̧CUÄ̧ I̧HUȨNȨ

⁹ Ttö täcö ä'canä ji'ähuinösä. Jitä'inä ppa̧'ä̧dö̧ ji'äusä. Ya̧tȩ jiäuttumä koro huȩnȩ suronä jȩttö̧ jȩpö̧ icu pättö huȩnȩ ucutu cuesetinätucuttu'inä i̧mi̧cu̧nä̧ jö̧, ja̧u̧mä̧ Diostä ö̧tä̧bo̧tä̧cua̧.

Nuevo Testamento Uwotjüja

⁹ Pädinü̧mä̧, pä'äjita'anü̧ pä'üsä: ya̧tȩ jareü wȩnȩ kkoromȩnä̧ jü̧ jiäuttümä̧, Dio-tä ro̧ȩpä̧kua̧.

Gálatas 1:9 ပူးပေါင်းရင်းမြစ်များ

Hechos 18:23

Juhua'a recuo kä̧ji̧'ca̧, pä'äji ta'anö rä'opö 'chi̧nö̧do. Jesucristorö esetätörö ppä'ädö huo̧juȩtö̧ ji'ähuä̧ya̧ 'cuä'opinödo o'ca juiyönä Galacia rȩjȩ'i̧nä̧, Frigia rȩjȩ'i̧nä̧.

Romanos 16:17

Chö̧jä̧hua̧tö̧, adiu ttu̧ȩcuä̧nä̧ topö cu̧ja̧cuä̧tu̧cua̧ pä'ösä korotö korotörö 'quȩ'ȩpä̧tö̧rö̧'i̧nä̧, surojöcu ma̧ttä̧cha̧ pä'ö jȩpä̧tö̧rö̧'i̧nä̧. Jahuätö jȩttö̧mä̧ ucutu cu̧huo̧jui̧'i̧nä̧tu̧cu̧ttu̧'i̧nä̧ i̧mi̧cu̧nä̧ jö̧. 'Quȩ'ȩcuä̧chä̧tu̧cui̧ jahuätöttö.

2 Corintios 1:17

Ja̧'hua̧nö̧ chamöcuädomenä, ¿adiunä amöcuädocö pi̧nö̧sä̧ tä̧ji̧? ¿Korotömä pi̧jä̧ jähuä amöcuädätö todärenä pättö'a̧nö̧ pä'ösä ttö'inä pä'ö amöcuädätöjä tä̧ji̧?

Filipenses 3:1

Jitämä chö̧jä̧hua̧tö̧, esehuätucui Tu̧ru̧hua̧nä̧. Pä'äji chi̧huȩyu̧ti̧nö̧ ucuturu, jitä'inä pä'äji ta'anö chi̧huȩyu̧ta̧ pä'ö 'cuä'ächi'ocösä. Iso päi'önä adiu päa'a ucuturu.

Filipenses 4:4

Tu̧ru̧hua̧ i̧mi̧nä̧ 'cuäopönä eseäcuähuätucui. Pä'äji ta'anö ji'äusä: ¡Eseäcuähuätucui!