Filipenses 4:9 - TÄ̧DO Ä̧CUÄ̧ I̧HUȨNȨ

⁹ O'ca juiyönä chu̧huo̧juȩti̧nö̧ ucuturu, ttö jȩchi̧nö̧ tocu'inätucu'inä, ttö jidähuinö cuä̧ju̧cui̧nä̧tu̧cu̧'i̧nä̧ jȩpä̧tu̧cui̧. Ja̧'hua̧nö̧ jȩcu̧'ä̧tu̧cuo̧mȩnä̧, Dios eseäcuähuä i̧sa̧ ö̧jä̧cua̧ ucutucu.

Nuevo Testamento Uwotjüja

⁹ Ttüttü ku̧wo̧jui̧'i̧nä̧tu̧ku̧mä̧, kuȩmi̧nä̧tu̧ku̧mä̧, kuä̧ju̧kui̧nä̧tu̧ku̧mä̧ jȩpä̧tu̧kui̧; ja̧'wa̧nü̧ jȩ'kuä̧tu̧kuo̧mȩnä̧, Dio wȩnȩ juiyünä̧ kkä̧kuä̧wä̧ iyümä̧ 'kuäopünä̧ ukututäku ü̧jä̧kua̧.

Filipenses 4:9 ပူးပေါင်းရင်းမြစ်များ

San Mateo 1:23

Ja̧u̧ Dios i̧huȩnȩ jiäcuähuä i̧sa̧ pa̧'a̧nö̧ pä'inödo: Yajute isajumä, uborö yoröiso jerupajumä, muchaju jä̧cua̧ju̧. Ki̧tti̧mä̧, ubomä, u̧huä̧pä̧chä̧cua̧mä̧. Ja̧u̧ ji̧'qui̧cha̧hua̧ i̧mi̧mä̧ Emanuel pättäcuotödo. Ja̧'hua̧nö̧ i̧mi̧ mi̧cua̧'a̧ pä'ätöjä: Dios ujutucu kö̧, pä'ö.

San Mateo 28:20

Ucuturu o'ca juiyönä chu̧huo̧juȩti̧nö̧, jȩtta̧ pä'ö huo̧juȩtä̧jä̧tu̧cui̧. Ja̧'hua̧ta̧nö̧ cu̧huo̧juä̧tu̧cua̧ pä'ö pä'ösä, ucutucu mo̧ro̧ji̧nö̧ a̧'u̧cuä̧ chö̧jä̧cua̧sä̧ pi̧jä̧ beipächome jubö päi'önä, —pä'inödo Jesús. Amén.

San Mateo 7:21

Ja̧'hua̧ta̧nö̧ Jesús pä'inödo: —Yotöcunä ttörö pä'ätömä “Chu̧ru̧hua̧, Chu̧ru̧hua̧” do'ächocotö mo̧ro̧jä̧ra̧'a̧. Chä'o mo̧ro̧jä̧ra̧'a̧ kö̧rö̧ pä̧huä̧ rö̧jo̧mȩnä̧ jȩpä̧tö̧tä̧ dottächäcuotö.

San Lucas 6:46

“¿Tta̧'a̧nö̧ pä'ö päcuhuätucuättö ucutumä ttörö, “Chu̧ru̧hua̧, Chu̧ru̧hua̧,” pädö ta'anö jȩcu̧'ä̧tu̧cuo̧ca̧'a̧nä̧?

San Lucas 8:21

Ja̧'hua̧nö̧ ja̧'a̧nä̧ ja̧u̧ päinä̧u̧do: —Dios i̧huȩnȩ ä̧ju̧cuä̧tö̧'i̧nä̧, hueö ta'anö jȩpä̧tö̧'i̧nä̧, jahuätötä cha̧ju̧mä̧, chö̧jä̧hua̧tö̧mä̧.

San Juan 13:17

Pi̧yȩ pädö ä̧ju̧cu̧ jȩcu̧'ä̧tu̧cu̧ttu̧mä̧, eseunu cu̧ja̧cuä̧cuo̧tö̧jä̧.

San Juan 15:14

Ucuturu o'ca juiyönä huedömä jȩcu̧'ä̧tu̧cu̧ttu̧mä̧, ttö chahuaruhuäjä.

San Juan 2:5

Ja̧'hua̧nö̧ päomenä, juhuode ru̧hua̧ umöhuäyotörö pä'inäjudo: —Ja̧u̧ o'ca juiyönä päömä jȩpä̧tu̧cui̧.

Hechos 9:6

Ja̧'hua̧ ja̧'a̧ Saulo ye'ö ttö̧'ä̧hui̧nö̧do. Pä'inödo: —Chu̧ru̧hua̧, ¿däje jȩcha̧ päcuhuättö ttörömä? Ja̧'hua̧nö̧ ja̧'a̧ Tu̧ru̧hua̧ pä'inödo Saulorö: —Ä̧rä̧mi̧'ö̧ täi ötahuiyära̧'a̧. Juhua'attö ya̧tȩ ji̧ä̧huä̧cua̧jä̧ ucu jȩcu̧'ä̧cuȩmä̧.

Romanos 15:33

Dios tta̧'cua̧ adiu kä̧cuä̧huä̧ iyömä, o'ca toi'önä ucutucu ö̧jä̧cua̧'a̧nö̧. Amén.

Romanos 16:20

Esecuä Dios cu̧jä̧pö̧ dȩa̧'a̧ jurunänö ö̧tä̧cua̧ ähuettärö. Tu̧ru̧hua̧ Jesucristo ucuturu ppädäcua'a̧nö̧.

1 Corintios 10:31

O'ca juiyönä cucuätucu'inä, cuahuätucu'inä, jȩcu̧'ä̧tu̧cu̧'i̧nä̧, Diosrö eseunu jȩpä̧tu̧cui̧.

1 Corintios 14:33

Iso päi'önä Diosmä ja̧'a̧tä̧ jȩä̧cuä̧huä̧mä̧ kö'cocö. Diosmä o'ca juiyönä eseunu jȩä̧cuä̧huä̧tä̧ kö̧'ca̧. O'ca toi'önä kara'attö'inä iglesia ruhuä ja̧'hua̧nö̧ adiunä jȩpä̧tö̧.

1 Corintios 4:16

Ja̧'hua̧nö̧ ja̧'a̧ttö̧ ttö pä'ösä ucuturu, ttö cuedächö'a̧nö̧ cue'ächätucui.

2 Corintios 13:11

Jitämä chö̧jä̧hua̧tö̧, Diosrö pä̧huä̧ rö̧jo̧mȩnä̧, adiu cu̧ja̧cuä̧tu̧cua̧ja̧. Esehuätucui. Ji̧nä̧ ji̧yȩtȩ amöcuädö ka̧cuä̧tu̧cui̧. Ja̧'hua̧nö̧ jȩpö̧ Dios, eseäcuähuä'inä, repeähuä'inä iyömä, ucutucu ö̧jä̧cua̧.

Filipenses 3:17

Chö̧jä̧hua̧tö̧, ttö cuedächinö ta'anö cue'ächätucui. Ja̧'hua̧ta̧nö̧ korotö ujutu cuetächinö ta'anö cue'ächätörö topätucui.

Filipenses 4:7

Ja̧'hua̧ ja̧'a̧ttö̧ Dios ttö̧ja̧'i̧nä̧ yoröiso ttierunä i̧yä̧cua̧ ucuturu cuami iso'quitucunä eseäcuähuä. Ucutu Cristo Jesúsru cuesetätucuomenä, ja̧u̧ eseäcuähuä cuami iso'quitucunä'inä, cuamöcuädätucunä'inä tta̧huä̧rä̧cua̧.

1 Tesalonicenses 1:6

Ujutu jȩti̧nö̧'i̧nä̧, Tu̧ru̧hua̧ jȩi̧nö̧'i̧nä̧, adihuä huȩnȩ'i̧nä̧ esetö jȩpi̧nä̧tö̧jä̧ ucutumä. Ja̧'hua̧nö̧ jȩcu̧'ä̧tu̧cuo̧mȩnä̧, rö̧ȩnä̧ ubara ttu'u, Espíritu Santorö eseu, jȩpi̧nä̧tö̧jä̧.

1 Tesalonicenses 2:14

Tö̧jä̧hua̧tö̧, ucutu cuahuaruhuä ucuturu suronä jȩpö̧ ubara ttucuhuätucuomenä, Judea rȩjȩnä̧ Cristo Jesúsru esetätö iglesia ruhuärö 'cuäopinö ta'anö, 'cuäopina'a ucuturu. Jahuätö'inä ttamönä ttahuaruhuä judíos ttö̧ja̧ suronä jȩtta̧'a̧ttö̧, ubara ttu'inätö.

1 Tesalonicenses 5:23

Dios, tami iso'quinä eseunu kä̧cuä̧huä̧ iyömä, adiunätä jȩcu̧'ä̧tu̧cua̧ pä'ö ppädäcua'a̧nö̧ ucuturu. Ja̧'hua̧ta̧nö̧ Tu̧ru̧hua̧ Jesucristo ichome jubö päi'önä, surojö juiyönä tta̧huä̧rä̧cua̧'a̧nö̧ cua̧'cua̧rö̧'i̧nä̧, cua̧'cua̧ru̧hua̧rö̧'i̧nä̧, jättäpäyotörö'inä.

2 Tesalonicenses 3:4

Ujutu Tu̧ru̧hua̧rö̧ ta̧'cua̧ huȩnä̧rö̧ ucuturu amöcuädätöjä, ujutu jitähuinömä jȩpö̧ ttö̧ja̧cuä̧cuo̧tö̧ pä'ö.

2 Timoteo 4:22

Tu̧ru̧hua̧ Jesucristo ucucu ö̧jä̧cua̧'a̧nö̧. Ja̧'hua̧ta̧nö̧ Dios ucuturu o'ca toi'önärö ppädäcua'a̧nö̧. Amén.

Santiago 1:22

Dios i̧huȩnȩ päö ta'anö jȩpä̧tu̧cui̧. Ä̧ju̧cu̧tä̧mä̧ cuä̧ju̧cuä̧tu̧cuä̧'. Ä̧ju̧cu̧tä̧ cuä̧ju̧cuä̧tu̧cuo̧mȩnä̧, yapareu ucuocuätöjä cuamönätucutä.

2 Pedro 1:10

Ja̧'hua̧nö̧ ja̧'a̧ttö̧ chö̧jä̧hua̧tö̧, iso päi'önä Dios ȩmi̧nä̧u̧jä̧ cu̧huo̧juä̧tu̧cua̧ pä'ö, adiunä jȩpö̧ kä̧nö̧, cuesetätucuaja. Pi̧yȩ huȩnȩ jȩcu̧'ä̧tu̧cu̧ttu̧mä̧, yoröiso suronä jȩpö̧ ma̧'ä̧cho̧co̧tö̧jä̧.

1 Juan 3:22

Diosrö pä̧huä̧ rö̧jö̧ jȩto̧mȩnä̧, hueinö ta'anö jȩta̧'a̧ttö̧ ja̧u̧ ujuturu iyö o'ca juiyönä jätepömä.