Filipenses 4:12 - TÄ̧DO Ä̧CUÄ̧ I̧HUȨNȨ

¹² Ttömä pi̧jä̧ttö̧ jui̧'a̧ chö̧ja̧ pä'ö'inä, huo̧jua̧sä̧. Ja̧'hua̧ta̧nö̧ rö̧ȩnä̧ ka̧'a̧nä̧ chö̧ja̧ pä'ö'inä, huo̧jua̧sä̧. Ja̧u̧ juäi huo̧jui̧pi̧nö̧sä̧, koromettö'inä 'cuäopönä eseunu chö̧ja̧ pä'ö. Ja̧'hua̧ta̧nö̧ suhuädi'önä kä̧nö̧'i̧nä̧, ppäi ttu'u kä̧nö̧'i̧nä̧, rö̧ȩnä̧ ka̧'a̧nä̧'i̧nä̧, jui'ö kä̧nö̧'i̧nä̧ eseunu kö̧sä̧.

Nuevo Testamento Uwotjüja

¹² Usurä i̧sa̧ jü̧nä̧ kkä̧kuä̧wä̧'i̧nä̧, rü̧ȩnä̧ kku̧nä̧rü̧ kkä̧kuä̧wä̧'i̧nä̧ wo̧jua̧sä̧. O'kajuiyünä̧tä̧ kkä̧kuä̧wä̧ wo̧juȩkua̧sä̧, chu̧kuȩ ppäittuda pä'ü'i̧nä̧, chu̧kuȩ chu̧ju̧nä̧ra̧ pä'ü'i̧nä̧, jü̧nä̧.

Filipenses 4:12 ပူးပေါင်းရင်းမြစ်များ

San Mateo 11:29

Ttö huedömä jȩpä̧tu̧cui̧. Ttörö topö huo̧jui̧pä̧tu̧cui̧. Ttömä korotörö eseunu amöcuädösä chami iso'quinä. Ttö adiunä kö̧sä̧ korotöcu. Ucutu cua̧'cua̧ru̧hua̧nä̧ eseäcuähuä cu̧'o̧cui̧'ä̧cuo̧tö̧jä̧ ttörö esetö.

San Mateo 13:52

Ja̧'hua̧ ja̧'a̧ jahuätörö pä'inödo: —Ya̧tȩ huo̧juȩcuä̧ i̧sa̧ Dios Ttu̧ru̧hua̧ päi'önä ö̧jä̧cuȩ huȩnȩ adiu u̧huo̧jui̧'o̧mȩnä̧, ja̧u̧ ka̧ra̧ ru̧hua̧ öärettö koro juäi jareö'inä, täbo jähuä'inä ȩmö̧ jä̧'i̧nö̧'a̧nö̧ hua̧, —pä'inödo Jesús.

2 Corintios 10:1

Ttö Pablo, ucuturu repe'önö Cristo adihuä juäi iyö amöcuädö pä'ösä. Korotö pä'ätö ttörö ucutucu chö̧jo̧mȩnä̧, jä̧rö̧nä̧tä̧ usurä i̧sa̧ ta'anö kö̧sä̧. Ja̧'hua̧ta̧nö̧ ucututtu oto kara'a chö̧jo̧mȩnä̧, pä̧i̧cu̧nä̧ ucuocu jȩpö̧sä̧ pä'ätö korotömä.

2 Corintios 10:10

Korotö pä'ätö ttörö: “Chutä cuyäru i̧huȩyu̧to̧mȩnä̧, pä̧i̧cu̧nä̧ jiähua'a cuyärunä. Juhuorö'inä chutä ö̧jo̧mȩnä̧, yoröiso ya̧tȩ jui̧yu̧pa̧ ö̧jö̧'a̧nö̧ kö̧. I̧huȩnȩ'i̧nä̧ adiunä ucuocuocö,” pä'ätö korotömä.

2 Corintios 11:27

Ja̧'hua̧ta̧nö̧ rö̧ȩnä̧ chaditomenä, rö̧ȩnä̧ surojö 'cuäopinäcusä. Koronö'inä yoröiso chä'oca'a ki̧nö̧sä̧. Koronö'inä ppäi ttu'u ki̧nö̧sä̧. Ja̧'hua̧ta̧nö̧ a̧di̧ rö̧ji̧nä̧cu̧sä̧ koronö. Ja̧'hua̧ta̧nö̧ chu̧cuȩ chucuoca'a rö̧o̧ mo̧ro̧ ki̧nö̧sä̧. Ja̧'hua̧ta̧nö̧ diyo ttu'inösä. Koronö'inä chö̧'ca̧tä̧huä̧ti̧yu̧ juiyönä ki̧nö̧sä̧.

2 Corintios 11:7

Ucuturu ttö̧ja̧ suronä jȩttö̧ jȩpö̧ icu huȩnȩ jidähuomenä, micuä yoröiso jä'epocö pi̧nö̧sä̧. Usurä i̧sa̧ ta'anö ki̧nö̧sä̧, ucutu rö̧ä̧chi̧'ö̧nä̧ cuesetätucua pä'ö. Ja̧'hua̧nö̧ jȩpö̧ kä̧nö̧, ¿suronä jȩpi̧nö̧sä̧ tä̧ji̧?

2 Corintios 11:9

Ja̧'hua̧ta̧nö̧ ucutucu kä̧nö̧, koronö koro juäi juidomenä, jä'epocö pi̧nö̧sä̧ ucuturu. Korotö tö̧jä̧hua̧tö̧ Macedonia rȩjȩra̧'a̧ttö̧ ichö, ttörö iyinätö juidomenä. Ja̧'hua̧nö̧ jȩpö̧, ucuturu yoröiso jä'epocö pi̧nö̧sä̧. Ja̧'hua̧ta̧nö̧ yodoji'inä jȩchi̧nö̧ ta'anö jȩchä̧cua̧sä̧.