Filipenses 3:8 - TÄ̧DO Ä̧CUÄ̧ I̧HUȨNȨ

⁸ Ja̧'hua̧ta̧nö̧ koro'inä ttörö ppädö chesetinömä, yoröiso micuähuocö jä̧'i̧nö̧'a̧nö̧ jä̧cu̧sä̧. Koro, Chu̧ru̧hua̧ Jesucristorö huo̧jui̧cuä̧, iso päi'önä ttörö ppädötä amöcuädösä. Ja̧u̧ru̧ repe'ö, o'ca juiyönä pä'äji chesetinö, koro juäi icuicuä tticuipö'a̧nö̧ icuipinösä, Cristorö rö̧ȩnä̧ cheseta pä'ö.

Nuevo Testamento Uwotjüja

⁸ Juȩnȩ yabo päi'ünä̧, o'kajuiyünä̧tä̧ toe'ächü jäwä ja̧'a̧, Chu̧ru̧wa̧ Crito-rü wo̧juä̧wä̧ mikuäu wȩnȩku̧ yorätetü tochomȩnä̧mä̧. Jua̧u̧ku̧ pä'i'ümä̧ o'kajuiyünä̧tä̧ to'e'ächinü̧sä̧, jua̧u̧ ji̧nü̧mä̧ ikuikuä o'ko jü̧nä̧tä̧ tochü, Crito-rü chi̧rȩbȩwa̧ pä'ümä̧.

Filipenses 3:8 ပူးပေါင်းရင်းမြစ်များ

San Lucas 1:43

¿Di chättö ttömä, Chu̧ru̧hua̧ ja̧ju̧ do'ächö cuicha'attömä?

San Lucas 11:20

Ja̧'hua̧nö̧ ja̧'a̧nä̧ Dios ujurunä rä'epö icusä espíritus suropätörömä, cu̧huo̧juä̧tu̧cua̧ pä'ö Dios Cu̧ru̧hua̧ päi'önä ö̧ja̧'a̧mä̧ ucutucu.

San Juan 14:20

Ja̧u̧nu̧ mo̧ro̧ päi'omenä ttöcu, Chä'ocu ji̧nä̧ ya̧tȩtä̧ ja̧'a̧ pä'ö cu̧huo̧jui̧'ä̧cuo̧tö̧jä̧. Ja̧'hua̧ta̧nö̧ ucutucu, ttöcu ji̧nä̧ yotöte ja̧'a̧ pä'ö cu̧huo̧jui̧'ä̧cuo̧tö̧jä̧.

San Juan 14:7

Ttörö cu̧huo̧juä̧tu̧cu̧ttu̧mä̧, Chä'orö'inä huo̧jua̧ja̧tö̧jä̧. Jitä mo̧ro̧ päi'önä ja̧u̧ru̧ tocu'ätucua'attö, huo̧juä̧tö̧jä̧ ja̧u̧ru̧.

San Juan 16:3

Chä'orö'inä, ttörö'inä ttieruhua'attö, ja̧'hua̧nö̧ jȩttä̧cuo̧tö̧.

San Juan 17:3

Ja̧u̧ kä̧cuä̧huä̧ i'co ttu̧ju̧nä̧ro̧mȩnä̧, ucurutä, ya̧tȩrö̧tä̧, iso päi'önä Ttä̧do̧ ä̧cua̧ Diosrötä, huo̧juä̧tö̧. Ja̧'hua̧ta̧nö̧ Jesucristorö, ucutä huecuhuinäcuru'inä huo̧juä̧tö̧.

San Juan 17:8

Iso päi'önä ucutä cui̧huȩnȩ ttö̧rö̧ huecuhuinö ta'anö, ji'ähuinösä jahuätörö. Ja̧'hua̧nö̧ jidähuomenä, adiu esetinätö. Iso päi'önä ucuttu chichina'a huo̧juä̧tö̧. Ja̧'hua̧ta̧nö̧ ucutä ttörö huecuhuinö esetätö.

San Juan 20:13

Angeles jahuäjuru jä'epinätödo: —Isaju, ¿dä̧bö̧ cuajuähuättö? Jahuäju ädätinäjudo: —Chu̧ru̧hua̧rö̧ ȩmi̧pä̧jä̧tö̧do. Ttötäjome jerupajusä.

San Juan 20:28

Ja̧'hua̧ ja̧'a̧ttö̧ Tomás ädätinödo: —¡Chu̧ru̧hua̧jä̧! ¡Chä̧do̧ ä̧cua̧ Diosjä!

Hechos 20:24

Ja̧'hua̧nö̧ ja̧'a̧nä̧'i̧nä̧ 'corupädi'öttömä, huäinä ja̧'a̧. Pi̧yȩtä̧ pä̧huä̧ rö̧jä̧cu̧sä̧. Eseunu jo̧mȩ päi'önä cädäda pä'ösä chaditähuä, Tu̧ru̧hua̧ Jesús chadita pä'ö hueinömä. Tu̧ru̧hua̧ Jesús hueinäcusä adihuä huȩnȩ, Dios ppädäcuähuä huȩnȩ, jidähua pä'ö.

Romanos 8:18

Ttö pä'ösä, jitä pi̧jä̧nä̧ tö̧jä̧i̧mä̧, ubara ttutumä a̧'u̧cu̧nä̧tä̧ ja̧'a̧. Yodoji eseäcuähuä tȩmä̧cuȩmä̧, rö̧ȩnä̧ jä̧cua̧'a̧.

Romanos 8:39

Ja̧'hua̧ta̧nö̧ pi̧jä̧ huäme'inä, pi̧jä̧ dȩa̧'a̧'i̧nä̧, koro juäi Dios aditinö'inä yoröiso 'quȩ'ȩpö̧ icuocö ujuturu Dios repeöttö. Dios ja̧u̧ repeömä iyinö ujuturu, Tu̧ru̧hua̧ Jesucristorö teseta'attö.

1 Corintios 2:2

Ucutucu kä̧nö̧ o'ca juiyönä unichi'ö, ji̧yȩä̧cuȩtä̧ Jesucristo i̧huȩnȩ, dau isodänä 'corupäi'inö huȩnȩtä̧ ucuocuinösä.

1 Corintios 9:10

Ujuturutä amöcuädö pä'inödo. Iso päi'önä ujuturu amöcuädö pä'inö ja̧u̧ huȩnȩ. Ya̧tȩ rȩjȩ aditö'inä, ka̧ra̧ ya̧mö̧ di'cö'inä, o'ca juiyönä aditätö jo̧mȩ päi'omenä, tta̧'ä̧rä̧tö̧ ttȩma̧ pä'ö jitötä ttu̧cuȩ.

2 Corintios 4:4

Jahuätö ttesetoca'attö, ähuettä, pi̧jä̧nä̧ kö̧, ttä̧to̧cä̧chö̧nä̧ jȩi̧nä̧u̧do, adihuä Cristo i̧huȩnȩ tȩa̧u̧ tottö juiyönä. Ja̧u̧ Cristo, Dios ja̧'a̧nä̧ pi̧jä̧nä̧ uhuäpinödo.

2 Corintios 4:6

Iso päi'önä ja̧u̧tä̧ Dios i̧tȩa̧u̧mä̧ yo̧ö̧ kä'conä tȩa̧huä̧chi̧'ö̧nä̧ hue'inömä, ujutu tami iso'quinä'inä i̧tȩa̧u̧ iyö, Jesucristo ö'änä Dios öadihuä topö tu̧huo̧juä̧cua̧'a̧nö̧.

Efesios 4:13

O'ca toi'önä Dios I̧tti̧rö̧ ji̧nä̧ yo̧mȩtȩnä̧ amöcuädö teseta pä'ö iyinödo. Ja̧'hua̧ta̧nö̧ Dios I̧tti̧rö̧ adiunä tu̧huo̧jua̧rö̧ pä'ö iyinödo. Ja̧'hua̧nö̧ adiunä tö̧ja̧cuä̧cuo̧tö̧jä̧ Cristo ö̧ji̧nö̧ ta'anö yoräteunä kä̧nö̧.

Filipenses 1:1

Pablocu, Timoteocu, Jesucristocu aditätömä, pi̧yȩ cuyäru huȩyu̧tu̧ hue'ätöjä Dios i̧tti̧mö̧rö̧, Jesucristorö esetätörö'inä, iglesia tta̧huä̧rä̧cuä̧huä̧ ruhuärö'inä, diáconosrö'inä, Filipos ötahuiyänä ka̧cuä̧tö̧rö̧.

Filipenses 3:10

Ttömä Cristorö rö̧ȩnä̧ chu̧huo̧jua̧ pä'ösä. Ja̧'hua̧ta̧nö̧ hua'arettö ttoächinö ujuru chu̧ju̧nä̧ra̧ pä'ösä. Ja̧'hua̧ta̧nö̧ ubara ttuhuinö ta'anö, ubara ttuda pä'ösä. Ja̧'hua̧ta̧nö̧ chutä 'corupäi'inö ta'anö 'corupädi'a pä'ösä.

Filipenses 3:12

Ttömä pä'ocösä täcö o'ca juiyönä ȩmä̧ji̧sä̧ pä'ö. Ja̧'hua̧ta̧nö̧ jitämä adihuä juäitä, surojö juiyönä jȩpö̧sä̧ pä'ö, pä'ocösä. Iso päi'önä Cristo Jesús ttörö ȩmi̧na̧'a̧ttö̧, chutä iyö juäi chu̧ju̧nä̧ra̧ pä'ö, kö̧sä̧.

Filipenses 3:7

Ja̧'hua̧nö̧ ja̧'a̧nä̧ ja̧u̧ juäi o'ca juiyönä pä'äji rö̧ȩnä̧ chesetinömä, jitämä yoröiso micuähuocö jä̧'i̧nö̧'a̧nö̧ jä̧cu̧sä̧, Cristorö cheseta'attö.

2 Timoteo 4:6

Ttömä sacrificios jȩtta̧'a̧ jä̧'i̧nö̧'a̧nö̧ pä'i'ösä. Täcö a̧'u̧cua̧'a̧tä̧ ja̧'a̧ttö̧ hua'ö chi̧cuä̧cua̧sä̧ Dios i̧huȩnȩ jidähua'attö.

Hebreos 3:14

Iso päi'önä äcuomenä tesetinö röji mo̧ro̧ päi'omenä jubö päi'önä tami 'quitächi'öttömä, Cristocu ji̧nä̧ yo̧mȩtȩ tö̧ja̧cuä̧cuo̧tö̧jä̧.

1 Pedro 2:7

Ucutu esetätörömä, ja̧u̧ inähuä rö̧ȩnä̧ micuähua'ado. Esetocotörömä pi̧yȩ Huȩyu̧cuä̧ Huȩnȩ päö ta'anö 'cuäopa'a: Jitötä adicuä ttö̧ja̧mä̧ ttöjö'cocohuä ji̧nähuä, jueö isä'ca jä̧'i̧nö̧'a̧nö̧ kähuä jitämä.

2 Pedro 1:2

Tä'o Diosrö'inä, Tu̧ru̧hua̧ Jesúsru'inä cu̧huo̧juä̧tu̧cua̧'a̧ttö̧, ucuturu rö̧ȩnä̧ ppättädäcua'a̧nö̧. Ja̧'hua̧ta̧nö̧ rö̧ȩnä̧ eseunu kä̧cuä̧huä̧ ttiyäcua'a̧nö̧ ucuturu.

2 Pedro 1:3

Dios ujurunä iyinö ujuturu o'ca juiyönä tö̧jö̧mä̧. Ja̧'hua̧ta̧nö̧ ujuturu huopinörö tu̧huo̧jua̧ pä'ö adihuä juäi iyinö ujuturu, adiu tucuocuarö pä'ö.

2 Pedro 1:8

Ucutumä o'ca juiyönä ja̧'hua̧nö̧ jȩpö̧ cu̧ja̧cuä̧tu̧cu̧ttu̧mä̧, adiunätä ka̧cuä̧tö̧jä̧. Ja̧'hua̧ta̧nö̧ Tu̧ru̧hua̧ Jesucristorö cu̧huo̧juä̧tu̧cua̧'a̧ttö̧, adiu ka̧cuä̧tö̧jä̧.

2 Pedro 3:18

Tu̧ru̧hua̧ Jesucristorö juhua'a yabonö adiunä huo̧jui̧pä̧tu̧cui̧. Ja̧'hua̧ta̧nö̧ juhua'a yabonö esehuätucui Tu̧ru̧hua̧rö̧. Jitä'inä, yodoji'inä tesehuäcuähuätucuaja ja̧u̧ru̧tä̧ 'cuäopönä. Amén.

1 Juan 1:3

Ja̧'hua̧nö̧ ja̧'a̧ttö̧ totinö'inä, tä̧ju̧cui̧nö̧'i̧nä̧ ucuturu ji'ähuätöjä, ujutu Tä'o Dioscu, I̧tti̧ Jesucristocu ji̧nä̧ ji̧yȩtȩ huotö tö'a̧nö̧, ucutu'inä ujutucu ji̧nä̧ ji̧yȩtȩ huotö cu'ätucua pä'ö.

1 Juan 2:19

Ujututtu jaropi'inätömä yoröiso ujutu isotöcö̧. Ujutu isotö jö̧ttö̧mä̧, ujutucu ka̧cua̧ja̧tö̧. Ja̧'hua̧nö̧ ja̧'a̧ jaropi'inätörö topö tu̧huo̧jua̧ pä'ö jahuätömä o'ca toi'önä ujutu isotöcö̧ pä'ö.

1 Juan 5:20

Ujutu huo̧juä̧tö̧jä̧ Dios I̧tti̧ ichinö. Huo̧juä̧tö̧jä̧ ujuturu huo̧juȩti̧nö̧ Dios iso päi'önä kö̧rö̧ tu̧huo̧juä̧chi̧'ö̧nä̧. Iso päi'önä kö̧cu̧ ka̧cuä̧tö̧jä̧ ujutumä, I̧tti̧ Jesucristocu tö̧ja̧'a̧ttö̧. Ja̧'hua̧nö̧ ja̧'a̧ iso päi'önä Dios ja̧u̧tä̧ ja̧'a̧do. Ja̧u̧tä̧ kä̧cuä̧huä̧ i'co ja̧'a̧do.