Filipenses 3:1 - TÄ̧DO Ä̧CUÄ̧ I̧HUȨNȨ

¹ Jitämä chö̧jä̧hua̧tö̧, esehuätucui Tu̧ru̧hua̧nä̧. Pä'äji chi̧huȩyu̧ti̧nö̧ ucuturu, jitä'inä pä'äji ta'anö chi̧huȩyu̧ta̧ pä'ö 'cuä'ächi'ocösä. Iso päi'önä adiu päa'a ucuturu.

Nuevo Testamento Uwotjüja

¹ Chawaruwä chi̧jä̧wa̧tü̧, kkoro päi'ünä̧mä̧, Tu̧ru̧wa̧nä̧ eseäkuäu ku̧jä̧tu̧kua̧ pä'üsä. Ukuturu chi̧wȩyu̧ti̧nü̧ pä'äjita'anü̧ chi̧wȩyu̧ta̧ pä'ü'i̧nä̧ ü̧tä̧ri̧jo̧ko̧ku̧sä̧, jua̧u̧mä̧ ukuturu ppädü ja̧'a̧ttü̧.

Filipenses 3:1 ပူးပေါင်းရင်းမြစ်များ

San Mateo 5:12

Eseunu ka̧cuä̧tu̧cui̧. Dios mo̧ro̧jä̧ra̧'a̧ttö̧ i̧yä̧cuȩmä̧, cuȩmä̧cuo̧tö̧jä̧. Ja̧'hua̧ta̧nö̧ ucutu cuä'catucunä ka̧cui̧nä̧tö̧rö̧, Dios i̧huȩnȩ jiäcuähuä isotörö, suronä jȩpi̧nä̧tö̧do, —pä'ö huo̧juȩti̧nö̧do Jesús.

San Lucas 1:47

Chami iso'quinä esehuäjusä Diosrö, ttö suronä jȩchö̧ jȩpö̧ i̧cuä̧cua̧rö̧.

Romanos 5:11

Ja̧u̧ ji̧yȩtȩtä̧mä̧ amöcuädocotöjä. Ja̧'hua̧ta̧nö̧ Tu̧ru̧hua̧ Jesucristorö teseta'attö, Diosrö esehuätöjä. Chutä Jesucristo ppä'ädinö ujuturu, Dios ahuaruhuä päti'a pä'ö.

2 Corintios 13:11

Jitämä chö̧jä̧hua̧tö̧, Diosrö pä̧huä̧ rö̧jo̧mȩnä̧, adiu cu̧ja̧cuä̧tu̧cua̧ja̧. Esehuätucui. Ji̧nä̧ ji̧yȩtȩ amöcuädö ka̧cuä̧tu̧cui̧. Ja̧'hua̧nö̧ jȩpö̧ Dios, eseäcuähuä'inä, repeähuä'inä iyömä, ucutucu ö̧jä̧cua̧.

Efesios 6:10

Jitämä chö̧jä̧hua̧tö̧, Dios ujurunä cuami 'qui'ächi'ätucui Tu̧ru̧hua̧rö̧ esetö.

Filipenses 3:3

Iso päi'önä ujutumä adiunä circuncidados huotöjä. Ujutumä Cristo Jesúsru esetö Espíritu Santonä eseunu amöcuädö ucuocuätöjä Diosrö. Ujutumä tidepä jähuämä ta̧'cua̧ huȩnä̧ro̧co̧tö̧jä̧.

Filipenses 4:4

Tu̧ru̧hua̧ i̧mi̧nä̧ 'cuäopönä eseäcuähuätucui. Pä'äji ta'anö ji'äusä: ¡Eseäcuähuätucui!

Filipenses 4:8

Jitämä chö̧jä̧hua̧tö̧, röjinä ji'äusä. Amöcuädätucui o'ca juiyönä iso päi'önä huȩnȩ'i̧nä̧, ttö̧ja̧rö̧ adiu ucuotäcuähuä'inä, adiu jȩä̧cuä̧hua̧'i̧nä̧, surojö juiyönä amöcuädäcuähuä'inä, adiu topö jȩä̧cuä̧huä̧'i̧nä̧, adiu ucuocuäcuähuä'inä. Ja̧'hua̧ta̧nö̧ o'ca juiyönä adihuä juäi'inä, adiu eseäcuähuä'inä amöcuädätucui.

1 Tesalonicenses 4:1

Tö̧jä̧hua̧tö̧, jitä Tu̧ru̧hua̧ Jesús i̧mi̧nä̧ pi̧yȩ huȩnȩ ji'äu hue'ätöjä ucuturu. Diosrö pä̧huä̧ rö̧jö̧ huȩnȩ, ucuturu tu̧huo̧juȩti̧nö̧mä̧, juhua'a yabonö esetö cu̧ja̧cuä̧tu̧cua̧ pä'ätöjä.

1 Tesalonicenses 5:16

'Cuäopönä esehuätucui.

Santiago 1:2

Chö̧jä̧hua̧tö̧, eseunu ka̧cuä̧tu̧cui̧ surojö 'cuäopomenä.

1 Pedro 3:8

Ja̧'hua̧nö̧ ja̧'a̧ttö̧ o'ca toi'önä korotöcu eseunu cua̧'cua̧ tta̧nö̧ jö̧nä̧ ji̧nä̧ yo̧mȩtȩ amöcuädö ka̧cuä̧tu̧cui̧, tö̧jä̧hua̧tö̧rö̧ repetö ta'anö, repe'önö kä̧nö̧. Eseäcuähuätucui. Usurä isotö ttö̧ja̧cu̧'a̧nö̧ ka̧cuä̧tu̧cui̧.

1 Pedro 4:13

Pärocua'acu, Cristo ubara ttuhuinö'a̧nö̧ ubara ttu'u, cua̧'cua̧ tta̧cu̧huȩcuä̧tu̧cuo̧mȩnä̧, Cristo ichö mo̧ro̧ rö̧ȩnä̧ cuesehuätucuäcua'a amöcuädö esehuäcuähuätucui.

2 Pedro 3:1

Adihuä chö̧jä̧hua̧tö̧, pi̧yȩ cuyärunä todärenä päi'önä huȩyu̧tu̧ hue'ösä. Ucuturu ji'äu huȩyu̧tu̧sä̧, adiunä cuamöcuädätucua pä'ö.