Filipenses 2:30 - TÄ̧DO Ä̧CUÄ̧ I̧HUȨNȨ

³⁰ Ja̧u̧mä̧ Cristo hueinö jȩpö̧, 'corupäi'ö'a̧nö̧ päi'inäcudo. Ucutu oto kä̧nö̧ ppäcuhuädätucuoca'attömä, ra̧huȩpi̧jö̧nä̧ ki̧nö̧ ttörö ppädomenä.

Nuevo Testamento Uwotjüja

³⁰ Isopäi'ünä̧ Jesucrito aditäwä aditomȩnä̧ 'korupäi'ü'anü̧ jä̧ja̧'a̧nä̧ kki̧'i̧pi̧nü̧ ttürü ppä'ädü aditomȩnä̧, ukutu ppäkuädätuku juiyünä̧ ja̧'a̧ttü̧.

Filipenses 2:30 ပူးပေါင်းရင်းမြစ်များ

Hechos 20:24

Ja̧'hua̧nö̧ ja̧'a̧nä̧'i̧nä̧ 'corupädi'öttömä, huäinä ja̧'a̧. Pi̧yȩtä̧ pä̧huä̧ rö̧jä̧cu̧sä̧. Eseunu jo̧mȩ päi'önä cädäda pä'ösä chaditähuä, Tu̧ru̧hua̧ Jesús chadita pä'ö hueinömä. Tu̧ru̧hua̧ Jesús hueinäcusä adihuä huȩnȩ, Dios ppädäcuähuä huȩnȩ, jidähua pä'ö.

Romanos 16:4

Ttörö ra̧huȩpi̧jö̧ttö̧'i̧nä̧, 'corupätti'ö'a̧nö̧ jö̧ttö̧'i̧nä̧ ppä'ädinätö. Ja̧'hua̧nö̧ ja̧'a̧ttö̧ jahuätörö eseunu amöcuädösä. Ttötä katä chihueyemäcö̧, o'ca toi'önä chö̧jä̧hua̧tö̧ judíos huocotö'inä esehuätö jahuätörö.

1 Corintios 15:53

Ujutu tidepä pi̧jä̧ jähuä ja̧'a̧ttö̧, yoröiso recuo ko̧cö̧do. Ja̧'hua̧nö̧ ja̧'a̧ttö̧ tö'ärohuächäcuotöjä koro yoröiso beipocö jähuä ȩmö̧. Ja̧'hua̧ta̧nö̧ ujutu töäre jättäpäyotö hua'ö icuipö, koro yoröiso hua'ö icuähuocö ȩmö̧ tö'ärohuächäcuotöjä.

1 Corintios 16:10

Timoteo cu̧ja̧cuä̧tu̧cuo̧mȩ i̧rȩbȩu̧ttu̧mä̧, adiunänö ö̧ja̧ pä'ö ppä'ädätucuirö. Ja̧u̧'i̧nä̧ ttö ta'anö aditö Tu̧ru̧hua̧ i̧huȩnȩ.

1 Corintios 16:17

Ttömä eseusä Estéfanasrö'inä, Fortunatorö'inä, Acaicorö'inä ttörö topö ttichäja'attö. Ucutu toa'attö, ttörö ppä'ädinätö jahuätömä.

2 Corintios 12:15

O'ca juiyönä chu̧ju̧nä̧rö̧ eseunu chiyäcua'a̧nö̧. Ttötä chamönä cha̧'cua̧rö̧'i̧nä̧ eseunu iyajisä ucuturu cua̧'cua̧ru̧hua̧tu̧cu̧nä̧ ppä'ädö. Juhuorö'inä ttötä pa̧'a̧nö̧ amöcuädösä, ucuturu juhua'a yabonö rö̧ȩnä̧ repeda'anä, ucututä yoyonö jaropi'ätöjä ttörö.

2 Corintios 4:12

Ja̧'hua̧nö̧ ja̧'a̧nä̧ 'corupäi'äcuähuä adita'ado ujuturu. Ja̧'hua̧ta̧nö̧ kä̧cuä̧huä̧ adita'ado ucuturu.

Filipenses 2:17

Ucutu Diosrö cuesetätucuomenä, sacrificio jȩtti̧nö̧'a̧nö̧ ttö chucuoja erönä cuä'ö tticuttu'inä, adihuajacusä. Ja̧'hua̧nö̧ ja̧'a̧nä̧ ucutucu'inä o'ca toi'önä chȩsȩhuä̧cua̧sä̧.

Filipenses 2:27

Iso päi'önä 'corupäi'ö'a̧nö̧ na̧'ä̧chi̧nö̧. Ja̧'hua̧nö̧ ja̧'a̧nä̧ Diostä a̧'cua̧ tta̧nö̧ topö ppädinäcu. Ja̧u̧ru̧tä̧ katätä ppä'ädocö pi̧nö̧. Ttörö'inä ppä'ädinö, juhua'a yabo rö̧ȩnä̧ cha̧'cua̧ tta̧'ȩcu̧ 'cuädopa'acu.

Filipenses 4:10

Jitä'inä Chu̧ru̧hua̧rö̧ rö̧ȩnä̧ eseusä ucuturu, pä'äji ta'anö cuamöcuädätucuomenä ttörö. Juhuorö'inä ttörö unichi'inätöjä pä'ömä, pä'ocösä. Ja̧'hua̧nö̧ ja̧'a̧nä̧ ttö huo̧jua̧sä̧, hueyecuina'a huecuhuätucua pä'ö.

Filipenses 4:18

Jitämä o'ca juiyönä ȩmi̧nö̧sä̧. Ja̧'hua̧nö̧ ja̧'a̧ttö̧ rö̧ȩnä̧ ku̧nä̧rö̧sä̧. Epafroditocu röjinä huecuhuinätucu iso päi'önä pärocuä rö̧ȩnä̧ ku̧nä̧rö̧sä̧. Ja̧u̧ huecuhuinätucua'a, ofrenda amehuoyattö ameu'a̧nö̧ ji̧na̧'a̧ ttörö. Ja̧'hua̧ta̧nö̧ sacrificio jȩpö̧ Dios eseunu amöcuädö'a̧nö̧ ji̧na̧'a̧.

Filemón 1:13

Adihuä huȩnȩ esetö cärenä chö̧'o̧mȩnä̧ ucu ttörö ppäcuhuädaji'a̧nö̧ ttörö ppä'ädö ö̧ja̧ päda'anä, ja̧u̧ru̧ hue'ösä ucuru.

Apocalipsis 12:11

Ujutu tö̧jä̧hua̧tö̧ chutä Corderomä ucuojanä imitähuina'attö'inä, chutä i̧huȩnȩ jittähuina'attö'inä, ja̧u̧ suronä jȩpi̧nö̧ttö̧'i̧nä̧ abonänö juruhuinätö. Jahuätö 'corupäi'äcuähuä ye'ecuocotö pi̧nä̧tö̧. Jahuätömä “Ujutu Dios i̧huȩnȩ jitähuomenä, 'corupäti'öttömä huäinä ja̧'a̧” pä'inätö.