Filipenses 2:17 - TÄ̧DO Ä̧CUÄ̧ I̧HUȨNȨ

¹⁷ Ucutu Diosrö cuesetätucuomenä, sacrificio jȩtti̧nö̧'a̧nö̧ ttö chucuoja erönä cuä'ö tticuttu'inä, adihuajacusä. Ja̧'hua̧nö̧ ja̧'a̧nä̧ ucutucu'inä o'ca toi'önä chȩsȩhuä̧cua̧sä̧.

Nuevo Testamento Uwotjüja

¹⁷ Ja̧'wa̧ta̧nü̧ chukuoja sacrificio jü̧nä̧, altar pättomȩ tta̧'kua̧ wȩnä̧rü̧ ofrenda jü̧nä̧ ririäkuäwächünä̧ jȩtta̧ja̧ pä'ü'i̧nä̧, esewajüsä ukutu kua̧'kua̧ ku̧wȩnä̧rä̧tu̧ku̧ ukutuku chesewa pä'üsä.

Filipenses 2:17 ပူးပေါင်းရင်းမြစ်များ

Hechos 20:24

Ja̧'hua̧nö̧ ja̧'a̧nä̧'i̧nä̧ 'corupädi'öttömä, huäinä ja̧'a̧. Pi̧yȩtä̧ pä̧huä̧ rö̧jä̧cu̧sä̧. Eseunu jo̧mȩ päi'önä cädäda pä'ösä chaditähuä, Tu̧ru̧hua̧ Jesús chadita pä'ö hueinömä. Tu̧ru̧hua̧ Jesús hueinäcusä adihuä huȩnȩ, Dios ppädäcuähuä huȩnȩ, jidähua pä'ö.

Hechos 21:13

Ja̧'hua̧nö̧ ja̧'a̧ Pablo ädätinö: —¿Dä̧bö̧ cuajuähuätucuättö? ¿Dä̧bö̧ cha̧'cua̧ tta̧dȩcu̧nä̧ jȩcu̧'ä̧tu̧cuä̧ttö̧? Jerusalén ötahuiyättö Tu̧ru̧hua̧ Jesús i̧huȩnȩ jidähua'attö ttörö ttönö'ca pä'ö'inä 'corupädi'a pä'ömä täcö jo̧mȩ päi'önä kö̧sä̧.

Romanos 12:1

Ja̧'hua̧nö̧ ja̧'a̧ttö̧ ttö chö̧jä̧hua̧tö̧, Dios ujuturu re rö̧jö̧nä̧ toa'attö, pä'ösä ucuturu: Sacrificios päi'önä ttiya'a jä̧'i̧nö̧'a̧nö̧ iyäcuähuätucui Diosrö ji̧nä̧ cua̧'cua̧rä̧i̧. Churutä pä̧huä̧ rö̧jö̧tä̧ jȩpä̧tu̧cui̧, chutä esehuäcua'a̧nö̧ ucuturu. Adiu amöcuädätömä, ja̧'hua̧nö̧ jȩttö̧'a̧nö̧ ja̧'a̧.

Romanos 15:16

Jesucristo i̧huȩnȩ judíos huocotörö jidähua pä'ö hue'inö. Ttö̧ja̧ suronä jȩttö̧ jȩpö̧ icu huȩnȩ, Dios iyömä ji'äusä judíos huocotörö, Espíritu Santo ȩmä̧u̧ru̧, Dios koro juäi ofrenda ȩma̧'a̧ jä̧'i̧nö̧'a̧nö̧ ȩma̧ pä'ö jahuätörö.

2 Corintios 12:15

O'ca juiyönä chu̧ju̧nä̧rö̧ eseunu chiyäcua'a̧nö̧. Ttötä chamönä cha̧'cua̧rö̧'i̧nä̧ eseunu iyajisä ucuturu cua̧'cua̧ru̧hua̧tu̧cu̧nä̧ ppä'ädö. Juhuorö'inä ttötä pa̧'a̧nö̧ amöcuädösä, ucuturu juhua'a yabonö rö̧ȩnä̧ repeda'anä, ucututä yoyonö jaropi'ätöjä ttörö.

2 Corintios 4:12

Ja̧'hua̧nö̧ ja̧'a̧nä̧ 'corupäi'äcuähuä adita'ado ujuturu. Ja̧'hua̧ta̧nö̧ kä̧cuä̧huä̧ adita'ado ucuturu.

2 Corintios 6:10

Koronö'inä ta̧'cua̧ tta̧'ȩcu̧ tö̧ja̧cuo̧mȩnä̧, tami iso'quinä 'cuäopönä esehuätöjä. Ja̧'hua̧ta̧nö̧ usurä isotö tö̧ja̧cua̧'a̧nä̧, recuätörö rö̧ȩnä̧ adihuä juäi iyätöjä. Ja̧'hua̧ta̧nö̧ yoröiso jui'ö tö̧ja̧cuo̧mȩnä̧, o'ca juiyönä ku̧nä̧rä̧tö̧jä̧ teseta'attö.

2 Corintios 7:4

Juiyo eseunu amöcuädösä ucuturu. Rö̧ȩnä̧ ubara ttutomenä'inä, adiunä eseunu chami 'qui'ächi'ö kö̧sä̧.

Filipenses 1:20

Ttömä yoröiso dä'ä juiyönä chö̧ja̧ pä'ösä. Jitämä suronä 'cuädopa'anä, 'cuäopönä yecuäcuähuä juiyönä jidähua pä'ösä Cristo i̧huȩnȩ, jidähuinö ta'anö. Ja̧'hua̧ta̧nö̧ chö̧jö̧ttö̧'i̧nä̧, 'corupädi'öttö'inä, korotömä ttörö topö, Cristorö ttesehuäcuähua pä'ösä.

Filipenses 2:18

Ja̧'hua̧ta̧nö̧ ucutu'inä ttö cheseu ta'anö esehuätucui.

Filipenses 2:30

Ja̧u̧mä̧ Cristo hueinö jȩpö̧, 'corupäi'ö'a̧nö̧ päi'inäcudo. Ucutu oto kä̧nö̧ ppäcuhuädätucuoca'attömä, ra̧huȩpi̧jö̧nä̧ ki̧nö̧ ttörö ppädomenä.

Filipenses 4:18

Jitämä o'ca juiyönä ȩmi̧nö̧sä̧. Ja̧'hua̧nö̧ ja̧'a̧ttö̧ rö̧ȩnä̧ ku̧nä̧rö̧sä̧. Epafroditocu röjinä huecuhuinätucu iso päi'önä pärocuä rö̧ȩnä̧ ku̧nä̧rö̧sä̧. Ja̧u̧ huecuhuinätucua'a, ofrenda amehuoyattö ameu'a̧nö̧ ji̧na̧'a̧ ttörö. Ja̧'hua̧ta̧nö̧ sacrificio jȩpö̧ Dios eseunu amöcuädö'a̧nö̧ ji̧na̧'a̧.

Colosenses 1:24

Jitä ucuturu ppä'ädö, eseunu ubara ttu'usä. Ttömä ja̧'hua̧nö̧ ubara ttudomenä, Cristo jä̧ttä̧pä̧ya̧ huotörö, churutä esetätörö, ppä'ädö ubara ttuhuinö ta'anö, ttö'inä ppä'ädö ubara ttu'usä.

1 Tesalonicenses 2:8

Ucuturu rö̧ȩnä̧ repeta'attö, Dios i̧huȩnȩ ji'äu 'corupä'i'ätöjä ucuturu ppä'ädö. Iso päi'önä rö̧ȩnä̧ repe'ätöjä ucuturu.

2 Timoteo 4:6

Ttömä sacrificios jȩtta̧'a̧ jä̧'i̧nö̧'a̧nö̧ pä'i'ösä. Täcö a̧'u̧cua̧'a̧tä̧ ja̧'a̧ttö̧ hua'ö chi̧cuä̧cua̧sä̧ Dios i̧huȩnȩ jidähua'attö.

1 Pedro 2:5

Koro juäi isode ttaditö'a̧nö̧, Dios adihuode adita'anä, ucutu'inä ido'qui isode adicuo'qui jä̧'i̧nö̧'a̧nö̧ jö̧nä̧ ka̧cuä̧tu̧cui̧. Ja̧'hua̧ta̧nö̧ juhuode tta̧'ä̧rä̧tö̧mä̧, Dios aditö icuinä̧u̧mä̧, Jesucristorö esetö Dios öjö'cö juäi iyö ttö̧jö̧'a̧nö̧ ka̧cuä̧tu̧cui̧ ucutu'inä.

1 Juan 3:16

Jesucristo ujuturu 'corupäi'ina'attö, huo̧juä̧tö̧jä̧ iso päi'önä repe'ö pä'ö. Ja̧'hua̧nö̧ ja̧'a̧ttö̧ ujutu ubara ttuta'anä'inä, 'corujuotächome jubö cä'ädö ppätädö'a̧nö̧ ja̧'a̧ tö̧jä̧hua̧tö̧rö̧.