Filipenses 2:12 - TÄ̧DO Ä̧CUÄ̧ I̧HUȨNȨ

¹² Chö̧jä̧hua̧tö̧, ttömä ucutucu chö̧jo̧mȩnä̧, o'ca juiyönä huedinömä jȩpi̧nä̧tö̧jä̧. Ja̧'hua̧nö̧ ja̧'a̧ttö̧ jitä'inä ucututtu kara'a chö̧jo̧mȩnä̧, adiu jȩpä̧tu̧cui̧ huedinömä. Diosrö cuesetinätucuäcuru ye'ecu ttö̧'ä̧u̧nu̧ jȩpä̧tu̧cui̧.

Nuevo Testamento Uwotjüja

¹² Ja̧'wa̧nü̧ ja̧'a̧ttü̧, chawaruwä chi̧jä̧wa̧tü̧ 'kuäopünä̧ kukuotä'ijätukuta'anü̧ ukuotätukui, suro ttü ukutuku chü̧jo̧mȩnä̧tä̧mä̧kü̧, ttü otó chü̧jo̧mȩnä̧'i̧nä̧. Ye'ekunü̧, ukuotü aditätukui ra̧wä̧pi̧jü̧ttü̧ kki̧'ä̧kuä̧wä̧ ku̧ji̧pä̧tu̧kuä̧kuȩnä̧mä̧;

Filipenses 2:12 ပူးပေါင်းရင်းမြစ်များ

San Mateo 11:12

“Juan el Bautista ichinö o'ca'a jitä mo̧ro̧ päi'önä recuätömä jitötä ttamöcuädönä dottächa pä'ätödo Dios ö̧jo̧mȩ.

San Mateo 11:29

Ttö huedömä jȩpä̧tu̧cui̧. Ttörö topö huo̧jui̧pä̧tu̧cui̧. Ttömä korotörö eseunu amöcuädösä chami iso'quinä. Ttö adiunä kö̧sä̧ korotöcu. Ucutu cua̧'cua̧ru̧hua̧nä̧ eseäcuähuä cu̧'o̧cui̧'ä̧cuo̧tö̧jä̧ ttörö esetö.

Hechos 16:29

Ja̧'hua̧nö̧ ä̧ju̧cu̧, cärenä ttö̧'a̧'a̧ tta̧'ä̧rö̧mä̧ lámpara tti'cächipa pä'ö huopönö jopö do'ächi'ö, ye'önänö ttö̧'ä̧u̧ Pablocu, Silascu ttä'ca jo̧mȩ ihue'quiyunä kä̧mä̧di̧nö̧do.

Hechos 9:6

Ja̧'hua̧ ja̧'a̧ Saulo ye'ö ttö̧'ä̧hui̧nö̧do. Pä'inödo: —Chu̧ru̧hua̧, ¿däje jȩcha̧ päcuhuättö ttörömä? Ja̧'hua̧nö̧ ja̧'a̧ Tu̧ru̧hua̧ pä'inödo Saulorö: —Ä̧rä̧mi̧'ö̧ täi ötahuiyära̧'a̧. Juhua'attö ya̧tȩ ji̧ä̧huä̧cua̧jä̧ ucu jȩcu̧'ä̧cuȩmä̧.

Romanos 2:7

Korotö, adihuä juäi jȩpä̧tö̧rö̧, eseäcuähuä usätörö, ucuotäcuähuä usätörö, tta̧'cua̧rö̧ yoröiso beipächocö usätörö, jahuätörö Dios i̧yä̧cua̧ kä̧cuä̧huä̧ i'co.

1 Corintios 15:58

Ja̧'hua̧nö̧ ja̧'a̧ttö̧ adihuä chö̧jä̧hua̧tö̧, cuami 'qui'ächi'ö ka̧cuä̧tu̧cui̧ 'cuäopönä. Juhua'a yabonötä aditätucui Tu̧ru̧hua̧ aditähuä. Ucutu täcö huo̧juä̧tö̧jä̧, Tu̧ru̧hua̧cu̧ ji̧nä̧ yo̧mȩtȩ adicuämä adiunätä micuähua'a pä'ö.

1 Corintios 2:3

Rö̧ȩnä̧ amöcuädö ye'ecu, ttö̧'ä̧u̧nu̧ juiyupächi'önö ki̧nö̧sä̧ cu̧'quȩtȩtu̧cu̧nä̧.

1 Corintios 4:14

Pi̧yȩ huȩnȩ huȩyu̧to̧cö̧sä̧ ucuturu cudäpecuhuätucua pä'ömä. Chi̧tti̧mö̧rö̧ rȩni̧'ä̧tö̧rö̧ ppädäda'a jä̧'i̧nö̧'a̧nö̧, ucuturu ppädäda pä'ö huȩyu̧tu̧sä̧.

2 Corintios 7:15

Ja̧u̧'i̧nä̧ ucuturu repe'ö ucuturu jiähuomenä jȩcu̧'i̧nä̧tu̧cu̧ ta'anö amöcuädö. Ja̧'hua̧ta̧nö̧ ye'ecunänö usurä isotö ta'anö kä̧nö̧, ja̧u̧ru̧ ä̧ju̧cu̧ ppäcuhuädinätucu ta'anö eseunu amöcuädö ja̧u̧mä̧.

Efesios 6:5

Korotö huettö aditätömä, Cristo i̧huȩnȩ päö ta'anö jȩcu̧'ä̧tu̧cu̧'a̧nö̧, adiu ucuotönö'inä, ye'ecunu'inä adiu jȩpä̧tu̧cui̧ o'ca juiyönä pi̧jä̧ttö̧ cu̧ru̧hua̧ hueömä.

Filipenses 1:27

Ucutumä adiu ka̧cuä̧tu̧cui̧ 'cuäopönä, Cristo i̧huȩnȩ päö ta'anö. Ja̧'hua̧nö̧ cu̧ja̧cuä̧tu̧cuo̧mȩnä̧, ucuturu pä'äji ta'anö tochöttö'inä, tochö juiyöttö'inä, jittähua'a chä̧ju̧cua̧ pä'ösä ucuturu, adiu ji̧nä̧ yo̧mȩtȩ ttami 'qui'ächi'ö Dios i̧huȩnȩ esetö, adiu surojöcu rohuäu, ji'ähuätö pä'ö.

Filipenses 1:29

Ucutumä Cristorö cuesetätucuomenä, churu pä̧huä̧ rö̧jo̧mȩnä̧ esetötä esetocotöjä. Ubara'inä ttu'ätöjä ja̧u̧ru̧ esetö.

Filipenses 1:5

Iso päi'önä äcuomenä cuesetinätucu mo̧ro̧ kä̧mä̧dö̧, jitä mo̧ro̧ päi'önä, ji̧nä̧ yo̧mȩtȩ Dios i̧huȩnȩ aditätöjä.

Filipenses 1:6

Huo̧jua̧sä̧ Dios äcuomenä adihuä juäi aditinö cuami iso'quitucunä, ji̧nä̧ isocu aditö ppä̧dä̧cua̧ ucuturu rö̧ä̧chi̧'ö̧nä̧, Jesucristo ichä̧cuȩ mo̧ro̧ päi'önä.

Filipenses 2:19

Tu̧ru̧hua̧ Jesúsru pä̧huä̧ rö̧jö̧ttö̧mä̧, yodojinänö Timoteorö hueda pä'ösä, ucuturu topö icha pä'ö. Ja̧'hua̧nö̧ ucutu cu̧ja̧cuä̧tu̧cu̧ huȩnȩ ä̧ju̧cu̧ chȩsȩhuä̧cua̧sä̧.

Filipenses 4:1

Ja̧'hua̧nö̧ ja̧'a̧ttö̧ adihuä chö̧jä̧hua̧tö̧, iso päi'önä ucuturu repe'ö tocha pä'ösä. Ucuturu topö eseusä. Ja̧'hua̧ta̧nö̧ ucutumä chaditinö micuä huotöjä. 'Cuäopönä Tu̧ru̧hua̧rö̧ esetö, cuami 'qui'ächi'ö ka̧cuä̧tu̧cui̧, chahuaruhuä chö̧jä̧hua̧tö̧.

Filipenses 4:15

Ucutu Filipos ötahuiyättö huo̧juä̧tö̧jä̧, äcuomenä Macedonia rȩjȩttö̧ rä'opö, ttö̧ja̧ suronä jȩttö̧ jȩpö̧ icu huȩnȩ ji'äu chi̧'cho̧mȩnä̧, ucututä iglesiattö ttörö ppä'ädö iyinätöjä, ucuturu adihuä huȩnȩ ji'äu ppädädinö o'ca'a. Korotömä yoröiso ppä'ädocotö pi̧nä̧tö̧.

1 Tesalonicenses 1:3

Tä'o Dios ä'ca jo̧mȩttö̧ amöcuädätöjä ucutu Diosrö adiu esetö cuaditätucua'a. Ja̧'hua̧ta̧nö̧ ucutu cuahuaruhuärö adiu repe'ö cuaditätucua'a amöcuädätöjä. Ja̧'hua̧ta̧nö̧ cuami 'qui'ächi'ö kä̧nö̧, Tu̧ru̧hua̧ Jesucristorö adiu tta̧cu̧huä̧rä̧tu̧cua̧'a̧ amöcuädätöjä.

2 Timoteo 2:10

Ja̧'hua̧nö̧ ja̧'a̧ttö̧ Dios ȩmi̧nä̧u̧ru̧ amöcuädö, o'ca juiyönä ubara ttu'usä. Ja̧'hua̧nö̧ ubara ttu'usä jahuätö'inä Cristo Jesúsru esetö adihuä kä̧cuä̧huä̧ huȩnȩ ttö̧ja̧ suronä jȩttö̧ jȩpö̧ icu huȩnȩ, ttu̧ju̧nä̧ra̧ pä'ö.

Hebreos 12:1

Ja̧'hua̧nö̧ ja̧'a̧ttö̧ ujutu tä̧do̧tö̧ mi̧nä̧, recuätö ja̧'hua̧nö̧ rö̧ȩnä̧ ttesetina'a amöcuädö, o'ca juiyönä ta̧mö̧cuä̧rö̧'i̧nä̧, suronä jȩtö̧ ujuturu 'chu̧huä̧rö̧'i̧nä̧, pporädö icu, tami 'qui'ächi'ö kä̧nö̧, juhua'a yabonö adiu jotätucuaja.

Hebreos 4:1

Dioscu 'cuätächi'a päinö huȩnȩ ji̧nä̧ tu̧ju̧nä̧ro̧mȩnä̧, adiu tta̧'ä̧rä̧cuä̧u̧ tö̧ja̧cu̧'a̧nö̧ ja̧'a̧, ya̧tȩ ucututtu ö̧ji̧pö̧ juiyönä o'ca toi'önä docuhuächätucuäcua'a̧nö̧.

Hebreos 4:11

Dioscu 'cuä'ächi'ö dotächa pä'ö juruhuächi'ö taditätucuaja. Jahuätö jarodinätö jȩtti̧nö̧'a̧nö̧mä̧, jȩtö̧ juiyö'a̧nö̧ ja̧'a̧.

Hebreos 5:9

Ja̧'hua̧nö̧ huo̧jui̧pö̧, yoröiso adihuä i̧sa̧ pä'i'inödo. Jitämä chutä kä̧cuä̧huä̧ i'co iyödo, o'ca toi'önä ja̧u̧ru̧ esetätörö.

1 Pedro 2:11

Adihuä chö̧jä̧hua̧tö̧, ucuturu pä'ösä, korotö tti̧rȩjä̧ttö̧ ichö ttö̧jö̧'a̧nö̧, cua̧'cua̧ru̧hua̧nä̧ rohuäcuähuä, pi̧jä̧ttö̧ amöcuädäcuähuä, cuamöcuädätucuä'.

2 Pedro 3:18

Tu̧ru̧hua̧ Jesucristorö juhua'a yabonö adiunä huo̧jui̧pä̧tu̧cui̧. Ja̧'hua̧ta̧nö̧ juhua'a yabonö esehuätucui Tu̧ru̧hua̧rö̧. Jitä'inä, yodoji'inä tesehuäcuähuätucuaja ja̧u̧ru̧tä̧ 'cuäopönä. Amén.