Filipenses 1:6 - TÄ̧DO Ä̧CUÄ̧ I̧HUȨNȨ

⁶ Huo̧jua̧sä̧ Dios äcuomenä adihuä juäi aditinö cuami iso'quitucunä, ji̧nä̧ isocu aditö ppä̧dä̧cua̧ ucuturu rö̧ä̧chi̧'ö̧nä̧, Jesucristo ichä̧cuȩ mo̧ro̧ päi'önä.

Nuevo Testamento Uwotjüja

⁶ Chu̧wo̧juä̧u̧nä̧ jä̧ku̧sä̧ isopäi'ünä̧ ukutunä̧ adiwä juei jȩpi̧nü̧mä̧, yabonü̧ aditü ikuäkua̧ pä'ü, Jesucrito ppa̧wä̧chä̧kuȩ mo̧ro̧bü päi'ünä̧.

Filipenses 1:6 ပူးပေါင်းရင်းမြစ်များ

San Juan 6:29

Jesús jahuätörö ädätinödo: —Dios pä̧huä̧ rö̧jä̧cu̧ chutä hueinäcuru cuesetätucua pä'ö.

Hechos 11:18

Jesucristorö esetätömä, Jerusalén ötahuiyänä ka̧cuä̧tö̧mä̧, Pedro päa'a ttä̧ju̧cuo̧mȩnä̧, juhua'a yabonö pä'ocotö pi̧nä̧tö̧do. Eseunu ucuocuinätödo Diosrö. Pä'inätödo: —Diosmä judíos huocotörö'inä iyö pärocuäcutä ttamöcuäda pä'ö, kä̧cuä̧huä̧ i'co ttu̧ju̧nä̧ra̧ pä'ö.

Hechos 16:14

Juhua'attö yajute Lidia pä'ö micuaju, Tiatira ötahuiyättö ichinäjumä, pö̧jä̧ta̧ adihuä̧ta̧ ja̧'tu̧nä̧nö̧ tu̧huä̧ta̧ iyä'ijäjumä ki̧nä̧ju̧. Yaju'inä Diosrö ucuocuä'ijäju ji̧na̧'a̧. Pablo ucuocuäjimä adiu ä̧ju̧cui̧nä̧ju̧. Dios 'cucuächi'önä kä̧ju̧cua̧ pä'ö jȩpi̧nö̧, Pablo jiähuäji keseta pä'ö.

1 Corintios 1:8

Dios cuami 'qui'ächi'ö cu̧ja̧cuä̧tu̧cua̧ pä'ö tta̧huä̧rä̧cua̧ ucuturu röji mo̧ro̧ päi'önä, Tu̧ru̧hua̧ Jesucristo ichö mo̧ro̧ päi'önä, yoröiso suronä ttucuocu juiya pä'ö ucuturu.

2 Corintios 1:15

Ja̧'hua̧nö̧ amöcuädö, ä'canä ucuturu todärenä dodächa pä'ö amöcuädinösä cuesehuätucua pä'ö.

2 Corintios 2:3

Ja̧'hua̧nö̧ ja̧'a̧ttö̧ chi̧huȩyu̧ti̧nö̧ ta'anö, huȩyu̧ti̧nö̧sä̧ ucuturu. Cha̧'cua̧ tta̧dȩcua̧ pä'ö jidähua pä'ocö pi̧nö̧sä̧. Ucuturu amöcuädö cheseu'a̧nö̧ ja̧'a̧ pä'inösä. Ja̧'hua̧ta̧nö̧ huo̧jua̧sä̧, ttö chesehuomenä, ucutu'inä o'ca toi'önä cuesehuäcuotöjäcö̧ pä'inösä.

2 Corintios 7:16

Ttö'inä ja̧'hua̧nö̧ amöcuädö ucuturu, rö̧ȩnä̧ eseusä.

2 Corintios 9:4

Ja̧'hua̧ta̧nö̧ korotö Macedonia rȩjȩttö̧ ttöcu cue'ächätö, ucuturu cuiyätucuoca'a tottöttömä, ja̧u̧ yapareu ji'ähuinö pä'ö amöcuädätö a̧'cua̧ra̧'a̧. Ja̧'hua̧nö̧ tottöttömä, ttömä juiyo dä'äcuajisä, ucuturu rö̧ȩnä̧ eseunu chucuocuinö o'ca'a. Ucutu'inä juiyo dä'äcuajatöjä a̧'cua̧ra̧'a̧.

Gálatas 5:10

Ucuturu amöcuädö, Tu̧ru̧hua̧rö̧ ji̧nä̧ ya̧tȩrö̧ teseta'attö, ucutu i̧mi̧cu̧nä̧ huȩnȩ amöcuädocotöjä huo̧jua̧sä̧. Iso päi'önä Dios ö̧tä̧bo̧tä̧cua̧ ja̧u̧ru̧ ucuturu ja̧'hua̧nö̧ i̧mi̧cu̧nä̧ huo̧juȩtö̧rö̧.

Efesios 4:12

Ja̧'hua̧nö̧ iyinödo, i̧tti̧mö̧ aditö ppättäda pä'ö korotörö, Dios i̧huȩnȩ rö̧ä̧cha̧ pä'ö.

Filipenses 1:10

Ja̧'hua̧nö̧ huo̧jui̧pö̧ koro adiutä jȩcu̧'ä̧tu̧cuä̧cua̧'a̧nö̧. Ja̧'hua̧nö̧ ja̧'a̧ttö̧ adiu cu̧ja̧cuä̧cuo̧tö̧jä̧, koro juäi pättoca'anä ucuturu, Cristo ichä̧cuȩ mo̧ro̧ päi'omenä.

Filipenses 1:29

Ucutumä Cristorö cuesetätucuomenä, churu pä̧huä̧ rö̧jo̧mȩnä̧ esetötä esetocotöjä. Ubara'inä ttu'ätöjä ja̧u̧ru̧ esetö.

Filipenses 2:12

Chö̧jä̧hua̧tö̧, ttömä ucutucu chö̧jo̧mȩnä̧, o'ca juiyönä huedinömä jȩpi̧nä̧tö̧jä̧. Ja̧'hua̧nö̧ ja̧'a̧ttö̧ jitä'inä ucututtu kara'a chö̧jo̧mȩnä̧, adiu jȩpä̧tu̧cui̧ huedinömä. Diosrö cuesetinätucuäcuru ye'ecu ttö̧'ä̧u̧nu̧ jȩpä̧tu̧cui̧.

Filipenses 2:13

Chutä Diostä ucuturu iyö adiu amöcuädäcuähuä. Ja̧'hua̧ta̧nö̧ ja̧u̧tä̧ ucuturu ppä'ädö churutä pä̧huä̧ rö̧jo̧mȩnä̧, adiu amöcuädäcuähuä jȩcu̧'ä̧tu̧cua̧ pä'ö.

Colosenses 2:12

Ja̧'hua̧ta̧nö̧ bautizado cu'ätucuomenä, Cristocu 'corupä'i'ätö jä̧'i̧nö̧'a̧nö̧ jȩpi̧nä̧tö̧jä̧. Ja̧'hua̧ta̧nö̧ ja̧u̧cu̧ tto'ächätö jä̧'i̧nö̧'a̧nö̧ jȩpi̧nä̧tö̧jä̧. Ja̧'hua̧nö̧ ji̧na̧'a̧ ucuturu, ja̧u̧ru̧, tto'ächinörö, Dios ujurunä cuesetätucuomenä.

1 Tesalonicenses 1:3

Tä'o Dios ä'ca jo̧mȩttö̧ amöcuädätöjä ucutu Diosrö adiu esetö cuaditätucua'a. Ja̧'hua̧ta̧nö̧ ucutu cuahuaruhuärö adiu repe'ö cuaditätucua'a amöcuädätöjä. Ja̧'hua̧ta̧nö̧ cuami 'qui'ächi'ö kä̧nö̧, Tu̧ru̧hua̧ Jesucristorö adiu tta̧cu̧huä̧rä̧tu̧cua̧'a̧ amöcuädätöjä.

2 Tesalonicenses 1:11

Ja̧u̧ 'cuäopä̧cuȩ amöcuädö, 'cuäopönä Diosrö ucuocu jä'epätöjä ucuturu, churutä pä̧huä̧ rö̧jo̧mȩnä̧ ȩmi̧na̧'a̧ttö̧, adiu jȩpö̧ cu̧ja̧cuä̧tu̧cua̧ pä'ö. Ja̧'hua̧ta̧nö̧ Diosrö ucuocu jä'epätöjä o'ca juiyönä adiu cuamöcuädätucu'inä, churutä esetö cuaditätucu'inä chutä ujurunä ppäda pä'ö ucuturu.

2 Tesalonicenses 3:4

Ujutu Tu̧ru̧hua̧rö̧ ta̧'cua̧ huȩnä̧rö̧ ucuturu amöcuädätöjä, ujutu jitähuinömä jȩpö̧ ttö̧ja̧cuä̧cuo̧tö̧ pä'ö.

Filemón 1:21

Pi̧yȩ cuyäru chi̧huȩyu̧to̧mȩnä̧, huo̧jua̧sä̧ ucu jȩcu̧'ä̧cuȩ o'ca juiyönä. Ja̧'hua̧ta̧nö̧ ttö huedöttö'inä abonänö rö̧ȩnä̧ jȩcu̧'ä̧cua̧jä̧.

Hebreos 10:35

Ja̧'hua̧ ja̧'a̧ttö̧ ja̧u̧ cuesetätucumä, jarocuhui'ätucuä'. Ja̧u̧ cuesetätucumä, adihuä juäi i̧'cä̧chä̧cua̧ ucuturu.

Hebreos 12:2

Jesús, ujutu tesetäcuru, ujuturu aditö icuru, adiunätä to̧tä̧rä̧tu̧cua̧ja̧. Jesús dau isodänä kä̧nö̧ 'corupäi'omenä, ja̧'hua̧nö̧ 'corupä'i'ö ödäpecua pä'ö amöcuädoca'a ubara ttu'inödo. Chutä huo̧jui̧nö̧do ja̧'hua̧nö̧ ubara ttudu o'ca'a chȩsȩhuä̧cua̧sä̧ pä'ö. Ja̧'hua̧ta̧nö̧ Dios ö̧'o̧mȩ u̧huo̧jua̧'a̧nä̧ pä̧mä̧di̧nö̧do.

1 Pedro 5:10

Ucutu a̧'u̧cu̧nä̧tä̧ ubara ttucuhuätucu o'ca'a, Dios cujuru'inä iyäcuotöjä. Ja̧'hua̧ta̧nö̧ cuami 'qui'ächi'ö cu̧ja̧cuä̧tu̧cua̧ pä'ö ȩmä̧cuo̧tö̧jä̧. Ja̧u̧tä̧ Dios o'ca juiyönä ppä'ädö ujuturu. Ujuturu ȩmi̧nö̧, Jesucristocu eseunu tö̧ja̧cua̧ pä'ö 'cuäopönä.

2 Pedro 3:10

Tta̧ttä̧ro̧cö̧ mo̧ro̧ i̧chä̧cua̧do Tu̧ru̧hua̧mä̧. Nä̧u̧cuä̧rä̧tö̧ yodo ttichö'a̧nö̧, i̧chä̧cua̧do. Mo̧ro̧jä̧ra̧'a̧ttö̧ juruhuächi'ö ucuocuäcua'ado. Mo̧ro̧jä̧nä̧ ka̧cuä̧tö̧mä̧ kä̧hua̧tö̧'i̧nä̧, si̧ri̧'cö̧'i̧nä̧ o'ca toi'önä ocuränä cuo'ö icu bettipächäcuotödo. Pi̧jä̧ rȩjȩ'i̧nä̧, pi̧jä̧nä̧ ka̧cu̧'i̧nä̧ o'ca juiyönä cuo'ö icu beipächä̧cuȩdo.