Filipenses 1:20 - TÄ̧DO Ä̧CUÄ̧ I̧HUȨNȨ

²⁰ Ttömä yoröiso dä'ä juiyönä chö̧ja̧ pä'ösä. Jitämä suronä 'cuädopa'anä, 'cuäopönä yecuäcuähuä juiyönä jidähua pä'ösä Cristo i̧huȩnȩ, jidähuinö ta'anö. Ja̧'hua̧ta̧nö̧ chö̧jö̧ttö̧'i̧nä̧, 'corupädi'öttö'inä, korotömä ttörö topö, Cristorö ttesehuäcuähua pä'ösä.

Nuevo Testamento Uwotjüja

²⁰ Ja̧'wa̧ta̧nü̧ rü̧ȩnä̧ tta̧'ä̧rü̧sä̧, Dio-mä̧ suronä̧ chü̧ji̧pü̧nä̧mä̧ ja̧'a̧tä̧ tookä̧kua̧sä̧ pä'ü; pärokua'akutä jua̧u̧ ja̧jü̧ jueimä̧ Crito-mä̧ ji̧yȩnä̧tä̧ uruwo i̧jȩpä̧kua̧ chidepänä̧mä̧, cha̧'kua̧ra̧ja̧ pä'ü'i̧nä̧, 'korujuodächaja pä'ü'i̧nä̧, jü̧nä̧.

Filipenses 1:20 ပူးပေါင်းရင်းမြစ်များ

San Juan 21:19

Ja̧'hua̧nö̧ päomenä, Jesús ji'ähuinödo jahuätörö Pedro 'corupäi'ä̧cuȩ huȩnȩ. Ja̧'hua̧ta̧nö̧ ja̧'hua̧nö̧ 'corujuoächomenä, korotö Dios öadihuä tottäcua'a pä'ö ji'ähuinödo Jesús. Ja̧u̧nu̧ o'ca'a pä'inödo Pedrorö: —¡Ttöcu cue'ächi!

Hechos 20:24

Ja̧'hua̧nö̧ ja̧'a̧nä̧'i̧nä̧ 'corupädi'öttömä, huäinä ja̧'a̧. Pi̧yȩtä̧ pä̧huä̧ rö̧jä̧cu̧sä̧. Eseunu jo̧mȩ päi'önä cädäda pä'ösä chaditähuä, Tu̧ru̧hua̧ Jesús chadita pä'ö hueinömä. Tu̧ru̧hua̧ Jesús hueinäcusä adihuä huȩnȩ, Dios ppädäcuähuä huȩnȩ, jidähua pä'ö.

Hechos 21:13

Ja̧'hua̧nö̧ ja̧'a̧ Pablo ädätinö: —¿Dä̧bö̧ cuajuähuätucuättö? ¿Dä̧bö̧ cha̧'cua̧ tta̧dȩcu̧nä̧ jȩcu̧'ä̧tu̧cuä̧ttö̧? Jerusalén ötahuiyättö Tu̧ru̧hua̧ Jesús i̧huȩnȩ jidähua'attö ttörö ttönö'ca pä'ö'inä 'corupädi'a pä'ömä täcö jo̧mȩ päi'önä kö̧sä̧.

Hechos 4:31

Diosrö ucuocu cättädomenä, ttö̧'ö̧jo̧mȩ ttö̧ȩpi̧na̧'a̧do. O'ca toi'önä Espíritu Santo ujuru rö̧ȩnä̧ ttu̧ju̧nä̧ra̧'a̧ttö̧, yettoca'a ji'ähuinätödo Dios i̧huȩnȩ.

Romanos 12:1

Ja̧'hua̧nö̧ ja̧'a̧ttö̧ ttö chö̧jä̧hua̧tö̧, Dios ujuturu re rö̧jö̧nä̧ toa'attö, pä'ösä ucuturu: Sacrificios päi'önä ttiya'a jä̧'i̧nö̧'a̧nö̧ iyäcuähuätucui Diosrö ji̧nä̧ cua̧'cua̧rä̧i̧. Churutä pä̧huä̧ rö̧jö̧tä̧ jȩpä̧tu̧cui̧, chutä esehuäcua'a̧nö̧ ucuturu. Adiu amöcuädätömä, ja̧'hua̧nö̧ jȩttö̧'a̧nö̧ ja̧'a̧.

Romanos 5:5

Ja̧'hua̧nö̧ eseunu tta̧tä̧ro̧mȩnä̧, ta̧'cua̧ tta̧'ȩcuo̧co̧tö̧jä̧. Dios ujuturu repe'ö, tami iso'qui suhuädi'önä Espíritu Santorö iyinä̧u̧jä̧.

Romanos 6:13

Cuamönä cuiyäcuähuätucuä' suronä jȩcu̧'ä̧tu̧cua̧ pä'ö. 'Corupä'i'ö'cotö tto'ächätö jä̧'i̧nö̧'a̧nö̧ jö̧nä̧ Diosrö iyäcuähuätucui. Cuamönä cuidepä iyäcuähuätucui Diosrö, adiu jȩcu̧'ä̧tu̧cua̧ pä'ö.

Romanos 6:19

Ja̧'hua̧nö̧ chucuocuomenä, pi̧jä̧ ttö̧ja̧ ttamöcuädö'a̧nö̧ ucuocusä, adiu cuä̧ju̧cuä̧tu̧cuo̧ca̧'a̧ttö̧. Ä'coji cuamönä iyäcuähuinätöjä suronä jȩä̧cuä̧huä̧nä̧, pi̧jä̧ttö̧ surojö jȩcu̧'ä̧tu̧cua̧ pä'ö. Ja̧'hua̧nö̧ ja̧'a̧nä̧ ucutu cuamönä iyäcuähuätucui cua̧'cua̧ adiu jȩpö̧ cu̧ja̧cuä̧tu̧cua̧ pä'ö, Diosrö pä̧huä̧ rö̧jö̧nä̧tä̧ cu̧ja̧cuä̧tu̧cuä̧cua̧'a̧nö̧.

Romanos 8:19

O'ca juiyönä pi̧jä̧nä̧ ka̧cua̧'a̧ pä'ö Dios jȩi̧nö̧mä̧, rö̧ȩnä̧ amöcuädö tta̧huä̧ra̧'a̧ Dios i̧tti̧mö̧rö̧ i̧jȩpä̧cuȩ mo̧ro̧.

Romanos 9:33

Huȩyu̧cuä̧ Huȩnȩnä̧ juhuo'quinä pä'ö huȩyu̧cua̧'a̧: Ttö rötösä Siónnä ido'qui 'tö̧'ȩpö̧ ma̧ä̧huo'qui jä̧'i̧nö̧'a̧nö̧ hua̧rö̧. Ja̧u̧ru̧ esetömä, dä'ä ttu'ocö, huȩyu̧cua̧'a̧.

1 Corintios 15:31

'Cuäopönä pä'ösä: “Jitä mo̧ro̧ 'co̧ru̧pä̧di̧'ä̧cua̧sä̧cö̧.” Ja̧'hua̧nö̧ ja̧'a̧ttö̧ chö̧jä̧hua̧tö̧, ja̧'hua̧nö̧ pä'ösä ucuturu eseunu amöcuädö Tu̧ru̧hua̧ Jesucristorö cuesetiniyätucuäcu.

1 Corintios 6:20

Dios rö̧ȩnä̧ mitö ȩmi̧nä̧u̧jä̧. Ja̧'hua̧nö̧ ja̧'a̧ttö̧ cuamönätucu jättäpäyotönä'inä, cua̧'cua̧ru̧hua̧tu̧cu̧nä̧'i̧nä̧ ji̧nä̧ ji̧yȩtȩnä̧ adiu esehuätucui Diosrö.

1 Corintios 7:34

Ja̧'hua̧ta̧nö̧ ja̧'a̧nä̧ nä̧tö̧'i̧nä̧, yajute kirecuo to'aju, Tu̧ru̧hua̧rö̧ adiu amöcuädö jȩpä̧ju̧, Dios ä'ca jo̧mȩttö̧ adiu kö̧jä̧cua̧'a̧nö̧ ka̧'cua̧ru̧hua̧nä̧'i̧nä̧, jättäpäyajunä'inä. Ja̧'hua̧ta̧nö̧ kirecuoru ku̧nä̧rä̧ju̧, pi̧jä̧ jähuä amöcuädö jȩpä̧ju̧, kirecuo esehua pä'ö jahuäjuru.

2 Corintios 10:8

Ja̧'hua̧ta̧nö̧ Cristo ujuturu hueinö huȩnȩ rö̧ȩnä̧ chucuocuttumä, yoröiso dä'äcuocösä. Tu̧ru̧hua̧ ja̧'hua̧nö̧ hue'inö ujuturu, ppätäda pä'ö ucuturu, juhua'a yabonö rö̧ä̧chö̧nä̧ cuesetätucua pä'ö be'epäjipö ticua pä'ömäcö̧.

2 Corintios 3:12

Iso päi'önä ujutumä ja̧u̧ tta̧tä̧ra̧'a̧ttö̧, yecuäcuähuä juiyönä ji'ähuätöjä.

2 Corintios 4:10

'Cuäopönä Jesúsru cuä'ö tticuinö ta'anö, ujuturu'inä cuä'ö tticua pätta'anä, cue'ächätöjä. Ja̧'hua̧nö̧ cue'ächö, korotö Jesús ö̧ji̧nö̧mä̧ tottäcuotö ujuturu topö.

2 Corintios 5:15

Chutä Cristo o'ca toi'önärö repe'ö, 'corupä'i'inödo, jitä ka̧cuä̧tö̧ jitötä ttamönä ttamöcuädönä ttö̧jö̧ juiya pä'ö. Churutä, 'corupä'i'äji'ca̧ tto'ächinörötä, ttamöcuäda pä'ö pä̧huä̧ rö̧jä̧cu̧.

2 Corintios 7:14

Ucuturu eseunu amöcuädösä pä'ö jidähuomenä Titorö, iso päi'önä adiu ji'ähuinösä. Ucuturu o'ca juiyönä jitähuinömä, iso päi'önä huȩnȩ ji̧nö̧ ji'ähuinätöjä. Ja̧'hua̧ta̧nö̧ ucuturu tesehua'a Titorö jitähuomenä, iso päi'önätä ji'ähuinätöjä.

2 Corintios 7:4

Juiyo eseunu amöcuädösä ucuturu. Rö̧ȩnä̧ ubara ttutomenä'inä, adiunä eseunu chami 'qui'ächi'ö kö̧sä̧.

Filipenses 1:14

Ttörö, cärenä chö̧'a̧'a̧ topö, recuätö tö̧jä̧hua̧tö̧ Diosrö rö̧ä̧chi̧'ö̧nä̧ esetö, Jesucristorö tta̧'cua̧ huȩnä̧rö̧ yecuäcuähuä juiyönä ji'ähuätö Dios i̧huȩnȩ.

Filipenses 2:17

Ucutu Diosrö cuesetätucuomenä, sacrificio jȩtti̧nö̧'a̧nö̧ ttö chucuoja erönä cuä'ö tticuttu'inä, adihuajacusä. Ja̧'hua̧nö̧ ja̧'a̧nä̧ ucutucu'inä o'ca toi'önä chȩsȩhuä̧cua̧sä̧.

Colosenses 1:24

Jitä ucuturu ppä'ädö, eseunu ubara ttu'usä. Ttömä ja̧'hua̧nö̧ ubara ttudomenä, Cristo jä̧ttä̧pä̧ya̧ huotörö, churutä esetätörö, ppä'ädö ubara ttuhuinö ta'anö, ttö'inä ppä'ädö ubara ttu'usä.

1 Tesalonicenses 5:23

Dios, tami iso'quinä eseunu kä̧cuä̧huä̧ iyömä, adiunätä jȩcu̧'ä̧tu̧cua̧ pä'ö ppädäcua'a̧nö̧ ucuturu. Ja̧'hua̧ta̧nö̧ Tu̧ru̧hua̧ Jesucristo ichome jubö päi'önä, surojö juiyönä tta̧huä̧rä̧cua̧'a̧nö̧ cua̧'cua̧rö̧'i̧nä̧, cua̧'cua̧ru̧hua̧rö̧'i̧nä̧, jättäpäyotörö'inä.

1 Pedro 4:16

Ya̧tȩ Diosrö esetö kä̧nö̧ ubara ttuttumä, yoröiso dä'äcuocö pa̧ji̧. Dios i̧mi̧nä̧ eseta'attö, Diosrötä esehuäcua'a̧nö̧.

1 Juan 2:28

Ja̧'hua̧ ja̧'a̧ chi̧tti̧mö̧ huotö, Jesucristocu ka̧cuä̧tu̧cui̧, ja̧u̧tä̧ i̧jȩcua̧'a̧ totomenä tesehuätucua pä'ö, ja̧u̧tä̧ ä'ca jo̧mȩttö̧ tödäpecu juiya pä'ö ichomenä.