Filipenses 1:19 - TÄ̧DO Ä̧CUÄ̧ I̧HUȨNȨ

¹⁹ Ucutu ttörö Diosrö jä'epö cucuocuätucuomenä, Espíritu Santo'inä ppädomenä, adiu rä̧do̧pä̧cua̧sä̧ pä'ö, huo̧jua̧sä̧.

Nuevo Testamento Uwotjüja

¹⁹ pi̧yȩmä̧ o'kajuiyünä̧tä̧, Dio-rü kukuokuätukua'attü̧, Jesucrito a̧'kua̧ru̧wa̧ Epíritu-nä̧ ppäda'attü rädopä̧kua̧sä̧ kärenä̧ttü̧mä̧ pä'ü wo̧jua̧sä̧.

Filipenses 1:19 ပူးပေါင်းရင်းမြစ်များ

Hechos 16:7

Misia rȩjȩ pätecuänö 'chä̧hui̧'i̧nä̧tö̧do. Bitinia rȩjȩra̧'a̧ dottächa pätta'anä, Espíritu Santo ju̧huȩnȩmä̧ hue'ocö pi̧nö̧do.

Romanos 8:28

Ujutu huo̧juä̧tö̧jä̧ o'ca juiyönä Diosrö repe'ätörö, chutä amöcuädö huoinä̧u̧ru̧ 'cuäopömä Espíritu Santo ppäda'attö, adihua'a pä'ö.

Romanos 8:9

Espíritu Santo ucutucu ö̧jö̧ttö̧mä̧, ucutu cuamönä cuidepä pä̧huä̧ rö̧jö̧nä̧tä̧ ko̧co̧tö̧jä̧. Espíritu Santo pä̧huä̧ rö̧jö̧nä̧tä̧ ka̧cuä̧tö̧jä̧. Ja̧'hua̧ta̧nö̧ Espíritu Santo to̧'a̧mä̧, Cristo u̧mö̧huä̧ya̧mä̧cö̧.

1 Corintios 4:17

Ja̧'hua̧nö̧ ja̧'a̧ttö̧ Chu̧ru̧hua̧nä̧ chi̧tti̧ rȩni̧'a̧rö̧, adiu jȩpö̧rö̧, Timoteorö hue'ösä ucuturu. Ja̧u̧tä̧ jiä̧huä̧cua̧ ucuturu Cristorö esetö chö̧jö̧ huȩnȩ'i̧nä̧, o'ca juiyönä pa̧ja̧cu̧nä̧ iglesias ruhuärö jidäu huȩnȩ'i̧nä̧.

2 Corintios 1:11

Ja̧'hua̧nö̧ ja̧'a̧ttö̧ ucutu'inä Diosrö cucuocuätucuaja ujuturu. Ja̧'hua̧ta̧nö̧ recuätö Diosrö ttucuocuomenä, Dios ujuturu ppäda'a topö, recuätö ttesehuäcuotö Diosrö.

Gálatas 3:5

Dios ucuturu Espíritu Santorö'inä iyomenä, ucutu cu̧'quȩtȩtu̧cu̧nä̧ ttö̧ja̧ ttieru juäi'inä jȩo̧mȩnä̧, ¿dä̧bö̧ jȩa̧'a̧jä̧ttö̧ Dios ja̧u̧mä̧? Hueähuä huȩnȩ jȩcu̧'i̧yä̧tu̧cuä̧cu̧mä̧ jȩpo̧cö̧ ja̧u̧mä̧. Ja̧u̧mä̧ ja̧'hua̧nö̧ jȩpö̧ ucutu ujuturu ä̧ju̧cu̧ cuesetiniyätucuäcu.

Gálatas 4:6

Ja̧'hua̧nö̧ ja̧'a̧ttö̧ iso päi'önä chutä i̧tti̧mö̧ cu'ätucua'a cu̧huo̧juä̧tu̧cua̧ pä'ö, Espíritu Santorö iyinö cuami iso'quitucunä. Ja̧u̧ Espíritu Santo pä'ö: “¡Ttö Chä'o Dios!”

Filipenses 1:18

¿Tta̧'a̧nö̧ pä'ö? Huäinä ttucuocuä. Adiunä'inä ttucuocuttumä, a'cuoyäunu ttucuocuttumä, Cristo i̧huȩnȩ ucuocuätö. Ja̧'hua̧nö̧ ja̧'a̧ttö̧ ttucuocua'a eseusä. Koronö'inä chȩsȩhuä̧cua̧sä̧.

1 Pedro 1:11

Espíritu Santo ä'canä u̧huo̧juȩti̧nä̧u̧do jahuätörö Cristo ubara ttuhuä̧cuȩ huȩnȩ. Ja̧'hua̧ta̧nö̧ ubara ttuhuäji o'ca'a, eseäcuähuä huȩnȩ'i̧nä̧ u̧huo̧juȩti̧nä̧u̧do. Jahuätö jä'epinätödo: “¿Dirö ucuocua'attö pi̧yȩmä̧?” Ja̧'hua̧ta̧nö̧: “Ja̧u̧mä̧, ¿ti̧yȩnö̧ jä̧cuȩttö̧?” pä'ö jä'epinätödo.