Efesios 6:9 - TÄ̧DO Ä̧CUÄ̧ I̧HUȨNȨ

⁹ Ucutu'inä ruhuotö, cumöhuäyotörö adiunätä jȩpö̧ ka̧cuä̧tu̧cui̧, suronä ro̧cu̧huȩpä̧tu̧cuo̧ca̧'a̧nä̧. Amöcuädätucui, ucutu'inä, cumöhuäyotö'inä ya̧tȩrö̧tä̧, mo̧ro̧jä̧nä̧ kö̧rö̧, adihuä Tu̧ru̧hua̧rö̧ ku̧nä̧rä̧tö̧jä̧. Chutä tomenä, o'ca toi'önä yorätehuätöjä.

Nuevo Testamento Uwotjüja

⁹ Ja̧'wa̧ta̧nü̧ ukutu tturuwotümä̧, ku̧wo̧juȩtä̧u̧rü ja̧'wa̧ta̧nü̧ jȩpä̧tu̧kui̧, yekuepe'ätukuoka'a. Amükuädätukui ukutu Ku̧ru̧wa̧tu̧ku̧'i̧nä̧, ku̧wo̧juȩtä̧u̧ Ttu̧ru̧wa̧'i̧nä̧ ji̧nä̧ ya̧tȩtä̧ ja̧'a̧ mo̧ro̧jä̧nä̧ kkü̧mä̧, isopäi'ünä̧ jua̧u̧mä̧ ttü̧ja̧rü̧mä̧ yoräteutä jȩpü̧.

Efesios 6:9 ပူးပေါင်းရင်းမြစ်များ

San Mateo 22:10

Ja̧'hua̧nö̧ päomenä, umöhuäyotö ötahuiyära̧'a̧ 'chä̧nö̧, o'ipinätödo o'ca toi'önä ttö̧'o̧cui̧'ä̧u̧ru̧ suropätö'inä, adihuätö'inä. Ja̧'hua̧nö̧ jȩpö̧, ru̧hua̧ ojusode suhuädi'ina'ado ttö̧ja̧ttö̧.

San Mateo 22:8

Ja̧u̧nu̧ o'ca'a umöhuäyotörö pä'inödo: “Chi̧tti̧ irecuarö ȩmo̧mȩtä̧ päi'a'a. Jahuätö chahuaruhuämä ichocotö päjätö. Suropätö.

San Mateo 24:48

Ja̧'hua̧nö̧ ja̧'a̧nä̧ ja̧u̧ adicuä i̧sa̧, chu̧ru̧hua̧ jitä ichocö pä'ö, suronä jȩpö̧ amöcuädöttömä, korotö umöhuäyotörö suronä jȩpö̧ u̧cuȩtä̧ cuä̧nö̧ kä̧nö̧, tä̧'ä̧mä̧chä̧tö̧cu̧ au ö̧jä̧cua̧.

San Mateo 24:51

Ja̧u̧ru̧, ippeyä ru̧hua̧ u̧mö̧huä̧ya̧rö̧, pä̧i̧cu̧nä̧ ro̧'ȩpö̧ ö̧tä̧bo̧tä̧cua̧. Korotö yapareu ttö̧ja̧ ttö̧ja̧cuo̧mȩcu̧ huȩä̧cua̧ ja̧u̧ru̧. Juhua'attö rö̧ȩnä̧ ubara ttu'u ajuäunu ttacu ä̧chi̧jö̧nä̧ jȩttä̧cuo̧tö̧, —pä'ö huo̧juȩti̧nö̧do Jesús.

San Mateo 7:12

“Ja̧'hua̧nö̧ ja̧'a̧ttö̧ korotö ucuturu jȩtta̧ päcuhuätucumä, jahuätörötä ä'canä adiu jȩpä̧tu̧cui̧, ucutu jȩcu̧'ä̧tu̧cu̧ ta'anö jȩtta̧ pä'ö ucuturu. Iso päi'önä Moisés hueähuä huȩnȩ'i̧nä̧, Dios i̧huȩnȩ jiäcuähuä isotö pättinö huȩnȩ'i̧nä̧ ja̧'hua̧nö̧ päa'a, —pä'ö huo̧juȩti̧nö̧do Jesús.

San Lucas 6:31

Korotö ucuturu jȩtta̧ päcuhuätucumä, jahuätörötä ä'canä adiu jȩpä̧tu̧cui̧.

San Juan 13:13

Ucutumä, Huo̧juȩcuä̧ I̧sa̧'i̧nä̧, Tu̧ru̧hua̧'i̧nä̧ pä'ätöjä ttörö. Ja̧'hua̧nö̧ päcuhuätucuomenä, ttötäsä. Adiu pä'ätöjä ja̧'hua̧nö̧mä̧.

Hechos 10:34

Pedro kä̧mä̧dö̧ ucuocuinödo: —Iso päi'önä jitämä huo̧jua̧sä̧ Dios yoräteunä topö pä'ö o'ca toi'önärö.

Romanos 2:11

O'ca toi'önä yorätehuätö Diosttö.

1 Corintios 7:22

Iso päi'önä Dios huomenä, ya̧tȩ ka̧ra̧ u̧mö̧huä̧ya̧ i̧sa̧ pi̧nö̧mä̧, ja̧u̧mä̧ Tu̧ru̧hua̧ ä'ca jo̧mȩttö̧ ka̧ra̧ u̧mö̧huä̧ya̧ i̧sa̧ jö̧'a̧nö̧ ko̧cö̧. Ja̧'hua̧ta̧nö̧ Dios huomenä, ya̧tȩ ka̧ra̧ u̧mö̧huä̧ya̧ i̧sa̧ pocö pi̧nö̧mä̧, ja̧u̧mä̧ Tu̧ru̧hua̧ u̧mö̧huä̧ya̧ i̧sa̧ päi'önä kö̧.

Colosenses 3:25

Ja̧'hua̧nö̧ ja̧'a̧nä̧ suronä jȩpö̧mä̧, surojö jȩi̧nö̧ micuä päi'önä ȩmä̧cua̧ Tu̧ru̧hua̧ttö̧. Yoröiso Dios äca jo̧mȩttö̧ yorätehuätöjä o'ca toi'önä.

Colosenses 4:1

Ucutu ruhuotö'inä, adiu mitätucui ucutucu aditätörö, o'ca juiyönä ttaditö micuä päi'önä. Ja̧'hua̧nö̧ jȩpö̧ cunichi'ätucuä' Cu̧ru̧hua̧'i̧nä̧ kö̧ mo̧ro̧jä̧ra̧'a̧.

Santiago 2:13

Re juiyönä topätörö, re juiyönä ö̧tä̧bo̧tä̧cua̧ Diosmä. Korotömä re rö̧jö̧nä̧ topö ppä'ädätömä, ye'ecuocotö Dios ö̧tä̧bo̧tä̧cuȩmä̧.

Santiago 2:8

Dios hueähuä huȩnȩ päö ta'anö jȩcu̧'ä̧tu̧cu̧ttu̧mä̧, adiu jȩpä̧tö̧jä̧. Ja̧u̧ huȩnȩ päa'a: Cua̧hua̧ru̧hua̧rö̧ repe'i cuamönä repecuhuäu ta'anö.

Santiago 5:4

Cui̧rȩjä̧nä̧ aditinätörö mitocotö pi̧nä̧tö̧jä̧. Ja̧'hua̧ ja̧'a̧ ttaditähuä micuä ji̧nö̧ huoa'a cuimitähuätucua pä'ö. Ja̧'hua̧ta̧nö̧ adicuä ttö̧ja̧ huottinömä ä̧ju̧cui̧nö̧ Dios, o'ca juiyönä Ttu̧ru̧hua̧mä̧.