Efesios 6:23 - TÄ̧DO Ä̧CUÄ̧ I̧HUȨNȨ

²³ Tä'o Dioscu, Tu̧ru̧hua̧ Jesucristocu ucutu tö̧jä̧hua̧tö̧rö̧, adiu esetäcuähuä'inä, eseäcuähuä'inä, repeäcuähuä'inä ttiyäcua'a̧nö̧.

Nuevo Testamento Uwotjüja

²³ Tu̧ru̧wa̧ Jesucrito'i̧nä̧, jä'o Dio'i̧nä̧ wȩnȩ juiyünä̧, eseäkuäu kkä̧kuä̧wä̧nä̧, ja̧'wa̧ta̧nü̧ tta̧'kua̧ wȩnä̧rä̧kuä̧wä̧ iyünä̧ ku̧jä̧tu̧kua̧ pä'üsä;

Efesios 6:23 ပူးပေါင်းရင်းမြစ်များ

San Juan 14:27

“Chami iso'quinä eseunu röji ucuocusä ucuturu. Ucuturu eseäcuähuä iyösä. Ja̧'hua̧nö̧ ja̧'a̧nä̧ pi̧jä̧ ttö̧ja̧ eseäcuähuä ttiyö'a̧nö̧ iyocösä. Cua̧'cua̧ tta̧cu̧huȩcuä̧tu̧cuä̧'. Ja̧'hua̧ta̧nö̧ yecuhuecuätucuä'.

Romanos 1:7

Chi̧huȩnȩ huȩyu̧tu̧ hue'ösä ucuturu, Roma ötahuiyä ttö̧ja̧rö̧, Dios repeä̧u̧ru̧. Ja̧'hua̧ta̧nö̧ Dios huoinä̧u̧jä̧ umöhuäyotö cu'ätucua pä'ö. Tä'o Dios'inä, Tu̧ru̧hua̧ Jesucristo'inä ucuturu adiu ppättädäcua'a̧nö̧. Ja̧'hua̧ta̧nö̧ adiu kä̧cuä̧huä̧'i̧nä̧ ucuturu ttiyäcua'a̧nö̧.

Romanos 15:33

Dios tta̧'cua̧ adiu kä̧cuä̧huä̧ iyömä, o'ca toi'önä ucutucu ö̧jä̧cua̧'a̧nö̧. Amén.

1 Corintios 1:3

Tä'o Dios'inä, Tu̧ru̧hua̧ Jesucristo'inä ucuturu adiu ppättädäcua'a̧nö̧. Ja̧'hua̧ta̧nö̧ adiu kä̧cuä̧huä̧'i̧nä̧ ucuturu ttiyäcua'a̧nö̧.

2 Corintios 13:11

Jitämä chö̧jä̧hua̧tö̧, Diosrö pä̧huä̧ rö̧jo̧mȩnä̧, adiu cu̧ja̧cuä̧tu̧cua̧ja̧. Esehuätucui. Ji̧nä̧ ji̧yȩtȩ amöcuädö ka̧cuä̧tu̧cui̧. Ja̧'hua̧nö̧ jȩpö̧ Dios, eseäcuähuä'inä, repeähuä'inä iyömä, ucutucu ö̧jä̧cua̧.

Gálatas 5:6

Ujutu Cristo Jesúsru tesetomenä, circuncisión jȩä̧cuä̧huä̧'i̧nä̧, circuncisión jȩä̧cuä̧huo̧cö̧'i̧nä̧ yoröiso micuähuocö ujuturu. Ujutumä Cristorö tesetötä adiu micuähua'a. Ja̧'hua̧ta̧nö̧ ja̧u̧ru̧ tesetomenä, tahuaruhuärö repetäu'a̧nö̧ ja̧'a̧.

Gálatas 6:16

Ucutumä iso päi'önä Diosrö esetätömä, pi̧yȩ huȩnȩ jȩpö̧ ka̧cuä̧tö̧rö̧'i̧nä̧, o'ca toi'önä Dios i̧tti̧mö̧rö̧'i̧nä̧ eseäcuähuä iyäcua'a̧nö̧ Dios. Ja̧'hua̧ta̧nö̧ ucuturu'inä o'ca toi'önä Dios i̧tti̧mö̧rö̧'i̧nä̧ re rö̧jö̧nä̧ toäcua'a̧nö̧.

Efesios 6:24

Ja̧'hua̧ta̧nö̧ o'ca toi'önä Tu̧ru̧hua̧ Jesucristorö jarotti'oca'a repe'ätörö, Dios ppädäcua'a̧nö̧. Amén.

1 Tesalonicenses 5:8

Ja̧'hua̧nö̧ ja̧'a̧nä̧ ujutu, mo̧ro̧ i̧tti̧mö̧mä̧, adiu tamöcuädö'a̧nö̧ ja̧'a̧. Su̧ro̧da̧u̧ i̧sa̧ amöcanä 'quiyö juäi ö̧'ca̧tä̧hua̧'a̧ jä̧'i̧nö̧'a̧nö̧, ujutu'inä Diosrö adiu esetö, tahuaruhuärö repe'ö jȩtö̧'a̧nö̧ ja̧'a̧. Ja̧'hua̧ta̧nö̧ su̧ro̧da̧u̧ i̧sa̧ unä 'quiyö juäi u̧huä̧nä̧hua̧'a̧ jä̧'i̧nö̧'a̧nö̧, ujutu'inä suronä jȩtö̧ jȩpö̧ icuatö pä'ö, Diosrö tta̧tä̧rö̧'a̧nö̧ ja̧'a̧.

2 Tesalonicenses 1:3

Tö̧jä̧hua̧tö̧, 'cuäopönä Diosrö eseunu ucuocuätöjä ucuturu amöcuädö. Ucutu juhua'a yabonö Diosrö cuesetätucu'inä, cuahuaruhuärö juhua'a yabonö repecuhuätucu'inä amöcuädö, teseu'a̧nö̧ ja̧'a̧.

2 Tesalonicenses 3:16

Tu̧ru̧hua̧, eseunu kä̧cuä̧huä̧ Ru̧hua̧, o'ca juiyönä eseunu kä̧cuä̧huä̧ iyäcua'a̧nö̧ ucuturu 'cuäopönä. Tu̧ru̧hua̧ ucutu o'ca toi'önärö ppädäcua'a̧nö̧.

1 Timoteo 1:14

Ja̧'hua̧nö̧ ja̧'a̧ttö̧ Dios rö̧ȩnä̧ ppä'ädinö ttörö, Cristo Jesúsru esetö repedarö pä'ö.

1 Timoteo 1:3

Ttömä Macedonia rȩjȩra̧'a̧cu̧ chi̧'cho̧mȩnä̧, ucuru jidähuinö ta'anö, Efeso ötahuiyänä cu̧ja̧ pä'ösä. Ucuru hue'ipinösä korotörö cu̧huo̧juȩta̧ pä'ö yapareu huȩnȩ ttu̧huo̧juȩtö̧ juiyäcua'a̧nö̧.

1 Timoteo 5:8

Iso päi'önä ya̧tȩ ahuaruhuärö, chutä ojusodenä ka̧cuä̧tö̧rö̧, tta̧'ä̧ro̧cö̧mä̧, Diosrö ä̧ppö̧tä̧rö̧. Ja̧'hua̧nö̧ jȩpö̧mä̧, korotö Diosrö esetocotöttö'inä abonänö suronä jȩpö̧.

1 Pedro 5:14

Cu̧mö̧tu̧cu̧nä̧ 'chu'ädö te'ähuätucui o'ca toi'önärö. Ja̧'hua̧ta̧nö̧ o'ca toi'önä Jesucristorö esetätö cuesehuäcuähuätucuäcua'a̧nö̧. Amén.

3 Juan 1:14

Koronö juhua'atä tochacu pä'ösä. Ja̧u̧nu̧ pätecuänö pä̧nö̧ tucuocuäcuotöjä.

Apocalipsis 1:4

Ttö, Juan, ko̧ro̧mö̧ttö̧nö̧ todäre iglesias ruhuärö, Asia rȩjȩnä̧ ka̧cuä̧tö̧rö̧ huȩyu̧tu̧sä̧. Dios ucuturu ppädäcua'a̧nö̧. Ja̧'hua̧ta̧nö̧ adiu kä̧cuä̧huä̧'i̧nä̧ iyäcua'a̧nö̧. Chutä jitä'inä kö̧. Täbocö'inä ki̧nö̧. Yodoji'inä ö̧jä̧cua̧. Ja̧'hua̧ta̧nö̧ ko̧ro̧mö̧ttö̧nö̧ ta̧ju̧nu̧ espíritus chutä ö̧'o̧mȩ ä'ca ka̧cuä̧tö̧'i̧nä̧, ucuturu ppättädäcua'a̧nö̧.