Efesios 6:19 - TÄ̧DO Ä̧CUÄ̧ I̧HUȨNȨ

¹⁹ Ttörö'inä amöcuädö ucuocuätucui Diosrö, iyattö pä'ö i̧huȩnȩ chucuocuäcua'a̧nö̧. Ja̧'hua̧ta̧nö̧ yeähuä juiyönä chucuocuäcua'a̧nö̧ korotörö ttieru huȩnȩ, suronä jȩttö̧ jȩpö̧ icu huȩnȩ.

Nuevo Testamento Uwotjüja

¹⁹ Ja̧'wa̧ta̧nü̧ ttü chütü'kü'i̧nä̧ Dio-rü ukuokuätukui, yä̧wä̧i̧ jäwä jareü wȩnȩ jidäwa pä'ü chä yädepomȩnä̧ wo̧juȩku̧nä̧ jidäunä̧ Dio iyattü.

Efesios 6:19 ပူးပေါင်းရင်းမြစ်များ

Hechos 13:46

Ja̧'hua̧nö̧ ja̧'a̧ Pablocu, Bernabécu yettecuoca'a pä'inätödo: —Ucutu judíos ttö̧ja̧ ä'canä Dios i̧huȩnȩ cuä̧ju̧cuä̧tu̧cu̧'a̧nö̧ ja̧'a̧. Ja̧'hua̧nö̧ ja̧'a̧nä̧ ucutu esetocotö pä̧jä̧tö̧jä̧. “Ujutumä kä̧cuä̧huä̧ i'co tema pä'ö adihuä isotöcö̧jä̧”, pä'ätöjä. Jitämä judíos huocotörö ji'äu 'chä̧tö̧jä̧.

Hechos 14:3

Ja̧'hua̧nö̧ ja̧'a̧ttö̧ Pablocu, Bernabécu recuo ka̧cui̧nä̧tö̧do Iconio ötahuiyära̧'a̧. Tu̧ru̧hua̧rö̧ tta̧'cua̧ huȩnä̧rö̧ yettecuoca'a ji'ähuinätödo Tu̧ru̧hua̧ i̧huȩnȩ. Tu̧ru̧hua̧mä̧ ttö̧ja̧rö̧ adiu jȩpö̧ repe'ö pä'ö ji'ähuinätödo. Jittähuäji ta'anö iso päi'önä ja̧'a̧ Tu̧ru̧hua̧ jahuätörö hue'inödo ttö̧ja̧ ttieru juäi jȩtta̧ pä'ö.

Hechos 18:26

Apolos ttö̧ja̧rö̧ yecuoca'a kä̧mä̧dö̧ ji'ähuinödo judíos ttu̧huo̧jui̧'i̧nodenä. Ja̧'hua̧nö̧ jiähua'a ttä̧ju̧cuo̧mȩnä̧, Priscilacu, Aquilacu ja̧u̧ru̧ ttojusodera̧'a̧ o'ipinätödo. Ja̧u̧ jiähuäjittö'inä abonänö huäjunä ucuocu jittähuinäcudo Dioscu adiu kä̧cuä̧huä̧.

Hechos 19:8

Ja̧'hua̧nö̧ ja̧'a̧ Pablo huämetucuä kä̧hua̧tö̧ 'cuäoi'önä judíos ttu̧huo̧jui̧'i̧nodenä do'ächö, yecuoca'a Dios i̧huȩnȩ rä'epö ji'ähuinödo. Dios Ttu̧ru̧hua̧ päi'önä ö̧jö̧mä̧ iso päi'önä huȩnȩ ja̧'a̧ ji'ähuinödo tteseta pä'ö.

Hechos 2:4

Ja̧'hua̧nö̧ ja̧'a̧ o'ca toi'önä Espíritu Santo ö̧jä̧mä̧di̧nä̧u̧do. Ja̧u̧nu̧tä̧ Espíritu Santo jiähuomenä, korotö tti̧huȩnȩ ucuocuinätödo.

Hechos 4:13

Ruhuotö to̧pä̧ri̧nä̧tö̧do Pedrocu, Juancu yettoca'a ttucuocua'a ä̧ju̧cu̧, ruhuotö pocotö ja̧'a̧. Cuyäru huo̧jui̧cuä̧'i̧nä̧ ttieruhua'anä, adiu ttucuocua'a ä̧ju̧cu̧, huo̧jui̧'i̧nä̧tö̧do Jesúscu cue'ächinätö pä'ö.

Hechos 4:29

Jitä Tu̧ru̧hua̧, ä̧ju̧cui̧ ro̧ttȩpö̧mä̧. Ppä'äditö ujutu ucu cumöhuäyotörö, yetoca'a jitähuäcua'a̧nö̧ cui̧huȩnȩ.

Hechos 4:31

Diosrö ucuocu cättädomenä, ttö̧'ö̧jo̧mȩ ttö̧ȩpi̧na̧'a̧do. O'ca toi'önä Espíritu Santo ujuru rö̧ȩnä̧ ttu̧ju̧nä̧ra̧'a̧ttö̧, yettoca'a ji'ähuinätödo Dios i̧huȩnȩ.

Hechos 9:27

Ja̧'hua̧nö̧ ja̧'a̧nä̧ Bernabé Saulorö ppä'ädinödo. Jesús hue'ähuotö ttä'ca jo̧mȩ Saulorö ȩpi̧nö̧do. Bernabé jahuätörö ji'ähuinödo: —Saulo mä̧nä̧nä̧ i̧'cho̧mȩnä̧, Tu̧ru̧hua̧rö̧ topinödo. Ja̧'hua̧ta̧nö̧ Tu̧ru̧hua̧mä̧ Saulorö ucuocuinödo. Saulo Damasco ötahuiyänä yecuoca'a Jesús i̧huȩnȩ ji'ähuinödo, —pä'ö ji'ähuinödo Bernabé Jesús hue'ähuotörö.

Hechos 9:29

Yecuoca'a ji'ähuinödo Tu̧ru̧hua̧ i̧huȩnȩ. Judíos ttö̧ja̧ttö̧ griegos ttö̧ja̧ tti̧huȩnȩ ucuocuätörö jä'epö ä̧ju̧cu̧ ucuocuinödo. Ja̧'hua̧nö̧ ja̧'a̧nä̧ jahuätö Saulorö cuä'ö tticua pä'ö amöcuädinätödo.

Romanos 15:30

Chö̧jä̧hua̧tö̧, Espíritu Santo ujuturu repeähuä iyä̧u̧ ucuturu pä'ösä Tu̧ru̧hua̧ Jesucristorö esetö ttörö cucuocuätucua pä'ö Diosrö, ttörö ppäda pä'ö.

Romanos 16:25

Diosrö eseunu tucuocuaja. Ja̧u̧ jȩä̧cua̧ juhua'a yabonö adiunä 'quiyönä cu̧ja̧cuä̧tu̧cua̧ pä'ö. Ja̧'hua̧nö̧ jȩä̧cua̧ ttö̧ja̧ suronä jȩttö̧ jȩpö̧ icu jidäu huȩnȩ'i̧nä̧, Jesucristorö huo̧juȩcuä̧ huȩnȩ'i̧nä̧ cuesetätucuomenä. Ja̧'hua̧ta̧nö̧ pi̧jä̧ juiyäi'inä, Dios yä̧huä̧i̧nä̧ amöcuädinö tu̧huo̧jua̧ pä'ö iyinö pi̧yȩ adihuä huȩnȩ.

1 Corintios 1:5

Cristorö cuesetätucuomenä, Dios rö̧ȩnä̧ ppä'ädinö ucuturu o'ca juiyönä cucuocuätucu'inä, cu̧huo̧juä̧tu̧cu̧'i̧nä̧.

1 Corintios 2:7

Ujutumä ji'ähuätöjä Dios u̧huo̧ju̧nä̧ pi̧jä̧ ttö̧ja̧ ttierunä. Ja̧'hua̧ta̧nö̧ pi̧jä̧ aditäcua'a ä'canä, Dios ja̧u̧ u̧huo̧ju̧mä̧ ku̧nä̧ri̧nö̧do ujuturu iya pä'ö, suronä jȩtö̧ jȩpö̧ icua pä'ö.

1 Corintios 4:1

Iso päi'önä jahuätömä Dios i̧huȩnȩ, ttö̧ja̧ ttieru huȩnȩ, jittähua pä'ö Cristo hue'ähuotödo pä'ö cuamöcuädätucuaja ujuturu.

2 Corintios 1:11

Ja̧'hua̧nö̧ ja̧'a̧ttö̧ ucutu'inä Diosrö cucuocuätucuaja ujuturu. Ja̧'hua̧ta̧nö̧ recuätö Diosrö ttucuocuomenä, Dios ujuturu ppäda'a topö, recuätö ttesehuäcuotö Diosrö.

2 Corintios 3:12

Iso päi'önä ujutumä ja̧u̧ tta̧tä̧ra̧'a̧ttö̧, yecuäcuähuä juiyönä ji'ähuätöjä.

2 Corintios 6:11

Chö̧jä̧hua̧tö̧, Corinto ötahuiyä ttö̧ja̧, ja̧'hua̧nö̧ o'ca juiyönä tamöcuädö ji'äu ucuturu, tami iso'quittö o'ca juiyönä iso päi'önä ji'ähuätöjä.

2 Corintios 7:4

Juiyo eseunu amöcuädösä ucuturu. Rö̧ȩnä̧ ubara ttutomenä'inä, adiunä eseunu chami 'qui'ächi'ö kö̧sä̧.

2 Corintios 8:7

Iso päi'önä, ucutu adiu jȩpä̧tö̧jä̧ o'ca juiyönä. Esetäcuähuänä'inä, korotörö huo̧juȩcuä̧nä̧'i̧nä̧, i̧huȩnȩ huo̧juä̧huä̧nä̧'i̧nä̧ adiu jȩpä̧tö̧jä̧. Ja̧'hua̧ta̧nö̧ ujuturu ppä'ädö repe'ätöjä. Ja̧'hua̧nö̧ ja̧'a̧nä̧ ja̧'hua̧nö̧ tö̧jä̧hua̧tö̧rö̧ iyähuänä, adiu cuiyätucuaja.

Efesios 1:9

Ja̧'hua̧ta̧nö̧ churutä pä̧huä̧ rö̧jo̧mȩnä̧ chutä jȩa̧ pä'ö amöcuädinö huȩnȩ, tu̧huo̧jua̧ pä'ö iyinä̧u̧jä̧.

Efesios 3:9

Dios ttörö hue'inö o'ca toi'önärö jidäu ttu̧huo̧jua̧ pä'ö ja̧u̧ ttieru huȩnȩ. Täbocö kä̧mä̧dö̧ jitä mo̧ro̧ päi'önä Dios adita päinömä pi̧yȩ ji̧nö̧do. Ja̧u̧tä̧ Dios o'ca juiyönä aditinödo.

Colosenses 2:2

Cuami iso'quitucunä yabonö rö̧ä̧chi̧'ö̧nä̧ cuesehuätucua pä'ösä. Ja̧'hua̧ta̧nö̧ ji̧nä̧ yo̧mȩtȩ repe'ö cuamöcuädätucua pä'ösä. Ja̧'hua̧ta̧nö̧ rö̧ä̧chi̧'ö̧nä̧ huo̧ju̧nä̧ cu̧huo̧juä̧tu̧cuä̧cua̧'a̧nö̧ Cristorö. Ja̧u̧ Dios i̧huȩnȩ, ttieru huȩnȩ, Cristorötä päa'a.

Colosenses 4:3

Ujuturu'inä Diosrö ucuocuätucui, Tu̧ru̧hua̧ ppäda pä'ö adiu jitähuäcua'a̧nö̧ i̧huȩnȩ, Cristorö ttieru huȩnȩ. Ja̧u̧ huȩnȩ jidähua'attö, cärenä pö̧sä̧ jitämä.

1 Tesalonicenses 2:2

Ucutu huo̧juä̧tö̧jä̧, Filipos ötahuiyä ttö̧ja̧ suronä ucuocu kä̧nö̧, suronä jȩpi̧nä̧tö̧ ujuturu. Ja̧'hua̧nö̧ ja̧'a̧nä̧'i̧nä̧ rö̧ȩnä̧ surojö 'cuäopomenä, Dios ujuturu ppä'ädinö, yecuäcuähuä juiyönä ttö̧ja̧ suronä jȩttö̧ jȩpö̧ icu huȩnȩ jitähua pä'ö ucuturu.

1 Tesalonicenses 5:25

Tö̧jä̧hua̧tö̧, Diosrö ucuocuätucui ujuturu.

2 Tesalonicenses 3:1

Tö̧jä̧hua̧tö̧, röji ti̧huȩnȩ pä'ätöjä ucuturu. Diosrö ucuocuätucui ujuturu, Tu̧ru̧hua̧ i̧huȩnȩ pi̧jä̧ pa̧ja̧cu̧nä̧ jurunänö rȩbȩhuä̧cua̧'a̧nö̧. Ja̧'hua̧ta̧nö̧ ucutu cuesetinätucu ta'anö, ucuotönö ttesetäcua'a̧nö̧ ucuocuätucui.

1 Timoteo 3:16

Iso päi'önä ujutu huo̧juä̧tö̧jä̧ Dios i̧huȩnȩ, pä'äji ttieruhuinö huȩnȩ, iso päi'önä adihuä huȩnȩ ja̧'a̧. Dios pi̧jä̧ra̧'a̧ ichinödo ujutu jö̧ ta'anö hua̧. Espíritu Santo i̧jȩcui̧nä̧cu̧do adihuä i̧sa̧ ja̧'a̧ttö̧. Angeles topinätödo ja̧u̧ru̧. O'ca toi'önä pa̧ja̧cuä̧chö̧nä̧ ä̧ju̧cui̧nä̧tö̧do ja̧u̧ru̧. Pi̧jä̧ pa̧ja̧cu̧nä̧ esetinätödo ja̧u̧ru̧. Mo̧ro̧jä̧ra̧'a̧ cä'ecuächinödo.

Filemón 1:22

Jitämä koro'inä huȩyu̧tu̧sä̧ ucuru. Aditö ku̧ni̧ chodu. Ucutu Diosrö cucuocuätucua'attö, churutä pä̧huä̧ rö̧jo̧mȩnä̧ cu̧ja̧cuä̧tu̧cua̧'a̧ chicha pä'ö tta̧'ä̧rö̧sä̧.

Hebreos 13:18

Ja̧'hua̧ta̧nö̧ ujuturu'inä Diosrö ucuocuätucui. Ujutu tamöcuädömä adiunä amöcuädätöjä pä'ö huo̧juä̧tö̧jä̧. Ujutu o'ca juiyönä adiunätä jȩta̧ pä'ätöjä.