Efesios 4:32 - TÄ̧DO Ä̧CUÄ̧ I̧HUȨNȨ

³² Pärocua'acu korotörö re rö̧jö̧nä̧ topö ppä'ädätucui. Ja̧'hua̧ta̧nö̧ ucuturu suronä jȩtto̧mȩnä̧, unichi'ö ucuocuätucuitö, Dios ucutu suronä jȩcu̧'i̧nä̧tu̧cu̧ jȩpö̧ icuinö ta'anö, Cristorö cuesetätucuomenä.

Nuevo Testamento Uwotjüja

³² Pärokua'aku, rettü ppä'ädütä, mikuä suronä̧ päkuätukuoka'a unichi'ütä, suronä̧ jȩ'kuä̧'i̧jä̧tu̧ku̧ u̧ni̧chi'ü, Dio Crito-nä̧ unichi'inüta'anü̧ jȩpü̧ kka̧kuä̧tu̧kui̧ ukutu'i̧nä̧.

Efesios 4:32 ပူးပေါင်းရင်းမြစ်များ

San Mateo 6:12

Ja̧'hua̧ta̧nö̧ ujutu suronä jȩtö̧mä̧ jȩpö̧ icu unichi'i, korotömä ujuturu suronä jȩpä̧tö̧rö̧ jȩttö̧ tunichi'ö'a̧nö̧.

San Marcos 11:25

Ja̧'hua̧ta̧nö̧ Diosrö cucuocuätucuomenä, cu̧jä̧hua̧rö̧ suronä cuamöcuädätucuttumä, suronä cuamöcuädätucumä unichi'ätucuirö, Cuä'otucu mo̧ro̧jä̧nä̧ kö̧'i̧nä̧ ucutu suronä jȩcu̧'ä̧tu̧cu̧ unichi'äcua'a̧nö̧.

San Lucas 1:78

Dios ujuturu repe'ö re rö̧jö̧nä̧ toa'attö, ju'tojuttu i̧yä̧u̧jä̧ suronä jȩtö̧ jȩpö̧ icuähuä, jareö mo̧ro̧ kä̧hua̧ räopö'a̧nö̧.

San Lucas 11:4

Ja̧'hua̧ta̧nö̧ ujutu suronä jȩtö̧mä̧ jȩpö̧ icu unichi'i, korotömä ujuturu suronä jȩpä̧tö̧rö̧ jȩttö̧ tunichi'ö'a̧nö̧. Ja̧'a̧tä̧mä̧ tocu'ätö ähuettä suronä jȩa̧'a̧nä̧mä̧. Yabocutä surojöttö ejädö icuitö.

San Lucas 17:4

Rö̧ȩnä̧ ya'ute mo̧ro̧ suronä päöttömä, ja̧'hua̧ta̧nö̧ rö̧ȩnä̧ ucuru pä'ö ichö: “Pä'äji ta'anömä suronä jȩpo̧cö̧sä̧”, päö cunichi'ö'a̧nö̧ hua̧ ja̧u̧mä̧.

San Lucas 6:35

Ja̧'hua̧nö̧ ja̧'a̧nä̧ ucutu cuaboiyotörö repecuhuätucu'a̧nö̧ ja̧'a̧. Jahuätörö adiu jȩpä̧tu̧cui̧. Pärou iyätucui ucuturu pärocua'acu ttö'ärohua pä'ö tta̧cu̧huä̧rä̧tu̧cuo̧ca̧'a̧. Ja̧'hua̧nö̧ micuä rö̧ȩnä̧ cu̧ju̧nä̧rä̧cuo̧tö̧jä̧. Ja̧'hua̧ta̧nö̧ ucutu Dios Ju'toju Ru̧hua̧ i̧tti̧mö̧ cu'äcuotöjä. Ja̧u̧ churutä esehuocotörö'inä, suronä jȩpä̧tö̧rö̧'i̧nä̧ adihuä i̧sa̧ ja̧'a̧.

San Lucas 6:37

Juhua'a yabonö huo̧juȩti̧nö̧do Jesús: —Korotörö suronä päcuhuätucuä', Dios ucuturu'inä suronä päö juiyäcua'a̧nö̧. Ra̧huä̧rö̧ suronä cucuocuätucuä' korotörö, Dios'inä ra̧huä̧rö̧ ucuocu juiyäcua'a̧nö̧ ucuturu. Korotö suronä jȩtto̧mȩnä̧ unichi'ätucui, Dios'inä suronä jȩcu̧'ä̧tu̧cu̧ unichi'äcua'a̧nö̧.

Hechos 28:2

Ju̧huȩnȩtä̧ ka̧cuä̧tö̧mä̧ adiu ppä'ädinätö ujuturu. Ajiya icha'attö diyahuina'a. Ocurä kuhuinätö töta pä'ö.

Romanos 12:10

Korotö korotönörö repe'ätucui cuamönä cu̧jä̧hua̧tö̧rö̧ repecuhuätucu ta'anö. Ucuotönö ka̧cuä̧tu̧cui̧ korotö korotöcu.

1 Corintios 13:4

Ya̧tȩ o'ca toi'önärö repe'ömä, a̧'cua̧ pö̧nö̧ kö̧. Adiu jȩpö̧ o'ca toi'önärö. Korotö ttu̧ju̧nä̧rö̧mä̧, pä̧huä̧ rö̧jö̧nä̧ topocö. Chutä korotöttö'inä abonänö adihuä i̧sa̧sä̧ pä'ömä amöcuädocö. A'cuoyäunu topocö korotörö.

2 Corintios 2:10

Jitämä ucutumä suronä jȩpö̧rö̧ cunichi'ätucuomenä, ttö'inä ja̧u̧ru̧ chu̧ni̧chi̧'ä̧cua̧sä̧. Ttö chunichi'ö kö̧ttö̧mä̧, Cristo ä'ca jo̧mȩttö̧ ucuturu amöcuädö unichi'inösä, Satanás suronä jȩa̧'a̧cu̧ ujuturu. O'ca toi'önä ujutu huo̧juä̧tö̧jä̧ ja̧u̧ jȩö̧mä̧.

2 Corintios 2:7

Jitämä ro̧cu̧huȩpi̧nä̧tu̧cu̧ o'ca'a, jȩi̧nö̧mä̧ unichi'ätucui. Ja̧u̧ru̧ ppä'ädätucui, rö̧ȩnä̧ a̧'cua̧ tta̧'ȩcu̧ kä̧nö̧, juhua'a yabonö a̧'cua̧ tta̧'ȩcu̧ juiyäcua'a̧nö̧.

2 Corintios 6:6

Ja̧'hua̧ta̧nö̧ ujutu adiunätä tö̧ja̧cuo̧mȩnä̧, Dios umöhuäyotö ta'a topö ttu̧huo̧juä̧cuo̧tö̧. Ja̧'hua̧ta̧nö̧ iso päi'önä huȩnȩ tu̧huo̧jua̧'a̧ttö̧, topö ttu̧huo̧juä̧cuo̧tö̧. Ja̧'hua̧ta̧nö̧ tami 'qui'ächi'ö, korotörö adihuä juäi jȩta̧'a̧ttö̧, topö ttu̧huo̧juä̧cuo̧tö̧. Ja̧'hua̧ta̧nö̧ Espíritu Santo tami iso'quinä ö̧ja̧'a̧tö̧, topö ttu̧huo̧juä̧cuo̧tö̧. Ja̧'hua̧ta̧nö̧ korotörö repeta'a, topö ttu̧huo̧juä̧cuo̧tö̧.

Efesios 5:1

Ucutumä Dios i̧tti̧mö̧jä̧. Ja̧'hua̧nö̧ ja̧'a̧ttö̧ chutä ta'anö cu̧ja̧cuä̧tu̧cua̧ pä'ö amöcuädätucui.

Santiago 5:11

Ttami 'qui'ächi'ö ka̧cuä̧tö̧rö̧, “Eseunu ka̧cuä̧tö̧” pä'ätöjä ujutu. Ucutu ä̧ju̧cui̧nä̧tö̧jä̧ Jobrö, ami 'qui'ächi'ö ki̧nö̧rö̧. Huo̧juä̧tö̧jä̧, Dios ja̧u̧ru̧ jȩi̧nö̧mä̧ surojö 'cuäopinö o'ca'a. Dios a̧'cua̧ tta̧nö̧ re rö̧jö̧nä̧ topö tta̧'ä̧rö̧.

2 Pedro 1:7

Ja̧'hua̧ta̧nö̧ Diosrö ucuocu kä̧nö̧, cu̧jä̧hua̧tö̧rö̧ eseunu cuamöcuädätucuaja. Ja̧'hua̧ta̧nö̧ eseunu amöcuädö kä̧nö̧, cuahuaruhuärö repecuhuätucuaja.

1 Juan 1:9

Suronä jȩtö̧ jitäuttumä, Dios päinö ta'anö adiu jȩpö̧, suronä jȩtö̧ jȩpö̧ i̧cuä̧cua̧. O'ca juiyönä jarode'ö jȩtö̧ töcö i̧cuä̧cua̧ ujuturu.

1 Juan 2:12

Ucuturu huȩyu̧tu̧sä̧ chi̧tti̧mö̧ huotö, suronä jȩcu̧'i̧nä̧tu̧cu̧ Dios täcö unichi'inö, Jesucristo i̧tti̧mö̧ cu'ätucua'attö.