Efesios 4:31 - TÄ̧DO Ä̧CUÄ̧ I̧HUȨNȨ

³¹ Cuahuaruhuärö cuesehuätucuoca'a cu̧jä̧tu̧cu̧'i̧nä̧, cu̧ra̧huä̧rä̧tu̧cu̧'i̧nä̧, jaropi'ätucui. Ja̧'hua̧ta̧nö̧ suronä cucuocuätucu'inä, o'ca juiyönä suronä jȩcu̧'ä̧tu̧cu̧'i̧nä̧ jaropi'ätucui.

Nuevo Testamento Uwotjüja

³¹ Ikuäwi'ätukui kurowetuku'i̧nä̧, ku̧'ä̧i̧tu̧ku̧'i̧nä̧, suronä̧ wo'kuäkuäwätuku'i̧nä̧, ja̧'wa̧ta̧nü̧ surojüttümä̧ o'kajuiyütä.

Efesios 4:31 ပူးပေါင်းရင်းမြစ်များ

Hechos 21:30

Huotta'a ä̧ju̧cu̧, o'ca toi'önä ra̧huä̧ri̧nä̧tö̧do. Jopö ca̧ca̧cui̧pi̧nä̧tö̧do. Pablorö 'chu'ädö, Diosrö ucuocuäcuähuodettö u̧mi̧cu̧ do'inätödo. Yotäcu äpate mö̧'ȩpi̧nä̧tö̧do.

Romanos 3:14

Ucuocuätö ji̧yȩä̧cuȩtä̧ surojötä, reö jä̧'i̧nö̧'a̧nö̧ jö̧tä̧.

1 Corintios 14:20

Chö̧jä̧hua̧tö̧, ppo̧'ä̧tö̧ ttamöcuäda'a jä̧'i̧nö̧'a̧nö̧ cuamöcuädätucuä' ucutumä. Surojö jȩä̧cuä̧huä̧nä̧tä̧, ppo̧'ä̧tö̧ jȩttö̧'a̧nö̧ jȩpä̧tu̧cui̧. Juhuorö'inä adiunä jȩä̧cuä̧huä̧nä̧mä̧, tä̧mö̧ jȩttö̧'a̧nö̧ jȩpä̧tu̧cui̧.

1 Corintios 5:8

Ja̧'hua̧nö̧ ja̧'a̧ttö̧ iso päi'önä adiunätä amöcuädö, pascua fiesta adiu jȩtta̧'a̧ jä̧'i̧nö̧'a̧nö̧ tö̧ja̧cuä̧tu̧cua̧ja̧. Pan pä'äji jähuä ppö̧ä̧mö̧cu̧ surojö jä̧'i̧nö̧'a̧nö̧, surojö jȩä̧cuä̧huä̧ juiyönä tö̧ja̧cuä̧tu̧cua̧ja̧.

2 Corintios 12:20

Ucuturu topö chi̧'chö̧ttö̧mä̧, ttö chamöcuädöttö'inä i̧mi̧cu̧nä̧ ka̧cuä̧tö̧jä̧cö̧ amöcuädö yȩ'ȩcua̧sä̧. Ja̧'hua̧ta̧nö̧ ucutu cuamöcuädätucuttu'inä i̧mi̧cu̧nä̧ kö̧sä̧cö̧ amöcuädösä. Ja̧'hua̧ta̧nö̧ rohuäcuähuä'inä, korotö ttu̧ju̧nä̧rö̧ pä̧huä̧ rö̧jö̧nä̧ toäcuähuä'inä, ra̧huä̧rä̧cuä̧huä̧'i̧nä̧, korotörö huȩnȩtö̧ jiäcuähuä'inä, amönä yapareu ucuocuäcuähuä'inä, korotörö a'cuoyäunu toäcuähuä'inä, ja̧'a̧tä̧ amöcuädö jȩä̧cuä̧huä̧'i̧nä̧ ka̧'a̧ a̧'cua̧ra̧'a̧ ucutu cu̧'quȩtȩtu̧cu̧ pä'ö amöcuädösä ttömä.

Gálatas 5:20

Ttö̧ja̧ a̧'u̧cuä̧ adicuä esetätö. Ja̧'hua̧ta̧nö̧ yuhuähuä mä̧ri̧mö̧rö̧ esetö jȩpä̧tö̧. Ja̧'hua̧ta̧nö̧ a'cuoyäunu sȩ'ȩpä̧rö̧ rohuähuätö. O'ca päi'önä ra̧huä̧ri̧pä̧tö̧. Jitörötä adihuomenätä jȩpä̧tö̧. Jitötä jö̧ ta'anö amöcuädätörö ca̧ca̧cuä̧rä̧tö̧.

Efesios 4:22

Pä'äji cu̧ja̧cui̧nä̧tu̧cu̧, ucuturutä yapareu pä̧huä̧ rö̧jö̧ jȩcu̧'i̧nä̧tu̧cu̧, jaropi'ätucui.

Efesios 4:25

Ja̧'hua̧nö̧ ja̧'a̧ttö̧ yapareu huȩnȩmä̧ jicuhuähuätucuä'. O'ca toi'önärö ucuocuätucui iso päi'önä huȩnȩ. Ujutu o'ca toi'önä ji̧nä̧ yotöte huotöjä.

Efesios 4:26

Korotörö ra̧huä̧rö̧mä̧, suronämä jȩcu̧'ä̧tu̧cuä̧'. Mo̧ro̧ 'cuäopächönämä cu̧ra̧huä̧rä̧tu̧cuä̧'.

Colosenses 3:19

U̧mä̧tö̧, cuirecuarö repe'ätucui. Ra̧huä̧rö̧mä̧ tocu'ätucuä' cuirecuarö.

Colosenses 3:8

Ja̧'hua̧nö̧ ja̧'a̧nä̧ jitämä pi̧yȩ o'ca juiyönä jaropi'ätucui, ra̧huä̧rä̧cuä̧huä̧'i̧nä̧, suronä amöcuädäcuähuä'inä, surojö jȩä̧cuä̧huä̧'i̧nä̧ jaropi'ätucui. Cuänä suronä suräjuä huȩnȩ yoröiso cucuocuätucuä'.

1 Timoteo 3:11

Ja̧'hua̧ta̧nö̧ korotömä diáconos huotö ttirecuarö ttucuotäcua'a̧nö̧. Diáconos huotö ttirecua amönä yapareu huȩnȩ ji'ähuä'chocotö. Jahuätömä tta̧'cua̧ pö̧nö̧ ka̧cuä̧tö̧. O'ca juiyönä adiu jȩpä̧tö̧.

1 Timoteo 3:3

Ja̧u̧mä̧ tä̧'ä̧mo̧cö̧. Ja̧u̧mä̧ ahuaruhuäcu rohuähuocö. Ja̧u̧mä̧ pärätä yapareu ucuocu ȩmo̧cö̧. Pärocua'acu ahuaruhuärö adiu ppä'ädö. Adiu kö̧ korotö ttä'ca jo̧mȩ. Ja̧u̧mä̧ pärätä u̧ju̧nä̧ra̧ pä'ömä amöcuädocö.

1 Timoteo 5:13

Ja̧'hua̧nö̧ jȩpö̧ korode korodenö cuettächomenä, ji̧nä̧ isocu ttötähuächäcuotö. Ja̧'hua̧nö̧ ötähuächö kä̧nö̧, amönä yapareu huȩnȩtä̧ ttucuocuäcuotö, ttucuocu juiyö'a̧nö̧ jö̧ juäi.

2 Timoteo 2:23

Ja̧'hua̧ta̧nö̧ amönä huȩnȩ ttucuocuomenä, cucuocuä'. Täcö huo̧jua̧jä̧, ja̧'hua̧nö̧ ttucuocuomenä, ttahuaruhuärö ra̧huä̧rä̧tö̧.

2 Timoteo 3:3

Ttahuaruhuärö repe'ocotö ttäcuotö. Korotörö tta̧'cua̧ tta̧nö̧ topocotö ttäcuotö. Amönä yapareu huȩnȩ jittähuä'chäcuotö. Jitörötä pä̧huä̧ rö̧jö̧tä̧ jȩttä̧cuo̧tö̧. Korotörö suronä jȩttä̧cuo̧tö̧. O'ca juiyönä adiu jȩä̧cuä̧huä̧ ttaboiyotö ttäcuotö.

Tito 1:7

Ya̧tȩ tta̧huä̧rä̧cuä̧huä̧ i̧sa̧ Dios i̧huȩnȩ tta̧'ä̧rö̧. Ja̧'hua̧nö̧ ja̧'a̧ttö̧ adiunätä jȩpö̧ kö̧. “Ttömä adihuä i̧sa̧sä̧” pä'ocö. O'ca päi'önä ra̧huä̧ri̧po̧cö̧. Ja̧u̧mä̧ tä̧'ä̧mo̧cö̧. Ja̧u̧mä̧ ahuaruhuäcu rohuähuocö. Ja̧u̧mä̧ pärätä rö̧ȩnä̧ amöcuädö ko̧cö̧.

Tito 2:3

Ja̧'hua̧ta̧nö̧ nä̧tö̧ böäcuächätörö'inä huo̧juȩti̧. Dios ä'ca jo̧mȩ adiu ttö̧jä̧cua̧'a̧nö̧. Ttahuaruhuärö yapareu huȩnȩ jittähuä'chö juiyäcua'a̧nö̧. Ja̧'hua̧ta̧nö̧ tä̧ttä̧mö̧ juiyäcua'a̧nö̧. Korotö ttä'ca jo̧mȩ adiu huo̧juȩtö̧ jȩttä̧cua̧'a̧nö̧.

Santiago 1:19

Chö̧jä̧hua̧tö̧, 'coruchi'ö pä̧nö̧ ä̧ju̧cuä̧tu̧cui̧. Adiu cuä̧ju̧cuä̧tu̧cu̧ o'ca'a ucuocuätucui. O'ca päi'önä cu̧ra̧huä̧rä̧tu̧cuä̧'.

Santiago 3:14

Ja̧'hua̧nö̧ ja̧'a̧ttö̧ ucutu cua̧'cua̧ ko̧mȩnä̧, cuami iso'quitucunä amöcuädö jȩcu̧'ä̧tu̧cu̧ttu̧mä̧, surojö jä̧'i̧nö̧'a̧nö̧ huotöjä. Ja̧'hua̧nö̧ jȩcu̧'ä̧tu̧cuo̧mȩnä̧: “Ujutu yoröiso huo̧juä̧tö̧jä̧” päcuhuätucuä'. Ja̧'hua̧nö̧ päcuhuätucuomenä, yapareu huȩnȩ ucuocuätöjä. Iso päi'önä huȩnȩ ä̧ppö̧tä̧rä̧tö̧jä̧.

Santiago 4:11

Chö̧jä̧hua̧tö̧, suronä cucuocuätucuä' korotörö. Ya̧tȩ ö̧jä̧hua̧rö̧ suronä ucuocumä, ja̧u̧ru̧ suronä jȩpö̧ pä'ömä, hueähuä huȩnȩ suronä ucuocu, hueähuä huȩnȩ suronä päa'a pä'ö. Ja̧'hua̧ ja̧'a̧ hueähuä huȩnȩ suronä päa'a päcuttumä, hueähuä huȩnȩ päö ta'anö jȩpo̧cö̧jä̧. Tä̧bo̧cuä̧ ttö̧ja̧ jö̧'a̧nö̧ jȩpö̧jä̧.

1 Pedro 2:1

Ja̧'hua̧nö̧ ja̧'a̧ttö̧ o'ca juiyönä suronä jȩä̧cuä̧huä̧'i̧nä̧, yapareu jiäcuähuä'inä, korotörö suronä ucuocuäcuähuä'inä, korotö ttu̧ju̧nä̧rö̧ pä̧huä̧ rö̧jö̧ toäcuähuä'inä jaropi'ätucui.

1 Juan 3:12

Caínmä, ähuettä i̧tti̧ ja̧'a̧ttö̧, ö̧jä̧hua̧rö̧ cuä'ö icuinö. Ja̧u̧ jȩi̧nö̧'a̧nö̧mä̧ jȩtö̧ juiyö'a̧nö̧ ja̧'a̧. ¿Tta̧'a̧nö̧ pä'ö ö̧jä̧hua̧rö̧ cuä'ö icuina'attö Caínmä? Caín suronä jȩa̧'a̧ttö̧, ö̧jä̧hua̧ adiu jȩi̧yä̧cu̧ cuä'ö icuinödo.

1 Juan 3:15

Ö̧jä̧hua̧rö̧ repe'ocömä, ttö̧ja̧rö̧ cuä'ö icuätö i̧sa̧ jä̧'i̧nö̧'a̧nö̧ kö̧. Ja̧'hua̧nö̧ ja̧'a̧ttö̧ ucutu huo̧juä̧tö̧jä̧ ttö̧ja̧rö̧ cuä'ö icuätömä, kä̧cuä̧huä̧ i'co jui'ätö.

Apocalipsis 12:10

Ja̧'hua̧ ja̧'a̧ttö̧ ya̧tȩ i̧huȩnȩ mo̧ro̧jä̧ra̧'a̧ttö̧ pä̧i̧cu̧nä̧ ucuocua'a ä̧ju̧cui̧nö̧sä̧. Ja̧u̧ huȩnȩ päina'a: —Ttö̧ja̧ suronä jȩttö̧ jȩpö̧ icuähuä'inä, Dios ujuru'inä, Tä̧do̧ ä̧cua̧ Dios hueähuä'inä, I̧tti̧ Cristo hueähuä'inä täcö ichäja'a. Ujutu tö̧jä̧hua̧tö̧rö̧ Tä̧do̧ ä̧cua̧ Dios ä'ca jo̧mȩttö̧ mo̧ro̧'i̧nä̧, yodo'inä suronä ucuocuinömä, täcö ya'opö tticuinäcu.