Efesios 4:28 - TÄ̧DO Ä̧CUÄ̧ I̧HUȨNȨ

²⁸ Nä̧u̧cuä̧ri̧nö̧mä̧, jitämä cu̧nä̧u̧cuä̧rä̧'. Ucutä cu̧mö̧nä̧tä̧ adiu aditi, korotö jui'ätörö cuiyäcua'a̧nö̧.

Nuevo Testamento Uwotjüja

²⁸ Nä̧u̧kuä̧rü̧ kki̧'ȩnü̧mä̧, yabonü̧mä̧ ku̧nä̧u̧kuä̧rä̧, aditütä kkä̧wi̧; ku̧mü̧nä̧ adiwä juei jȩpü̧ ku̧ju̧ttü̧mä̧, rekuä rü̧jä̧u̧ru̧ ppäkuädäkua̧jä̧.

Efesios 4:28 ပူးပေါင်းရင်းမြစ်များ

San Lucas 19:8

Ja̧'hua̧nö̧ ja̧'a̧ Zaqueo ä̧rä̧mi̧'ö̧ kä̧mä̧dö̧, pä'inödo Tu̧ru̧hua̧rö̧: —Chu̧ru̧hua̧, chi̧yä̧cua̧sä̧ chu̧ju̧nä̧ro̧mȩ ju'tome usurä isotörö. Yapareu jȩpö̧ chu̧nä̧u̧cuä̧'i̧jö̧ttö̧mä̧, pa̧ja̧cuä̧nö̧ jo̧mȩ yabocu ppa̧dä̧dä̧cua̧sä̧ jahuätörö.

San Lucas 3:8

Iso päi'önä pärocuäcutä cuamöcuädätucuttumä, adiunä ttu̧huo̧jua̧ pä'ö jȩpä̧tu̧cui̧. Cuamönätucunä cuamöcuädätucuä': “Ujutumä Abraham ahuaruhuä o'cotöjä.” Ttö pä'ösä ucuturu, pidu inäduttu Diosmä Abraham ahuaruhuä o'cotörö aditö'a̧nö̧ ja̧'a̧.

San Juan 12:6

Judas ja̧'hua̧nö̧ päomenä, usurä isotörö amöcuädö pä'ocö pi̧nö̧do. Ja̧u̧mä̧ nä̧u̧cuä̧rö̧ i̧sa̧ pi̧nö̧do. Ja̧u̧mä̧ jahuätö u̧huo̧juȩtä̧u̧ ttöäre pärätä tta̧huä̧ra̧'a̧ttö̧, ttöäre pärätättö nä̧u̧cui̧nö̧do.

San Juan 13:29

Chutä Judas, ttöäre pärätä tta̧huä̧ra̧'a̧ttö̧: “Koro juäi fiesta jȩttä̧cua̧'a̧ juäi ȩma̧ pä'ö pä'äjicö̧”, amöcuädinätödo. Ja̧'hua̧ta̧nö̧: “Koro juäi ȩmö̧ usurä isotörö iya pä'öcö̧”, amöcuädinätödo.

Romanos 12:13

Ppä'ädätucui Jesucristorö esetätörö recuä rö̧jä̧u̧ru̧. Ucuturu do'ächätörö, adiu ppä'ädätucui.

1 Corintios 4:12

Ja̧'hua̧ta̧nö̧ tu̧mö̧nä̧ aditö'inä 'cuä'ächi'ätöjä. Ttö̧ja̧ suronä huopätö ujuturu. Ja̧'hua̧nö̧ ja̧'a̧nä̧ adiunätä ädätätöjä. Suronä jȩpä̧tö̧ ujuturu. Ja̧'hua̧nö̧ ja̧'a̧nä̧ tami 'qui'ächi'ö ka̧cuä̧tö̧jä̧.

2 Corintios 8:12

Ya̧tȩ ami iso'quinä esetö, iya päöttömä, Dios ȩmä̧cua̧ u̧ju̧nä̧rö̧ttö̧ iyomenä. Ja̧u̧mä̧, Diosmä, juitomenä jä'epocö.

2 Corintios 8:2

Jahuätörö rö̧ȩnä̧ surojö 'cuäopomenä, iso päi'önä adiu esehuätö. Ja̧'hua̧ta̧nö̧ usurä isotö ja̧'a̧nä̧, järe ruhuotö ttiyö'a̧nö̧ iyinätödo.

Gálatas 6:10

Ja̧'hua̧nö̧ ja̧'a̧ttö̧ koronö'inä o'ca toi'önärö adiu jȩtö̧'a̧nö̧ ja̧'a̧. Iso päi'önä tö̧jä̧hua̧tö̧rö̧ Diosrö esetätörö adiu jȩtö̧'a̧nö̧ ja̧'a̧.

1 Timoteo 6:18

Ya̧tȩ järe ru̧hua̧ rö̧ȩnä̧ u̧ju̧nä̧ra̧'a̧ jä̧'i̧nö̧'a̧nö̧, rö̧ȩnä̧ adihuä juäi ttu̧ju̧nä̧rä̧cua̧'a̧nö̧, adiunätä jȩtta̧ pä'ö ji'ähuitö. Ttöäre'inä korotö jui'ätörö ttiya pä'ö ji'ähuitö.

Tito 3:14

Ujutu tahuaruhuä tö̧jä̧hua̧tö̧rö̧ huo̧juȩti̧ recuä rö̧jä̧u̧ru̧ iyö ppättäda pä'ö. Ja̧'hua̧nö̧ jȩpö̧ kä̧nö̧, adiu ttö̧ja̧cuä̧cuo̧tö̧.

Tito 3:8

Pi̧yȩ huȩnȩ iso päi'önä adihuä huȩnȩ. Pi̧yȩ huȩnȩ cu̧huo̧juȩta̧ pä'ösä, Diosrö esetätö adiu jȩtta̧ pä'ö. Pi̧yȩ huȩnȩ o'ca toi'önärö adiu päa'a.