Efesios 4:18 - TÄ̧DO Ä̧CUÄ̧ I̧HUȨNȨ

¹⁸ Jahuätömä yo̧ö̧nä̧ amöcuädätö. Ja̧'hua̧ta̧nö̧ jerupätö ttami iso'qui 'quitta'attö. Ja̧'hua̧nö̧ ja̧'a̧ttö̧ yoröiso Dios iyähuä kä̧cuä̧huä̧ jui'ätö.

Nuevo Testamento Uwotjüja

¹⁸ Juätümä̧ tta̧mü̧kuädü'i̧nä̧ yo̧ä̧chä̧chi̧nä̧u̧, Dio jäwä a̧'kua̧rä̧kuä̧wä̧ttü̧mä̧ otó wotü, yoriso jerupü tta̧mi̧ 'kittädäkuäwina̧'a̧ttü̧.

Efesios 4:18 ပူးပေါင်းရင်းမြစ်များ

San Mateo 13:15

Cuami iso'quimä 'quiyönä juoächi'ina'ado. Suronätä ä̧ju̧cuä̧tö̧jä̧. Cu'äre'inä mö̧'ȩpä̧rö̧ ka̧cuä̧tö̧jä̧ tocu'ätucu juiya pä'ö. Cuä̧ja̧nä̧'i̧nä̧ ä̧ju̧cuo̧co̧tö̧jä̧. Cuami iso'quitucunä 'cucuächi'önä ä̧ju̧cuo̧co̧tö̧jä̧. Ttörö'inä ppa̧'ä̧cho̧co̧tö̧jä̧ aditö chicuätucuacu pä'ö, pä'inödo Isaías.

San Marcos 3:5

Ja̧'hua̧ ja̧'a̧ttö̧ jahuätö ttu̧huo̧jua̧ pättoca'attö, ra̧huä̧rö̧nä̧nö̧ a̧'cua̧ tta̧'ȩcu̧nu̧ toinä̧u̧do. Ja̧u̧ u̧mö̧ joi'inäcuru pä'inödo: —Cu̧mö̧ te'ädi. U̧mö̧ te'ädinödo. Ja̧'hua̧nö̧ teädomenä, adiu päi'inäcudo.

San Juan 12:40

Jahuätörö ä̧to̧cä̧chö̧nä̧'i̧nä̧, ttami iso'qui 'quiyönä juoächönä jȩi̧nä̧u̧do Dios, ttö'ärenä'inä tottö juiya pä'ö, ttami iso'quinä'inä ttä̧ju̧cu̧ juiya pä'ö, ja̧'hua̧ta̧nö̧ jahuätörö aditö chicuatö pä'ö ttichö juiya pä'ö.

Hechos 17:30

Pä'äjimä ttö̧ja̧ jerupö jȩtti̧nö̧mä̧, Dios ja̧'a̧tä̧ ami 'qui'ächi'ö topinö. Jitämä o'ca toi'önärö pi̧jä̧ o'ca juiyönä ka̧cuä̧tö̧rö̧ Dios hue'ö suronä jȩttö̧mä̧ jaropi'ö pärocuäcutä ttamöcuäda pä'ö.

Hechos 3:17

“Ja̧'hua̧nö̧ ja̧'a̧ chahuaruhuä, huo̧jua̧sä̧ ucutu'inä curuhuotö'inä cuä'ö cuicuätucuomenä, cuieruhuätucua'attö cuä'ö icuinätöjä.

Romanos 1:28

Jahuätömä ttu̧huo̧jua̧ pä'ocotö Diosrö. Ja̧'hua̧nö̧ ja̧'a̧ttö̧ Dios jaroi'inä̧u̧, surojö amöcuädö jȩä̧cuä̧huä̧ jȩtta̧ pä'ö.

Romanos 11:25

Chö̧jä̧hua̧tö̧, Dios yä̧huä̧i̧nä̧ amöcuädinö huȩnȩ cu̧huo̧juä̧tu̧cua̧ pä'ösä, ucutu “huo̧jua̧sä̧” cuamöcuädätucu juiya pä'ö. Israel ttö̧ja̧mä̧ 'cuäopönä jarode'ocotö ttäcuotö. Judíos huocotöttö Dios oipinä̧u̧ ttesetome jubö päi'önä ttöarodäcuotö Israel ttö̧ja̧mä̧.

Romanos 11:7

Ja̧'hua̧nö̧ ja̧'a̧nä̧ ¿tta̧'a̧nö̧ ja̧'a̧cuä̧? Israel ttö̧ja̧ ttamönä jähuänätä usätömä, po̧cui̧po̧co̧tö̧ pi̧nä̧tö̧ ttusumä. Dios ȩmi̧nä̧u̧tä̧ po̧cui̧pi̧nä̧tö̧. Korotö järiyähuätö a̧'cua̧rö̧nä̧ hui̧nä̧tö̧.

Romanos 2:19

Ucu pä'öjä: “Ttömä ä̧to̧cä̧tö̧rö̧ odipö'a̧nö̧ ja̧'a̧. Yo̧ö̧cu̧ cue'ächätörö, chitejädö'a̧nö̧ ja̧'a̧.

1 Corintios 1:21

Diosmä huo̧jua̧ chutä jȩö̧. Dios hue'inödo pi̧jä̧ ttö̧ja̧ jitötä ttamönä huo̧juä̧huä̧nä̧ ttu̧huo̧jui̧'i̧yi̧ya̧rö̧ pä'ö. Chutä i̧huȩnȩ, korotö ttu̧'ȩpä̧ro̧co̧tö̧ ttucuocu'a̧nö̧ a̧'cua̧rö̧nä̧ pättö huȩnȩ ttesetomenä, suronä jȩttö̧ jȩpö̧ icua pä'inödo.

1 Corintios 2:8

Pi̧jä̧ ruhuotömä yoröiso jerupinätödo pi̧yȩ huȩnȩ. Iso päi'önä ttu̧huo̧jui̧nö̧ttö̧mä̧, adihuä Tu̧ru̧hua̧rö̧ cuä'ö icuocotö pi̧na̧ja̧tö̧.

2 Corintios 3:14

Jahuätömä yoröiso ä̧ju̧cuo̧co̧tö̧ pi̧nä̧tö̧do. Jitä mo̧ro̧ päi'önä, ja̧u̧ täbocö hueähuä huȩnȩ ttucuocuomenä, ja̧u̧ juäi i̧sä̧ta̧ ji̧nä̧ ra̧'a̧ jä̧'i̧nö̧'a̧nö̧ ja̧'a̧. Jitä'inä ttucuocumä yoröiso ä̧ju̧cuo̧co̧tö̧. Ja̧u̧ i̧sä̧ta̧ tto̧ȩcuä̧rä̧ta̧, ya̧tȩä̧tä̧ Cristotä jȩpö̧ icu.

2 Corintios 4:4

Jahuätö ttesetoca'attö, ähuettä, pi̧jä̧nä̧ kö̧, ttä̧to̧cä̧chö̧nä̧ jȩi̧nä̧u̧do, adihuä Cristo i̧huȩnȩ tȩa̧u̧ tottö juiyönä. Ja̧u̧ Cristo, Dios ja̧'a̧nä̧ pi̧jä̧nä̧ uhuäpinödo.

Gálatas 4:8

Pä'äjimä Diosrö cu̧huo̧juä̧tu̧cu̧ juiyäimä, ttu̧mö̧nä̧ adicuä, ttö̧ja̧ i̧sa̧ a̧'u̧cuä̧ adicuä, esetäcuähuä ttö̧ja̧ pi̧nä̧tö̧jä̧. Ja̧u̧ ä'coji cuesetinätucumä yoröiso Diosmäcö̧.

Efesios 2:1

Pä'äjimä ucutu suronä jȩpö̧ cuecuhuächätucuomenä, 'corupä'i'ätö jä̧'i̧nö̧'a̧nö̧ cue'ächinätöjä.

Efesios 2:12

Ja̧u̧nu̧ pä̧nä̧ ucutu jerupinätöjä Cristorö. Israel ttö̧ja̧ttö̧'i̧nä̧ i̧mi̧cu̧nä̧ ka̧cui̧nä̧tö̧jä̧. Ja̧'hua̧ta̧nö̧ Dios i̧huȩnȩ'i̧nä̧, Dios iya päinö huȩnȩ'i̧nä̧ jerupinätöjä. Ucutu pi̧jä̧nä̧ ka̧cui̧nä̧tö̧jä̧, yoröiso adihuä juäi huȩnȩ tta̧cu̧huä̧rä̧tu̧cuo̧ca̧'a̧. Ja̧'hua̧ta̧nö̧ Dios toönä ka̧cui̧nä̧tö̧jä̧, cuesetätucuoca'a.

Colosenses 1:21

Pä'äjimä ucutu Diosrö cuamöcuädätucumä oto huinätöjä. Yoröiso suronä amöcuädö jȩcu̧'ä̧tu̧cua̧'a̧ttö̧, Dios aboiyotö pi̧nä̧tö̧jä̧. Ja̧'hua̧nö̧ ja̧'a̧ttö̧ ucutu'inä cuesehuätucuarö pä'ö hue'inö, Cristo ubara ttu'u 'corupäi'omenä. Ja̧u̧ ja̧'hua̧nö̧ jȩpi̧nö̧, ucuturu chutä ä'ca jo̧mȩ adiu cu̧ja̧cuä̧tu̧cua̧ pä'ö, yoröiso surojö juiyönä.

1 Tesalonicenses 4:5

Diosrö esetocotö jȩttö̧'a̧nö̧mä̧, suronä amöcuädö, ucuturu pä̧huä̧ rö̧jo̧mȩnä̧tä̧ jȩpö̧, cuȩmä̧tu̧cuä̧' cuirecuarö.

Hebreos 5:2

Chutä sacerdote ru̧hua̧rö̧'i̧nä̧ korotörö 'cuäopö ta'anö, 'cuäopäcudo. Ja̧'hua̧nö̧ ja̧'a̧ttö̧ jerupätörö'inä, re'tehuächätörö'inä ami 'qui'ächi'ö kö̧.

Hebreos 9:7

Ja̧'hua̧nö̧ ja̧'a̧nä̧ juhua'a yabocu i̧so̧ca̧nä̧ sacerdote ru̧hua̧ koro a̧'ȩ'i̧nä̧, koro a̧'ȩ'i̧nä̧ ya'utenätä do'ächödo. Ju̧huo̧ca̧nä̧ doächomenä, äji cuäcuähuotö ttucuoja ȩpö̧do, chutä suronä jȩö̧'i̧nä̧, korotö suronä jȩttö̧'i̧nä̧ micuä päi'önä.

Santiago 4:4

Ucutu ttö̧ja̧ suropätö, ucutu unichi'ätöjä Diosrö, pi̧jä̧ jähuä amöcuädö. ¿Jerupätöjä tä̧ji̧? Pi̧jä̧ ahuaruhuä päi'önä ka̧cuä̧tö̧mä̧ Dios aboiyotö. O'ca toi'önä pi̧jä̧ ahuaruhuä päi'önä amöcuädätömä Dios aboiyotö pä'i'ätö.

1 Pedro 1:14

Ppo̧'ä̧tö̧ ttä'o hueö jȩttö̧'a̧nö̧, jȩpö̧ ka̧cuä̧tu̧cui̧. Diosrö cuesetätucu juiyäi cuamönätucu pä̧huä̧ rö̧jö̧tä̧ jȩcu̧'i̧nä̧tu̧cu̧'a̧nö̧mä̧, jȩcu̧'ä̧tu̧cuä̧'.

1 Juan 2:11

Ya̧tȩ ö̧jä̧hua̧rö̧ öjö'cö juiyönä kö̧mä̧, yo̧ö̧cu̧ kö̧, yo̧ö̧cu̧ cue'ächö. I̧'cha̧'a̧cu̧mä̧ jȩru̧pa̧. Ja̧u̧ yo̧ö̧ttö̧ ä̧to̧cä̧chö̧.