Efesios 3:5 - TÄ̧DO Ä̧CUÄ̧ I̧HUȨNȨ

⁵ Korotömä pä'äjimä jerupinätödo yoröiso ja̧u̧ huȩnȩ. Jitämä Dios i̧jȩpi̧nö̧do ja̧u̧ huȩnȩ Jesús hue'ähuotörö'inä, Dios i̧huȩnȩ jiäcuähuä isotörö'inä Espíritu Santonä huo̧juȩtö̧ ttami iso'quinä.

Nuevo Testamento Uwotjüja

⁵ jua̧u̧mä̧ tü̧tä̧mü̧ mi̧nä̧ ttü̧ja̧kui̧nü̧mä̧ ttu̧wo̧jui̧pa̧ pä'ümä̧ iyäwi'okü ji̧nü̧; ja̧'wa̧nü̧ ji̧na̧'a̧nä̧ jitämä̧, Epíritu-nä̧ apótore-rü'i̧nä̧, profeta-rü'i̧nä̧ Dio-mä̧ i̧jȩpi̧nü̧.

Efesios 3:5 ပူးပေါင်းရင်းမြစ်များ

San Mateo 13:17

Iso päi'önä pä'ösä ucuturu, recuätö adihuä isotö'inä, Dios i̧huȩnȩ jiäcuähuä isotö'inä totta pä'inätö ucutu tocu'ätucu. Ja̧'hua̧nö̧ ja̧'a̧nä̧ yoröiso topocotö pi̧nä̧tö̧. Ttä̧ju̧cua̧ pä'inätö ucutu cuä̧ju̧cuä̧tu̧cu̧. Ja̧'hua̧nö̧ ja̧'a̧nä̧ yoröiso ä̧ju̧cuo̧co̧tö̧ pi̧nä̧tö̧, —pä'ö huo̧juȩti̧nö̧do Jesús u̧huo̧juȩtä̧u̧ru̧.

San Mateo 20:7

Jahuätö ädätinätödo: “Tadita pä'ö hue'ocotö päjätö ujuturu.” Ja̧'hua̧nö̧ pättomenä, pätta ru̧hua̧ pä'inödo: “Ja̧'hua̧nö̧ jö̧ttö̧mä̧ ucutu'inä chö'ättanä aditäjätucui. Cuaditö micuähuome jo̧mȩ chi̧mi̧tä̧cua̧sä̧ ucuturu.”

San Mateo 23:34

Ja̧'hua̧nö̧ ja̧'a̧ttö̧ Dios i̧huȩnȩ jiäcuähuä isotörö'inä, rö̧ȩnä̧ huo̧juä̧tö̧rö̧'i̧nä̧, huo̧juȩcuä̧ huo̧juȩtä̧tö̧rö̧'i̧nä̧ huȩdä̧cua̧sä̧ ucuturu. Ja̧'hua̧nö̧ ja̧'a̧nä̧ korotörö cuä'ö icu, daunä pȩ'o̧pö̧ cu̧ju̧nä̧cuo̧tö̧jä̧. Korotörö judíos ttu̧huo̧jui̧'i̧nodehuiyättö cuäcuäcu'äcuotöjä. Ja̧'hua̧ta̧nö̧ jahuätö tto'ca'anä koromecu, koromecu cui̧'chä̧cuo̧tö̧jä̧, suronä jȩcu̧'ä̧tu̧cua̧ pä'ö jahuätörö.

San Lucas 10:24

Ttö pä'ösä ucuturu, recuätö Dios i̧huȩnȩ jiäcuähuä isotö'inä, recuätö ruhuotö'inä totta pä'inätö ucutu tocu'ätucu. Ja̧'hua̧nö̧ ja̧'a̧nä̧ yoröiso topocotö pi̧nä̧tö̧. Ttä̧ju̧cua̧ pä'inätö ucutu cuä̧ju̧cuä̧tu̧cu̧. Ja̧'hua̧nö̧ ja̧'a̧nä̧ yoröiso ä̧ju̧cuo̧co̧tö̧ pi̧nä̧tö̧.

San Lucas 11:49

“Ja̧'hua̧nö̧ ja̧'a̧ttö̧ Dios chutä u̧huo̧ju̧nä̧ pä'inödo: “Huȩdä̧cua̧sä̧ chi̧huȩnȩ jiäcuähuä isotörö'inä, hue'ähuotörö'inä. Jahuätöttö yotöcunärömä cuä'äu tticuäcuotö. Ja̧'hua̧ta̧nö̧ yotöcunärömä suronä jȩttä̧cuo̧tö̧.”

San Juan 14:26

Ja̧'hua̧nö̧ ja̧'a̧nä̧ Espíritu Santomä, Ppädäcuähuä I̧sa̧mä̧, Chä'o ttö chi̧mi̧nä̧ huȩä̧cua̧mä̧ o'ca juiyönä u̧huo̧juȩtä̧cua̧ ucuturu. Ja̧'hua̧ta̧nö̧ o'ca juiyönä ucuturu jidähuinömä cuamöcuädätucua pä'ö ji̧ä̧huä̧cua̧ ucuturu.

San Juan 16:13

Iso päi'önä Ppädäcuähuä I̧sa̧ Espíritu Santo ichomenä, ja̧u̧ iso päi'önä huȩnȩ u̧huo̧juȩtä̧cua̧ ucuturu. Chutä amönä amöcuädö ucuocuocö jä̧cua̧. O'ca juiyönä ä̧ju̧cuä̧ji̧tä̧ ji̧ä̧huä̧cua̧ ucuturu. Ja̧'hua̧ta̧nö̧ koronö 'cuäopä̧cuȩ'i̧nä̧ ji̧ä̧huä̧cua̧ ucuturu.

Hechos 10:28

Jahuätörö pä'inödo Pedro: —Ucututä huo̧juä̧tö̧jä̧ hueähuä huȩnȩ judíos ttö̧ja̧rö̧ huea'a korotö ttö̧ja̧cu̧ cuettächö juiya pä'ö, ja̧'hua̧ta̧nö̧ korotö ttojusodenä dottächö juiya pä'ö. Ja̧'hua̧nö̧ ja̧'a̧nä̧ Dios ttörö ji'ähuäji ya̧tȩrö̧'i̧nä̧ “Ucumä su̧ro̧pa̧jä̧. I̧di̧cua̧jä̧”, pädö juiya pä'ö.

Romanos 16:25

Diosrö eseunu tucuocuaja. Ja̧u̧ jȩä̧cua̧ juhua'a yabonö adiunä 'quiyönä cu̧ja̧cuä̧tu̧cua̧ pä'ö. Ja̧'hua̧nö̧ jȩä̧cua̧ ttö̧ja̧ suronä jȩttö̧ jȩpö̧ icu jidäu huȩnȩ'i̧nä̧, Jesucristorö huo̧juȩcuä̧ huȩnȩ'i̧nä̧ cuesetätucuomenä. Ja̧'hua̧ta̧nö̧ pi̧jä̧ juiyäi'inä, Dios yä̧huä̧i̧nä̧ amöcuädinö tu̧huo̧jua̧ pä'ö iyinö pi̧yȩ adihuä huȩnȩ.

1 Corintios 2:10

Iso päi'önä ja̧u̧ ttierumä Dios huo̧juȩti̧nö̧do ujuturu chutä Espíritu Santonä. Ja̧u̧ Espíritu Santo o'ca juiyönä Dios jähuä rö̧ȩnä̧ huo̧ju̧nä̧ ka̧cuä̧mö̧ huo̧jua̧.

Efesios 2:20

Ucutumä isode jä̧'i̧nö̧'a̧nö̧ huotöjä. Jesús hue'ähuotö'inä, Dios i̧huȩnȩ jiäcuähuä isotö'inä, jittähuinö huȩnȩ esetö ka̧cuä̧tö̧jä̧. Chutä Jesucristo ji̧nä̧ isocu adihuo'qui isode jueö isä'ca kö̧'a̧nö̧ kö̧do.

Efesios 3:9

Dios ttörö hue'inö o'ca toi'önärö jidäu ttu̧huo̧jua̧ pä'ö ja̧u̧ ttieru huȩnȩ. Täbocö kä̧mä̧dö̧ jitä mo̧ro̧ päi'önä Dios adita päinömä pi̧yȩ ji̧nö̧do. Ja̧u̧tä̧ Dios o'ca juiyönä aditinödo.

2 Pedro 3:2

Täbocö adihuä Dios i̧huȩnȩ jiäcuähuä isotö jittähuinö huȩnȩ cunichi'ätucuä'. Ja̧'hua̧ta̧nö̧ Tu̧ru̧hua̧ hueähuä huȩnȩ, Jesús hue'ähuotö ttu̧huo̧juȩti̧nö̧ huȩnȩ'i̧nä̧ ucuturu ttu̧huo̧juȩti̧nö̧mä̧ cunichi'ätucuä'.

Judas 1:17

Chö̧jä̧hua̧tö̧, Tu̧ru̧hua̧ Jesucristo hue'ähuotö ä'canä ka̧cui̧nä̧tö̧mä̧ jittähuinö amöcuädätucui.