Efesios 2:12 - TÄ̧DO Ä̧CUÄ̧ I̧HUȨNȨ

¹² Ja̧u̧nu̧ pä̧nä̧ ucutu jerupinätöjä Cristorö. Israel ttö̧ja̧ttö̧'i̧nä̧ i̧mi̧cu̧nä̧ ka̧cui̧nä̧tö̧jä̧. Ja̧'hua̧ta̧nö̧ Dios i̧huȩnȩ'i̧nä̧, Dios iya päinö huȩnȩ'i̧nä̧ jerupinätöjä. Ucutu pi̧jä̧nä̧ ka̧cui̧nä̧tö̧jä̧, yoröiso adihuä juäi huȩnȩ tta̧cu̧huä̧rä̧tu̧cuo̧ca̧'a̧. Ja̧'hua̧ta̧nö̧ Dios toönä ka̧cui̧nä̧tö̧jä̧, cuesetätucuoca'a.

Nuevo Testamento Uwotjüja

¹² Amükuädätukui ji̧yȩnü̧ mo̧ro̧mä̧ Crito-ttümä̧ otó winä̧tü̧jä̧, Irae ttü̧ja̧ttü̧'i̧nä̧ ikuikuotü winä̧tü̧jä̧. Ja̧'wa̧ta̧nü̧ Dio iya pä'ü esekuinü̧ttü̧'i̧nä̧ otó winä̧tü̧jä̧, tta̧'ä̧rü̧ kuamükuä̧rä̧tu̧ku̧'i̧nä̧ jui'inä̧tü̧jä̧, Dio-rü'i̧nä̧ pi̧jä̧ttü̧mä̧ to'inä̧tü̧jä̧.

Efesios 2:12 ပူးပေါင်းရင်းမြစ်များ

San Lucas 1:72

“Re rö̧jö̧nä̧ to̧chä̧cuä̧u̧jä̧,” pä'inö tä̧do̧tö̧ mi̧nä̧rö̧. “Adiu chucuocuinömä unichi'ocösä” pä'inö.

San Juan 10:16

Ja̧'hua̧ta̧nö̧ korotö chä̧ji̧mö̧ o̧vȩja̧stö̧ i̧so̧ca̧nä̧ ka̧cuo̧co̧tö̧do. Jahuätörö ȩmö̧ chi̧'chä̧cua̧sä̧. Ttö pädömä jȩttä̧cuo̧tö̧. Ja̧'hua̧nö̧ ja̧'a̧nä̧ o'ca toi'önä o̧vȩja̧stö̧ ji̧nä̧ yo̧mȩtȩ ttö̧ja̧cuä̧cuo̧tö̧. Ja̧'hua̧ta̧nö̧ ya̧tȩtä̧ adihuä tta̧huä̧rä̧cuä̧huä̧ i̧sa̧ ö̧jä̧cua̧.

San Juan 15:5

“Ttömä kada'ca hua̧sä̧. Ucutumä ä̧na̧jui̧yä̧ huotöjä. Ttörö todeunä cue'ächömä, ttö'inä ja̧u̧ru̧ todeunä chö̧ja̧'a̧ttö̧, rö̧ȩnä̧ u̧huä̧ju̧ u̧ju̧nä̧rä̧cua̧. Ucutumä ttörö toönä yoröiso jȩpo̧co̧tö̧jä̧.

San Juan 4:22

Ucutumä, Samaria ttö̧ja̧mä̧, cua̧'cua̧ cu̧huȩnä̧rä̧tu̧cu̧mä̧ jerupätöjä. Ujutumä ta̧'cua̧ tu̧huȩnä̧rö̧mä̧ iso päi'önä huo̧juä̧tö̧jä̧. Iso päi'önä ttö̧ja̧ suronä jȩttö̧ jȩpö̧ icuähuä, judíos ttö̧ja̧ttö̧ räopa'a.

Hechos 2:39

Ja̧'hua̧nö̧ iya pä'inö ucuturu'inä, cui̧tti̧mö̧rö̧'i̧nä̧, o'ca toi'önä oto ka̧cuä̧tö̧rö̧'i̧nä̧, o'ca toi'önä Tu̧ru̧hua̧ Dios huoä̧u̧ru̧mä̧, —pä'ö ädätinödo Pedro.

Hechos 28:20

Ja̧'hua̧nö̧ ja̧'a̧ttö̧ ucuturu huopäjisä ucuturu topö chucuocua pä'ö. Ujutu Israel ttö̧ja̧ esetö tta̧tä̧rä̧cu̧ru̧ jidähua'attö, pisa cuoräusanä nö̧'cä̧hua̧sä̧, —pä'inödo Pablo.

Hechos 3:25

Dios iya päinömä, i̧huȩnȩ jiäcuähuä isotörö päinömä, ucuturu'inä pä'inö. Ja̧'hua̧ta̧nö̧ ucutu cuä̧do̧tö̧ mi̧nä̧cu̧ amöcuädäcuähuä ucuocuomenä, Dios ucuturu'inä amöcuädinö. Ja̧'hua̧nö̧ pä'inö Abrahamrö: “Ucuttu isotöttö ppä̧dä̧dä̧cua̧sä̧ o'ca toi'önärö ruhuäcuiyä pa̧ja̧cu̧nä̧ ttö̧ja̧rö̧.”

Romanos 9:8

Ja̧'hua̧nö̧ ja̧'a̧ttö̧ ttidepättötä uhuäpächätömä, Dios i̧tti̧mö̧ huocotö. Dios päinö jȩpä̧tö̧tä̧, iso päi'önä Dios i̧tti̧mö̧ huotö.

Gálatas 4:8

Pä'äjimä Diosrö cu̧huo̧juä̧tu̧cu̧ juiyäimä, ttu̧mö̧nä̧ adicuä, ttö̧ja̧ i̧sa̧ a̧'u̧cuä̧ adicuä, esetäcuähuä ttö̧ja̧ pi̧nä̧tö̧jä̧. Ja̧u̧ ä'coji cuesetinätucumä yoröiso Diosmäcö̧.

Efesios 2:19

Ja̧'hua̧nö̧ ja̧'a̧ttö̧ jitämä ucutu kara'attö ichätö jä̧'i̧nö̧'a̧nö̧ huocotöjä. Jitämä o'ca toi'önä Dios i̧tti̧mö̧ cu'ätucua'attö, yorätehuätöjä. Ucutu Dios ahuaruhuä päi'önä ka̧cuä̧tö̧jä̧ jitä.

Efesios 4:18

Jahuätömä yo̧ö̧nä̧ amöcuädätö. Ja̧'hua̧ta̧nö̧ jerupätö ttami iso'qui 'quitta'attö. Ja̧'hua̧nö̧ ja̧'a̧ttö̧ yoröiso Dios iyähuä kä̧cuä̧huä̧ jui'ätö.

Colosenses 1:21

Pä'äjimä ucutu Diosrö cuamöcuädätucumä oto huinätöjä. Yoröiso suronä amöcuädö jȩcu̧'ä̧tu̧cua̧'a̧ttö̧, Dios aboiyotö pi̧nä̧tö̧jä̧. Ja̧'hua̧nö̧ ja̧'a̧ttö̧ ucutu'inä cuesehuätucuarö pä'ö hue'inö, Cristo ubara ttu'u 'corupäi'omenä. Ja̧u̧ ja̧'hua̧nö̧ jȩpi̧nö̧, ucuturu chutä ä'ca jo̧mȩ adiu cu̧ja̧cuä̧tu̧cua̧ pä'ö, yoröiso surojö juiyönä.

Colosenses 1:27

Dios judíos huocotörö ja̧u̧ ttieru huȩnȩ, adiu eseäcuähuä huȩnȩ, jiähua pä'inö. Pa̧'a̧nö̧ päa'a ja̧u̧ huȩnȩ: “Cristomä cuami iso'quinä kö̧. Ja̧u̧ru̧ tta̧'ä̧rö̧ ja̧u̧tä̧cu̧ cuesehuäcuähuäcuotöjä pä'ö.”

Colosenses 1:5

Ucutu amöcuädö tta̧'ä̧rä̧tö̧jä̧ adihuä juäi hua'adö ku̧nä̧huä̧ mo̧ro̧jä̧ra̧'a̧ttö̧ cuȩmä̧tu̧cuä̧cuȩ. Ucutumä ja̧'hua̧nö̧ tta̧'ä̧rä̧tö̧jä̧ iso päi'önä huȩnȩ, ttö̧ja̧ suronä jȩttö̧ jȩpö̧ icu huȩnȩ, cuä̧ju̧cuä̧tu̧cuo̧mȩnä̧.

1 Tesalonicenses 4:13

Tö̧jä̧hua̧tö̧, ujutumä kö'cocotöjä ucutu cuieruhuätucuomenä 'corupä'i'ätörö. Tu̧ru̧hua̧ Jesucristorö eseunu tta̧'ä̧ro̧co̧tö̧ jȩttö̧'a̧nö̧mä̧, cua̧'cua̧ tta̧cu̧huȩcuä̧tu̧cuä̧' ucutumä.

1 Tesalonicenses 4:5

Diosrö esetocotö jȩttö̧'a̧nö̧mä̧, suronä amöcuädö, ucuturu pä̧huä̧ rö̧jo̧mȩnä̧tä̧ jȩpö̧, cuȩmä̧tu̧cuä̧' cuirecuarö.

2 Tesalonicenses 2:16

Tu̧ru̧hua̧ Jesucristo'inä, Tä'o Dios'inä ujuturu repe'ö adiu eseäcuähuä'inä, adiu tta̧huä̧rä̧cuä̧huä̧'i̧nä̧ iyinö.

1 Timoteo 1:1

Ttö Pablo, Jesucristo huȩ'ä̧hua̧sä̧. Tu̧ru̧hua̧ Dios'inä, Tu̧ru̧hua̧ Jesucristo'inä huettömä jȩpö̧sä̧. Ja̧'hua̧ta̧nö̧ Jesucristorö esetö tta̧'ä̧rä̧tö̧jä̧.

Hebreos 11:34

Ocurä rö̧arä'inä na̧'ȩpö̧ icuinätödo. Jahuätörö curodänä cuä'ö tticua pä'ö ttu̧sä̧ro̧mȩnä̧, to'ipächinätödo. Juiyupätömä, juruhuinätödo. Rohuäcuähuänä ttaboiyotö'inä töttipächönä juruhuinätödo.

Hebreos 6:18

Ja̧'hua̧nö̧ ja̧'a̧ttö̧ koro juäi todäre jo̧mȩnä̧mä̧, yoröiso pärohuocö ja̧'a̧. Ja̧u̧ juäimä, Diosmä yoröiso yapareu pä'ocö. Ja̧u̧ juäi amöcuädö, Diosrö esetö kä̧nö̧, ujuturu ppä'ädö eseunu tö̧ja̧cua̧ pä'ö Dios iya päinö tta̧tä̧ro̧mȩnä̧.

Hebreos 8:6

Jesús ujutu ji̧nä̧ isocu sacerdote ru̧hua̧mä̧, ja̧u̧ juäittö'inä abonänö adiu jȩpö̧. Ja̧u̧ jareö huȩnȩ, korottö'inä abonänö adihuä juäi iyähuä huȩnȩ tta̧huä̧rä̧cuä̧huä̧ ru̧hua̧ päi'önä kö̧.

1 Pedro 1:21

Ucutumä Cristorö esetö kä̧nö̧, esetätöjä Diosrö. Ja̧u̧tä̧ Dios Cristorö, 'corupä'i'äjirö, tto'ädinö. Ja̧'hua̧ta̧nö̧ o'ca toi'önä ttucuotarö pä'ö hue'inö. Ja̧'hua̧nö̧ ja̧'a̧ttö̧ ucutu Diosrö amöcuädö tta̧'ä̧rä̧tö̧jä̧.

1 Pedro 1:3

Tu̧ru̧hua̧ Jesucristo Jä'o Diosrö teseäcuähuätucuaja. Dios ujuturu hue'inö jareönä tuhuäpächa pä'ö, Jesucristo 'corupäi'äja'attö ttoächinö huȩnȩ esetö. Ja̧'hua̧nö̧ esetö, adihuä juäi huȩnȩ tta̧'ä̧rä̧tö̧jä̧.

1 Pedro 3:15

Cristorötä, cuami iso'quitucunä Cu̧ru̧hua̧tu̧cu̧ päi'önä kö̧rö̧tä̧, ucuotätucui. Korotö ucutu tta̧cu̧huä̧rä̧tu̧cu̧ jättepöttömä, cuädätätucuä̧cuȩ ku̧nä̧rä̧tu̧cui̧. Cuädätätucuomenä, adiunä ucuotönö ädätö ucuocuätucui.

1 Juan 3:3

O'ca toi'önä Jesucristo jö̧ ta'anö pätti'a pä'ö esetö tta̧'ä̧rä̧tö̧mä̧, iso päi'önä suronä jȩä̧cuä̧huä̧ jaropi'ö ka̧cuä̧tö̧, Jesucristo suronä jȩä̧cuä̧huä̧ juiyönä ö̧jö̧ ta'anö.