Efesios 1:22 - TÄ̧DO Ä̧CUÄ̧ I̧HUȨNȨ

²² O'ca juiyönä Cristo ö̧jä̧pö̧ dȩa̧'a̧nä̧ rötinödo Dios. Ja̧'hua̧ta̧nö̧ ja̧u̧ru̧ esetätörö hue'inödo Cristorö ttu päi'önä ö̧ja̧ pä'ö.

Nuevo Testamento Uwotjüja

²² Dio-mä̧, o'kajuiyünä̧tä̧ Crito weü jü̧nä̧tä̧ kku̧ni̧nü̧ ja̧'wa̧ta̧nü̧ igresia-rümä̧ kkorojuei o'kajuiyünä̧ u jü̧nä̧ kku̧ni̧nü̧.

Efesios 1:22 ပူးပေါင်းရင်းမြစ်များ

San Mateo 16:18

Ttö pä'ösä ucuru, ucu cui̧mi̧mä̧ Pedro mi̧cua̧jä̧. Cui̧mi̧mä̧ inähuä pä'ö. Ja̧'hua̧ta̧nö̧ juhuähuä inähuänä iglesia isode ttadita'a jä̧'i̧nö̧'a̧nö̧ cha̧di̧tä̧cua̧sä̧ ttörö esetätörö. Ja̧'hua̧ta̧nö̧ 'corupäi'äcuähuä ttö chaditöttö'inä abonänö juruhuoca'a.

Hechos 20:28

Cuamönätucutä tta̧'ä̧rä̧cuä̧huä̧tu̧cui̧. O'ca toi'önä Tu̧ru̧hua̧rö̧ esetätörö'inä tta̧'ä̧rä̧tu̧cui̧. Espíritu Santo ucuturu hue'inö jahuätörö tta̧huä̧rä̧cuä̧huä̧ isotö päi'önä cu̧ja̧cuä̧tu̧cua̧ pä'ö. Tu̧ru̧hua̧mä̧ churutä esetätörö ȩmi̧nö̧ ucuojanä 'corupäi'omenä.

1 Corintios 11:3

Ja̧'hua̧nö̧ ja̧'a̧nä̧ ucutu cu̧huo̧juä̧tu̧cuä̧cua̧'a̧nö̧ pä'ösä, Cristo o'ca toi'önä pi̧jä̧ ttö̧ja̧ u̧mä̧tö̧ Ttu̧ru̧hua̧ päi'önä kö̧. Ja̧'hua̧ta̧nö̧ Dios chutä Cristo U̧ru̧hua̧ ö̧jö̧'a̧nö̧, ubo'inä irecua ku̧ru̧hua̧ päi'önä kö̧.

Efesios 3:21

¡Diosrö esetätörö amöcuädö, 'cuäopönä teseäcuähuätucuaja Diosrö! Ja̧'hua̧ta̧nö̧ Cristo Jesúsru esetö, jitä'inä, yodoji'inä, 'cuäopönä teseäcuähuätucuaja Diosrö. Amén.

Efesios 5:23

Ubomä irecua ku̧ru̧hua̧ päi'önä kö̧, Cristo Diosrö esetätörö Ttu̧ru̧hua̧ päi'önä ö̧jö̧ ta'anö. Ja̧u̧tä̧ Cristo, chutä jä̧ttä̧pä̧ya̧ huotö, Diosrö esetätö, suronä jȩttö̧ jȩpö̧ icu.

Colosenses 1:18

Ja̧'hua̧ta̧nö̧ ja̧u̧mä̧, Cristomä, o'ca toi'önä ja̧u̧ru̧ esetätörö, ja̧u̧ jä̧ttä̧pä̧ya̧ huotörö, Tu̧ru̧hua̧ päi'önä kö̧. Ja̧u̧ jahuätörö tta̧'cua̧rö̧ iyö. Ja̧u̧ hua'arettö ä'canä tto'ächinö. Ja̧'hua̧nö̧ ja̧'a̧ ja̧u̧ o'ca juiyönä ä'canä ö̧jä̧cua̧.

Colosenses 1:8

Ja̧'hua̧ta̧nö̧ ja̧u̧ ji'ähuinö ujuturu, ucutu Espíritu Santo ppäda'anä repecuhuätucua'a.

Colosenses 2:10

Ja̧'hua̧ta̧nö̧ ucutu'inä o'ca juiyönä ku̧nä̧rä̧tö̧jä̧, Cristorö ji̧nä̧ yo̧mȩtȩ cuesetätucuomenä. Ja̧u̧mä̧ o'ca toi'önä pi̧jä̧ isoppanä huȩ'ä̧rä̧tö̧rö̧ ttu̧ru̧hua̧ päi'önä kö̧.

Colosenses 2:19

Jahuätömä Cristorö esetocotö. Ja̧u̧ Cristo ujutu, chutä jä̧ttä̧pä̧ya̧ huotö, Tu̧ru̧hua̧ päi'önä kö̧. Ja̧u̧ tujuru iyö. Ja̧'hua̧ta̧nö̧ ji̧nä̧ yo̧mȩtȩ tö̧ja̧ pä'ö tta̧'ä̧rö̧, recuätö juotächa pä'ö. Ja̧'hua̧nö̧ jȩpö̧ Diosrö pä̧huä̧ rö̧jo̧mȩnä̧.

1 Timoteo 3:15

Jurunänö chichö juiyöttömä, Dios i̧tti̧mö̧ kä̧cuä̧huä̧ cu̧huo̧jua̧ pä'ö huȩyu̧tu̧sä̧. Jahuätömä, Dios i̧tti̧mö̧mä̧, Dios kö̧rö̧ esetätö. Jahuätömä adihuä huȩnȩ esetö tta̧'ä̧rä̧tö̧.

Hebreos 2:8

Ja̧'hua̧ta̧nö̧ o'ca juiyönä rötinöjä ö̧jä̧pö̧ dȩa̧'a̧nä̧, päa'a Huȩyu̧cuä̧ Huȩnȩ. Ja̧'hua̧nö̧ ja̧'a̧ttö̧ ubo ö̧jä̧pö̧ dȩa̧'a̧nä̧ o'ca juiyönä rötinödo Dios päomettö, iso päi'önä o'ca juiyönä huea pä'ö hue'inödo päa'a. Yoröiso pi̧'o̧cö̧ ji̧nö̧do. Ja̧'hua̧nö̧ ja̧'a̧nä̧ ji̧nä̧ o'ca juiyönä huea'amä topocotöjä.